Víkurfréttir - 27.06.2019, Side 11

„Það á ekki að hækka skatta á almenning í landinu, það á að hliðra til í skatt-
kerfinu. Við viljum frekar horfa til þess að skattleggja þá efnamestu,“ sagði
Katrín Jakobsdóttir, formaður Vinstri grænna, skömmu fyrir kosningarnar
í október 2017. Eitt af fyrstu verkefnum ríkisstjórnar Vinstri grænna,
Sjálfstæðisflokks og Framsóknarflokks var síðan að hækka umtalsvert
kolefnisgjaldið. Gjaldið skilar á þessu ári 5,9 milljörðum króna í ríkissjóð
og enn er fyrirhugað að hækka það. Bíleigendur bera aðeins ábyrgð á um
6% losunar gróðurhúsalofttegunda á Íslandi en eru látnir greiða tæp 90%
þeirra losunartengdu skatta sem hér eru innheimtir.
Í endurskoðaðri fjár-
málaáætlun ríkis-
stjórnarinnar fyrir
árin 2020–2024, sem
samþykkt var á Al-
þingi í síðustu viku, er
boðaður nýr skattur.
Hér ræðir um sérstakt
sorpgjald vegna urðunar og leggst á
öll heimili og fyrirtæki í landinu. Auk
þess er nýtt gjald á gróðurhúsaloftteg-
undir í kæli- og frystitækjum. Þessir
nýju skattar eiga að skila ríkissjóði 11,5
milljörðum króna. Engar skýringar
eru gefnar á því hvað réttlætir þessa
nýju skatta og hvers vegna heimilum
landsmanna og atvinnufyrirtækjum
er ætlað að bera þessa skattbyrði.
Miðflokkurinn vill lækka skatta á
fólk og fyrirtæki eins og kostur er.
Skattastefna ríkisstjórnarinnar
gengur þvert á stefnu Miðflokksins
um að gæta hófs við skattlagningu
og lækka skatta á fólk og fyrirtæki
eins og kostur er. Mikilvægt er að
haga skattlagningu með þeim hætti
að skilvirkni og jafnræði sitji í fyrir-
rúmi. Miðflokkurinn hefur marg-
sinnis bent á að kolefnisskattinum er
ekki jafnað niður á landsmenn með
sanngjörnum hætti. Hann kemur
verst niður á landsbyggðinni. Þá
verður ekki séð á hvern hátt þessir
nýju skattar geti haft jákvæð áhrif
á efnahagslífið í þeirri niðursveiflu
sem nú blasir við. Slíkir skattar gætu
stuðlað að því að draga úr þrótti at-
vinnufyrirtækja og með því magnað
þá erfiðleika sem fyrirtækin standa
frammi fyrir. Skattar af þessu tagi
stuðla ekki að því að fyrirtæki ráði til
sín nýtt starfsfólk, auki fjárfestingar
eða séu í færum til að bæta kjör starfs-
manna sinna.
Sjálfstæðisflokkurinn framfylgir hug-
myndafræði vinstri manna. Það eru
mikil vonbrigði að Sjálfstæðisflokkur-
inn skuli enn og aftur undirgangast
og framfylgja hugmyndafræði vinstri
manna þegar kemur að skattamálum.
Flokkur sem boðaði einfaldara skatt-
kerfi og fækkun skattþrepa en gerir
síðan þveröfugt, fjölgar sköttum og
fjölgar skattþrepum. Það er af sem
áður var þegar Sjálfstæðisflokkurinn
gaf sig út fyrir það að vera talsmaður
lægri skatta og draga úr ríkisbákninu.
Það eru hrein öfugmæli.
Birgir Þórarinsson
þingmaður Miðflokksins
í Suðurkjördæmi
Nýir skattar á færibandi í boði ríkisstjórnar
UMRÆÐAN Á SUÐURNESJUM
Undirbúningur fyrir Ljósanótt er löngu hafinn og margir viðburðir nú
þegar komnir í vinnslu. Dagskráin verður hefðbundin að því leyti að allir
stærstu og vinsælustu viðburðirnir verða á sínum stað og tíma en að auki
verða nokkrir nýir viðburðir í höndum ýmissa aðila. Í ár er nefnilega tvö-
falt afmælisár, haldið er upp á 20 ára afmæli Ljósanætur og 25 ára afmæli
Reykjanesbæjar og af því tilefni mun Sinfoníuhjómsveit Íslands t.d. vera
með tónleika í Stapanum á þriðjudagskvöldinu 3. september. Einnig hafa
verið auglýstir styrkir til umsóknar fyrir bæjarbúa sem vilja setja upp
eigin viðburði, gestum og íbúum til skemmtunar.
Virðing fyrir umhverfinu eykst sem
betur fer með hverju árinu og nú
er svo komið að stefnt er að því að
halda „Plastlausa Ljósanótt“ árið
2019. Undirbúningsnefndin hefur
verið í sambandi við flesta stóru hags-
munaðilana sem allir hafa lýst vilja
til að virða þessa stefnu og nú verður
spennandi að sjá hvernig til tekst.
