Fréttir - Eyjafréttir - 19.05.2016, Blaðsíða 18

18 Eyjafréttir / Fimmtudagur 19. maí 2016
Í sumar ætlum við að vera með
spurningakeppni á milli leikmanna
meistaraflokks karla og meistara-
flokks kvenna. Í þessu blaði hefjum
við keppnina en þar keppa tveir af
okkar efnilegustu leikmönnum.
Sigurður Grétar Benónýsson
ríður á vaðið fyrir strákana, en hann
skoraði sitt fyrsta mark á fimmtu-
daginn gegn Víkingi Ólafsvík.
Sigurður gerði sér lítið fyrir og
bætti við öðru gegn Fylki á
mánudaginn, hann getur hreinlega
ekki hætt að skora. Sabrína Lind
Adolfsdóttir er í meistaraflokki
kvenna en hún spilar í vörninni, er
einnig fyrsti leikmaðurinn frá
samstarfi ÍBV og KFR til að spila
fyrir meistaraflokk ÍBV.
1. Hvert er hæsta fjall Íslands? -
Bónus stig fyrir að segja hversu hár
Hvannadalshnjúkur - 2110 metrar.
2. Hver er forsætisráðherra Íslands?
Sigurður Ingi Jóhannsson.
3. Hvaða lið sigraði ensku úrvals-
deildina á dögunum?
Leicester.

4. Hversu margir hafa verið forsetar
Íslands?
Fimm.
5. Hver er númer 20 í meistara-
flokki karla? / Hver er númer 20 í
meistaraflokki kvenna?*
Mees Siers og Cloe Lacasse.
6. Í hvaða sæti endaði meistara-
flokkur karla í fyrra? / Í hvaða sæti
endaði meistaraflokkur kvenna í
fyrra?*
10. sæti kk og 5. sæti kvk.
7. Hver er leikjahæsti leikmaður
ÍBV í meistaraflokki karla frá
upphafi, í efstu deild?
Ingi Sigurðsson.
8. Hver er markahæsti leikmaður
ÍBV í meistaraflokki kvenna frá
upphafi, í efstu deild?
Bryndís Jóhannesdóttir / Biddý.
* Í spurningum 5 og 6 var Siggi spurður
um mfl. kvk og Sabrína um mfl. kk.
Svör Sigga:
1. Heimaklettur.
2. Bjarni Ben.
3. Leicester.
4. 23.
5. Fröken Mees - en þar átti
Siggi við Cloe.
6. 4. sæti.
7. Ingi Sig.
8. Biddý.
Svör Sabrínu:
1. Veit ekki.
2. Sigurður - sem er ekki
fullnægjandi svar.
3. Leicester.
4. Þrír.
5. Mees.
6. 10. sæti.
7. Pabbi Jonna - sem er
vissulega rétt.
8. Biddý.
Hvað vita fótbolta-
snillingarnir?
Er Heima-
klettur hæsta
fjall Íslands?
Vetrarlok ÍBV-íþróttafélags var
haldið hátíðlegt að viðstöddum
leikmönnum, þjálfurum,
stjórnarmönnum, sjálfboða-
liðum og styrktaraðilum á
Háaloftinu síðasta föstudags-
kvöld. Þar voru veittar viður-
kenningar fyrir framistöðu
leikmanna fyrir veturinn. Bestu
leikmenn meistaraflokkanna
voru valin þau Ester Óskars-
dóttir og Theodór Sigurbjörns-
son og Fréttabikarinn, sem
efnilegustu leikmennirnir fengu
þau Þóra Guðný Arnarsdóttir og
Elliði Snær Viðarsson.
Árangurinn í vetur var vel viðun-
andi þar sem standa hæst Íslands-
meistaratitlar í þriðja flokki kvenna
og fimmta flokki kvenna, eldri og
yngri. Konurnar komust í átta liða
úrslit þar sem þær lentu á móti
Fram. Karlarnir komust í fjögurra
liða úrslit þar sem Haukar höfðu
betur.
