Skessuhorn - 18.12.2002, Síða 28

MIÐVIKUDAGUR 18. DESEMBER 2002
e
á aðventu
Kæru íbiíar Borgarbyggðar.
Nú í lok árs er rétt að líta
yfir farinn veg. Ekki er þó
hollt að gleyma sér alfarið í
fortíðarumræðu, fortíðin er
hinsvegar stór hluti af fram-
tíðinni og lærdómsrík sem slík.
Síðasta ár hefur verið viðburð-
arríkt fyrir íbúa sveitarfélags-
ins á margan hátt. Blikur hafa
verið á lofti í atvinnumálum og
Frd Borgamesi
er það eitt stærsta verkefni
næstu ára að styðja við og efla
atvinnulífið í sveitarfélaginu.
Bæjarstjórn Borgarbyggðar
lagði á síðasta kjörtímabili
mikla áherslu á uppbyggingu
iðnaðarhverfis auk gatnagerð-
ar í íbúðarhverfum í Borgar-
nesi. Það er hlutverk bæjar-
stjórnar að grunngerð samfé-
lagsins sé sterk og vel fallin til
uppbyggingar. Eg tel að bæj-
arstjórn Borgarbyggðar hafi
náð að fylgja því sjónarmiði
vel eftir. Þjónustustig í Borg-
arbyggð er hátt og skilyrði fyr-
ir atvinnulífið hin ákjósanleg-
ustu.
Undanfarnir mánuðir í
stjórnsýslu Borgarbyggðar
hafa einkennst af óvissu vegna
þeirra einkennilegu stöðu sem
sveitarfélagið var í að fengnum
úrskurði Félagsmálaráðuneyt-
isins í lok júlí. Nú eru kosn-
ingar nýafstaðnar öðru sinni í
Borgarbyggð og þrjú og hálft
ár til næstu sveitarstjórnakosn-
inga. Avinningur íbúa sveitar-
félagsins vegna uppkosninga
var enginn en Félagsmálaráðu-
neytið fékk hinsvegar svör við
ýmsum spurningum. Kostn-
aður sveitarfélagsins í heild
vegna þessa var mikill og verða
þær kostnaðartölur birtar op-
inberlega um leið og þær
liggja fyrir. Félagsmálaráðu-
neytið tekur engan þátt í þeim
kostnaði.
Nú er framundan fyrsta um-
ræða um fjárhagsáætlun Borg-
arbyggðar. Starfsmenn og
kjörnir fulltrúar Borgarbyggð-
ar hafa undanfarnar vikur lagt
inikla vinnu í fjárhagsáætlun-
argerð, þar sem verið er að
taka upp nýjar reikningsskila-
reglur hjá sveitarfélögum um
allt land og auk þess er fjár-
hagsáætlun Borgarbyggðar nú
unnin sem rammaáætlun.
Meirihluti bæjarstjórnar hefur
lagt ríka áherslu á að þjónusta
skerðist lítið sem ekkert þó
frekar þröngt sé í búi en Ijóst
er að ekki er mikið svigrúm til
að auka þjónustuna. Fjárhags-
áætlun tekur einverjum breyt-
ingum milli fyrstu og annarrar
umræðu en önnur umræða
verður væntanlega um miðjan
janúar.
Bæjarstjórn Borgarbyggðar
hefur ekki mikið um lögboðin
verkefni að segja, þeim verður
að framfylgja. Bæjarstjórn á
hinsvegar að marka framtíðar-
stefnu sveitarfélagsins og sjá til
þess að í framtíðinni eins og
hingað til verði best að búa í
Borgarbyggð. Mestu skiptir þó
að horfa jákvæðum augum
fram á veginn. Gleymum því
ekki að jákvætt hugarfar og já-
kvæðni almennt kostar ekki
mikið en getur skipt öllu máli í
samskiptum fólks.
