Skagablaðið - 04.12.1985, Blaðsíða 2
Tvötöpí
körfunni
Ekki gengur körfuknattleiks-
mönnum bæjarins jafnvel að hala
inn stigin og handknattleiks-
mönnunum. Skagamenn hafa ný-
verið leikið tvo leiki og tapað
þeim báðupi.
ÍA - UMFG 67-86
Þessi leikur gegn Grindvíking-
um var liður í 2. umferð bikar-
keppni KKÍ og var góður af hálfu
okkar manna þrátt fyrir tapið,
sem kannski var full stórt í lokin.
Garðar Jónsson skoraði 22 stig,
Gísli Gíslason 21 og Elvar Þór-
ólfsson 10. Aðrir minna.
KFÍ - ÍA 71-68
Isfirðingarnir báru sigurorð af
Skagamönnum í þessum jafna
leik þrátt fyrir að okkar menn
færu ekki nema með 5 fastamenn
sína vestur. Elvar Þórólfsson,
minnsti, yngsti og léttasti
leikmaður vallarins, fór á kostum
í leiknum og skoraði 31 stig auk
þess að hirða fjöldann allan af
fráköstum. Gísli skoraði 19 stig
og Garðar 10.
Elvar er mjög ört vaxandi
leikmaður og hefur náð sér ótrú-
lega vel af fótbroti sem hann hiaut
fyrir réttu ári.
Körfuboltinn:
Tveir leikir
á laugardag
Tveir leikir verða í körfunni
hér á Akranesi á laugardag.
Klukkan 14 leiða Skagamenn og
Borgnesingar, alias Skallagrímur,
saman hesta sína og strax á eftir
mætast ÍA og KR í 1. deild
kvenna.
Á sama tíma mun 4. flokkur
karla taka þátt í „turneringu" í
Digranesskóla í Kópavogi.
Leikftokkurinn Sunnan Skarðsheiöar
Frumsýna um
aðra helgi
Það er létt yfir leikflokknum
Sunnan Skarðsheiðar um þessar
mundir þar sem æfingar standa
yfir á hinum bráðskemmtilega
gamanleik „Vígsluvottorðið“ eft-
ir Ephraim Kishon.
Ljómandi þýðingu á þessu ísra-
elska leikriti úr þýsku hefur Árni
Bergmann innt af hendi. Frum-
sýning er fyrirhuguð um aðra
helgi. Leikendur í stykkinu eru 6
talsins og er leikstjórinn Oktavía
Stefánsdóttir.
NOTAR *§
ÞÚ
Sveinn Jónsson um viöbrögö lögreglu í óhappinu„er Gmndartangarútan lenti í fyrir viku:
Þarf ekki frjótt ímyndunarafl til
að sjá að hægt er að gera betur
Það er óhætt að segja, að viðtal það sem birtist í síðasta tölublaði
Skagablaðsins við Svan Geirdal, yfirlögregluþjón, hafi vakið
undrun margra. Það er margt í frásögn Svans, sem stenst alls ekki,
og verður að teljast undarlegt að yfirlögregluþjónn skuli leyfa sér
að gefa upp svo rangar tímasetningar sem raun ber vitni.
Þjappað saman
Svanur tekur þá stefnu að
þjappa öllum tímasetningum
saman svo að heildarmyndin af
viðbrögðum lögreglunnar er alls
ekki svo slæm. Ég ætla nú að
segja söguna eins og hún gerðist
og skal tekið fram að allar tíma-
setningar hafa verið bornar und-
ir þá sem tóku þátt í hinum
einstöku þáttum þessarar
óskemmtilegu lífsreynslu.
Það er öruggt að rútan valt við
Berjadalsá ekki seinna en klukk-
an 7.10. Einn þeirra, sem voru í
rútunni, leit á klukkuna strax
eftir veltuna og sýndi hún þenn-
an tíma. Einnig hafa tímatökur
eftir slysið sýnt að rútan er á
hverjum morgni á mjög svipuð-
um tíma við ána og aldrei
seinna en kl. 7.10. Þess má geta
að þennan morgun voru óvenju-
fáir í rútunni. Lætur nærri að 10-15
mönnum færra hafi verið í rút-
unni en venjulega.
Tveir bílar komu á slysstað
rétt eftir að slysið varð og ber
þeim saman um að þá hafi klukk-
an verið 7.11-7.12. Tók fyrri
bíllinn strax einn farþega rút-
unnar upp í og keyrði mjög geyst
niður á lögreglustöð. Þangað var
komið kl. 7.16. Seinni bíllinn
kom með annan farþega þangað
örskömmu síðar. Bílstjóri fyrri
bílsins var þá að berja á dyr og
glugga stöðvarinnar en þar var
allt í myrkri.
