Fréttir - Eyjafréttir - 16.07.2014, Page 2

°
°
2 Eyjafréttir / Miðvikudagur 16. júlí 2014
útgefandi: Eyjasýn ehf. 480278-0549.
ritstjóri: Gísli Valtýsson - gisli@eyjafrettir.is.
Blaðamenn: Ómar Garðarsson - omar@eyjafrettir.is,
Sæþór Þorbjarnarson. - sathor@eyjafrettir.is og
Júlíus G. Ingason, - julius@eyjafrettir.is.
ábyrgðarmaður: Gísli Valtýsson.
prentvinna: Eyjasýn/ Eyjaprent.
ljósmyndir: Óskar Pétur Friðriksson og blaðamenn.
aðsetur ritstjórnar: Strandvegur 47,
Vestmannaeyjum.
símar: 481 1300 og 481 3310.
netfang: frettir@eyjafrettir.is.
veffang: www.eyjafrettir.is
eyjaFrÉttir koma út alla miðvikudaga. Blaðið er selt
í áskrift og einnig í lausasölu á Kletti, Tvistinum,
Toppn­um,­Vöruval,­Herjólfi,­Flughafnar­versluninni,­
Krónunni, Kjarval og Skýlinu.
eyjaFrÉttir eru prentaðar í 2000 eintökum.
eyjaFrÉttir eru aðilar að Samtökum bæjar-
og héraðsfréttablaða.
eftirprentun, hljóðritun, notkun ljósmynda og
annað er óheimilt nema heimilda sé getið.
Eyjafréttir
Vikan var með rólegra móti hjá
lögreglu og engin alvarleg mál sem
upp komu. Rólegt var í kringum
skemmtistaði bæjarins um liðna
helgi. Eitthvað var um kvartanir
vegna hávaða frá heimahúsum án
þess þó að teljandi vandræði hafi
hlotist af því.
Í vikunni var lögð fram kæra
vegna lausagöngu graðfola suður á
eyju en folinn mun iðulega vera
utan girðingar.
Þrjú umferðaróhöpp voru tilkynnt
lögreglu í liðinni viku og var í
öllum tilvikum um minniháttar
óhöpp að ræða og engin slys á fólki.
Einungis ein kæra liggur fyrir
vegna brota á umferðarlögum en
um var að ræða lélegan frágang á
farmi á vörubifreið með þeim
afleiðingum að hluti af farminum
féll af palli bifreiðarinnar og á aðrar
bifreiðar og olli skemmdum á þeim.
Um var að ræða fiskiker.
Þvert ofan í tillögur vísindamanna
ákvað umhverfis‑ og skipulagsráð
Vestmannaeyja að heimila lunda‑
veiði í Vestmannaeyjum í fimm
daga í sumar, sjöunda til tólfta ágúst
og eru báðir dagar meðtaldir.
„Árin 2011 og 2012 var engin
lundaveiði heimiluð í Vestmanna‑
eyjum að frumkvæði bæjaryfirvalda
en árin þar á undan voru verulegar
hömlur settar á veiði eins og gert
var síðasta ár þegar fimm dagar
voru leyfðir til veiða í júlí. Ákvörð‑
unin er tekin með hliðsjón af
ástandi stofnsins sl. ár og þeim
mikilvæga menningarlega þætti sem
lundaveiði er í sögu Vestmanna‑
eyja,“ segir í fundargerð.
Ráðið hvetur bjargveiðimenn til
þess að haga veiðum þannig að
lundinn njóti ætíð vafans. Ráðið
leggur einnig þær skyldur á
bjargveiðimenn að ef aðstæður
leyfa og þeir fara á annað borð til
veiða skulu þeir skila öllum hausum
af veiddum fugli til Náttúrustofu
Suðurlands til rannsókna.
Lögregla :: Vikan
með rólegra móti:
Grað-
foli á
sprangi
:: Þrjú umferðar -
óhöpp :: Fiskiker
skemmdu bíla
Umhverfis- og
skipulagsráð Vest-
mannaeyjabæjar:
Leyfir
lunda-
veiði í
fimm
daga
„Afstaða Vestmannaeyjabæjar
er óbreytt. Við leggjumst gegn
sameiningu yfirstjórnar heil-
brigðisstofnana. Vissulega er
yfirtaka á verkefnum ríkisins,
þar með talin heilbrigðisþjón-
usta, ætíð til skoðunar. Það er
þó háð því að ríkið leggi til
lágmarksfé til að hægt sé að
veita þjónustuna. Þar hefur
hnífurinn staðið í kúnni,“ segir
Elliði Vignisson, bæjarstjóri um
þá ákvörðun heilbrigðisráðherra
að sameina heilbrigðisstofnanir
á Suðurlandi. Er Heilbrigðis-
stofnun Vestmannaeyja inni í
þeim pakka.
„Ég get engu svarað um framhaldið
enda ekki fengið neinar upplýsingar
sem gætu varpað einhverju ljósi á
það hvort bærinn sé í viðræðum
um aðkomu að rekstrinum,“ segir
Jórunn Einarsdóttir, oddviti
Eyjalistans.
Í síðustu viku gaf heilbrigðis‑
ráðherra út reglugerð um sam‑
einingu heilbrigðisstofnana og
samkvæmt henni verða Heilbrigðis‑
stofnanir Suðausturlands, Suður‑
lands og Vestmannaeyja samein‑
aðar í Heilbrigðisstofnun
Suðurlands. Sameiningin tekur gildi
1. október nk. og tekur nýr forstjóri
við um leið. Auglýst verður eftir
umsóknum í stöðu forstjóra og er
umsóknarfrestur til 1. ágúst.
