Skagablaðið - 08.05.1991, Blaðsíða 1
17. TBL. 8. ÁRG.
MIÐVIKUDAGUR 8. MAÍ 1991
Yfir 200 á námskeiði
Rúmlega 200 manns sóttu námskeið um þjónustu og samstarf
sem efnt var til í samráði Þórdísar Arthursdóttur, ferðamála-
fulltrúa og Gísla Blöndal hjá Þjónustu & samstarfi. Upphaflega
var gert ráð fyrir einu námskeiði en þau urðu á endanum sex.
Myndin hér að ofan var tekin á síðasta námskeiðinu á mánudags-
kvöld. Gísli Blöndal er fremstur á myndinni.
Rannsóknir vegna vegtengingar yfir HvaKjörð að komast á skríð:
Sotnstokkur í stad ganga
enn ekki út úr myndmni
Til þessa hefur umræðan um
samgöngubætur yfir Hvalfjörð
aðallega snúist um jarðgöng und-
ir fjörðinn og þau eru enn efst á
óskalistanum en botnstokkur eða
brú hafa enn ekki verið endan-
lega afskrifuð í stjórn Spalar hf.
Þetta kom fram í máli Gylfa
Þórðarsonar, stjórnarformanns
félagsins á háegisverðar-
rabbfundi um atvinnumál í Hótel
Akranes á mánudag.
Gylfi sagði stjórnina ætla að
leita til hlutlauss erlends að-
ila varðandi ráðgjöf um valkosti.
Þannig lítur þversnið fyrir-
hugaðra jarðganga undir Hvalfjörð út.
Ivenær fá Vesttendmgar svæðisútvaip eins og aðrir landsfjórðungar?:
Engin viðbót ráðgerð í ár
- „búar kjördæmisins geta hafið undirbúning sjálfir,“ segir formaður útvarpsráðs
„Útvarpsráð hefur ákveðið að
stíga ekki nein skref í sambandi
við þróun svæðisútvarps á þessu
ári,“ sagði Inga Jóna Þórðar-
dóttir, formaður útvarpsráðs
ríkisútvarpsins, er Skagablaðið
ræddi við hana nýverið og innti
hana eftir því hvort svæðisútvarp
á vegum ríkisútvarpsins væri
væntanlcgt í Vesturlandskjör-
dæmi. Svæðisútvarp er þegar
komið á fsafírði fyrir Vestfirði, á
Akureyri fyrir Norðurland og á
Egilsstöðum fyrir Austurland.
Það liggur gífurleg fjárfesting
í því að koma upp svæðisút-
Knattspymufélag 1A:
Fengu200þús.
krónur að gjöf
Knattspyrnufélag ÍA fékk
á mánudaginn afhenta höfð-
inglega gjöf frá Jóni Mýrdal,
níræðum heiðursmanni hér á
Skaga. Hann afhenti félaginu
þá 200 þúsund krónur að gjöf
með þeirri von að framlag
hans mætti verða starfsemi
félagsins til framdráttar.
Gunnar Sigurðsson, for-
maður Knattspyrnufé-
lags ÍA, sagði í samtali við
Skagablaðið að gjöfin væri
einkar kærkomin og sýndi
mikinn hlýhug í garð knatt-
spyrnunnar.
„Gjöf sem þessi virkar sem
vítamínsprauta og hvatning á
alla okkar starfsemi sem
verður sífellt umfangsmeiri,"
sagði Gunnar.
varpi; húsnæði, tækjakosti og
minnst þremur starfsmönnum. í
þeim landshlutum þar sem svæð-
isútvarp er nú þegar hófst starf-
semin í bráðabirgðahúsnæði og
við knappan tækjakost. Við lít-
um svo á, að það sé mjög aðkall-
andi að koma þeim stöðum í gott
horf áður en hugað verður að
Vesturlandi og Suðurlandi. Til
dæmis nær aðeins hluti Vest-
fjarða útsendingum svæðisút-
varpsins þar og er því mjög brýnt
að útsendingarnar nái til allra
Vestfjarða sem allra fyrst.“
Inga Jóna sagði að sér fyndist
að íbúar kjördæmisins gætu á
margan hátt hafið undirbúning
fyrir svæðisútvarp sjálfir. Það
gæti m.a. legið í því að koma upp
öflugum fréttariturum í kjör-
dæminu, sem væru ötulir við að
senda fréttir og fréttatengt efni
til ríkisútvarpsins.
