Skagablaðið - 13.02.1995, Blaðsíða 8
Skagablaðið v?na
6. TBL. • 12. ÁRG. • 13. FEBRÚAR 1995
Þjóðvaki á Vesturiandi:
Listar birtir
í vikulokin
Það er verið að ganga frá upp-
röðun á lista um allt land og
við gerum ráð fyrir að þeir
verði birtir samtímis, vonandi í
lok þessarar viku, segir Run-
ólfur Ágústsson, einn forystu-
manna Þjóðvaka á Vesturlandi
og stjórnarmaður í flokknum, í
samtali við Skagablaðið.
Gömlu flokkarnir hafa nú birt
framboðslista sína á Vesturlandi
en litlar sem engar fregnir hafa
borist af framboðsmálum Þjóð-
vaka. Þau sem helst hafa verið
nefnd sem forystumenn flokks-
ins á Vesturlandi eru Runólfur,
sem er fulltrúi sýslumanns í
Borgarnesi, Stefán Garðarsson,
bæjarstjóri í Snæfellsbæ, og
Sigurlín Sveinbjarnardóttir, for-
stöðumaður Norræna skólaset-
ursins. Auk þessara þriggja má
nefna að Sveinn Hálfdánarson
hefur gengið til liðs við Þjóð-
vaka en hann var áður einn af
forystumönnum Alþýðuflokks-
ins á Vesturlandi.
99 mmjomr
Höfrungur III, frystiskip Harald-
ar Böðvarssonar hf., kom til
hafnar í síðustu viku og að
sögn Sturlaugs Sturlaugssonar
aðstoðarframkvæmdastjóra
nam verðmæti aflans um 55
milljónum króna. Aflinn var
nær eingöngu grálúða.
Sturlaugur segir að unnið sé við
Lögreglan:
Ábendingar
um lausa-
göngu hrossa
Lögreglan fékk ítrekað á-
bendingar um lausasöngu
hrossa í síðustu viku. í bæði
skiptin sögðust viðkomandi
hafa séð til lausra hrossa á
þjóðveginum við hitaveitut-
ankinn.
Þegar lögreglan kom á stað-
inn voru hrossin á bak og
burt, en Svanur Geirdal, yf-
irlögregluþjónn, segist vilja
brýna það fyrir eigendum
hrossa að gæta þess að halda
þeim í öruggri gæslu.
Mörg og alvarleg umferð-
arslys hafa orðið á kaflanum,
þar sem sjónarvottar sögðust
hafa séð til hrossanna.
að setja ný frystitæki um borð í
skipið til að auka frystigetu
þess, aðallega vegna út-
hafskarfans. Einnig er fyrirhug-
að að nota skipið til loðnufryst-
ingar.
Höfðavík Ak 200 landaði
rúmlega 100 tonnum í síðustu
viku, aðallega karfa. Haraldur
kom með svipað magna af
karfa.
Um 20 bátar reru með línu
dagana 2. - 8. febrúar sam-
kvæmt upplýsingum hafnarvog-
arinnar. Flestir náðu aðeins að
róa tvisvar og var heildarafli
línubátanna tæp 63 tonn. Þar af
nam þorskur um tveimur þriðju.
Ebbi kom með 8,5 tonn að
landi, Bresi 7,3 tonn og Hrólfur
rúm 7 tonn.
Anna Kristjánsdóttir og Margrét Guðbrandsdóttir við einn stiganna í Akransehöfn. Þœr skoðuðu
öryggisbúnað í höfninni ásamt þeim Rögnvaldi Einarssyni og Helga Lárusi Guðlaugssyni og fundu
fátt ábótavant.
Akraneshöfn:
Öryggismálin í lagi
Fulltrúar Slysavarnafélags ís-
lands gerðu nær engar at-
hugasemdir við öryggi Akra-
neshafnar þegar þeir tóku
hana til gagngerrar skoðunar
fyrir nokkrum í tengslum við
hafnardaga Slysavarnafélags-
ins. Hins vegar voru gerðar
athugasemdir við frágang
stiga í Grundartangahöfn.
Fjórir fulltrúar kvennadeildar
Slysavarnafélagsins og björg-
unarsveitarinnar Hjálpin skoð-
uðu Akraneshöfn í fylgd hafn-
arvarðar í lok síðasta árs. Gætt
var að öryggismálum í sam-
ræmi við gátlista sem notaðir
voru við hafnarskoðun Slysa-
varnafélagsins um allt land.
Bryggjustigar, öryggisbúnaður
og björgunartæki voru sérstak-
lega undir smásjánni.
Sem fyrr segir voru sáralitl-
ar athugasemdir gerðar. Anna
Kristjánsdóttir og Margrét
Guðbrandsdóttir frá kvenna-
deild Slysavarnafélagsins á
Akranesi lýstu þó áhyggjum
sínum af því að vegrið vantar í
brekkuna á Faxabraut neðan
við Hafnarhúsið og vilja
hvetja bæjaryfirvöld til að
bæta úr því.
Verð á íbúðum í fjölbýli:
Um 65% af Reykjavíkurverði
Verð á íbúðum í fjölbýlishúsum
á Akranesi nemur um tveimur
þriðju af verði sambærilegra
íbúða í Reykjavík, samkvæmt
upplýsingum frá Fasteignamati
ríkisins.
Athygli vekur að fasteignaverð
á Akranesi hefur hækkað á und-
anfömum árum á meðan verðið
hefur staðið í stað eða lækkað í
Reykjavík. Ekki eru dæmi um
það á undanförnum 13 árum að
fasteignaverð á Akranesi hafi
verið svo nálægt verðinu í
Reykjavík.
Þetta á sem fyrr segir við um
íbúðir í fjölbýli, það er að segja
þar sem tvær íbúðir eða fleiri
eru í sama húsi. Fasteignamat
ríksins byggir tölur sínar ein-
göngu á beinum sölum en skipti
á eignum teljast ekki marktæk
til samanburðar.
Samkvæmt tölunum var stað-
greiðsluverð hvers fermetra í
fjölbýli á Akranesi 47.699 krón-
ur að meðaltali á síðasta ári.
Fermetrinn kostaði hins vegar
72.797 krónur í Reykjavík.
Verðið á Akranesi samsvaraði
því um 65 af hundraði verðsins í
Reykjavík. Þetta hlutfall var
með hæsta móti á síðasta ári.
Samkvæmt yfirliti Fasteigna-
mats ríkisins fór verðið á Akra-
nesi lægst í 46,72 prósent af
Reykjavíkurverðinu 1988.
Höfrungur III:
Grálúða fyrir