Fréttablaðið - 16.05.2019, Page 6

Garðtraktorar
fyrir þá kröfuhörðu
Gerir sláttinn auðveldari
ÞÓR FH
Akureyri:
Baldursnes 8
603 Akureyri
Sími 568-1555
Opnunartími:
Opið alla virka daga
Lokað um helgar
Reykjavík:
Krókháls 16
110 Reykjavík
Sími 568-1500
Vefsíða og
netverslun:
www.thor.is
2 x 1 0
– B A R A G Ó Ð U R –
Í S L E N S K U R G Ó Ð O S T U R
TILBOÐ!
Borgarfulltrúar Mið-
flokksins og Flokks
fólksins skrifuðu undir
ársreikning Reykjavík-
urborgar með fyrirvara.
Forseti borgarstjórnar
sakar fulltrúana um
lélega niðurrifspólitík.
REYKJAVÍK Það var mikill hiti á fundi
borgarstjórnar í kringum undirritun
ársreiknings borgarinnar. Borgar­
fulltrúar Miðf lokksins og Flokks
fólksins skrifuðu undir ársreikning
Reykjavíkurborgar með fyrirvara
um að ekki væri verið að leggja
blessun sína yfir fjárútlát sem fóru
fram úr fjárheimildum í fyrra.
Sjálfstæðismenn létu álit frá
Trausta Fannari Valssyni, dósent
við lagadeild HÍ, fylgja sinni undir­
ritun. Þar kemur fram að undirrit­
un feli ekki í sér samþykki á ólög­
mætum fjárheimildum. Álit Trausta
Fannars átti ekki að koma fram
fyrr en á borgarráðsfundi í dag og
bað Örn Þórðarson, borgarfulltrúi
f lokksins, um frestun á undirritun
þar til búið væri að birta álitið.
Líf Magneudóttir, oddviti Vinstri
grænna, sagði það reginhneyksli
að vísa í álit sem væri ekki komið
fram. „Ég næ ekki þessari umræðu.
Mér finnst þetta hneyksli. Regin­
hneyksli að vera að vísa í álit sem
hefur enn ekki verið lagt fram.“
Í minnisblaði fjármálaskrifstofu
borgarinnar frá því í mars kemur
fram að undirritun ársreiknings
jafngildi því að samþykkja öll fjár­
útlát sama hvort þau hafi farið fram
úr fjárheimildum eða ekki. Vigdís
Hauksdóttir, borgarfulltrúi Mið­
flokksins, var ekki búin að ákveða
sig fyrir fundinn, hvort hún ætlaði
yfirleitt að skrifa undir ársreikning­
inn. „Ef fjármálaskrifstofan hefur
rétt fyrir sér værum við þá að sam­
þykkja allt sem var ekki búið að fá
heimild fyrir á síðasta ári, eins og
Mathöllina á Hlemmi og Braggann.
Það tvennt eru 150 milljónir. Þetta
stenst ekki neina einustu skoðun,“
segir Vigdís.
Fyrir helgi sendi endurskoð­
unarstofan Grant Thornton bréf á
borgarfulltrúa að beiðni fjármála­
skrifstofunnar þar sem segir að
borgarfulltrúum beri að undirrita
ársreikninginn nema hann sé bein­
línis rangur. Kolbrún Baldursdóttir,
borgarfulltrúi Flokks fólksins, telur
minnisblaðið runnið undan rifjum
meirihlutans. „Það er alveg ljóst að
borgarstjóri þolir ekki tilhugsunina
um að fá einhverja fyrirvara inn í
þetta. Og það hefur sennilega aldr­
ei gerst.“
Dóra Björt Guðjónsdóttir, forseti
borgarstjórnar, er ekki sátt við mál­
flutning minnihlutans. „Mér finnst
þetta bera vott um skilningsleysi á
grundvallaratriðum í stjórnsýslu
borgarinnar. Opinberar bæði van­
þekkingu og pólitískan vilja til þess
að skemma fyrir meirihlutanum,
alveg sama hvað. Þetta er léleg
niðurrifspólitík,“ segir Dóra Björt.
Þórdís Lóa Þórhallsdóttir, for­
maður borgarráðs, hafnaði alfarið
málflutningi borgarfulltrúa minni­
hlutans. „Þetta er ekki kúgun frá
meirihlutanum, þetta er ekki mín
skoðun, þetta eru bara staðreyndir,“
sagði Þórdís Lóa á fundi borgar­
stjórnar. „Ekki bulla, verum ábyrg,
til þess erum við kosin. Við erum
ekki hér til að fara með f leipur,
rugla og róta upp til að halda vit­
leysunni gangandi.“
Pawel Bartoszek, borgarfulltrúi
Viðreisnar, segir ársreikninginn
einfaldlega lýsa f járhagsstöðu
borgarinnar. Hann tekur fram að
hann vilji ekki segja öðrum borg­
arfulltrúum fyrir verkum. „Ytri og
innri endurskoðun hafa lýst skoðun
sinni um að hann sé tækur til undir­
ritunar og ég hef enga ástæðu til að
draga það í efa.“ arib@frettabladid.is
Ársreikningur veldur
harðvítugum deilum
Vigdís Hauksdóttir, oddviti Miðflokksins, var ekki sátt við að undirrita ársreikninginn. FRÉTTABLAÐIÐ/ERNIR
Ég næ ekki þessari
umræðu. Mér finnst
þetta hneyksli. Regin-
hneyksli að vera að vísa í álit
sem hefur enn
ekki verið lagt
fram.
Líf Magneudóttir,
