Skagablaðið - 20.03.1995, Blaðsíða 2
2 20. mars1995
Viðhorf
Skagablaðið
CL
<
Q
LLI
Mál er að linni
Rúmur mánuður er nú liðinn síðan kennarar lögðu niður
störf í grunn- og framhaldsskólum landsins og gerðu
nemendum að fara til síns heima. Lítið hefur þokað í deil-
unni og gangur mála í síðustu viku hlýtur að hafa valdið
almenningi miklum vonbrigðum. Kennarar lögðu þá loks
fram gagntilboð sem hafnað var um hæl og ekki talið
umræðuvert.
Stór hluti foreldra leggur sig fram um að sýna málstað
kennaranna skilning en flestum hlýtur þó að vera nóg
boðið enda er verkfallið farið að segja til sín með ýmsum
hætti.
Margt hefur verið um verkfallið ályktað. Stjórnir for-
eldrafélaganna í grunnskólunum á Akranesi voru
harðorðar í ályktun sem samþykkt var fyrir nokkru,
en þar segir að réttur barna til menntunar sé fótum
2 troðinn með verkfalli kennara.
„Við álítum það ábyrgðarleysi af stjórnvöldum og
kennurum að láta það viðgangast að skólar séu lok-
aðir og að réttur barna okkar til menntunar sé fótum
troðinn. Við skorum á deiluaðila að láta nú hendur
standa fram úr ermum, Ijúka samningsgerð og
aflétta því ófremdarástandi sem nú ríkir hjá börnun-
—1 um okkar,“ ályktuðu foreldrafélögin.
Bæjarstjórn hefur síðan tekið undir ályktun félag-
anna og það skal einnig gert hér. Undirtektir við ályktun-
ina voru reyndar samhljóma í bæjarráði fyrir nokkru en
þegar málið kom til umfjöllunar í bæjarstjórn treystu bæj-
arfulltrúar Alþýðubandalagsins sér ekki til að taka undir
orð foreldranna.
Forseti bæjarstjórnar lagði hins vegar fram tillögu að
bókun sem samþykkt var samhljóða á fundi bæjarstjórn-
ar í síðustu viku. Þar lýsir bæjarstjórn áhyggjum sínum af
ástandi mála og segist treysta á að deiluaðilar leggi sig
fram um að komast að samkomulagi sem fyrst svo
tryggja megi eðlilegt skólastarf að nýju.
Síðan segir í bókun bæjarstjórnarinnar:
„Allir stjórnmálaflokkar hafa undirstrikað mikilvægi
góðrar menntunar sem undirstöðu í framtíðaruppbygg-
ingu í landinu. Það er því mikilvægt að sátt náist um
skólastarfið. Það er sérlega mikilvægt fyrir sveitarfélögin
nú þegar ákveðið hefur verið að rekstur grunnskólans
færist til sveitarfélaga á næsta ári að sátt náist um kjör
kennara svo allir kostnaðarliðir verði rétt metnir við yfir-
færsluna."
Kennarar halda á hinn bóginn hvern baráttufundinn af
öðrum og skilaboð þeirra eru skýr: Ábyrgðin er ríkisvalds-
ins. Þess er að ganga til samninga.
Veruleikinn er þó auðvitað sá að báðir aðilar verða að
leggja sig í líma við að aflétta því ástandi sem skapast
hefur vegna verkfallsins en hvorugur aðilinn getur vísað
ábyrgðinni alfarið á hendur hinum. Málið er í hnút og full-
trúar deiluaðila hafa reynst ófærir um að láta skynsemina
og hagsmuni almennings ráða gerðum sínum.
Kennarastarfið er göfugt starf og einatt sveipað
nokkrum Ijóma í hugum ungs fólks, enda hefur mikill
fjöldi fólks einsett sér að gera það að ævistarfi og aflað
sér tilskilinna prófa í því skyni. Óhætt er að fullyrða að
kennarar njóta almennt velvildar í samfélaginu vegna
mikilvægra starfa sinna með æsku landsins, þótt for-
dóma gæti einnig alltof víða í garð kennara og starfs
þeirra og kjara. Velvildin er verðskulduð en hún er ekki
takmarkalaus. - Garðar Guðjónsson
Trúnaður við fólkið
Megintilgangurinn með
stofnun hreyfíngar fólks-
ins Þjóðvaka er fjórþættur:
★ Sameina jafnaðar- og fé-
lagshyggjufólk í eina öfluga
fjöldahreyfingu.