Eg óska íbúum Borgar-
byggðar gleðilegra jóla og far-
sældar á nýju ári og þakka
samstarfið á árinu sem er að
líða.
Með kærri jólakveðju,
Helga Halldórsdóttir, forseti
bæjarstjórnar Borgarbyggðar.
'Pe+tfiinn
Þrœtuepli
I 49. tbl. Skessuhorns segir
frá því að Umhverrfisráðu-
neytið hafi staðfest úrskurð
Skipulagsstjóra ríkisins frá
10. maí s.l. þess efnis að um-
deildur kafli Útnesvegar skuli
sæta mati á umhverfisáhrif-
um. Ekki ætla ég mér að fara
að rekja þessa sögu, né færa
nein frekari rök í máli
þessu,því svo rækilega hefur
það verið gert á undanförn-
um árum.
Þessi ákvörðun ráðuneytis-
ins kemur eins og blaut tuska
í andlit heimamanna á sama
tíma og framundan eru ein-
hver hin mestu umhverfis-
spjöll vegna Kárahnjúka-
virkjunnar, sem um getur í Is-
landssögunni. Mér er spurn:
Hverskonar „Ráðstjórnar-
ráðuneyti“ höfum við að
svona nokkuð geti gerst ? Sú
kynslóð sem lengst og mest
hefur barist fyrir smábreyt-
ingu á umræddum vegi,er nú
senn að deyja út og munu þá
„Ráðstjórnarráðuneytis-
menn“ fagna að nöldurseggir
á þjóðvegi
langt vestur á þessum útnára
skulu endanlega hafa geyspað
golunni,svo hægt verði í friði
að snúa sér að umhverfis-
vænni verkefhum.
Eiga Vestlendingar ekki
fimm menn á Alþingi? Hefur
þeim aldrei dottið í hug að
koma að þessu máli ?
Mér finnst tími til kominn
að þeir taki nú á honum stóra
sínum og sýni með því, að
þeir séu verðugir þess að
verða endurkosnir á komandi
vori.
Kristinnfrá Bárðarbúð.
Fom jólastemmning á Eiríksstöðum
, Jólin okkar“ - Jólastundir á
Eiríksstöðum hafa verið mjög
eftirsóttar og hefur verið upp-
selt á þær allar. Bærinn er allur
hinn jólalegasti. Gólf þakið
grenigreinum, kertaljós um
allan bæ, gamalt jólatré og
annað skraut. Gestir fá síðan
allir epli með einu litlu kerti í,
sem ljósmeti. „Nokkrir kórfé-
laga hafa mætt með hljóðfæri
og sungið íslensk jólalög og við
höfum meðal annars seytt til
okkar Bjúgnakræki en að sjálf-
sögðu hanga heimareykt
bjúgu yfir langeldinum," segir
Alma Guðmundsdóttir ferða-
inálafulltrúi í Dölum.
Þá hafa eldri borgarar hér
skipt með sér sérstökum sögu-
stundum, þar sem sagt hefur
verið frá jólum fyrri tíma.
Hafa slíkar frásagnir vakið
mikla ánægju gesta. Þá hafa
verið lesnar sögur af Grýlu og
miklar vangaveltur sprottið í
kringum þær. Einnig hefur
verið lesið úr Sögu daganna
eftir Arna Björnsson.
Að lokum hafa svo verið
bornar fram veitingar - t.d.
heitir kakódrykkir, flatbrauð
með hangikjöti og rús-
ínulummur. Þá má til gamans
geta þess a hópur amerískra
ferðamanna kemur, á Eiríks-
staði, milli jóla og nýárs til að
upplifa íslenska jóla-
stemmningu.
Myndin er tekin á Leikskólanum Kríubóli í Ólafsvík en þar eru bömin farin að undirbúa komu jólana með allskonar
fóndri. Fv. Þórdís, Sigurjón, Amar Ingi, Elvis, Hreinn og Silja. PSJ