Víkurfréttir - 07.03.2019, Blaðsíða 27

HJÓLABÚÐIN EHF Í REYKJANESBÆ ER TIL SÖLU.
Um er að ræða lager og áhöld.
Hjólabúðin er eina reiðhjólabúðin og verkstæðið í Reykjanesbæ
og bíður upp á mikla vaxtarmöguleika.
Uppl á hjolabud@gmail.com eða í síma 660 4424
Störf í boði
hjá Reykjanesbæ
Heiðarskóli – skólastjóri
Umhverfissvið – tæknifulltrúi
Öspin – þroskaþjálfi, sérkennari og skólaliðar
Umhverfismiðstöð – tveir starfsmenn í 100% störf
Vinnuskólinn – yfirflokkstjóri, sumarstarf
Vinnuskólinn – flokkstjóri, sumarstarf
Hjómahöll – hljóðmaður/verkefnisstjóri
Umsóknir í auglýst störf skulu berast rafrænt gegnum
vef Reykjanesbæjar, Stjórnsýsla: Laus störf. Þar eru
jafnframt nánari upplýsingar um auglýst störf.
Viðburðir
í Reykjanesbæ
Safnahelgi á Suðurnesjum - viðburðir í Duus Safnahúsum
Bátasafn: Pappírsbátagerð og ratleikur 9. og 10. mars, opið 12-17
Byggðasafn: Leiðsögn um sýninguna Við munum tímana
tvenna sunnudag kl. 14.00
Listasafn: Leiðsögn um sýninguna Teikn sunnudag kl. 15.00

Bókasafn Reykjanesbæjar - viðburðir framundan
Fimmtudagurinn 7. mars kl. 11-12: Foreldramorgunn.
Fræðsluerindi um frjálsan leik barna frá leikskólakennurum
Vesturbergs. Laugardagurinn 9. mars kl. 11.30: Sögustund
með Margréti Tryggvadóttur um Veröld vættanna á vegum
Reykjanes Geopark. Þriðjudagurinn 12. mars kl. 20:
Fyrirlestur með Matta Ósvald um Karlmenn og krabbamein
í tilefni Mottumars. Ókeypis aðgangur og allir velkomnir.
árið 1935 frá Grindavík en þá var ég
fjórtán ára og fékk 150 krónur fyrir
veturinn. Ég fékk hálfan hlut því ég
var nýgræðingur. Ég þurfti að kaupa
stakk fyrir tíu krónur og stígvél fyrir
tólf krónur af þessum peningum. En
ég fékk frían mat um borð. Fólk var
glatt og þakklátt fyrir lítið á þessum
tíma.“
Grindavík er góður staður
„Hér í Grindavík hef ég alltaf kunnað
vel við mig, það er voðalega gott að
vera hér. Það er búið að gera þessa
fínu höfn hérna. Ég byrjaði á því
að kaupa mér trillu sem var eitt
og hálft tonn. Ég fiskaði mikið á þá
trillu, þetta var happabátur. Ég fékk
gamlan mann, Magnús Hafliðason
frá Hrauni í Grindavík, til að vera
með mér. Hann sótti mikið sjó. Þetta
var einhver elskulegasti maður sem
ég þekkti. Hvað mér þótti undarlegt
að hann kom stundum yfir til okkar
á Skála með fullan poka af fiski sem
hann bar á bakinu. Ég ákvað ungur að
hjálpa honum seinna ef hann þyrfti.
Við rérum saman í þrjátíu ár og hann
var alveg stórskemmtilegur maður.“
Uppskrift að langri ævi
„Ég finn ekkert til, ég týni ekki neinu
svona, ég man bara allt. Stóra málið í
lífinu er að hafa alla með sér. Ég hef
aldrei lent í neinum ryskingum, aldrei
nokkurn tímann. Ég hef aldrei sýnt
neinum óvild. Almættið er alltaf hjá
mér. Þess vegna er ég svo heilbrigður
á sálinni, það er staðreynd. Ég réri
stundum einn á bát og lengi en ég fann
aldrei fyrir hræðslu, aldrei nokkurn
tímann því það hefur alltaf verið þetta
almætti yfir mér sem ég hef alltaf
trúað á. Ég er ekki í neinum vafa með
það. Ég hræðist ekki dauðann. Ég
bjó til eina vísu um lífið og dauðann.
Lífið það er margslungið,
mæðir ríka og snauða,
engin getur umflúið
þennan líkamsdauða.
Líkaminn verður alltaf eftir. Ég veit
svo ekkert meira hvað verður um
sálina. Þegar kallið kemur þá kaupir
sér engin frí.“
Ekki hrifin af ráðamönnum
þjóðarinnar
„Mér finnst voða lítið gott við nú-
tímann. Hver höndin er upp á móti
annarri. Hugsaðu þér til dæmis eins
og núna þegar verið er að semja um
kaup og kjör almennings. Svo rísa allt
í einu bankastjórar upp og eru að fá
48% kauphækkun. Heldurðu að þetta
liðki fyrir samningum? Þeir bjuggu
til verðbætur og verðbólgu en þetta
er hvergi til í heiminum nema hér.
Þetta drepur niður fátæka fólkið sem
þarf að byggja upp. Auðvitað hefðum
við það betra ef verðbólguvísitala
væri ekki þá værum við ekki alltaf
að borga sömu töluna. Það kemst
aldrei neitt í það horf sem það á vera
þegar vextir og verðbólguvísitala er að
stjórna þessu öllu. Þegar ég er farinn
af jörðunni þá skiptir þetta mig engu
máli því ég kem aldrei hingað aftur.
