Skessuhorn - 20.09.2001, Blaðsíða 11
FLmMTUDÁGUR 20. SEPTÉMÉ'ER 2001
11
Það er
spuming???
Hver er
uppdhalds-
maturinn þinn?
(spurt í Borgarnesi)
Jón Páll Sigurðsson:
- Hangik/öt og tilheyrandi sem e'g
horSa stundum.
Hallbjörg Erla Fjeldsted:
- Pizza með nautahakki og skmku.
Margrét Pétursdóttir:
- Pizza með pepperove og skinkn.
Sigurjón Sindri Skjaldarson:
- Hamborgari.
Amar Amfinnsson:
- Pizza með pepperone.
Kristinn Már Waage:
- Kjúklingaborgari.
Róbert Crosby:
- Saltað hrossakjöt er mitt uppáhald.
Maður borðar ekkivini sína þannig
að ég borða bara annarra manna
hross.
ÍÞRÓTTIR - ÍÞRÓTTIR - ÍÞRÓTTIR - ÍÞRÓTTIR - ÍÞRÓTTIR - ÍÞRÓTTIR - ÍÞRÓTTIR - ÍÞRÓTTIR - ÍÞRÓTTIR
w Skagamenn í essinu sínu
Arbæjarpiltarnir yfirspilaðir
ÍA - Fylkir 3-0
Það var sannkallaður meistara-
bragur á leik Skagamanna þegar
þeir tóku á móti Fylki, í annarri til-
raun, síðastliðinn mánudag. Sem
kunnugt er var leikur liðanna flaut-
aður af síðastliðinn sunnudag eftir
aðeins tuttugu mínútna leik vegna
veðurs. Þá voru Skagamenn
komnir marki yfir en það var ekki
látið gilda og liðin byrjuðu aftur á
núlli á mánudag. Skagamenn
héldu hinsvegar áfram þaðan sem
frá var horfið og sóttu allan leikinn.
Það eina sem Fylkismenn gátu
gert var að reyna að verjast með
mismiklum árangri. Lokatölur leiks-
ins urðu 3 mörk Skagamanna
gegn engu en miðað við gang
leiksins og misnotuð færi hefðu
Skagamörkin hæglega getað orðið
fjögur eða fimm til viðbótar. Getu-
leysi Árbæjarpiltanna var algjört á
meðan Skagamenn léku einn sinn
besta leik í sumar. Sjálfstraustið og
baráttuviljinn geislaði af Skaga-
mönnum og þeir sýndu á köflum
snilldartilþrif. Með þessum sigri eru
þeir þegar búnir að tryggja sér Evr-
ópusæti á næsta ári og þurfa að-
eins eitt stig í Eyjum á sunnudag til
að hampa íslandsmeistaratitlinum
í fyrsta sinn í sex ár. Það stig verð-
ur hinsvegar ekki auðsótt en ef ÍA
nær sömu stemmningu og sama
kraftinum og í leiknum á mánudag
þá er Ijóst að íslandsmeistarabik-
arinn endar á Skaganum í ár.
Kári endurtók leikinn
Það var vel við hæfi að Kári Steinn
Reynisson skoraði fyrsta mark
leiksins en hann skoraði einmitt
eina markið í leiknum á sunnudag
skömmu áður en hann var flautað-
ur af. Það var markahrókurinn
Hjörtur Hjartarson sem átti veg og
vanda af undirbúningnum þegar
hann stakk sér inn fyrir vörn Fylkis
og lék landsliðsmanninn Sverri
Sverrisson grátt. Hann renndi síð-
an boltanum fyrir markið þar sem
Kári Steinn kom aðvífandi og af-
greiddi hann af öryggi. Þetta var á
32. mínútu en þá höfðu Skaga-
menn átt fjölmargar sóknarlotur.