Þó meistaraflokkarnir hafi ekki
skilað titlum þetta árið hafa
Eyjamenn náð að setja mark sitt á
íslenskan handbolta svo um munar.
ÍBV teflir fram liðum sem spila
með hjartanu og gefa allt í leikinn.
Þá á ÍBV öflugasta stuðningsfólkið
og eru önnur félög farin að tefla
fram sveitum á áhorfendapöllum
sem sækja fyrirmyndina í Hvíta
riddara Eyjamanna sem er öflugasti
stuðningshópur í sögu íslensks
handbolta.
Allt það fólk sem stendur á bak
við ÍBV-íþróttafélag á mikinn
heiður skilinn, stjórn, fólkið í
ráðunum, sjálfboðaliðar, bakhjarlar
sem alltaf eru reiðubúnir þegar
kallið kemur frá félaginu vinnur
ómetanlegt starf. Þetta fólk ásamt
keppendum og þjálfurum og öðru
starfsliði félagsins hefur gert
ÍBV-íþróttafélag eina af megin-
stoðum Vestmannaeyja.
Og krafturinn er mikill, líka þegar
kemur að því að skemmta sér og
það kann handboltafólk svo
sannarlega. Hámarki náði kvöldið í
myndbandi sem strákarnir í þriðja
flokki höfðu soðið saman. Þar voru
sum skotin nokkuð þung en ekki
þyngri en svo að allir áttu að geta
gengið heilir frá borði.
Meðal þeirra sem fengu viður-
kenningar voru þeir Halldór Sævar
Gíslason og Guðni Davíð Stefáns-
son sem voru heiðraðir fyrir góð
störf fyrir félagið.
Í þriðja flokki karla á yngra ári
fékk Bjarki Svavarsson viðurkenn-
ingu fyrir mestu framfarir, Daníel
Örn Griffin valinn besti leikmaður-
inn, efnilegastur þótti Logi Snædal
Jónsson, mestu framfarir sýndi
Gabriel Martinez Róbertsson,
ÍBV-arinn er Ingvar Ingólfsson og
besti leikmaðurinn er Elliði Snær
Viðarsson.
Hjá stúlkunum í þriðja flokki var
Sirrý Rúnarsdóttir valinn efnilegasti
leikmaðurinn og Ásta Björt
Júlíusdóttir besti leikmaðurinn.
Mestu framfarir í öðrum flokki
karla sýndi Magnús Karl Magnús-
son, besti leikmaðurinn er Nökkvi
Dan Elliðason.
Í meistaraflokki kvenna fékk Þóra
Guðný Arnarsdóttir Fréttabikarinn
sem efnilegasti leikmaðurinn.
Mestu framfarir sýndi Erla Rós
Sigmarsdóttir markvörður og
ÍBV-arinn er Greta Kavaliauskait og
besti leikmaðurinn er Ester
Óskarsdóttir.
Í meistaraflokki karla fékk Elliði
Snær Viðarsson Fréttabikarinn sem
efnilegasti leikmaðurinn, mestu
framfarir sýndi Svanur Páll
Vilhjálmsson, ÍBV-arinn er Grétar
Þór Eyþórsson og besti leikmaður-
inn Theodór Sigurbjörnsson.
Einnig voru þeir Halldór Sævar
Gíslason og Guðni Davíð Stefáns-
son heiðraðir fyrir góð störf fyrir
félagið.
Vetrarlok ÍBV-íþróttafélags í handbolta :: Þrír Íslandsmeistaratitlar í ár:
Ester og Theodór best
í meistaraflokki
:: Íslandsmeistaratitlar í yngri flokkum karla og kvenna
Ómar GarðarSSon
omar@eyjafrettir.is
Verðlaunahafar kvöldsins.
Erla Rós Sigmarsdóttir, Greta Kavaliauskait, Ester Óskarsdóttir,
Guðný Arnarsdóttir og Hrafnhildur Skúladóttir.
Greta Kavaliauskait, Elliði Snær Viðarsson, Theodór Sigurbjörnsson
og Grétar Þór Eyþórsson.
Kári Kristján Kristjánsson, Bjarki Svavarsson og Daníel Örn Griffin.