Hér með er þessari ósk um „Plast-
lausa Ljósanótt“ komið á framfæri
og öllum þeim sem hyggjast koma að
viðburðum, sölu eða öðru á Ljósanótt,
bent á að taka þarf tillit til „Plast-
lausrar Ljósanætur“, segir í tilkynn-
ingu frá Reykjanesbæ.
Plastlaus Ljósanótt
Þorbjarnarfell er bæjarfjall Grindvíkinga og blasir við til hægri handar þegar ekið er suður Grindavíkurveginn. Uppi á fjallinu eru áberandi
fjarskiptamöstur en þar er einnig að finna nokkuð stórbrotið náttúrufyrirbæri. Efri hluti fjallsins er nefnilega klofinn í tvennt af feiknamikilli
misgengisgjá er nefnist Þjófagjá. Fellið er ekki mjög hátt, telst vera 243 m.y.s. og því ekki erfitt uppgöngu fyrir fólk í þokkalegu formi.
ÚTBOÐ
Sveitarfélagið Vogar óskar eftir tilboðum í verkið
„Vogar – Endurbætur fráveitu“.
Verkið felst í fullnaðarfrágangi á steyptu dælumannvirki við núverandi útrás neðan Akurgerð-
is ásamt fullnaðarfrágangi á nýrri dælulögn frá dælumannvirkinu að núverandi sjálfrennslis-
lögn í Hafnargötu þar sem hún tengist henni. Núverandi yfirfall tengist nýju dælumannvirki
en helst að öðru leyti óbreytt, upphafshluti núverandi útrásar tengist í nýtt dælumannvirki en
sjólögnin leggst af.
Helstu magntölur eru:
Rif yfirborðs 490 m2
Uppgröftur og endurfyllingar 1165 m3
Aðflutt fylling 460 m3
Losun á klöpp 15 m3
Lögn, PEH ø180mm 430 lm
Brunnur,1000mm 1 stk.
Steypumót 120 m2
Járnabinding 2600 kg
Steinsteypa 17 m3
Skólpdælur 2 stk
Lensidæla 1 stk
Malbik 580 m2
Grasþökur 570 m2
Framkvæmdatími hefst þriðjudaginn 20. ágúst 2019, strax eftir afstaðna bæjarhátíð sveitar-
félagsins Voga.
Framkvæmdum skal vera að fullu lokið eigi síðar en 15. október 2019.
Þeir sem hyggjast bjóða í verkið skulu óska eftir útboðsgögnum með því að senda tölvupóst
á netfangið skrifstofa@vogar.is eða hringja í síma 440 6200 og gefa upp nafn, heimilisfang,
síma og netfang og fá þá útboðsgögnin send í tölvupósti.
Tilboðum skal skilað á skrifstofu Sveitarfélagsins Voga, Iðndal 2,
190 Vogar eigi síðar en þriðjudaginn 16. júlí 2019 kl. 11.00,
og verða þau opnuð þar í samræmi við ákvæði greinar 2.5 í ÍST 30.
LHG.IS
Tillaga að deiliskipulagi:
Öryggissvæðið á
Keflavíkurflugvelli
Utanríkisráðuneytið hefur falið Landhelgisgæslu Íslands að
vinna deiliskipulag fyrir öryggissvæðið á Keflavíkurflugvelli.
Land helgisgæsla Íslands auglýsir hér með í samræmi við 1. mgr.
41. greinar skipulagslaga nr. 123/2010 tillögu að deiliskipulagi
á öryggissvæðinu á Keflavíkurflugvelli.
Deiliskipulagssvæðið er um 760 ha að stærð og afmarkast sam­
kvæmt auglýsingu nr. 720/2015 um landfræðileg mörk öryggis­
og varnarsvæða. Svæðið liggur að landsvæðum sem eru innan
sveitarfélagamarka Reykjanesbæjar og Suðurnesjabæjar. Mörk
meginsvæðis til austurs og að hluta til suðurs eru að landi
innan Reykjanesbæjar, til norðurs að svæði Isavia (svæði A)
á Keflavíkurflugvelli og til vesturs og suðurs að landi innan
Suðurnesjabæjar.
Deiliskipulagstillagan fjallar m.a. um afmörkun nýrra svæða
fyrir starfsemi innan svæðisins s.s. svæði fyrir skammtíma gisti­
aðstöðu, efnisvinnslusvæði, gistisvæði, geymslusvæði og aðra
landnotkun og starfsemi.
Deiliskipulagstillagan verður aðgengileg á samráðsgátt stjórn­
valda (samradsgatt.is), heimasíðu utanríkisráðuneytisins og
heimasíðu Landhelgisgæslu Íslands frá og með 24. júní 2019.
Þeir sem telja sig eiga hagsmuna að gæta gefst kostur á að
gera athugasemdir við tillögurnar. Skila skal skriflegum athuga­
semdum til: Landhelgisgæslu Íslands, b.t. Sveinn Valdimarsson,
skipulagsfulltrúa, Þjóðbraut 1, 235 Keflavíkurflugvöllur eða
í tölvupósti á skipulagsfulltrui@lhg.is. Frestur til að gera
athugasemdir rennur út 20. ágúst 2019.
11FRÉTTIR Á SUÐURNESJUM f immtudagur 27. júní 2019 // 26. tbl. // 40. árg.