Skagablaðið - 29.03.1985, Blaðsíða 5

Fjárhagsáætlunaimaraþon ’85
- Frásögn af umræðum um fjárhagsáætlun Akraneskaupstaiar 1985 á bæjarstjómarfundi á þríðjudag
Eins og skýrt er frá á forsíðu var fundur bæjarstjórnar á þriðjudag
óvenjulega langur sökum þess að þá var síðari umræða um
fjárhagsáætlun bæjarins. Eftir á að hyggja var umræðan ótrúlega
langdregin í Ijósi þess, að allir bæjarstjórnarfulltrúar höfðu ákveðið
að greiða henni atkvæði sitt. Flestir eyddu stórum hluta máls síns í að
fjalla um eitt og annað sem hefði verið æskilegt að hafa inni í
áætluninni að þeirra mati um leið og fagnað var þeirri einingu sem
náðist innan bæjarstjómar.
Engilbert Guðmundsson (AB)
hóf umræðuna og vék að því hve
óhemjumikill tími hefði farið í
gerð fjárhagsáætlunar í ár. Þakk-
aði hann þau vinnubrögð en lét
þess getið að þrátt fyrir allt og allt
væri svigrúmið í áætluninni mjög
lítið. Engilbert sagði raunhækk-
un útsvara hafa verið litla undan-
farin ár, kannski 25% frá 1983.
Sagði hann ekkert mega út af
bregða ef ekki ætti allt að fara í
„steik“ svo notuð sé hans lýsing.
„Það er ekki laust við að ég sé
hræddur við þetta,“ sagði hann
ennfremur og vitnaði þá til sam-
ræmis á milli tekju- og gjaldaliða
áætlunarinnar.
Minnisvarði
Engilbert vék einnig að því
hversu fjármagnskostnaður bæj-
Vinnuskólinn
tekur 13 ára
Ráðgert er að 13 ára unglingar
fái í sumar aðgang að vinnuskóla
bæjarins. Kom þetta fram á fundi
bæjarstjórnar á þriðjudag.
Þar kom jafnframt fram, að
rekstur skólans væri með miklum
ágætum og hefði vakið athygli
víða um land. í sumar væri gert
ráð fyrir að rekstrarkostnaður
yrði 4,8 millj. en tekjur skólans
yrðu 4,5 milljónir.
Englandsför
ÍA frestaó
Ekkert varð úr því að
meistaraflokkur ÍA í knatt-
spyrnu héldi út til Sheffield í
Englandi í vikunni eins og
ráðgert hafði verið. Um síð-
ustu helgi komu þau boð frá
félaginu að sökum þess hve
illa wtæði á, m.a. vegna
fjölda frestaðra leikja, sæi
það sér ekki fært að taka á
móti Skagamönnum að sinni.
arins væri mikill. Hann væri þó
fremur minnisvarði um þá ófor-
svaranlegu vaxtastefnu sem rekin
hefði verið undanfarin ár en um
„lántökubrjálæði bæjarsjóðs“ svo
aftur sé vitnað í orð hans.
Hvað varðaði gatnagerðar-
gjöld sagði Engilbert þau vera lág
hér miðað við víða annars staðar
og kinnroðalaust væri hægt að
hækka þau. Þá væri rétt að athuga
gang mála í þeim efnum og reyna
að miða að því að gjöldin standi
undir gatnagerð við viðkomandi
hús, ekki aðeins hluta þeirra.
Þá vék Engilbert að rekstri
Dvalarheimilisins Höfða og taldi
það miður, að engin fjárveiting
væri til uppbyggingar þess í ár.
Með aukinni uppbyggingu væri
e.t.v. hægt að draga úr þeim
greiðslum bæjarsjóðs sem færu til
þess að greiða hallarekstur heim-
ilisins. Mötuneyti Fjölbrautaskól-
ans varð Engilbert einnig tilefni
til umræðu og harmaði hann
mjög, að ekki væri kominn meiri
skriður á það mál en raun bæri
vitni. Þá væri framlag til dag-
vistunarmála rýrt en vonandi yrði
dagheimilinu við Skarðsbraut lok-
ið að ári eins og sérstök bókun
gæfi tilefni til að ætla.
Ingibjörg Pálmadóttir (F) fagn-
aði samhugnum í bæjarstjórn um
fjárhagsáætlunina en taldi rétt að
tíminn fram að gerð næstu áætl-
unar yrði m.a. notaður til þess að
fara ofan í kjölinn á rekstrar-
liðum bæjarsjóðs. Vafalítið mætti
spara eitthvað þar við nánari
athugun þótt rekstur bæjarstofn-
ana hefði verið með ágætum. Þá
gerði Ingibjörg að umtalsefni hve
lítt hefði miðað í dagvistunar-
málum á yfirstandandi kjörtíma-
bili. Ekkert rými hefði bæst við en
jákvætt væri ef tækist að ljúka
Skarðsbrautarheimilinu fyrir lok
tímabilsins. Að öðru leyti kvaðst
hún ekki vilja fara of náið ofan í
áætlunina, þar sem Engilbert
hefði drepið á svo mörg atriði
hennar, sem hún hefði ella gert.
