Víkurfréttir - 02.05.2019, Síða 16

• Gríðarlegt álag á starfsfólki
• Viljum styttri vinnuviku
• Kulnun er ekki tískuorð

Fyrr á árinu sendi SAMSTARFIÐ
könnun á félagsmenn sína þar
sem leitast var eftir að skoða hver
áhersluatriði ættu að vera í komandi
kjarasamningum. SAMSTARFIÐ
samanstendur af Stéttarfélaginu FOSS
Stéttarfélag í almannaþjónustu, STAG
Starfsmannafélag Garðabæjar, STH
Starfsmannafélag Hafnarfjarðar, SfK
Starfsmannafélag Kópavogs, STAMOS
Starfsmannafélag Mosfellsbæjar og
STFS Starfsmannafélag Suðurnesja.
Það sem var einna helst sláandi við
niðurstöðurnar er að félagsmenn
okkar eru augljóslega að bugast
undan álagi. En 78% félagsmanna
telja sig vera undir miklu álagi í
vinnunni og breytir þar litlu í hvaða
starfstétt fólkið er; sérhæft starfs-
fólk, við þjónustustörf, stjórnendur
og sérfræðingar eða fólk sem vinnur
við skrifstofu- og afgreiðslustörf. Það
kom bersýnilega í ljós að 30% svar-
enda töldu sig oft vera svo þreytta að
þau áttu erfitt með að gera nokkurn
skapaðan hlut og að þau ættu erfitt
með að hætta að hugsa um vinnuna
þannig að það hafi neikvæð áhrif á
frítíma sinn og einkalíf.
Ljóst er að starfsfólk er að vinna undir
gríðarlegu álagi. Félagsmenn okkar
vinna að meðaltali 37 tíma á viku og
eru með um 344.695 krónur í grunn-
laun fyrir skatt. En að jafnaði vinna
þau sem eru í fullu starfi 42 stundir
á viku.
Þegar kreppan kom þá var mjög mikið
af uppsögnum og ýmiskonar niður-
skurði, verkin fóru á færri hendur.
En nú eru um 11 ár síðan það var og
er ekki hægt að láta fólk vinna enda-
laust undir miklu álagi. Það endar
bara í ofþreytu og kulnun sem er
alls ekki tískuorð heldur er það eitt-
hvað sem á sér stað vegna álags og
langrar vinnuviku. Við sjáum líka
að aukin aðsókn í sjúkradagpeninga
hjá sjúkra- og styrktarsjóði stéttar-
félaganna gefur enn meira tilefni til
réttmæti kröfunnar um styttingu
vinnuvikunnar.
Við munum því meðal annars berj-
ast fyrir styttingu vinnuvikunnar og
hærri launa fyrir félagsmenn okkar í
komandi kjarasamningunum.
Starfsmannafélag Suðurnesja.
Ungmennaráð í Reykjanesbæ kom í heimsókn fyrir
bæjarstjórnafund og flutti mörg áhugaverð erindi. Í
einu þeirra kom fram að nú væri komin tími á nýja
skólahreystibraut í bænum og nemendur lögðu áherslu
á að brautin skipti miklu máli og mikivægi þess að vera
hraustur. Ánægjulegt að heyra þau kalla eftir nýrri
braut, þá vitum við að þau hafa gaman af því að leika
sér úti, það viljum við sjá börn gera í okkar samfélagi.
