Skessuhorn - 18.12.2002, Side 12

12
MIÐVIKUDAGUR 18. DESEMBER 2002
anlissmuj
Fræðsla grunnskólabama um bmnavamir skilar dýrmætum árangri
Snarræði tíu ára stúlku kom
í veg fyrir stórbruna
Frœáslustarf Bjama Þorsteinssonar slökkviliósstjóra í
Borgamesi hefur svo samiarlega skilaS áravgri.
Hanna Laufey Jónasdóttir,
tíu ára stúlka á Jörfa í Kol-
beinsstaðahreppi kom í veg
fyrir stórbruna heima hjá sér
fyrir fáum dögum þegar eldur
varð laus í barnahergi. Snar-
ræði hennar og rétt viðbrögð
gerðu það að verkum að tjón
varð í lágmarki.
„Það var þannig að það var
lítill maður, fimm ára, sem
faldi sig inni í skáp með kerti
og kveikti á því“, segir Margrét
St Ragnarsdóttir húsfreyja á
Jörfa, móðir Hönnu Laufeyjar.
„Það kviknaði síðan
í flíkum, sem hengu
þarna í sparifata-
skápnum, útfrá
kertinu. Það vildi
þannig til að Hanna
hafði unnið
reykskynjara í eld-
varnargetraun og
hann var í herberg-
inu. Hann fór strax
í gang en þegar ég
kom inn í herberg-
ið var strákurinn
kominn út úr
skápnum og búinn
að loka honum.
Þegar ég opnaði
skápinn varð súr-
efnissprenging og
eldurinn magnað-
ist. Þá kom fát á
mig og ég sá að ég
myndi ekki ráða við eldinn og
rak krakkana út og ætlaði sjálf
að reyna að slökkva. Eg var
hinsvegar með allt niðrum mig
í þessum málum og ekkert
slökkvitæki í húsinu.
Þá bar þannig við að Hanna
Laufey hlýddi mér ekki í þetta
sinn, sem betur fer og hún fór
ekki út heldur inn á bað, tók
þar baka og fyllti af vatni. Hún
gusaði síðan úr balanum á eld-
inn og þá sá ég að við mundum
sennilega ráða við þetta tvær.
Það tókst og það var fyrst og
fremst snarræði hennar og yf-
irvegun að þakka. Eg róaðist
þegar ég sá hvað hún var róleg
og í sameiningu réðum við
niðurlögum eldsins. Eg veit
meira að segja um annað dæmi
hér skammt frá þar sem bekkj-
arbróðir Hönnu bannaði móð-
ur sinni að slökkva með vatni
þegar kviknaði í feiti í potti og
sótti teppi,“ segir Margrét.
Margrét segir að þessi stór-
virki barna í Kolbeinsstaða-
hreppi við slökkvistörf megi al-
gjörlega þakka Bjarna Þor-
steinssyni slökkviliðsstjóra í
Borgarnesi og hans forvarnar-
starfi. Hann hefur farið í
grunnskóla og kennt börnum
að bregðast rétt við ef eldur
kemur upp. „Hann hefur
greinilega náð svona rosalega
vel til krakkanna. Allavega hef-
ur það bjargað mínu heimili,"
segir Margrét.
Þrátt fyrir að betur hafi farið
en á horfðist á Jörfa urðu
nokkrar skemmdir í barnaher-
berginu og öll föt í fataskápn-
um eyðilögðust. Þar á meðal
var jólakjóll hetjunnar sjálfrar,
Hönnu Laufeyjar. Móðir
hennar segir að hún hafi hins-
vegar svo sannarlega unnið
fyrir nýjum kjól með þessu af-
reki.
GE
Tæknibærínn Grundarfjörður
Sótt um aðild að verkefii-
inu Rafrænt samfélag á
vegum Byggðastofinmar
Tœknibterinn Grundarjjörður
Grundarfjarðarbær hefur sótt
um aðild að verkefhinu Raffænt
samfélag á vegum Byggðastofn-
unar en það er þróunarverkefni í
að nýta upplýsingatæknina til
atvinnusköpunar og hverskonar
uppbyggingar í hinum dreifðu
byggðum.
Að sögn Bjargar Agústsdóttur
bæjarstjóra er umsóknin í beinu
framhaldi af verkefhi sem sveit-
arfélagið hefur unnið að sjálft að
undanförnu. „Una Yr Jörunds-
dóttir sjávarútvegsfræðingur
hefur unnið að verkefninu
„Tæknibærinn Grundarfjörð-
ur“. Verkefnið er byggt upp
þannig að ítarlega er grein fyrir
núverandi stöðu atvinnulífs og
bæjarfélags og í ffamhaldinu er
Mynd: Mats Vibelund
reynt að meta með hvaða hætti
samfélagið okkar getur nýtt sér
kosti upplýsingatækninnar til
framtíðaruppbyggingar. Við
höfum verið að reyna að meta
hvernig hægt sé að nota upplýs-
ingatæknina til að auka nýsköp-
un í atvinnulífi, bæta hag íbúa,
auka menntun og efla félagsleg-
ar aðstæður. Einnig erum við að
móta okkur hamtíðarsýn og for-
gangsröðun. Við gerum okkur
hinsvegar grein fyrir að við
erum fýrst og frems útgerðar-
bær og við ætlum ekki að breyta
því. Málið snýst hinsvegar um
að nýta önnur tækifæri til að
skapa enn fjölbreyttara samfé-
lag,“ segir Björg.