„Markmiðið með sameiningu
heilbrigðisstofnana er að styrkja
rekstrar‑ og stjórnunareiningar,
auka öryggi íbúa með góðri
heilbrigðisþjónustu og nýta
fjármuni betur. Með sameiningu
færist ákvarðanataka í auknum
mæli frá ráðuneyti til heimamanna“,
segir á vef Velferðarráðuneytisins.
„Í aðdraganda sameininganna
munu verðandi forstjóri ásamt
starfsmönnum ráðuneytisins hafa
samráð við sveitarstjórnarmenn á
viðkomandi svæðum.“
Með þessu telst lokið sameiningu
heilbrigðisstofnana í öllum
heilbrigðisumdæmum landsins, eins
og lög um heilbrigðisþjónustu gera
ráð fyrir, segir einnig í frétt
ráðuneytisins.
Heilbrigðisstofnanir Suðausturlands, Suðurlands og
í Vestmannaeyjum sameinaðar:
Á móti sameiningu yfir-
stjórnar heilbrigðisstofnana
:: Yfirtaka á heilbrigðisþjónustu ætíð til skoðunar :: Háð því að ríkið
leggi til lágmarksfé, segir bæjarstjóri :: Hef engar upplýsingar um
það hvort bærinn sé í viðræðum um aðkomu að rekstrinum,
segir oddviti Eyjalistans
Ómar GarðarSSon
omar@eyjafrettir.is
Bæjarráð hélt sinn fyrsta fund í
síðustu viku og hann sátu Páley
Borgþórsdóttir formaður, Elliði
Vignisson bæjarstjóri, Trausti
Hjaltason og Stefán Óskar
Jónasson. Fyrsta mál fjallaði um
þá stöðu sem komin er upp eftir
að fyrir liggur álit umboðsmanns
Alþingis um að reglugerð um
stjórn makrílveiða og úthlutun
aflaheimilda á grundvelli þeirra
standist ekki lög.
Ísfélagið og Vinnslustöðin kærðu
úthlutun sjávarútvegsráðherra á
makrílkvóta 2010 en þá var makríl
úthlutað til skipa sem ekki höfðu
veiðireynslu. Telur Vinnslustöðin
sig hafa tapað tveimur milljörðum á
þessari ákvörðun ráðherra og
hyggst sækja rétt sinn. Ekki er tapið
minna hjá Ísfélaginu sem er með
meiri kvóta.
Á fundinum var bent á að bæjar‑
yfirvöld í Vestmannaeyjum hafi
varað við því að þetta yrði staðan.
Sérstaklega er í því samhengi bent á
ályktun bæjarstjórnar Vestmanna‑
eyja 31.3. 2011 þar sem m.a. annars
sagði: „Það vekur sérstakan ugg að
með þessum vinnubrögðum er
gefinn forsmekkur að því sem koma
skal. Með handaflsaðgerðum og án
samráðs við alþingi eða þingnefndir
geta stjórnmálamenn nú sveiflað til
milljörðum. Slíkt er ávísun á
spillingu og pólitíska greiða.
Nái núverandi stefna stjórnvalda
fram að ganga mun það valda enn
meiri óróa í því viðskiptaumhverfi
sem sjávarútvegurinn býr við í dag.“
Mikið í húfi
Ljóst er að mikið er í húfi því í
útreikningum sem lagðir voru fram
af bæjarstjórn árið 2011 var skaðinn
fyrir Vestmannaeyjar af þessum
ólögmætu aðgerðum áætlaður 1250
milljónir. Tapaðar launatekjur
sjómanna voru áætlaðar um 133
milljónir og landverkafólks um 71
milljón.
„Tapaðar tekjur Vestmannaeyja‑
bæjar vegna aflagjalda og útsvars er
verulegt. Sennilegt er að heildar‑
tjónið fyrir Vestmannaeyjar síðan
2011, bara vegna þessarar ólög‑
mætu reglugerðar, sé milli 5 og 6
milljarðar. Til samanburðar má
nefna að slík fjárhæð myndi duga til
að veita fæðingarþjónustu í
Vestmannaeyjum í 120 ár,“ segir í
fundargerð og telur bæjarráð afar
mikilvægt að íhugað verði vandlega
hver lagaleg staða Vestmannaeyja‑
bæjar sé og mun eftir atvikum
krefjast leiðréttingar fyrir dóm‑
stólum ef þurfa þykir. Þá telur
bæjarráð einboðið að ríkisstjórn
geri sjávarútvegsráðherra að byrja
strax að vinda ofan af þeim
ólögmætu vinnubrögðum sem hafa
verið viðhöfð við úthlutun á makríl
síðan 2011.
Bæjarráð fól bæjarstjóra að gæta
áfram hagsmuna Vestmannaeyja‑
bæjar í málinu.
Ákvörðun ráðherra um úthlutun makríls 2010 Eyjamönnum dýr:
Heildartjón Vestmannaeyja
á milli 5 og 6 milljarðar
:: Tapaðar launatekjur sjómanna voru áætlaðar um 133 milljónir
:: Landverkafólks um 71 milljón
Ómar GarðarSSon
omar@eyjafrettir.is