★ Endurreisa trúnað milli
stjórnmálamanna og fólksins.
★ Vinna að nýrri sókn í at-
vinnu- og menntamálum og til
átaks í mannréttinda- og jafn-
réttismálum.
★ Breyta skiptingu þjóðar-
auðsins með því að ná fram
jafnrétti í eigna- og tekjuskipt-
ingunni og að sporna gegn
söfnun auðs og valds á fárra
manna hendur.
Lykillinn að þessari fjórþættu
uppstokkun í íslensku samfé-
lagi er öflug hreyfing jafnaðar-
manna- og félagshyggjufólks,
sem byggir á hugsjónum jafn-
aðarstefnunnar og nútímalegum
frjálslyndum viðhorfum.
Þannig viljum við endurvekja
mannleg verðmæti í samfélag-
inu; mannúð samhjálp og
sjálfsvirðingu einstaklingsins,
andspænis þeirri óheftu frjáls-
hyggju hægri aflanna, sem leitt
hefur til sundrungar og stétta-
átaka víða í samfélögum Vest-
urlanda á síðustu árum.
Til þess að það megi gerast
hér á landi þarf m.a. hreinni
línur í íslensk stjórnmál og að
endurreistur verði trúnaður
milli stjórnmálamanna og
fólksins í landinu. Það verður
einungis gert með nýjum
vinnubrögðum og breyttum
áherslum í íslenskum stjórn-
málum.
Lykillinn að breytingu
Gamla flokkakerfið hefur í
raun gefist upp andspænis þess-
um brýnu verkefnum í íslensk-
um stjómmálum. Því þarf upp-
stokkun og ný vinnubrögð á
öllum sviðum þjóðlífsins - ekki
síst í valda- og samtrygginga-
kerfi stjórnmálanna.
Þjóðvaki stefnir að uppstokk-
un í stjórnmálum, stjórnkerfi
og atvinnulífi til að ná fram
breytingum sem leitt geta til
jöfnuðar í íslensku samfélagi.
Þannig stefnum við að sam-
fylkingu félagshyggjufólks og
jafnaðarmanna í öflug stjórn-
málasamtök, sem njóti meiri-
hlutafylgis. Við viljum að því
ástandi linni að gömlu flokk-
arnir til vinstri fari fyrir hverjar
kosningar í kapphlaup um
valdastóla undir leiðsögn Sjálf-
stæðisflokksins. Þjóðvaki hafn-
ar því að fara í þá biðröð, þar
sem sá félagshyggjuflokkanna
hlýtur hnossið við hlið íhalds-
ins sem mest slær af sínum lof-
orðum við kjósendur. Þegar
þeir segjast vilja ganga
óbundnir til kosninga, þá þýðir
það í reynd að þeir vilja ganga
óbundnir af loforðum sínum
við kjósendur til stjórnarmynd-
unar. Þeir vilja geta samið sig
frá loforðum sínum við fólkið
fyrir ráðherrastólana. M.a. þess
vegna hefur orðið trúnaðar-
brestur milli fólksins og stjórn-
málaaflanna í landinu.
Stefna hægri
aflanna ráðandi
Þjóðvaki aftur á móti er trúr
stefnumálum sínum, uppstokk-
un flokkakerfisins og samfylk-
ingu félagshyggjuaflanna, og
mun þess vegna ekki taka þátt í
ríkisstjórn með Sjálfstæðis-
flokknum. Stefna Sjálfstæðis-
flokksins gengur í veigamikl-
um atriðum þvert á stefnu
Þjóðvaka og við segjum því
skýrt við kjósendur: Við ætlum
ekki að semja okkur frá loforð-
um við ykkur með samstarfi
við Sjálfstæðisflokkinn í ríkis-
stjórn.
Það er nýbreytni í íslenskum
stjórnmálum að stjórnmálaafl
taki af skarið og gefi fólki
skýra valkosti fyrir kosningar.
Staðreyndin er sú að kjósendur
vita aldrei hvers konar ríkis-
stjórn þeir eru að kjósa yfir sig
að loknum kosningum. At-
kvæði greitt Alþýðubandalag-
inu eða Alþýðuflokknum gæti
þess vegna verið atkvæði greitt
ríkisstjórn undir forsæti hægri
aflanna, sem knýr félags-
hyggjuflokkana til að semja sig
frá loforðum sínum við kjós-
endur. Undir yfirskyni nauð-
synlegrar málamiðlunar við
hægri öflin eru kjósendur síðan
beðnir velvirðingar á því að fé-
lagshyggjuflokkarnir hafi ekki
staðið við loforð sín.