Ég tel mikilvægt að við séum stöðugt með hugann við
uppbyggingu á aðstöðu sem hefur jákvæð áhrif á hreyfingu allra, bæði
barna, unglinga og fullorðinna þar sem þau finna áskoranir við hæfi
og möguleika á að stunda hreyfingu. Hreyfing er lykilatriði fyrir bæði
hreyfi færni og hreysti en rannsóknir sýna fram að hreysti er mikilvæg
fyrir góða heilsu og vellíðan. Í ár tóku skólarnir í Reykjanesbæ þátt í
Skólahreystikeppninni sem fram fór í apríl í Hafnarfirði þar sem skólar
frá Suðurlandi kepptu sín á milli. Heiðarskóli komst inn í aðalkeppnina
og Holtaskóli einnig því hann var skólinn sem hafði flest stigin í öðru
sæti af öllum skólum á landinu en yfir 100 skólar tóku þátt. Það er því
fagnaðarefni að tveir grunnskólar af sex í Reykjanesbæ komist inní
aðalkeppnina í ár. Skólahreystikeppni Íslands hefur verið haldin frá
árinu 2005 og Holtaskóli hefur verið sigusælasti skólinn í Skólahreysti
og hefur þeirra lið sigrað keppnina fimm sinnum á sex árum frá 2011 til
2016. Heiðarskóli sigraði árið 2014 og eru núverandi meistarar og hafa
ungmenni úr Reykjanesbæ sigrað keppnina átta sinnum og telst það er
frábær árangur.Verðlaunin sem hafa verið veitt eru peningaverðlaun og
oftast er þeim varið í að kaupa tæki og tól fyrir næstu keppni svo hægt
sé að halda áfram að æfa af kappi fyrir næstu keppni. Íþróttakennarar
eiga hrós skilið fyrir magnaðan árangur og að kveikja áhuga á mikilvægi
hreysti. Það er klárt að okkar skólar í Reykjanesbæ eru meðal þeirra
fremstu í Skólahreysti keppinni en betur má ef duga skal. Mikilvægt er
að við vinnum einnig markvisst að því að virkja fleiri nemendur á sviði
hreyfingar og hvetjum öll börn og ungmenni til að prófa skólahreysti
eða aðrar íþróttagreinar sem eru í boði í okkar samfélagi, þannig eflum
við hreyfingu og bætum heilsu allra barna. Ég vil skora á alla bæjarbúa
í Reykjanesbæ til að mæta á úrslitin í Skólahreysti í ár sem haldin verða
í Laugardalshöll 8. maí kl. 19:30. Hvetjum þessi frábæru hraustu ung-
menni sem lagt hafa á sig miklar æfingar undanfarana mánuði, þetta
er mögnuð fjölskylduskemmtun.
Anna Sigríður Jóhannesdóttir
BA Sálfræði og MBA
Skömmu fyrir páska fluttu Víkurfréttir frásögn af því að eitrað hefði
verið fyrir ketti – að því að talið er. Ámóta fréttir berast víðar af landinu.
Það er hryggilegt, að fólk skuli finna sig knúið til að grípa til slíkra
örþrifaráða til að losna við kettina. Þörf eiganda hunda og katta til að
strjúka þeim, leika sér við þá og að þeim, spjalla við þá og kenna þeim
hinar og þessar kúnstir, er vel skiljanleg. Aftur á móti er torskildari sú
tegund kattahalds, sem felst í því að vista gæludýr sitt meira eða minna
í görðum og híbýlum grannanna. Það er alkunn hegðun katta að stinga
sér inn um opnar gáttir, róta og gramsa, sníkja fæðu, drepa fugla og
losa bos sitt í sandkassa og beð eða einhvers staðar innan dyra. Varla
þarf að fjölyrða um óyndi og óþrifnað af þessu. Fyrst og síðast er fjölda
fólks – jafnvel allt að þriðjungi, sé ástandið svipað og í Bandaríkjum
Norður-Ameríku - hætta búin sökum ónæmis og öndunarsjúkdóma, þó
allra helst þeim, sem eru svo ólánssamir að búa við bráðaofnæmi fyrir
hári, húðskæni og vessum katta. Þeir geta verið í bráðri lífshættu. Sömu
áreiti geta sömuleiðis leyst annars konar ofnæmi úr læðingi.
Því er það, að lög-
gjafinn hefur sett
lög um kattahald.
