Skessuhorn - 18.12.2002, Síða 32

32
MIÐVIKUDAGUR 18. DESEMBER 2002
j&usmui..
Jólin hjá Veronicu Osterhammer
messosópransöngkonu í Snæfellsbæ
Veronica Osterhammer
messosópransöngkona býr
ásamt inanni sínum Gunnari
Tryggvasyni og dótturinni
Fanneyju, sem er þriggja ára, á
Brimilsvöllum í Snæfellsbæ eða
nánar tiltekið í gamla Fróðár-
hreppnum. Þau hafa rekið þar
ferðaþjónustu í tvö ár og rekst-
urinn er vaxandi hjá þeim. Allt
sönglíf í bæjarfélaginu breyttist
mjög til hins betra er Veronica
fluttist hingað og hún hefur
haldið hér nokkra glæsilega
einsöngstónleika, enda mikil
listakona. Þá er hún stjórnandi
Kirkjukórs Olafsvíkur og ný-
lokið er hinum árlegu jólatón-
leikum kórsins í Olafsvíkur-
kirkju. Veronica hefur einnig
tekið nemendur í einkatíma í
söng sem margir hafa sótt.
Til að forvitnast jólin og siði
þeim tengdum í hennar heima-
landi tókum við hana tali.
Veronica er frá litlum bæ sem
heitir Bernau og er nálægt
Miinchen í Suður-Þýskalandi.
Flún er búin að vera á Islandi í
8 ár og talar íslenskuna nánast
óaðfinnanlega.
Hvenær manstþúfyrst eftirjól-
unum?
Ég held ég muni fyrst eftir
jólunum þegar ég var þriggja
ára gömul og fékk rugguhest í
jólagjöf og var alsæl með hann.
En kannski hafa foreldrar mínir
lýst þessum jólum svo vel fýrir
mér vegna þess að þau eiga svo
góðar minningar frá þeim.
Eru jólasveinamir á ferli hjá
ykkur?
Hjá okkur kemur St. Niko-
laus 5. desember. Hann á stóra
gyllta bók og í henni er skráð
Úr íslanctsmyndasafni mínu býð ég:
Átthagamynct
frá heimahögum þínum
Tilvalin gjöftil fjölskyldu og vina
Myndir í mörgum stœrðum, allt frá 20x25 í gjafamöppu
til stórra innrammaðra mynda.
Sendu mér tölvupóst með þínum óskum
hvort sem um er að ræða heimahaga,
sumarbústaðalönd eða fallegar landslagsmyndir
og þú fœrð sýnishorn á netinu.
mats@mats.is - Sími: 8921012
Átthagamyndir í nærri hálfa öld
hvernig börnin hafa hagað sér.
Þegar hann bankar upp hjá
fólkinu, syngja börnin jólalag
fýrir hann eða fara með bæn.
Þægu börnin fá frá honum litlar
gjafir, mandarínur, hnetur og
nammi, en óþekku börnin lenda
í sekknum hans Krampusar,
sem er mjög ljótur og fýlgir
Nikolaus í öll hús. A aðfanga-
dag kemur síðan „Christkind"
litla Jesúbarnið sjálft með gjaf-
irnar. En auðvitað hafa rauð-
klæddu jólasveinarnir lika fest
sig í sessi úti.
Setja böm skóinn í gluggann?
Ég kynntist ekki þessum sið
fýrr en ég kom hingað, en mér
finnst hann mjög skemmtilegur.
Dóttir okkar fær auðvitað í
skóinn frá íslensku jóla-
sveinunum.
Eru gefnar jólagjafir og send
jólakort til ættingja og vina?
Já og gjafirnar eru opnaðar á
aðfangadagskvöld eins og á Is-
landi. Jólakort eru líka send, en
ekki eins mikið og hér.
Er hefðfyrir ákveðnum jólamat
á borðum Þjóðverja?
Jólamaturinn á aðfangadags-
kvöld er oftast ekki eins mikill
veislumatur og tíðkast hér, en á
jóladag er hátíðarmatur á
borðum. Hjá okkur voru til
dæmis oft góðar pylsur með
kartöflusalati á aðfangadags-
kvöld en á jóladag fórum við
annað hvort út að borða á fint
veitingahús eða mamma bjó til
góða steik. Hjá mörgum fjöl-
skyldum er gæs í jólamatinn eða
karfi. A jólaföstunni eru líka
bakaðar margar sortir af jóla-
smákökum og jólabrauði. Þá er
bæði konfekt og piparkökuhús
búin til og ýmislegt annað góð-
gæti.
Hvaða sáhnar eru sungnir hjá
ykkur í Þýskalandi umjól?
Þýsku jólasálmarnir eru nær
allir þýddir á íslensku og mikið
sungnir, svo að þar er ekki stór
munur á. Mér fannst bæði
skrýtið og skemmtilegt að sjá
sálminn ,,í dag er glatt í döpr-
um hjörtum“ en hann er að
finna hér á Islandi í sálmabók-
inni sem jólalag. Hjá okkur í
Þýskalandi tengist hann bara
óperunni Töfraflautunni eftir
Mozart en alls ekki jólunum!
Það er mjög mikil kirkjusókn á
jólunum í Þýskalandi, eins og
hér, og við fjölskyldan fórum
alltaf í kirkju í okkar heimabæ
sem er mjög hátíðlegt og ég
hafði gaman af.
Hvenær kemst þú svo íjólaskap-
ið?
Eg kemst svo sannarlega í
jólaskap þegar ég geri aðventu-
kransinn en ég geri hann alltaf
laugardaginn fyrir fýrsta í
aðventu.
Er eitthvað sem þú saknar frá
Þýskalandi í okkar jólaundir-
búningi?
Já, það er einn góður siður
sem ég sakna, en það eru
útijólamarkaðir sem eru haldnir
í öllum borgum og stærri þorp-
um síðustu fjórar helgarnar fýr-
ir jólin. Þar eru settir upp
fallegir básar, þar sem hægt er
að kaupa handverksmuni, alls-
konar skraut, sælgæti eins og
„heisse Maroni“ (sem eru heit-
ar Kastaníu-hnetur), og þá má
ekki gleyma heita jólaglögginu.
Mér finnst mjög mikil
jólastemning að rölta þar um,
hitta vini og láta sér hlakka til
jólanna. En ég kann líka mjög
vel við jólastemninguna hér á
Islandi og ég hef tekið upp ýmsa
íslenska siði fýrir okkar jól.
Blaðamaður þakkar Veronicu
að lokum fýrir þetta skemmti-
lega spjall og óskar henni og
fjölskyldu gleðilegra jóla.
PSJ