GE
Viðskiptavinir Sparisjóðsins ánægðir með þjónustuna
Sparisjóður Mýrasýslufier ágætiseinkunn hjá sínurn viöskiptavinum.
Sparisjóður Mýrasýslu (SM)
lét í nóvember framkvæma við-
horfskönnun á meðal viðskipta-
vina. Markmiðið var að fá fram
mat viðskiptavina á
þjónustunni. Rauður þráður í
niðurstöðum er sá að viðskipta-
vinir SM eru yfirleitt afar á-
nægðir með þá þjónustu sem
þeir hljóta af hendi sjóðsins.
Almennt telja viðskiptavinir
að SM standi sig vel í því að
leysa úr vandamálum sem koma
upp og að þjónustan sé góð.
Starfsfólk SM fær að auki góða
einkunn þegar spurt er að því
hvort það gerði allt sem í þeirra
valdi stæði til þess að veita sem
bestu þjónustu. Niðurstöður
viðhorfskönnunarinnar leiddu í
Ijós að sjaldan þarf að leiðrétta
eða endurgera hluti, þeir eru
einfaldlega gerðir rétt í fýrsta
sinn. Þetta eru ánægjulegar
niðurstöður, því oft eru mál
þess eðlis að þau eru flókin
og/eða taka tíma í vinnslu og
því meiri hætta á villum.
Hins vegar ætlar SM að
verða enn öflugri í framtíðinni
að lesa þarfir og væntingar við-
skiptavina og finna nýjar leiðir
til þess að efla þjónustuna.
Starfsemi fjármálafyrirtækja
hefur breyst geysimikið á fáein-
um árum og hefur tæknin orð-
ið leiðandi í mörgum þáttum
hennar. Það er stöðugt verkefni
að fylgja þróuninni eftir, bæði
gagnvart tækni en ekki síður
gagnvart því hvernig hlutirnir
eru skipulagðir og framkvæmd-
ir. Almennt voru viðskiptavinir
ánægðir með heimabanka SM,
en ljóst má vera að í framtíðinni
munu enn fleiri og breiðari
hópur fólks nýta sér heima-
bankann. Hann verður því að
standast kröfur og samanburð
við það besta.
Samfélagið er á fleygiferð og
fólk sömuleiðis í sínum dagsins
önnum. Hraði í afgreiðslu
skiptir því máli og þar fékk SM
góðan vitnisburð. Þar skákar
sjóðurinn flestum af stærri fjár-
málafyrirtækjunum. Það virðist
jafnframt auðvelt að ná sam-
bandi við SM og skiptir það
ekki svo litlu máli þegar fólk er
á stöðugri hraðferð.
Það kemur ekki á óvart að
viðskiptavinum sjóðsins finnist
þjónustan persónuleg. Nálægð-
in er mikil, starfsfólkið þekkir
viðskiptavinina, marga hverja,
vel persónulega og hefur gert
lengi. Starfsaldur hjá SM er hár
sem vonandi segir sína sögu af
góðum vinnustað. Á næsta ári á
Sparisjóður Mýrasýslu 90 ára
afmæli og hafa margir við-
skiptavinir verið í viðskiptum
svo áratugum skiptir. Það er
vonandi jafnframt vitnisburður
um ánægjuleg samskipti sjóðs-
ins við fólkið í héraði.
Hornsteinn í héraði virðist
hafa fallið í góðan jarðveg sem
einkunnarorð SM. Margir svar-
endur gátu þess að þeir finni í
sjóðnum þann hornsteinn sem
nauðsynlegur er viðgangi hér-
aðsins á öllum tímum.
Sparisjóður Mýrasýslu vill
þakka viðskiptavinum sínum
þátttökuna í könnuninni, en
þátttakendur voru á annað
hundrað. Það skiptir sjóðinn á-
kaflega miklu máli að fá hrein-
skilna og heiðarlega gagnrýni á
þjónustuna svo unnt sé að gera
enn betur og mæta þörfum og
væntingum viðskiptavina á
hverjum tíma. Sparisjóðurinn
óskar viðskiptavinum sínum
svo og landsmönnum öllum
gleðilegra jóla og hamingjuríks
nýs árs.
Sparisjóður Mýrasýslu