Skessuhorn - 18.12.2002, Síða 22

22
MIÐVIKUDAGUR 18. DESEMBER 2002
ususimui.
Myndarlegur styrkur frá
Northem Periphery
I síðustu viku fékk verkefhið
„Destination Viking - Sagas &
Storytelling jákvæða afgreiðslu
á umsókn um styrk úr sjóði
Northern Periphery áætlun EB
sem Islendingar gerðust aðilar
að fyrr á þessu ári. Hér er um
að ræða samstarf 18 „víkinga-
verkefna“ frá sex löndum: Is-
landi, Grænlandi, Færeyjum,
Noregi, Skotlandi og Svíþjóð.
Þá hafa aðilar frá eyjunni Mön í
Irlandshafi og Leifsbúðum
(L'Anse aux Meadows) á Ný-
fundnalandi óskað eftir að fá að
taka þátt í verkefninu á eigin
kostnað. Islendingasögurnar
eru samnefnari verkefnisins.
Heildarkostnaðaráætlun verk-
eínisins nernur 1 milljón Evra,
u.þ.b. 85 milljónum króna, þar
af styrkir Evrópusambandið
verkefnið um 50 milljónir eða
60%.
Sex aðilar á Islandi eru þátt-
takendur í verkefninu og þar af
tveir á Vesturlandi. Vestlensku
verkefnin eru Leifsverkefni
Dalabyggðar og Egilstofa sem
er unnið á vegum Safnahúss
Borgarfjarðar og Borgarbyggð-
ar. Onnur verkefni hér á landi
eru Gíslasöguverkefni Atvinnu-
þróunarfélags Vestfjarða,
Grettistak sf í Húnaþingi
vestra, Reykjanesbær með vík-
ingaskipið Islending og upp-
sveitir Arnessýslu með verkefni
um Þjórsárdal og Þjóðveldis-
bæinn.
GE
Niðurskurður
á Hvanneyri
Landbúnaðarháskólinn hefur
sent öllum starfsmönnum sín-
um bréf þar sem boðað er að á
næstu dögum kunni að koma til
uppsagna vegna naumra fjár-
veitinga frá ríkisvaldinu. Málið
var tekið fyrir á hreppsnefndar-
fundi Borgarfjarðarsveitar í
gærkvöld og þar var samþykkt
eftirfarandi bókun:
„Askorun til Landbúnaðar-
ráðherra, Fjármálaráðherra,
Fjárlaganefndar Alþingis,
Landbúnaðarnefndar Alþingis
og þingmanna Norðvesturkjör-
dæmis.
Sveitarstjórn Borgarfjarðar-
sveitar lýsir yfir áhyggjum sín-
um af naumum fjárveitingum
til Landbúnaðarháskólans á
Hvanneyri samkvæmt nýsam-
þykktum fjárlögum. Skorað er á
stjórnvöld að taka til endur-
skoðunar umræddar fjárveit-
ingar með tilliti til glæsilegs ár-
angurs skólans undangengin ár,
svo ekki þurfi að koma til alvar-
legs niðurskurðar á starfsemi
hans. Skólinn, sem hefur verið í
örum vexti frá því hann var
gerður að háskóla árið 1999, er
sveitarfélaginu gríðarlega mik-
ilvægur og er það von sveitar-
stjórnar að honum verði veitt
nauðsynlegt svigrúm, svo hann
eflist og dafni hér eftir sem
hingað til. „
Þess má geta að tveir hrepps-
nefndarmenn sátu hjá þegar til-
lagan var tekin til afgreiðslu,
þau Sveinbjörn Eyjólfsson sem
er aðstoðarmaður Landbúnað-
arráðherra og Dagný Sigurðar-
dóttir sem er starfsmaður
Landbúnaðarháskólans.
GE
Elkem kaupir
Norska stóriðjufyrirtækið
Elkem hefur keypt hlut ís-
lenska ríkisins í Járnblendi-
verksmiðjunni á Grundar-
tanga. Eftir kaupin á fyrirtæk-
ið 83% hlutafjár í Járnblendi-
verksmiðjunni. Islenska ríkið
átti orðið rúmlega 10% hlut í
Islenska járnblendifélaginu en
Elkem hefur verið meirihluta-
eigandi frá því árið 1997. EI-
kem kaupir hlut ríkisins á tvö-
földu markaðsgengi. Valgerð-
ur Sverrisdóttir iðnaðarráð-
herra segir að ástæðan fyrir
sölunni hafi verið að sam-
komulag hafi náðs um gott
verð.
Dýrin í Hálsaskógi á Akranesi
Sunnudaginn 29. desember
frumsýnir Skagaleikflokkurinn
á Akranesi eitt vinsælasta
barnaleikrit allra tíma, Dýrin í
Hálsaskógi eftir Thorbjörn
Egner. Leikstjóri er Ari Matth-
íasson og sýningar verða í Bíó-
höllinni.
„Þetta hefur gengið vel og
við erum mjög bjartsýn með
þetta,“ segir Hermann Guð-
mundsson formaður Skaga-
leikflokksins. „Við lendum að
vísu þarna saman við Hringa-
dróttinssögu og því frumsýn-
um við klukkan hálftvö, þar
sem klukkan fjögur hefjast bíó-
sýningar. Við óttumst hinsveg-
ar ekki samkeppnina enda
erum við kannski á svolítið
öðrum markaði. Hinsvegar er
Bíóhöllin orðin það ásetin að
þetta hefur verið mesta púslu-
spil en það hefur gengið upp.“
Um þrjátíu manns koma að
sýningunni en með aðalhlut-
verkin fara Sindri Birgisson
sem Mikki refur og Hrund
Snorradóttir sem Lilli klifur-
mús. GE
Jólaverkeírii á aðventunni
um hjálparstarf
Hjálpfúsir nemendur íjólaskapi í Hymutorgi Mynd: GBF
Dagana 5.-12. desember síð-
astliðinn unnu 10 til 12 ára
nemendur Grunnskólans í
Borgarnesi jólaverkefni. Byrjað
var á því að fara í Borgarnes-
kirkju og eiga þar stund með
sóknarprestinum sr. Þorbirni
Hlyni Arnasyni, þar sem hann
fræddi nemendur um liti
kirkjuársins, klæðnað prest-
anna og fleira. Rætt var um
heiti og tákn kerta aðventu-
kransins og tilgang aðventunn-
ar.
Mánudaginn 9. des. var 112
nemendum miðstigs skipt í 18
-19 manna hópa, sem fræddust
og fjölluðu um hjálparstarf.
Nemendur unnu plaköt þar
sem kynnt var starfsemi Rauða
krossins, Hjálparstarfs kirkj-
unnar, Mæðrastyrksnefndar,
Hjálpræðishersins, Flótta-
mannahjálpar og SOS - barna-
þorpanna. Hóparnir kynntu
starf sitt hverjir fyrir öðrum,
lesin voru ljóð og sögur, rapp-
að og leikin leikrit í tengslum
við hvert verkefni. Lokapunkt-
ur verkefnisins var svo settur
þegar nemendur 5. bekkjar
hengdu upp plakötin í Hyrnu-
torgi, þar sem viðskiptavinir
geta kynnt sér vinnu hópanna.
Hóparnir söfunuðu einnig
fatnaði, leikföngum, peningum
og jólagjöfum sem þeir gáfu
hjálparstofnunum. Er það
sameiginlegt álit allra, að hér
hafi tekist vel til. Nemendur
kynntust því að það eru marg-
ir sem eiga um sárt að binda,
en þeir stuðluðu að einhverju
leyti að því að nokkrir eigi
samt sem áður gleðileg jól.