Skessuhorn - 04.09.2002, Blaðsíða 3

aácsstmu^.
MIÐVIKUDAGUR 4. SEPTEMBER 2002
3
Fjárhagsvandi Dvalarheimilisins Höfða
Ekld sveitarfélagsins að
greiða hallann
segir Gísli Gíslason bæjarstjóri
Dvalarbeimiliö Höfoi
Á síðasta fandi bæjarráðs Akra-
ness var fjárhagsvandi dvalarheim-
ilisins Höfða til umfjöllunar. Að
sögn Gísla Gíslasonar bæjarstjóra
snýst vandinn nú sem fyrr um að
daggjöld frá ríkinu séu allt of lág. „-
Þetta vandamál hefur verið viðvar-
andi í gegnum tíðina hjá velflestum
dvalarheimilum landsins. Það hefur
hinsvegar komið upp á síðustu
misserum að sum dvalarheimili á
höfuðborgarsvæðinu eru sett undir
annað mæliker, þ.e. einkareknu
heimili. Það náðist að rétta hag
Höfða fyrir nokkrum árum þegar
Ingibjörg Pálmadóttir var heil-
brigðisráðherra. Á síðustu tveimur
árum hefur hinsvegar verið nokkuð
mikill halli og það er ljóst að sveit-
arfélagið hefur ekki bolmagn til að
standa undir því. Þetta vandamál er
ekki bundið við Akranes og menn
hafa verið að reyna að þrýsta á það
í gegnum samband íslenskra sveit-
arfélaga að fá þetta leiðrétt en ekki
haft erindi sem erfíði. Málið er
hinsvegar brýnt og þolir ekki bið,“
segir Gísli
Gísli segir að ýtrasta aðhalds sé
gætt á flestum sviðum í rekstri
Höfða en að málið snúist um að
peningarnir eigi að koma frá rétt-
um aðilum en það hafi ekki verið
raunin. „Daggjöldin frá ríkinu eru
í fyrsta lagi of lág fyrir almennt
vistrými og hinsvegar vantar dag-
gjöld fyrir fleiri sjúkrarými. Það
hefur ítrekað verið kallað eftir við-
brögðum ráðuneytisins en þau eru
engin enn sem komið er,“ segir
Styrkvegir í Borgarbyggð lagfærðir
I haust verður farið í nokkrar lag-
færingar á svokölluðum styrkveg-
um í Borgarbyggð. Styrkvegir kall-
ast vegir þar sem ekki er byggð en
þá falla þeir ekki undir svokallaða
safnvegi. Styrkvegir eru á ábyrgð
viðkomandi sveitarfélaga en hægt
er að sækja um framlag úr svoköll-
uðum styrkvegasjóði til að kosta
lagfæringar á viðkomandi vegum.
Oft er um að ræða vegi heim að
eyðibýlum, leitarmannahúsum eða
í sumarhúsabyggð.
Að sögn Sigurjóns Jóhannssonar
dreifbýlisfulltrúa Borgarbyggðar
fékk sveitarfélagið í sumar þriggja
milljóna króna styrk úr styrkvega-
sjóði. Verða þeir fjármunir nýttir til
vegabóta á veginum frá Hreðavatni
að Jafnaskarði þar sem er vinsælt
útivistarsvæði. Einnig verður veg-
urinn frá Grímsstöðum að Hraun-
dal lagfærður, afleggjarinn að Hey-
holti, sömuleiðis Hraun-dalsvegur
og Sauravegur.
GE