Skessuhorn - 04.12.2002, Page 7

MIÐVIKUDAGUR 4. DESEMBER 2002
7
Fjölbrautaskóli Vesturlands 25 ára
Afmæliskveðja
Fyrir nokkru fékk ég í hendur
mjmdarlegt affnælisrit Fjölbrauta-
skóla Vesturlands, en nú í haust
voru liðin 25 ár síðan skólinn var
settur í fyrsta sinn. Eg settist nið-
ur og las þetta ágæta rit og lét hug-
ann reika aftur í tímann eða til árs-
ins 1977. Eg var þá bæjarstjóri á
Akranesi og hafði unnið að stofn-
un Fjölbrautaskólans um all langt
skeið og reynt að semja um málið
við fulltrúa Menntamálaráðuneyt-
isins.
Ég minntist þess þegar ég gekk
léttstígur um borð í Akraborgina,
kom mér fyrir úti í horni þar sem
ég hafði gott næði og velti fyrir
mér viðtali sem ég hafði átt við
ráðuneytisstjóra Menntamála-
ráðuneytisins. Viðtalið hafði verið
í allt öðrum anda en þeir fundir,
sem ég hafði átt með fulltrúum
ráðuneytisins fram að þessu. Mér
var ljóst að Akurnesingum gæfist
nú tækifæri, sem áríðandi væri að
nýta.
Undanfarna mánuði hafði ég átt
marga fundi með fulltrúum ráðu-
neytisins um fjölbrautaskóla á
Akranesi. Þessar viðræður höfðu
til þessa ekki gengið að óskum.
Embættismenn ráðuneytisins
höfðu verið áhugalitlir og gefið í
skyn að ekki væri nein sérstök á-
stæða til að flýta sér með stofnun
fjölbrautaskóla á Akranesi, þótt
búið væri að stofna einn slíkan í
Reykjavík og annan á Suðurnesj-
um, enda mun fleiri íbúar á þeim
svæðum. Mér fannst afstaða
þeirra mótast um of af því að um
væri að ræða mál, sem hefði í för
með sér aukin útgjöld fyrir ríkis-
sjóð. Samviskusamir embættis-
menn ríkisins gæta þess jafnan að
ekki sé verið að velta auknum
gjöldum á þann ágæta sjóð. Tals-
vert hafði borið á milli, bæði að
því er laut að námsframboði í fyr-
irhuguðum skóla og eins ágrein-
ingur um skiptingu kostnaðar. Eg
var því farinn að sjá ffam á einn
vetur enn, þar sem góði gamli
gagnfræðaskólinn byði upp á
framhaldsnám í framhaldsdeild-
um, sem því miður voru utanveltu
í íslenska menntakerfinu og nánast
blindgötur. Mitt úrslitaráð hafði
verið að óska effir viðtali við ráðu-
neytisstjórann Birgi Thorlacius.
Vika var liðin frá því viðtali. Ég
hafði lagt spilin á borðið að mér
fannst. Ráðuneytisstjórinn hafði
hlustað - ég hafði talað. Eg hafði
talað um framhaldsdeildir gagn-
fræðaskólans, sem oft nýttust
nemendum illa í áframhaldandi
námi og eins rætt um blindgötur í
framhaldsskólakerfinu. Ég hafði
verið nokkuð hvass í gagnrýni á
framhaldsskólakerfið og m.a. sagt
ráðuneytisstjóranum frá eigin
reynslu í framhaldsskólakerfinu,
þar sem ég hafði á þremur árum í
þremur framhaldsskólum farið í
gegnum sama námsefnið í ákveðn-
um greinum. Að lokum sagði
hann: „Ég heyri hvað þú segir
Magnús. Komdu til mín aftur
hingað effir viku og ég skal athuga
hvað hægt er að gera“.