Meðal annars átti Kári þrumuskot
að marki snemma í leiknum sem
Kjartan Sturluson í marki Fylkis
náði að verja og skömmu síðar átti
Hjörtur skot í þverslá. Varla er
hægt að segja að Fylkismenn hafi
komist í sókn í fyrri hálfleik og átti
Ólafur Þór markvörður ÍA venju
fremur náðuga daga. Svipaða
sögu er að segja af síðari hálfleikn-
um sem var þinglýst eign Skaga-
manna. Á 54. mínútu skoraði Hjört-
ur annað mark leiksins þegar hann
lyfti boltanum snyrtilega yfir mark-
manninn eftir sendingu frá Kára
Steini. Síðasta markið kom síðan
þegar um fimm mínútur voru eftir
af leiknum. Baldur Aðalsteinsson
og Unnar Valgeirsson reyndu báð-
ir skot á markið en Hjörtur kom síð-
an og kláraði dæmið með sínu
fimmtánda marki í sumar. Hjörtur
hefur því sex marka forskot á
nnæsta mann í baráttunni um
markakóngstitilinn þegar aðeins
ein umferð er eftir.
Það var fyrst og fremst liðsheildin
sem skóp sigurinn á mánudag en
það er einmitt sá andi sem býr í lið-
inu, fremur en stakar stjörnur, sem
fleytt hefur því á topp deildarinnar.
Hjörtur var þó að öðrum ólöstuðum
besti maður vallarins í gær. Allir
aðrir komust þó vel frá sínu og
skulu þeir Pálmi Haraldsson, Kári
Steinn og Ellert Björnsson nefndir
sérstaklega. Þá kom Sigurður Sig-
ursteinsson sterkur inn þegar hann
þurfti að leysaAndra Karvelsson af
hólmi í stöðu hægri bakvarðar en
Andri fór meiddur útaf eftir aðeins
fimm mínútna leik. Vissulega von-
brigði fyrir Andra sem hefur komið
sterkur inn í seinni hluta mótsins
eftir langvarandi meiðsli.
Ætlum ekki að
hanga á jafntefli
Ég tel okkur vera betra lið en Vest-
mannaeyinga og við skulum bara
treysta því að betra liðið vinni í
þetta sinn,“ segir markahrókurinn
knái Hjörtur Hjartarson aðspurður
um hvort ekki eigi eftir að verða
erfitt að sækja þetta eina stig sem
upp á vantar til Eyja. „Þó þetta sé
sérstakur leikur að því leyti að
hann er hreinn úrslitaleikur þá för-
um við í hann eins og hvern annan
í þeim tilgangi einum að sigra. Það
á ekki að slaka neitt á kröfunum
þótt okkur vanti bara eitt stig en við
ætlum alls ekki að hanga á jafntefli
þótt við eigum það svona til vara.“
í vor bjuggust vafalaust ekki marg-
ir við því að þessi tvö lið, ÍA og ÍBV
ættu eftir að standa uppi tvö ein í
baráttunni um íslandsmeistaratitil-
inn. Hjörtur telur skýringuna fyrst
og fremst liggja í því að þessi lið
hafa ekki verið að treysta á ein-
hverjar stórstjörnur. „Það er vinnu-
semi þessara liða sem hefur skilað
þeim þangað sem þau eru. Síðan
má spyrja að því hvort það sé tilvilj-
un að meginþorrinn í þeim báðum
er heimamenn sem margir eru að
stíga sín fyrstu skref í meistara-
flokki." Hjörtur segir að árangur
Skagaliðsins í sumar megi líka að
miklu leyti þakka því að í sumar
fengu margir ungir strákar að
spreyta sig og hafi þeir skilað miklu
meiru en nokkurntímann var búist
við. „Þá hjálpaði okkur það líka
mikið framan af móti að við vorum
vanmetnir," segir hann.
Hjörtur þarf ekki að hugsa sig
lengi um þegar hann er spurður
um hvernig leikurinn á sunnudag-
inn fari.“Tvö núll fyrir okkur, það er
öruggt.“Aðspurður um hver eða
hverjir komi til með að skora þessi
mörk segir Hjörtur af sinni alkunnu
hógværð: „Það skiptir ekki máli.
Það sem máli skiptir er að við för-
um frá Eyjum með bikarinn með
okkur. Annað kemur ekki til
greina.“
GE
Staðan í
Sfmadeildinni
Félag LU J T Mörk Stig
1 ÍA 17 11 2 4 27:14 35
2 ÍBV 17 11 2 4 21:13 35
3FH 17 8 5 4 21:16 29
4 Grindav. 17 9 0 8 27:27 27
5 Fylkir 17 7 4 6 26:21 25
6 Keflavík 17 6 5 6 24:25 23
7 Valur 17 5 4 8 18:24 19
8KR 17 5 4 8 14:20 19
9 Fram 17 5 2 10 23:25 17
10 Breiðab. 17 3 2 12 15:31 11
Molar - Molar
Skagamenrt unnu sinn fyrsta sigur
á Fylki í deildarleik síðan 1996.