Einkum er um að
ræða tvo lagabálka;
lög um fjöleignar-
hús, nr. 26/1994,
með síðari breyt-
ingum 15. apríl
2011, og lög um hollustuhætti og
mengunarvarnir nr. 7/1998. Til-
gangur löggjafans með fyrrnefndu
lögunum er þessi: „Tillagan byggist
fyrst og fremst á að nokkuð er um
að börn og fullorðnir hafi ofnæmi
fyrir þessum dýrum. Getur slíkt
ofnæmi haft það alvarleg áhrif að
fólk geti jafnvel þurft að flytja úr
eigin íbúðarhúsnæði gangi ekki
að fá skilning sameigenda á þessu
vandamáli. Er breytingunum ætlað
að koma í veg fyrir slíkar aðstæður.“
Það er ekki einungis svo, að kettir
geti skapað heilsuvá, heldur stafar
einnig af þeim ákveðin slysahætta,
einkum fyrir börn, svo og sýkingar-
hætta. Því er það að „[f]yrirbyggja
[skuli] sýkingar hjá mönnum af
völdum spóluorma í köttum.“ Í lög-
unum er einnig tiltekið, að hundar
og kettir megi ekki vera á sameigin-
legri lóð. Ennfremur er svo mælt
fyrir um í lögum, að „[g]æludýr
skulu þannig haldin að ekki valdi
hávaða, ónæði, óhollustu eða óþrifn-
aði. ... Ónæði er veruleg og ítrekuð
truflun eða áreiti sem tilheyrir ekki
því umhverfi sem um ræðir, s.s.
vegna óþrifnaðar, ólyktar, hávaða,
...“ Húsfélögum er veitt heimild til
að vernda íbúa. „Húsfélagið getur
... lagt bann við dýrahaldi ef það
veldur öðrum íbúum verulegum
ama, ónæði og truflunum og eigandi
dýrsins neitar að gera bót þar á.“
Sömu heimild er sveitarfélagi veitt.
Sveitarfélög á Suðurnesjum gerðu
samþykkt um kattahald 28. apríl
2004. Níunda grein hennar hljóðar
svo: „Leyfishafa er skylt að gæta
þess að köttur hans valdi ekki tjóni,
hættu, óþægindum, óþrifum eða
raski ró manna. Leyfishafa ber að
greiða það tjón sem köttur hans
veldur, svo og allan kostnað við fjar-
lægja dýrið gerist þess þörf.“
Það er sjálfsögð regla að reyna hið
góða samtal, þegar ágreiningur
granna rís um kattahald samkvæmt
téðri samþykkt. Dugi það ekki til,
skal heilbrigðiseftirlitið skerast í
leikinn samkvæmt lögum. Heil-
brigðiseftirlit Suðurnesja neitar
hins vegar að beita sér. Greinargerð
eftirlitsins er þessi:
„Í samþykkt um kattahald á Suður-
nesjum er ekki að finna ákvæði um
haldlagningu katta, nema þegar um
villi- eða flækingsketti er að ræða.
Þá er ekki tekið með skýrum hætti
á ofnæmi sem kettir kunna að
valda. Til þess að stjórnvald eins
og Heilbrigðiseftirlit Suðurnesja geti
aðhafst á grundvelli samþykktar-
innar þarf að sanna að refsiverður
verknað hafi átt sér stað, þ.e.a.s.
að eigandi dýrsins hafi með sinni
háttsemi brotið reglur. Embættið
þarf með öðrum orðum að sanna
eigandi hafi með ásetningi valdið
öðrum tjóni, óþægindum, óþrifum
o.s.frv. Ekki nægir að nágranni telji
sig verða fyrir þessum miska. Það
þarf að sanna að tjón sé af völdum
... [tiltekins] dýrs auk þess sem
meta þarf það í krónum og aurum.
Ónæði og röskun á ró eru óljós hug-
tök í lögfræðilegum skilningi og til
sönnunar á slíku verða starfsmenn
Heilbrigðiseftirlitsins annað hvort
að hafa sannreynt það sjálfir eða
fá það staðfest í lögregluskýrslum.
Óljóst er hvort samþykktin taki yfir
heilsutjón af völdum kattarofnæmis.
Ef svo er þarf að sanna að ... [til-
tekinn] köttur hafi valdið ofnæmis-
viðbrögðum en ekki eitthvað annað.