Eg var einmitt að koma úr þessu
síðara viðtali við ráðuneytisstjór-
ann, þegar ég kom mér fyrir í
Akraborginni og hugleiddi fram-
tíðarhorfur í framhaldsskólamál-
um á Akranesi. í þessu viðtali
hafði ráðuneytisstjórinn talað og
ég hafði hlustað. Ráðuneytisstjór-
inn hafði haldið yfir mér ræðu,
þar sem hann lýsti fyrir mér á op-
inskáan hátt sinni framtíðarsýn á
íslenska framhaldsskólakerfinu.
Nánast hugsjónaræðu, sem var
afar fátítt hjá embættismanni.
Hann lýsti fyrir mér hvernig nám
mundi verða samræmt um land
allt. Hvernig nemendur gætu far-
ið á milli ffamhaldsskóla í framtíð-
inni í samræmdu áfangakerfi og
fengið allt nám sem þeir hefðu
lokið viðurkennt. Blindgötur
mundu hverfa. Allt nám að baki
yrði metið í samræmdu kerfi. Og
það sem snéri að okkur á Akranesi.
Ef við værum tilbúnir eitt sveitar-
félaga til að stofna fjölbrautaskóla,
þá kæmu fleiri sveitarfélög að
honum síðar. Það væri hann alveg
sannfærður um. A efrir mundu
fylgja fleiri fjölbrautaskólar bæði á
Norðurlandi, Austurlandi og Suð-
urlandi.
Þarna hafði ráðuneytisstjórinn
sett fram gjörbreytt viðhorf af
hálfu ráðuneytisins. Það var engu
líkara en að við hefðum haft hlut-
verkaskipti og að hann væri að
sækjast eftir því að skólinn yrði
stofhaður. Ráðuneytisstjórinn hét
því að fallast á þær óskir, sem ég
hafði sett fram um námsffamboð
og fallast á flestar óskir okkar um
kostnaðarskiptingu. Eg leiddi
hugann að því hvernig stofnun
þessi skóli mundi verða? Samein-
aður iðnskóli og gagnfræðaskóli á-
samt námsbrautum til stúdents-
prófs. Ég hafði ákveðnar hug-
myndir og væntingar. Eg sá fyrir
mér breytingar á mannlífi á Akra-
nesi. I starfi mínu á Akranesi hafði
ég kynnst því, þegar gamalgrónir
Akurnesingar fluttu úr bænum,
þegar börn þeirra náðu framhalds-
skólaaldri. Já, ég var býsna léttur
á brún þarna í Akraborginni. Eg
sá í hendi mér að hér byðist tæki-
færi, sem yrði að nota. Ég gerði
mér þó ljóst að málið gæti verið
brothætt. Best væri að ekkert
spyrðist út um það fyrr en það
væri frágengið. Þess vegna gerði
ég bæjarstjórn grein fyrir því á
lokuðum fundi nokkrum dögum
síðar, enda hafði ég á þessu stigi
málsins ekkert skriflegt í höndun-
um. Ég var eindregið hvattur
bæði af meirihluta og minnihluta
til að koina málinu í höfn. A bæj-
arstjórnarfundi skömmu síðar var
svo undirritaður samningur lagður
fram og samþykktur.
Það eru liðin 2 5 ár. Ég hef með
mikilli ánægju fylgst með fram-
gangi og þróun Ejölbrautaskólans.
Flest af því sem sá framsýni maður
Birgir Thorlacius sagði við mig
hefur gengið efrir. Við Akurnes-
ingar höfum einnig verið heppnir.
Það var happafengur að fá í upp-
hafi Olaf Asgeirsson sem skóla-
meistara. Hann var gjörkunnugur
áfangakerfinu úr Menntaskólan-
um í Hamrahlíð og helstu straum-
um í menntamálum á þeim tíma.
Það var afrek að koma þessu kerfi
á strax á fyrstu önn skólans. Við
vorum einnig heppnir að fá sem
skólameistara, Þóri Ólafsson,
sem tók við af Olafi Asgeirssyni.