borgarfulltrúi
Vinstri grænna.
BANDARÍKIN Ríkisstjórar fjögurra
bandarískra ríkja, Georgíu, Ken­
tucky, Mississippi og Ohio, hafa
það sem af er ári undirritað nýja
og herta löggjöf um þungunarrof.
Valdhafar í ríkjunum fjórum hafa
nú bannað þungunarrof ef hægt er
að greina hjartslátt fósturs.
Samkvæmt Breska ríkisútvarp­
inu benda andstæðingar þessara
hertu laga á að með þeim sé í raun
verið að banna þungunarrof nærri
alfarið. Hjartsláttur getur fyrst
greinst á sjöttu viku og svo snemma
viti stór hluti óléttra ef til vill ekki
af óléttunni.
Alabama bættist í þennan ríkja­
hóp á þriðjudag og bannaði þung­
unarrof nema ólétt kona sé í bráðri
lífshættu. Öldungadeild ríkisþings­
ins í Alabama hafnaði því aukin­
heldur með 25 atkvæðum gegn sex
að undanþágur yrðu gerðar í þeim
tilfellum þar sem ólétta kom til við
nauðgun eða sifjaspell.
Samkvæmt nýju löggjöfinni í Ala­
bama geta þeir læknar sem fram­
kvæma þungunarrof átt von á allt
að 99 ára fangelsisdómi. Þeim sem
vilja láta rjúfa meðgöngu sína verð­
ur hins vegar ekki refsað. Stjórn­
málamenn úr f lokki Repúblikana
stóðu fyrir löggjöfinni í öllum ríkj­
unum fimm.
Demókratar hafa gagnrýnt þessar
aðgerðir andstæðinga sinna harð­
lega, en frumvörp um herta þung­
unarrofslöggjöf eru til umræðu
í 28 ríkjum Bandaríkjanna. Þeir
Demókratar sem nú sækjast eftir
útnefningu f lokksins til forseta­
framboðs töluðu af hörku gegn
frumvörpunum og nýju lögunum
í kosningabaráttunni. Öldunga­
deildarþingmaðurinn Bernie Sand­
ers, sem mælist næstvinsælastur
frambjóðenda, sagði til að mynda
að löggjöfin í Alabama bryti gegn
stjórnarskrá og hundsaði réttindi
kvenna til yfirráða yfir eigin lík­
ama. – þea
Harðnandi aðför að fóstureyðingum
Lengi hefur verið deilt um fóstureyðingar vestanhafs. NORDICPHOTOS/AFP
SAMFÉLAG Nokkrir eigendur fast­
eigna á Grandanum freista þess nú
að koma í veg fyrir starfrækslu gisti­
skýlis fyrir heimilislausa á svæðinu
með kæru til úrskurðarnefndar
umhverfis­ og auðlindamála.
Í nóvember samþykkti borgarráð
kaup á húsnæði við Grandagarð
undir gistiskýli fyrir unga heimilis­
lausa karlmenn í verulegum vímu­
efnavanda. Gistiskýlið mun rúma
15 einstaklinga í einu og verða opið
frá 17 síðdegis til tíu á morgnana.
Krafist er ógildingar á leyfisveit­
ingu til innréttingar gistiskýlisins
með vísan til þess að starfsemin
samræmist hvorki skipulagsáætlun­
um né lóðarleigusamningi. Borgin
telur hins vegar að um þjónustu­
starfsemi sé að ræða og því í fullu
samræmi við skipulag svæðisins.
Kærendur telja star f ræk slu
gistiskýlis ekki samræmast þeirri
starfsemi sem fyrir er á svæðinu en
í kærunni er svæðinu lýst sem einu
mest spennandi svæði borgarinnar
undir veitinga­ og verslunarstarf­
semi og raunar undir allar tegundir
atvinnustarfsemi, hönnunarvinnu
og nýsköpunar. Fjöldi fyrirtækja
á Grandanum aukist hratt, mikill
áhugi sé á vannýttu húsnæði og
lóðum og fjöldi gesta á svæðinu fari
hratt vaxandi.
Verulegum áhyggjum er lýst af
því að gistiskýli falli illa að starf­
seminni á svæðinu og muni verða
til þess að hamla frekari þróun og
uppbyggingu þar. Vísað er til þess
að gistiskýlið verði sérstaklega
ætlað sprautufíklum og um þá segir
í kærunni: „Ljóst er að slíkum hópi
manna munu fylgja ýmiss konar
félagsleg vandamál sem munu koma
harkalega niður á þeirri starfsemi
sem nú blómstrar á svæðinu.“
Ekki er þó skýrt nánar í kærunni
hvernig umrædd félagsleg vanda­
mál muni bitna á hinni blómlegu
starfsemi. – aá
Kæra áform um gistiskýli
Reykjavíkurborg hyggst opna gistiskýli úti á Granda. FRÉTTABLAÐIÐ/STEFÁN
1 6 . M A Í 2 0 1 9 F I M M T U D A G U R6 F R É T T I R ∙ F R É T T A B L A Ð I Ð
1
6
-0
5
-2
0
1
9

0
7
:3
3
F
B
0
6
4
s
_
P
0
5
9
K
.p
1
.p
d
f
F
B
0
6
4
s
_
P
0
5
4
K
.p
1
.p
d
f
F
B
0
6
4
s
_
P
0
0
6
K
.p
1
.p
d
f
F
B
0
6
4
s
_
P
0
1
1
K
.p
1
.p
d
f
A
u
to
m
a
ti
o
n
P
la
te
r
e
m
a
k
e
:
2
3
0
1
-A
E
D
C
2
3
0
1
-A
D
A
0
2
3
0
1
-A
C
6
4
2
3
0
1
-A
B
2
8
2
7
5
X
4
0
0
.0
0
1
5
B

F
B
0
6
4
s
_
1
5
_
5
_
2
0
1
9
C
M
Y
K