Morgunblaðið - 15.02.2019, Blaðsíða 6

Kr. 39.900,-
Kr. 8.990,- 20 cm
Kr. 9.990,- 24 cm
Kr. 10.990,- 28 cm Kr. 12.990,- 32 cm
Kr. 9.900,-
Kr. 16.900,-
Kr. 14.900,-
Kr. 49.900,-
Vörur fyrir eldhúsið
Ný aj vö r
d n
Ko ar p t a
ö r
e k n a akk
DEBUYER 6206.14
DEBUYER 6206.16
DEBUYER 2011.01
DEBUYER 2015.33
DEBUYER 8780.24
DEBUYER 8780.DEBUYER 8780.28
DEBUYER 7664.35
DEBUYER 8780.20
Opnunartímar:
Virka daga kl. 10-18
Laugardaga kl. 11-15 ormsson
Netverslun
6 FRÉTTIRInnlent
MORGUNBLAÐIÐ FÖSTUDAGUR 15. FEBRÚAR 2019
Norska fiskeldisfyrirtækið SalMar
ASA keypti í gær hlutabréf tveggja
íslenskra fyrirtækja í Arnarlaxi fyrir
tæplega 2,5 milljarða íslenskra
króna. Fyrirtækið átti fyrir tæplega
42% eignarhlut beint og óbeint í
gegnum eignarhaldsfélög og á nú
rúman meirihluta hlutafjár, 54,23%.
Jafnframt hefur fyrirtækið gert öll-
um hluthöfum tilboð um að kaupa
bréf þeirra á örlítið hærra verði,
samtals fyrir 9,4 milljarða króna.
Arnarlax er stærsta fiskeldisfyrir-
tæki landsins. Það var stofnað á
Bíldudal á árinu 2009 og yfirtók síð-
ar Fjarðalax og er nú með starfsemi
á Bíldudal, í Hafnarfirði, Þorláks-
höfn og Bolungarvík. Hjá því eru um
100 starfsmenn.
Viðurkenning á starfinu
SalMar er eitt af stærstu fiskeld-
isfyrirtækjum Noregs. Það er al-
menningshlutafélag, skráð í norsku
kauphöllinni. „Ég vil benda á hið
augljósa: Fjárfestingin felur í sér
viðurkenningu á því uppbyggingar-
starfi sem við höfum unnið á sunnan-
verðum Vestfjörðum og því hæfi-
leikaríka starfsfólki sem við höfum
innanborðs,“ segir Kjartan Ólafsson,
formaður stjórnar Arnarlax hf.
48 hluthafar eru í Arnarlaxi og
hefur meirihlutinn verið í eigu
norskra fjárfesta í síðustu ár. Þar
með eru talin norsk eignarhalds-
félög aðalstofnenda fyrirtækisins,
Matthíasar Garðarssonar og Kristi-
ans Matthíassonar, fyrrverandi for-
stjóra. Eftir kaup SalMar á hluta-
bréfum Fiskisunds sem er í eigu
fyrrverandi eigenda Fjarðalax og
Tryggingamiðstöðvarinnar er félag-
ið að mestu leyti í eigu norskra fyrir-
tækja. Kjartan Ólafsson lýsir því þó
yfir að hans fyrirtæki sem á 2,41% í
Arnarlaxi muni halda sínum hlut.
helgi@mbl.is
Fiskeldis-
risi eignast
meirihluta
 Fiskisund og TM
seldu í Arnarlaxi
Arnarlax Lax ísaður fyrir útflutn-
ing í vinnslunni á Bíldudal.
Helgi Bjarnason
helgi@mbl.is
Þótt hér á landi séu framleidd nærri
20 þúsund tonn af laxi og silungi á ári
eru enn flutt inn á þriðja hundrað
tonn af ferskum laxi, aðallega frá
Færeyjum. Eyður skapast í fram-
boði á íslenskum laxi þar sem enn
eru gerð hlé í slátrun á laxi.
Flutt inn frá Færeyjum
Flutt voru inn 219 tonn af fersk-
um, heilum laxi og silungi á síðasta
ári, samkvæmt bráðabirgðatölum
Hagstofu Íslands um utanríkisvið-
skiptin. Er það heldur minna en á
árinu á undan, eins og sést á með-
fylgjandi súluriti. Kemur laxinn að-
allega frá Færeyjum. Ekki virðist
hafa verið fluttur inn frosinn lax,
eins og stundum hefur sést hér í
verslunum, ef marka má þessa heim-
ild.
Ekki liggja fyrir upplýsingar um
neyslu á laxi í landinu. Ef hún er
1.500 tonn á ári er hlutdeild innflutn-
ings um 15%.
Neyslan eykst
Aðalstarfsemi fiskeldisfyrirtækj-
anna er framleiðsla til útflutnings
enda er framleiðslan 10 til 15 sinnum
meiri en nemur innanlandsmarkaði.
Einar K. Guðfinnsson, formaður
Landssambands fiskeldisstöðva,
segir að fyrirtækin hafi lagt sig fram
við að þjóna íslenska markaðnum
þótt hann sé ekki stór í heildarsam-
henginu. Einar segist hafa séð í
verslunum innfluttan lax og telur lík-
legast að það orsakist af kaupum í
gegnum stóra birgja.
Sala á laxi og silungi eykst ár frá
ári og verður sífellt meira áberandi í
kæliborðum verslana og á matseðl-
um veitingahúsa. Þetta er sama þró-
un og sjá má í nágrannalöndunum.
Sigurjón Gísli Jónsson, fram-
kvæmdastjóri Norðanfisks sem er
stórt fyrirtæki í vinnslu og dreifingu
á fiski á innanlandsmarkaði, skýrir
aukninguna með heilnæmi og gæð-
um afurðanna. Laxinn sé úrvals mat-
vara.
Vaxandi hlutfall
Sigurjón telur að mikilvægasta
skýringin á innflutningi á ferskum
laxi sé sú að þótt eldisfyrirtækin hafi
verið að vaxa mikið á undanförnum
árum hafi þau ekki getað haft lax á
boðstólum allar vikur ársins. Verði
að brúa það bil með því að flytja inn
lax og vinna fyrir íslenska markað-
inn. Hann tekur fram að fyrirtækin
séu að komast í þá stöðu að geta haft
stöðugt framboð af laxi allar vikur
ársins. Hlutfall innlendu framleiðsl-
unnar sé að aukast.
Flytja inn 220 tonn af laxi
 Fiskeldisfyrirtækin framleiða til útflutnings  Flutt inn þegar ekki er slátrað
219
tonn
230
tonn
Innflutningur á laxi og
silungi 2017 og 2018
Tonn (heill, ferskur)
2017 2018
Heimild: Hagstofa Íslands (bráðabirgðatölur)
Grýlukertin myndast þar sem vatn drýpur í frosti og myndar líkt og kerti á
hvolfi. Vísindavefurinn bendir á að kalksteinsstrókar sem hanga niður úr
hellisloftum séu gjarnan kallaðir grýlukerti og líklegast kenndir við Grýlu
sem bjó í helli. Lögreglan hefur varað við hættunni sem stafar af grýlu-
kertum því þau geta fallið á fólk. Samkvæmt lögreglusamþykkt er umráða-
manni húss skylt að fjarlægja grýlukerti sem geta valdið hættu fyrir fólk.
Morgunblaðið/Árni Sæberg
Eins gott að vara sig á grýlukertunum
Morgunblaðið/Helgi Bjarnason