Þórir var ötull, nákvæmur og
framsýnn. Við starfi hans tók síð-
an Hörður O. Helgason, reyndur
og dugmikill skólamaður, sem
einnig hefur unnið mikið starf á
vegum íþróttahreyfingarinnar.
Kennarar og starfslið skólans
unnu þrekvirki, þegar skólinn tók
til starfa nánast fyrirvaralaust.
Þeir hafa áframhaldandi sýnt á-
huga og dugnað í verki og gert
skólann að einum besta fram-
haldsskóla landsins.
Ég sem þessar línur rita, einn
þeirra sem lagði hönd á plóginn,
þegar skólinn var stofnaður, vil
með þeirn koma á ffamfæri sér-
stakri ánægju minni með starf og
eflingu Fjölbrautaskóla Vestur-
lands, sem fyllilega hefur staðið
undir þeirn væntingum sem gerð-
ar voru til hans í upphafi.
Skólameistari, starfsmenn og
nemendur Fjölbrautaskóla Vesmr-
lands. Innilegar hamingjuóskir
með 25 ára afmælið. Starfið áfram
af sama dugnaði og krafti og með
sömu framtíðarsýn.
Akranesi í nóvember 2002
Magnús Oddsson
Ilmur afjólum
Jólahlaðborð
laugardagskvöldin
7. desember og 14. desember
Verð aðeins 3.900,-
Upplýsingar og pantanir í símum 894 5400 og 437 0083
www.grimsa.is • grimsa@grimsa.is
Grímsá
SVEITASETUR - COUNTRY L0DGE
Búseti auglýsir:
Búseturéttur til sölu
Lerkigrund 7, Akranesi
94m2 íbúð, 301, á almennu láni. Réttur á vaxtabótum.
Búseturéttur frá kr. 1.338.467 til 3.878.478
Búsetugjald frá kr. 62.061 til 77.085. Laus skv. samkomul. í des.
AUar nánari upplýsingar fást á skrifstofu Búseta hsf. Opið virka daga
frá 8:30 til 16:00. Umsóknarfrestur til 10. desember. Uthlutun fer
fram miðvikudaginn 11. desember kl. 12:00 - 12:30 að Skeifunni 19.
Umsækjendur verða að mæta á tilskyldum tíma og staðfesta
úthlutun sína að öðrum kosti gætu þeir misst réttindi sín
og íbúðinni yrði úthlutað til annars félagsmanns.
Búseti hsf. Skeifunni 19 sími 520-5788
www.buseti.is
SVEITARSTJORNAR-
KOSNINGAR
í BORGARBYGGÐ
laugardaginn
7. desember 2002
Sveitarstjómarkosningar fara fram í Borgarbyggð
laugardaginn 7. desember n.k.
Samkvæmt samþykkt um stjórn og fundarsköp
Borgarbyggbar skiptist sveitarfélagið í eftirtaldar þrjár
kjördeildir:
Lyngbrekkukjördeild, fyrir svæðið vestan Langár
Borgarneskjördeild, fyrir svæbið milli Langár og
Gljúfurár.
Þinghamarskjördeild, fyrir svæbið ofan Gljúfurár.
Kjörfundir verba sem hér segir:
Fyrir Lyngbrekkukjördeild í Lyngbrekku frá
kí. 11:00 - 20:00.
Fyrir Borgarneskjördeild í Grunnskólanum í
Borgarnesi frá kl. 9:00 - 22;00.
Fyrir Þinghamarskjördeild í Þinghamri frá
kí. 11:00 - 20:00.
Kjósendur eru hvattir til ab athuga vel í hvaða kjördeild
þeir eiga að kjósa.
Á kjördag hefuryfirkiörstjórn absetur í Grunnskólanum
í Borgarnesi og jpar fer fram talning atkvæða.
Sími yfirkjörstjornar á kjördag er 898 9277.
Yfirkjörstjórn