Skessuhorn - 20.09.2001, Blaðsíða 2

2
FIMMTUDAGUR 20. SEPTEMBER 2001
ðBÉSSSUnUa^
Stykkishólm-
ur og Eyrar-
sveit deila
sóknarpresti
Sr. Gunnar Eiríkur Hauksson
sóknarprestur í Stykkishólmi
mun þjóna Setbergsprestakalli frá
15. september síðastliðnum til 15.
júní á næsta ári, en fráfarandi
sóknarprestur, Karl V Matthías-
son, fer í leyfi frá prestsstörfúm
og sest á þing vegna brotthvarfs
Sighvats Björgvinssonar þaðan.
Að sögn Gunnars Kristjánsson-
ar, formanns sóknarnefndar Set-
bergsprestakalls, munu störf
Gunnars verði á sömu nótum og
hjá Karli. „Hann mun messa ann-
an hvern sunnudag í Grundar-
firði, eiga vikulega fasta viðtals-
tíma á miðvikudögum og ferm-
ingarundirbúningur verður eins
og verið hefur,“ segir Gunnar.
smb
Eyrarsveit
kaupir
Grafarland
Á 11. fúndi sveitarstjómar Eyr-
arsveitar sem haldinn var fimmtu-
daginn 13. september var kaup-
samningur Eyrarsveitar á Grafar-
landi staðfestur.
Gmndarfjarðarkaupstaður er
að hluta til byggður á Grafarland-
inu og að sögn Sigríðar Finsen,
oddvita Eyrarsveitar, er mjög á-
nægjulegt að samningar hafa tek-
ist því sveitarfélagið hefur sóst
eftir þessu landi í nokkum tíma.
Fráfarandi eigendur em núver-
andi og fyrrverandi ábúendur
Grafar og erfingjar þeirra. Kaup-
verðið nemur rúmlega 30 millj-
ónum króna.
/
Utnes- og
Ólafsvíkur-
vegur
Lagningu bundins
slitlags lokið
Lokið hefur verið við lagningu
bundins slitlags á vegarköflum
Utnes- og Ólafsvíkurvega svo-
kallaðra, á sunnan- og utanverðu
Snæfellsnesi. Klæðning ehf. hefur
unnið að framkvæmdunum, en
eins og Skessuhom tíundaði í
sumar þá hefur mikil seinkun
orðið á þeim og upphaflega áæd-
að að verkið væri tilbúið fyrir
rúmu ári síðan. Um er að ræða
nýja vegi með bundnu slitlagi á
Snæfellsvegi frá Kálfá og upp í
Fróðárheiði annars vegar og á
Snæfellsvegi út í Breiðuvík hins
vegar, alls 8,1 km. Að sögn Guð-
mundar Inga Waage, eftirlits-
manns verksins af hálfu Vega-
gerðarinnar, er þar einungis eftir
smávegis frágangsvinna. Guð-
mundur Ingi segir að í framhald-
inu muni verða lagt bundið slitlag
á kaflann frá Amarstapa og út að
Hellnum. Mun Stafnafell ehf. sjá
um framkvæmd verksins og
verður hafist handa við það fljót-
lega í haust.
smh
Biður um flugbraut við Akranes
Finnst bæjaryfirvöld draga lappirnar
Bæjarstjórn Akraness hefur vísað
ítrekaðri beiðni Guðmundar Sigur-
björnssonar, flugvirkja, um flug-
braut við Akranes til endurskoðun-
ar á aðalskipulagi Akraneskaupstað-
ar. Sú endurskoðun fer fram í upp-
hafi nýs kjörtímabils samkvæmt
sveitarstjórnarlögum.
Guðmundur hefur óskað eftir
svari frá bæjarstjórn í fjögur ár og
er ósáttur við hversu langan tíma
hefur tekið að afgreiða málið. „Eg
held að flugbraut við Akranes
myndi skerpa á mannlífinu í bæn-
um og vera honum til mikils sóma
ef af gerð hennar verður. Það er
búið að gera grunn að því að hún
verði hér uppi í flóa fyrir ofan bæ-
inn, það er að segja ef bæjaryfirvöld
aulast til að gera eitthvað í þessu
máli. Það er ekki óalgengt að flug-
brautir séu við sveitarfélög af þess-
ari stærð. Nærtækasta dæmið er
Mosfellsbær en einnig er flugbraut
í Borgarnesi. I Reykjavík er flug-
völlur, sem er að vísu mjög um-
deildur, en engu að síður flugvöllur
sem ég sé ekki fram á að fari í kom-
andi framtíð.“
Engin kostnaðaráætlun liggur
fyrir en Guðmundur segir að ef fá-
ist land undir brautina yrði stofnað
áhugamannafélag sem myndi kosta
gerð hennar. „Þegar um er að ræða
minni brautir eru það yfirleitt á-
hugamannasamtök sem standa að
gerð þeirra. Ætlunin var að stofna
slík samtök á Akranesi árið 1998 því
hér eru margir áhugamenn um
flug. Við ákváðum hins vegar að
geyma það þar til við fengjum að
minnsta kosti að sjá að gert væri ráð
fyrir flugbraut í aðalskipulagi en
það hefur orðið bið á því.“
SÓK
skólastefiia í Brekkubæjarskóla kynnt
Jón Baldvin Hannesson kynnti nýja stefim fyrir foreldrwn.
Jón Baldvin Hannesson skóla-
ráðgjafi hélt tvö námskeið fyrir
foreldra nemenda Brekkubæjar-
skóla dagana 6. og 13. september.