Það sem fer kemur aldrei aftur. Þegar
það kemur aftur þá eru það draugar,
framliðnir. Þetta líf er bundið við
þessa jörð og það er búið þar með.
Það lifir engin lengur en einu sinni.
Ég hef enga trú á endurfæðingu nema
í gegnum afkomendur okkar. Ég á þó
nokkuð af afkomendum og konan mín
líka. Ég er voða hrifinn af börnum.
Ég eignaðist sjálfur þrjú börn með
fyrri konu minni, einn dreng og tvær
stúlkur. Ég giftist fyrri konu minni
Ingunni árið 1944. Hún átti heima
í Flóa þegar ég kynntist henni. Við
skildum en í dag er ég kvæntur Erlu
Stefánsdóttur. Hún átti sex börn og
var ekkja þegar ég kynntist henni. Það
var guðs blessun að við náðum saman.
Við erum svo ánægð með að hafa hitt
hvort annað. Ég bað almættið um að
senda mér konu og hann sendi mér
Erlu sem er eins og engill. Okkur líður
vel saman.“
Lífið hans Jóns
„Ég les mikið af bókum. Reyki ekki,
ekkert tygg. Tek ekki í nefið. En
í staupið ögn ég þigg ef að mér er
gaukað. Hinrik gaf mér pela um dag-
inn þegar hann kom frá Kanaríeyjum.
Ég hef samt alltaf verið reglumaður
um ævina. Aldrei lent í neinu. Það
var oft hræðilegt þegar menn komu
í land hér áður fyrr en ég hef aldrei
lent í neinu. Ég borða hádegismat
hér í Víðhlíð en svo borðum við Erla
hérna uppi hjá okkur á kvöldin og um
helgar. Við gerum þetta sjálf.“
Draumar sem boðuðu
allsnægtir
„Ég dreymdi það að ég var með svo
mikið af skítapokum, átján nítján
stykki og ég hugsaði með mér að
þetta væri fjandans vitleysa þegar
ég vaknaði. Svo fer ég til sjós og
fram á nesið og var að draga karfa
og þorsk. Þá heyri ég smell frammi í
vélarrúmi og fer niður og sé að það
er slitinn reim. Ég gat ekki verið á
sjó rafmagnslaus svo ég fer í land til
að kaupa reim. Þá hugsa ég með mér
að ég verði að kaupa mér lottómiða
fyrst ég var kominn í land. Þarna vann
ég átjánhundruð þúsund krónur. Ég
er ekki skyggn, þetta er náttúruleg
gáfa sem öllum er gefin og þurfa að
fylgjast með draumum sínum. Þetta
er ekki hindurvitni og svona draumar
koma yfirleitt fram daginn eftir. Brim
táknar fiskerí hjá mér. Svo var það
annar draumur þegar ég var á Þor-
birninum á síld 1961 með Þóri Ólafs-
syni skipstjóra. Mig dreymir það að
Þórir sé farinn í land með bátinn og
það sé komið versta veður. Svo ríður
yfir holskefla á Þorbjörninn og það
er ekkert uppúr nema möstrin. Ég
segi þeim um borð daginn eftir að
draumurinn sé fyrir því að við fáum
fullan bát af síld og þetta verði áður
en ég sofna næst. Við fórum svo á
ball um kvöldið á Norðfirði vegna
veðurs. Við förum niður í bát um tvö-
leytið um nóttina og ég segi svona við
Þóri að nú sé líklega komið sjóveður
úti. „Af hverju heldurðu það?“ spyr
hann. „Það var mál manna,“ segi ég
við hann, „að þegar það er hætt að
ganga inn í firðina þá væri komið
sjóveður úti.“ „Farðu og gáðu að strák-
unum,“ segir hann og segir mér að
sleppa og við fórum út. Við fórum að
syngja á leiðinni út á mið, Þórir og ég.
Hann var söngelskur og ég gat tekið
allar raddir. Voða gaman. Eftir rúman
klukkutíma þá sjáum við torfu og
það er kastað í torfuna og við fyllum
bátinn. Klukkan níu um morguninn
komum við aftur inn á Norðfjörð og
þar eru allir hinir bátarnir bundnir
við bryggju. Eftir draumnum. Hann
sagði við mig að það væru ekki allir
svona heppnir að hafa mann eins og
mig um borð, sem var alltaf svona já-
kvæður og berdreyminn. Já, ég þakka
Guði fyrir hvað ég er vel gerður og
hef lifað súrt og sætt með eðlilegum
hætti,“ segir Jón að lokum og við
kveðjum þennan mæta mann.
Jón og Erla eiginkona hans.
„Hvað mér þótti undarlegt að hann kom stundum yfir til okkar á
Skála með fullan poka af fiski sem hann bar á bakinu. Ég ákvað ungur
að hjálpa honum seinna ef hann þyrfti. Við rérum saman í þrjátíu ár
og hann var alveg stórskemmtilegur maður.“
Ísólfsskáli austan Grindavíkur.
27MANNLÍF Á SUÐURNESJUM f immtudagur 7. mars 2019 // 10. tbl. // 40. árg.MANNLÍF Á SUÐURNESJUM