Stórfurðuleg ummæli
Ummæli Svans um að
mennirnir hefðu séð ljós á stöð-
inni ef þeir hefðu farið aftur fyrir
hana verða að teljast stórfurðu-
leg. Það hlýtur að vera lágmarks-
krafa að stöðin sé opin þannig að
þeir sem þurfa að tilkynna slys
eða bruna geti náð sambandi við
vakthafandi lögregluþjón
STRAX.
Að ætlast til þess að fólk sé
hlaupandi í kringum húsið og
berjandi á glugga er óraunhæft.
Þeir er voru við lögreglustöðina
óku síðan upp á sjúkrahús og
tilkynntu um slysið. Starfsstúlka
þar ræsti út lækna og það
starfsfólk, sem gert er ráð fyrir í
slíkum tilvikum og virðist það
kerfi hafa virkað mjög vel.
Reynt að hringja
Reyndu bílstjórarnir að
hringja á lögreglustöðina en eng-
inn svaraði. Hringdu þeir því
heim til eins lögreglumannsins
og fengu þar þær upplýsingar, að
viðkomandi væri á vakt niðri á
Frá slysstað í rútuóhappinu.
stöð. Þær getgátur að þeir hafi
ekki kunnað að hringja út af
sjúkrahúsinu standast því ekki.
Reyndu þeir því aftur við stöðina
en allt á sama veg. Tók þá
Jónína Halldórsdóttir, hjúkrun-
arkona, við og náði sambandi í
annarri eða þriðju tilraun. Út-
kallið er bókað kl. 7.25 hjá
lögreglunni en því hafa tapast
8-10 mínútur en ekki 2-3 eins og
Svanur lætur liggja að. Þetta eru
mínútur sem skipt geta sköpum
í alvarlegum slysum. Mínútur
sem eiga alls ekki að tapast á
þennan hátt.
Stenst ekki
Tímasetning Svans á komu
sjúkrabílsins á slysstað stenst
engan veginn. Klukkan 7.37
kemur hin Grundartangarútan á
slysstað og fóru farþegarnir í
hana og var haldið af stað niður
á Akranes kl. 7.40. Rétt hjá
hitaveitutanknum mætir hún
lögreglubíl á leið uppeftir og
þegar rútan er í hringtorginu er
sjúkrabíllinn að koma þangað.
Við erum komnir inn á sjúkrahús
kl. 7.46 og er líklegt að sjúkra-
bíllinn hafi komist á slysstað um
svipað leyti.
Þess má geta, að hringt er á
Grundartangann um leið og
náðst hefur samband við lögregl-
una og þaðan var sendur
sjúkrabíll. Þegar hann kemur á
staðinn er lögreglan komin en
sjúkrabíllinn frá Akranesi kom
rétt á eftir. Það er hreinlega ekki
hægt að ætlast til að ökumaður
sjúkrabílsins geri allt það, sem
Svanur telur upp, á ekki lengri
tíma en 5-6 mínútum. Það er
ekkert óeðlilegt að allir þessir
snúningar, sem ökumaður
sjúkrabílsins þarf að standa í,
taki um 15 mínútur en það er
umhugsunarvert hvort ekki sé
hægtað einfalda þetta.
Engin sjúkrataska
í raun er stórfurðulegt að
sjúkrataska með nauðsynlegum
búnaði skuli ekki vera í bílnum.
Þegar talað er um allar þessar
tímasetningar má vera ljóst að
ekki eru allar klukkur stilltar
nákvæmlega eins en þar skakkar
ekki miklu. Ég hef talað við
fjölda manns, sem var tengdur
slysinu á einn eða annan hátt og
þessar tímasetningar, sem að
framan greinir, eru allir sama-
mála um.
Þessar línur eru skrifaðar til
þess að sýna fram á að úrbóta er
þörf. Það þarf að nota þetta slys
til þess að skoða almannavarna-
kerfið, finna hvað má betur fara
og þakka það sem vel var gert.
Allir farþegar rútunnar, sem á
sjúkrahúsið komu, eru þakklátir
fyrir þær góðu móttökur sem við
fengum þar. Svanur, gagnrýnin
á við rök að styðjast og það þarf
ekki frjótt ímyndunarafl til að
sjá að hægt er að gera betur.
Sveinn Jónsson
Auglýsendur á Akranesi!
Haldiðréttá spilunum ogauglýsið í Skagablaðinu,
eina vikulega fréttablaði bæjarins.
Skagablaðið
Skagablaðið
Ritstjóri og ábm.: Sigurður Sverrisson ■ Blaðamaður og Ijósmyndari: Árni S. Árnason ■
Auglýsingar: Steinunn Árnadóttir (heimasími 2955) ■ Umsjón með dreifingu, áskriftum og
innheimtu: Sigríður Árnadóttir ■ Setning, umbrot, filmuvinna og prentun: Borgarprent ■ Útlit:
Skagablaðið ■ Ritstjórnarskrifstofa er að Suðurgötu 16 og opin alla daga ■ Simar 2261 og 1397
■ Póstfang: Pósthólf 170, 300 Akranes.
2