Tilefni námskeiðanna var að
kynna nýja skólastefnu sem kenn-
arar skólans ákváðu að taka upp sl.
vor. Þessa nýju skólastefnu kalla
kennarar „Góður og fróður“ og er
megininntak hennar það að upp-
eldið eða lífsleiknin er sett í for-
gang í þeirri fullvissu að það muni
skila betri árangri í náminu. Ingv-
ar Ingvason, aðstoðarskólastjóri
Brekkubæjarskóla, sagði að mjög
mikilvægt væri að foreldrar og for-
ráðamenn væru vel upplýstir um
inntak stefnunnar og að þeir vinni
með skólanum að framkvæmd
hennar. Þess vegna var Jón Baldvin
fenginn til að halda áðurnefnd
námskeið. Ingvar sagði einnig að
„framundan væri mikið starf innan
skólans við að útbúa verkefni og
annað sem þroskar og þjálfar hina
ýmsu lífsleikniþætti svo sem; já-
kvæða og sterka sjálfsmynd og
sjálfsaga, umburðarlyndi og sam-
skiptafærni, frumkvæði og sjálf-
stæði í vinnubrögðum, víðsýni og
virðingu fyrir öðrum og umhverf-
inu.“
HJH
Háskólafjamám á Vesturlandi
í byrjun september hófst í Safna-
húsinu í Borgarnesi Ijarnám til B.
A.-prófs við íslenskuskor Háskóla
Islands. Að sögn Ingu Sigurðar-
dóttur, framkvæmdastjóra Sí-
menntunarmiðstöðvar Vesturlands
sem er tengiliðurinn við Háskóla
Islands, hófu fimm konur nú íjarn-
nám í íslensku. Hún segir að auk
þeirra séu tvær konur í íjarnámi í
ferðamálafræðum, ein á Akranesi
og önnur í Olafsvík, og ein í Búðar-
dal sem er á öðru ári íslenskunáms
síns.
Inga segir að mikil áskókn sé í
fjarnám og að hún sé alltaf að aukast.
„Fjamám er auðvitað stórkostlegt
fyrirbæri fyrir landsbyggðina og
eykur möguleika fólks til menntunar
gríðarlega en svo er líka alltaf að
færast í vöxt að fólk vilji nýta sér fjar-
námkostinn í Reykjavík,“ segir hún.
I athugun fyrir næsta skólaár er að
setja á fót fjarnám á Akranesi í
hjúkrunarfræði við Háskólann á Ak-
ureyri. Segir Inga að til þess að svo
geti orðið þurfi minnst sjö manna
hóp og miðað við eftirspum eftir
hjúkunarfræðingum á Islandi og á-
skoranir um fjarnám í þessum fræð-
um þá ætti það að geta orðið að
veruleika næsta haust. smh
Ovissaum
atvinnu-
garða
Ovíst er um framhald undir-
búnings atvinnugarða í Borgar-
nesi samkvæmt upplýsingum
Skessuhorns. Eins og komið hef-
ur fram í blaðinu hefur verið
unnið að þróun hugmynda um
atvinnugarða í bænum þar sem
lítil og meðalstór fyrirtæki í
þekkingariðnaði yrðu undir
saina þaki og samnýttu ýmiskon-
ar þjónustu og aðstöðu. I endur-
skoðaðri fjárhagsáætlun Borgar-
byggðar fyrir 2001 er ekki gert
ráð fyrir fjárveitingu í atvinnu-
garðana en minnihlutafulltrúar
bæjarstjórnar samþykktu endur-
skoðaða áætlun með fyrirvara
um að þótt fjárveitingin væri
ekki inni litu þeir ekki svo á að
hugmyndinni hafi verið hafnað.
GE
/
IAívíking
Knattspyrnuliði IA hefur verið
boðið til Bandaríkjanna í lok
október af þarlendu atvinnu-
mannaliði. Forráðamenn New
England Revolutions sendu
stjórn IA fyrirspurn þar sem
kannaður var áhugi Akurnesinga
á þessu tilboði. Tilboðið felur í
sér að IA spilar einn leik við
New England og í staðinn borga
Bandaríkjamennirnir allan ferða-
kostnað og uppihald á meðan á
dvölinni stendur. Ekki hefúr ver-
ið rætt hversu lengi Skagamenn
koma til með að dvelja í Banda-
ríkjunum.
Forráðamenn IA hyggjast
þiggja þetta heimboð Banda-
ríkjamannana enda ekki á hverj-
um degi sem svona tækifæri
gefst. Ekki er þó alveg ljóst hvort
af ferðinni verður þar sem að
hryðjuverkaárásirnar á Bandarík-
in í síðustu viku breyttu leikja-
dagskrá gestgjafanna eitthvað.
Að sögn Gunnars Sigurðssonar
formanns meistaraflokksráðs ÍA
ætti málið að skýrast á allra
næstu dögum.
HH
Borgfirsk
nætur-
drottning
Guðrún Ingimarsdóttir
sópransöngkona frá Hvanneyri
syngur hlutverk næturdrottning-
arinnar í Töfraflautu Mozarts
sem ffumsýnd verður í íslensku
óperunni næstkomandi laugar-
dag. Töfraflautan er með allra
vinsælustu óperum tónlistarsög-
unnar en Mozart samdi hana
árið 1791, á sínu síðasta æviári.
Verkið er sígilt ævintýri sem
höfðar bæði til barna og fullorð-
inna.
Þetta er í þriðja sinn sem
Töfraflautan er sett upp í ís-
lensku óperunni en fyrri upp-
færslurnar voru 1982 og 1991.
Með önnur helstu hlutverk fara
Guðjón Oskarsson, Finnur
Bjarnason, Hanna Dóra Sturlu-
dóttir og Sigrún Hjálmtýsdóttir.
GE
i