Síðan þá höfðu liðin mæst þrisvar
sinnum og Fylkir sigrað í öll skiptin.
Sama ár, 1996, mættust liðin í átta
liða úrslitum bikarkeppninnar. Leik-
ið var á Akranesi og höfðu Skaga-
menn mikla yfirburði og sigruðu
9-2.
Skagamenn mæta ÍBV í hreinum
úrslitaleik um sigur í Símadeildinni.
Skagamönnum nægir jafntefli þar
sem að markatala þeirra er mun
hagstæðari. 1996 endaði mótið á
hreinum úrslitaleik þá gegn KR.
Skagamenn eru núna í sömu stöðu
og KR var þá en KR-ingar komu
uppá Skaga vitandi það að jafntefii
eða sigur tryggði þeim fyrsta sætið.
Nú er bara að vona að Skagamenn
nái hagstæðari úrslitum en KR-ing-
ar náðu ‘96, en eins og flestum er
kunnugt sigruðu Skagamenn leik-
inn örugglega 4-1.
Það er óhætt að segja að leikmenn
ÍA skipti ekki mörkunum á útivelli
bróðuriega á milli sín. Frá því að
Grétar Rafn Steinsson skoraði fyrsta
mark ÍA á útivelli á tímabilinu gegn
KR í annarri umferðinni 21. maí,
hafa Skagamenn skorað átta mörk á
útivelli og hefur Hjörtur Hjartarson
skorað þau öll. Þegar Skagamenn
mæta ÍBV í Vestmannaeyjum á
sunnudaginn verða þvi liðnir rétt
rúmir þrír mánuðir síðan annar en
Hjörtur skoraði fyrir ÍA á útivelli.
Kári Steinn Reynisson fékk sitt
þriðja gula spjald í leiknum gegn
Fylki á mánudaginn. Kári bætist því
í hóp þeirra Gunnlaugs, Grétars,
Hjartar og Baldurs sem allir eru einu
gulu spjaldi frá leikbanni. Ef einhver
þessara leikmanna fékk gult spjald í
leiknum í gær mun sá hinn sami
koma til með að missa af bikarúr-
slitaleiknum eða fyrsta leiknum á
næsta tímabili eftir því hvort Skaga-
menn hafi sigrað þikarleikinn í gær.
Kolbrún Ýr á heimslista
Á mánudaginn í síðustu viku var
birtur nýr heimslisti á hinni virtu
heimasíðu swimnews.com og er
Kolbrún Ýr Kristjánsdóttir, sund-
konan knáa úr ÍA, með tvö sund á
þeim lista í 25 metra laug. Að því
er fram kemur á ÍA vefnum eru
reglulega uppfærð öll heims- og
Ólympíumet og svokallaðir heims-
listar á síðunni. Einnig er þar að
finna úrslit af öllum stórmótum
sem haldin eru í heiminum.
Listarnir hafa að geyma bestu
tíma ársins í öllum greinum, 100
bestu tímana í 25 m laug og 150
bestu tímana í 50 m laug. Kolbrún
Ýr er í 74. sæti f 50 m baksundi
með tímann 29,45 en það sund
synti hún á Innanhússmeistara-
móti íslands í Vestmannaeyjum í
mars á þess ári. Hún er einnig í
92. sæti í 50 m flugsundi með tím-
ann 28,35 frá sama móti.
SÓK
Birgir Leifur úr leik
Birgir Leifur Hafþórsson úr Golf-
klúbbnum Leyni er úr leik á Telía
mótinu sem fram fer í Svíþjóð að
því er kemurfram á mbl.is. Á laug-
ardag lék Birgir annan hringinn á
tveimur höggum yfir pari vallarins
og var því samanlagt á einu höggi
yfir pari eftir 36 holur. Til þess að
komast í gegnum niðurskurðinn á
mótinu hefði hann þurft að vera
fjórum höggum undir pari.
Veður hefur verið slæmt í Svíþjóð
undanfarið og hefur dagskrá Telía
mótsins riðlast mikið vegna þess.
Meðal annars þurfti að hætta leik á
fimmtudag og föstudag. SÓK