Af hverju hafa grundvallarat-
riðin í stefnu félagshyggju- og
jafnaðarmanna ekki komist
meira til framkvæmda í ís-
lensku samfélagi? Staðreyndin
er þó sú að kjósendur Sjálf-
stæðisflokksins eru í minni-
hluta meðal þjóðarinnar, þegar
60-70% þjóðarinnar vilja í raun
og sanni framgang og fram-
kvæmd jafnaðarstefnu og fé-
lagshyggju á íslandi. Engu að
síður hefur stefna hægri aflanna
- minnihluta þjóðarinnar - með
stuðningi þessa eða hins félags-
hyggjuflokksins verið alltof
ráðandi um stjóm landsins í
áraraðir.
Skýr valkostur
Þjóðvaki hefur skorað á önnur
framboð félagshyggju- og jafn-
aðarmanna að taka þátt í ný-
sköpun flokkakerfisins með því
að gefa sams konar yfirlýsingu
og Þjóðvaki varðandi ríkis-
stjórnarþátttöku. Það gæti orðið
upphaf að öflugri breiðfylkingu
jafnaðarmanna og félags-
hyggjufólks til mótvægis við
hægri öflin í landinu. Þannig
yrðu til skýrar línur í íslenskum
stjórnmálum. Þannig gætu
kjósendur veitt stjórnmálaöfl-
unum í landinu meira aðhald,
því þeir gætu þá ekki hlaupið
frá sínum loforðum.
Skorist önnur framboð fé-
lagshyggju- og jafnaðarmanna
undan því að gefa þessa yfir-
lýsingu, til að hafa svigrúm til
að taka þátt í kapphlaupinu til
Sjálfstæðisflokksins að loknum
kosningum, eru loforð þeirra
við kjósendur ekki marktæk. Þá
hafa jafnaðarmenn og félags-
hyggjufólk í þessum kosning-
um aðeins einn skýran valkost,
að leggja sitt af mörkum til að
Þjóðvaki verði svo öflugur að
loknum kosningum að hann
verði forystuafl, sem félags-
hyggjuflokkamir geta ekki
gengið framhjá við stjómar-
myndun að loknum næstu
kosningum. Með því stöðvum
við sókn hægri aflanna og
frjálshyggjunnar í þjóðfélaginu.
Jóhanna er alþingismaður
og formaður Þjóðvaka.
j 11*
Mín skoðcifi Jóhanna Sigurðardóttir
m
m
§)
</>
c
o
o
c:
I
Ritstjóri: Garðar Guðjónsson
Útgefandi og ábm.: Sigurður Sverrisson.
Prentun: Prentverk Akraness hf.
Dreifing: Karl Örn Karlsson, sími 12707.
Verð: Lausasala 220 kr., áskrift greidd með
greiðslukorti 170 kr., annars 200 kr.
Ritstjórn: Skólabraut 21,2. hæð. Opin alla virka daga
kl. 10.00-17.00. Símar 14222 og 12261. Fax: 14122.
Póstfang: Pósthólf 170, 300 Akranes.
Skagabladið fyrir tíu árum
Skagablaðið skýrði frá því í máli og myndum á
forsíðu föstudaginn 15. mars 1985 að vélsmiðja
Síldar- og fiskimjölsverksmiðju Akraness hefði
orðið óþyrmilega fyrir barðinu á skemmdarfýsn
einhverra borgara. Brotist var inn í vélsmiðjuna
og allar læstar hurðir sprengdar upp. Innbrota-
hrina virðist hafa riðið yfir bæinn um þessar
mundir því blaðið sagði einnig frá innbrotum í
BSA og víðar.
Blaðið greindi sömuleiðis frá því á forsíðu að
deilur væru milli skólastjóra tóniistarskólans og
bæjarfulltrúa vegna húsnæðismála tónlistarskól-
ans.
Á baksíðu var rætt við Sigríði Hagalín, sem
leikstýrði leikhópi fjölbrautaskólans í verkinu
Grænjaxlar og sagðist Sigríður hafa átt skemmti-
lega upplifun með krökkunum.
Af öðrum fréttum má nefna viðtal við Hönnu
Rúnu Jóhannsdóttur sem opnaði Barbró fyrir tíu
árum. Sagt var frá mikilli opnunarhátíð Henson á
Akranesi og rætt við Sigurð Sigurðsson skósmið.