Botnlangar
Málflutningur Harðar Pálsson-
ar (S) var svipaður Ingibjargar og
þeirra, sem á eftir komu, m.a.
vegna yfirgrips ræðu Engilberts,
sem stóð í hálfa klukkustund.
Hörður kvað þetta í fyrsta sinn í
mörg ár, sem samkomulag og
einhugur næðist í bæjarstjórn um
fjárhagsáætlun en vék síðan máli
sínu að gatnaframkvæmdum.
Minntist hann á botnlangana við
Garðabraut, sem enn hefði ekki
tekist að leggja bundnu slitlagi
þrátt fyrir fögur fyrirheit mörg
undanfarin ár. Aldarfjórðungur
væri nú liðinn frá því elstu húsin
við þá hefðu verið byggð og væri
ástand botnlanganna bænum til
vansæmdar. í ár væru botnlang-
arnir ekki einu sinni með í áætl-
uninni að þeim efsta undanskild-
um en lagning slitlags á hann
mætti tengja ákveðnu fjölbýlis-
húsi sem stæði þar. Hörður tók
undir ummæli Engilberts um
gatnagerðargjöld og sagðist hon-
um „hjartanlega sammála." Þá
sagðist Hörður telja það afar
mikilvægt að komið yrði upp
hringtorgi á gatnamótum Still-
holts / Kalmansbrautar / Kirkju-
brautar. Þarna hefðu orðið al-
varleg slys þrátt fyrir víðsýni og
því nauðsynlegt að gera eitthvað
í málinu.
Valdimar Indriðason (S) taldi
einhuginn við samþykkt fjárhags-
áætlunarinnar vera til sóma fyrir
bæinn. Sagðist hann fagna því og
sagði að sér sýndist áætlunin vel
gerð við fyrstu sýn þótt e.t.v.
mætti eitt og annað að henni finna
eins og alltaf.
Holræsi
Steinunn Sigurðardóttir (F)
kvaðst sakná þess að sjá ekki
fjárveitingu til hönnunar 2.
áfanga Höfða á áætluninni því
hún væri þegar komin af stað. Þá
vakti hún máls á ástandi holræsa,
og sagði það hafa verið eitt helsta
málið hjá öllum flokkum fyrir
síðustu kosningar að færa holræsi
út fyrir stórstraumsfjöruborð en
ekkert hefði gerst. Loks pundaði
hún því á þá Engilbert og Hörð
hvers vegna þeir hefðu ekkert
gert í gatnagerðargjöldunum þeg-
ar þeir voru saman í meirihluta
bæjarstjórnar, jafn innilega sam-
mála og þeir væru nú í þessu efni.
Jón Sveinsson (F) tók síðan til
máls og vakti m.a. athygli á
mismunandi tekjum bæjarfélaga
og er vísað til fréttar á baksíðu í
þessu efni.
Guðmundur Vésteinsson (A)
taldi nauðsynlegt að skoða þessi
mál mjög alvarlega og vísaði þá til
upplýsinga Jóns um tekjur sveit-
arfélaga af þegnum sínum.
Minnti Guðmundur á aukaúthlut-
un Jöfnunarsjóðs á síðasta ári í
framhaldi af því.
Lausar stöður
við vinnuskólann
Æskulýðsnefnd óskar að ráða í eftir-
taldar stöður:
4 stöður við sumarnámskeið, 17
stöður flokksstjóra við vinnuskólann,
1 staða yfirflokksstjóra við vinnu-
skólann.
Ráðið er í stöðurnar frá enduðum
maí til ágústloka. Leitað er eftir
duglegum og áhugasömum aðilum
með hæfileika til stjórnunar. Aldurs-
lágmark er 18 ár. Allar nánari upp-
lýsingar ásamt umsóknareyðublöð-
um fást hjá Æskulýðsfulltrúa í Arnar-
dal. Umsóknum skal skila þangað í
síðasta lagi 12. apríl 1985.
Æskulýðsnefnd

ý}&__ sRmymHH
SÖLUBOÐ
tiittumst í kaupféiaginu
Kaupfélag Borgfirðinga
Kirkjubraut 11 - Akranesi - Sími 2280
Breyttar ferðir
Akraborgar
í apríl verða kvöldferðir
á sunnudögum.
Frá Akranesi kl. 20.30.
Frá Reykjavík kl. 22.00.
Afgreiðsla
Akraborgar
5