Það er ekki að Heilbrigðiseftirlitið
vilji ekki hlutast til í málum sem
þessum, heldur frekar hitt að við
teljum hendur okkar bundnar af
gildandi löggjöf og þeim úrskurðum
og dómum sem vísa eiga veginn um
framkvæmdina.“
Tja! Nú er úr vöndu að ráða. Hvað
skal til bragðs taka? Ugglaust myndi
það einfalda skriffinnskuflækjurnar,
ef hið nýja sveitarfélag bannaði
lausagöngu katta alfarið. Lög- og
stjórnsýslufræðingar mættu einnig
skríða undir feld og finna skýringu á
því, að framkvæmdarvaldinu takist
að snúa sig út úr einföldum texta
laga, reglugerða og samþykkta.
Arnar Sverrisson
Eftir að hafa lesið fréttaviðtal í Víkurfréttum við Jóhann F Friðriksson
forseta bæjarstjórnar þar sem hann útlistar að fulltrúi M-lista, Margrét
Þórarinsdóttir, sem er í minnihluta bæjarstjórnar hafi brotið trúnað. Það
er skrítin nálgun þar sem Framsóknarflokkurinn fyrir síðustu bæjarstjórn
talaði um gagnsæi og ábyrgð sem eitt af þeirra stefnumálum ef þeir fengu
umboð til þess að stýra bæjarfélaginu okkar hér í Reykjanesbæ.
Hvernig fjármálum
Reykjanesbæjar er
varið kemur öllum
íbúum bæjarins við
því það erum við
sem borgum skatta
og skyldur til bæjar-
félagsins. Við viljum
auðvitað fá að vita
hvernig þeim fjármunum er varið.
Þannig að ef það hefur ríkt trúnaður
um að upplýsa ekki bæjarbúa um
þessar 43 milljónir króna, væri þá
ekki verið að brjóta á íbúum hvað
varðar gagnsæi og þeim upplýsingum
um hversu há bótagreiðslan var til
byggingarverktakans?
Í grunnstefnu Pírata segir að gagnsæi
snúist um að opna hina valdameiri
gagnvart eftirliti hinna vandaminni.
Einnig að allir hafi óskoraðan rétt til
að fá vitneskju um það hvernig slíkar
ákvarðanir hafa verið teknar.
Öll leyndarhyggja grefur undan
trausti almennings til stjórnsýslunnar
og hefur neikvæð áhrif eins og við hér
í Reykjanesbæ fengum að upplifa með
þeirri gífurlegu skuldasöfnun sem
átti sér stað hér fyrir fáeinum árum,
ekki viljum við endurtaka þann leik.
Ég sem Pírati fagna því þeim upp-
lýsingum sem Margrét Þórarinsdóttir
upplýsti okkur um, en að sama skapi
óánægð með að bæjarstjórnin ætlaði
að halda þessum upplýsingum leyni-
legum hvað varðar þessa 43 milljóna
skaðabótakröfu.
Hvað varðar þessa skaðabótakröfu
og hvernig hún er tilkomin ætla ég
ekki að fjalla um í hér þessari grein.
Það er svo okkar íbúa að skoða það út
frá þeim upplýsingum sem við höfum
aðgang að og vonandi er allt gagnsæi
þar upp á borðum.
Margrét S Þórólfsdóttir Pírati.
Kattafárið í Suðurnesjabæ
Upplýsingar og gagnsæi
Hreysti ungmenna
í Reykjanesbæ
SAMSTARFIÐ
SUNNUDAGINN 5. MAÍ KL. 20:30
SUÐUR MEÐ SJÓ
Margrét Knútsdóttir er gestur næsta þáttar af Suður með sjó.
Margrét gegnir því göfuga hlutverki að vera ljósmóðir,
fyrsta manneskjan sem barnið yfirleitt sér þegar það kemur í heiminn.
Ekki missa af áhugaverðu viðtali í þættinum
Suður með sjó á sunnudagskvöld á Hringbaut.
SUÐUR MEÐ SJÓ
Í HLAÐVARPI VÍKURFRÉTTA
... og fleiri veitur væntanlegar
Það er ávallt mikil gleði í söngstund á Nesvöllum í Reykjanesbæ þar sem þessi mynd var tekin á dögunum.
16 UMRÆÐAN Á SUÐURNESJUM f immtudagur 2. maí 2019 // 18. tbl. // 40. árg.