Skagablaðið - 16.05.1991, Síða 1
Fengu smyril um borð
Skipverjar á togaranum Haraldi Böðvarssyni fengu góðan gest um
borð til sín í túr fyrir stuttu. Var þar kominn örþreyttur og hrakinn
smyrill, feginn því að geta hvílt lúna vængi á skipinu.
Róbert Reynisson, einn skipverja, náði að handsama fuglinn og sá
síðan um að hlú að honum. Hann braggaðist fljótt og reyndist
gæfur. Hann tók vel til matar síns þegar honum var réttur biti en fór
hreinlega hamförum þegar honum var réttur hamflettur múkki. Bók-
staflega spændi hann í sig með bestu lyst.
Páll Guðmundsson, ljósmyndari og háseti á Haraldi, tók þessar
skemmtilegu myndir af smyrlinum. Á stóru myndinni situr hann mak-
indalega á öxl Róberts en á þeirri minni nartar hann í kjötbita.
Lionsmenn afhenda Sjúkrahúsi Akraness blóðkornaleljarann. Frá vinstri: Sigurður Ólafsson, forstjóri SA,
Elías Rúnar Elíasson, ritari klúbbsins, Þorgeir Jósefsson, formaður klúbbsins og Jón Jóhannsson, formað-
ur stjórnar Ahaldakaupasjóðs.
Sjúkrahús fær stórajafir
Sjúkrahúsi Akraness hefur að
undanförnu borist hver stórgjöf-
in á fætur annarri, samtals á
fjórðu milljón króna.
Lionsklúbbur Akraness af-
henti sjúkrahúsinu fyrir
skömmu nýjan blóðkornateljara
ásamt tilheyrandi prentara í til-
efni af 35 ára afmæli klúbbsins,
sem stofnaður var 22. apríl 1956.
Verðmæti gjafarinnar er kr.
1.888.926 en þar sem virðisauka-
skattur fékkst endurgreiddur var
kostnaðurinn kr. 1.517.210.
Lionsklúbbur Akraness hefur
beðið Skagablaðið um að koma á
framfæri þökkum til bæjarbúa
fyrir veittan stuðning á liðnum
árum, ekki síst er félagar hafa
gengið um bæinn og selt ljósa-
perur. Allur ágóði af þeirri sölu
rennur til tækjakaupa fyrir
Sjúkrahús Akraness.
Þá fékk SA fyrir stuttu stórgjöf
frá Sambandi borgfirskra
kvenna, kr. 1.494.582 til tækja-
kaupa fyrir endurhæfingadeild-
ina. Jafnframt bárust kr. 300.000
frá Jóni Mýrdal Sigurðssyni,
Vesturgötu 67. Eins og Skaga-
blaðið skýrði frá í síðustu viku
gaf hann Knattspyrnufélagi ÍA
kr. 200.000.
Fréttir Júlíusar
Júlíus Þórðarson, sem um
langt árabil var fréttaritari
Morgunblaðsins hér á Akranesi,
tók sig til fyrir stuttu og afhenti
Akranesbæ að gjöf innbundna
bók með Ijósritum af öllum þeim
fréttum sem hann sendi frá sér á
árunum 1957 - 1989. Eins og
nærri getur er hafsjór fróðleiks í
bókinni og hefur hún mikið sögu-
legt gildi fyrir bæinn. Meðfylgj-
andi mynd var tekin er Júlíus af-
henti Gísla Gíslasyni, bæjar-
stjóra, bókina góðu.
Árið 1990 erfrtt hjá kl og SR:
Rekstrartap
hjárisunum
Síöasta ár rcyndist stóru iönfyrirtækjunum, Scmcntsvcrksmiöju
ríkisins og íslcnska járnblendifélaginu, báðum þungt í skauti. Tap
varð á rekstri beggja fyrirtækjanna, 127 milljónir króna hjá IJ en tæp-
lega 14 milljónir kr. hjá SR. Umskiptin voru mikil hjá IJ frá árinu
áður er hagnaður af rekstrinum varð 323 milljónir króna. Umskiptin
hjá SR voru einnig mikil, en til hins betra. Tap SR 1989 nam 76 millj.
króna.
Horfur fyrirtækjanna fyrir
þetta ár eru sömuleiðis mis-
jafnar. Allt bendir til þess að árið
verði járnblendifélaginu erfitt
vegna samdráttar í sölu um allan
heim. Mikið framboð á ódýru
kísiljárni hefur verið frá Kína og
svo frá ríkjum Austur-Evrópu
sem standa frammi fyrir breyt-
ingum í kjölfar efnahagslegra
umbrota á þeim slóðum.
Verulegt tap hefur verið á
rekstri fyrirtækisins fyrstu mán-
uði þessa árs. I skýrslu stjórnar,
sem lögð var fram á aðalfundi
fyrirtækisins fyrir skömmu, kem-
ur fram að þótt verð á kísiljárni
kunni að hækka á árinu bendi allt
til þess að afkoman verði slæm í
ár.
Bjartara er yfir hjá Sements-
verksmiðjunni. Síðasta ár var
það lakasta í 20 ár hvað varðar
sementssölu þannig að búast má
við að leiðin liggi upp á við á ný.
Þrátt fyrir tapið á síðasta ári varð
hagnaður af reglubundinni starf-
semi upp á 9 milljónir króna.
Rekstrartekjur IJ á síðasta ári
voru 2,336 milljarðar króna en
voru 2,507 árið áður. Rekstrar-
tekjur SR námu í fyrra 771 millj.
króna er voru 715 millj. kr. árið
áður.