„Allt slíkt hefur áhrif þegar
kemur að því að taka þarf
ákvörðun um staðsetningu svæð-
isútvarps. Til dæmis er mjög
virkur fréttaritari á Selfossi, sem
vissulega vinnur kjördæminu sínu
mikið gagn. Mér finnst Sunn-
lendingar vinna af meiri krafti að
þessum málum en Vestlending-
ar, að minnsta kosti hvað þessa
hlið mála varðar.“
Inga Jóna sagði að það væri
mikil ánægja með svæðisútvarp
þar sem það væri og það kæmi
örugglega að því í þeim kjör-
dæmum sem eftir væru á næstu
árum. Hún sagði útsendingar
svæðisútvarpsstöðvanna sendar
út á dreifikerfi Rásar 2, og væru
þær í flestum tilfellum í eina
klukkustund á dag, ýmist sam-
fellt eða eins og það er á Akur-
eyri, þar sem útsendingin er hálf-
tíma á morgnana og hálftíma
seinni hluta dags.
Sagði hann gott að hafa fyrir-
liggjandi álit hlutlauss aðila á því
hvaða kostur væri vænlegastur;
göng, botnstokkur eða brú.
Hann taldi þó síðarnefndu kost-
ina dýrari en göng.
I máli Gylfa kom einnig fram
að stjórn Spalar hf. hefur ákveð-
ið að ganga til samninga við
Orkustofnun um rannsóknir,
sem þyrfti að gera á svæðinu og
boðnar voru út fyrir skömmu.
Erlendir aðilar buðu einnig í
verkið en boð þeirra var hærra.
Þessum rannsóknum, sem m.a.
eru bylgjubrotsmælingar, á að
ljúka í sumar og skýrsla að liggja
fyrir í september.
Frekari kannanir þarf að gera,
m.a. jarðfræðikort af strand-
svæðinu beggja vegna fjarðarins
og sagði Gylfi tilboð í þann verk-
þátt verða opnuð síðar í þessum
mánuði.
Lítidbam
hættkomið
Barn á öðru ári var hætt
komið í fyrradag er það
féll ofan í grunnan gosbrunn
á lóð húss hér á Akranesi.
Barnið var flutt meðvitund-
arlaust með þyrlu til Reykja-
víkur og mun líðan þess eftir
atvikum.
Stórajafir Kiwanismanna
Kiwanisklúbburinn Þyrill aflienti í fyrrakvöld
árlega styrki sína til félagasamtaka og einstakl-
inga. Alls hlutu sjö aðilar styrk að þessu sinni,
samtals að upphæð kr. 850 þúsund krónur.
Hæstu styrkina hlutu Knattspyrnufélag ÍA og
Sumarbúðirnar í Ölveri, 200 þús. kr. hvor
aðili. Skólahljómsveit Akraness hlaut 150 þús.
kr., Elmar Þórðarson, talkennari, og Hjálpar-
sveit skáta 100 þús kr. hvor aðili og íþróttafélag
fatlaðra og Svala Auðbjörnsdöttir, hjarta- og
lungnaþegi, 50 þús. kr. hvor aðili.
Myndin hér að ofan var tekin á mánudagskvöld
er styrkirnir voru afhentir. Lengst t.v. er Logi
Arnar Guðjónsson, formaður Þyrils, þá Ingólfur
Ingólfsson, f.h. Skólahljómsveitar Akraness, Jó-
hannes Ingibjartsson, f.h. Sumarbúðanna í
Ölveri, Kjartan Kjartansson, f.h. Hjálparsveitar
skáta, Elmar Þórðarson og Gunnar Sigurðsson,
formaður Knattspyrnufélags ÍA.