Morgunblaðið - 14.06.2019, Blaðsíða 2

2 MORGUNBLAÐIÐ FÖSTUDAGUR 14. JÚNÍ 2019
Góð steik þarf alvöru krydd
Útgefandi Árvakur Umsjón Þóra Sigurðardóttir Blaðamenn Elva Hrund Ágústsdóttir elva@mbl.is Þóra Sigurðardóttir
thora@mbl.is Auglýsingar Jón Kristinn Jónsson jonkr@mbl.is Katrín Theódórsdóttir kata@mbl.is Prentun Landsprent ehf.
Forsíðumyndina tók
Björn Árnason
Þ
að er eitthvað algjörlega stórkostlegt í gangi
þessi dægrin. Fólk brosir út að eyrum og býður
hvert öðru góðan daginn eins og alvöru fólk.
Þunglyndisskýið sem hefur hvílt yfir höfuð-
borgarsvæðinu er loksins á burt og við blasir
veröldin í öllum sínum regnbogans litum.
Íslendingar minna hvað helst á frændur sína Svía þessi
dægrin. Rjóðir og vel brenndir í framan og hárið er að
meðaltali búið að lýsast um tvo litatóna. Fæstir áttu von á
þessu. Héldu að sólarglætan sem sást fyrst í maí væri dæg-
urfluga og því höfum við legið marflöt síðan þá.
Vinir mínir komu í heimsókn frá útlöndum og höfðu á
orði að Íslendingar minntu helst á sæljón þar sem þeir sátu
allir sem einn með andlitið í átt til sólar.
Það er líka grilltíð og maður lifandi hvað það er gaman.
Það eru bókstaflega allir grillandi allt sem á grindina
kemst og tilþrifin eru svakaleg. Í þessu grillblaði er ótrú-
legur fjöldi frábærra uppskrifta frá fólki sem kann að
grilla. Það ættu því allir að finna eitthvað við sitt hæfi
hvort sem þeir aðhyllast kjöt, fisk eða grænmeti. Að því
sögðu óska ég ykkur góðra grillstunda í sumar og vona að
þið njótið vel.
Þóra Kolbrá Sigurðardóttir
Umsjónarmaður Matarvefs mbl.is
Ljósmynd/Íris Dögg Einarsdóttir
Nú er
gaman!
Eru að okkar mati nýju
Kai-hnífarnir sem kallast
Shoso. Kai-hnífarnir eru
flestum kunnir hér á
landi en Shoso-línan er
öllu ódýrari en gengur og
gerist og því viðráð-
anlegra að fjárfesta í ein-
um slíkum gríp sem er
sannkölluð eilífðareign.
Pro Gastro
7.900-13.900 krónur.
Heitustu hnífarnir...
Nafn: Halla María Svansdóttir
Staða: Eigandi veitingastaðarins Hjá Höllu í
Grindavík og í Leifsstöð
Hvernig grillgræja er á heimilinu? Við erum
með Weber-grill á heimilinu og er það úti allt
árið um kring.
Hvaða matur er bestur á grillið?
Mér finnst allt gott - það er aftur á móti
misjafnt hvað meðlimir heimilisins vilja. Við
erum duglegri að grilla kjöt en fisk, en mér
finnst fiskurinn alltaf ótrúlega góður á grillið
og myndi ég velja hann oftar ef hann væri að-
eins vinsælli á heimilinu.
Grillar þú mest yfir sumartímann eða allt
árið um kring? Við grillum meira á sumrin,
sérstaklega þessa dagana þegar veðrið er
svona gott, en við grillum allt árið. Til að
mynda höfum við grillað síðustu tvenn áramót
heima hjá okkur fyrir stórfjölskylduna þrátt
fyrir mikinn kulda.
Ertu týpan sem „á“ grillið og enginn annar
kemst nálægt? Nei, alls ekki. Við erum dugleg
að fá vinahópinn í mat og þá er enginn heil-
agur grillmeistari, heldur leggja allir sitt af
mörkum og fá að spreyta sig á teininum.
Hvað er ómissandi í góðri grillveislu? Held að
maðurinn minn myndi klárlega segja einn
kaldur á kantinum, en það klikkar víst seint að
hafa gott vín með góðum mat. Ég var mikið
fyrir að hafa gott salat með matnum og auð-
vitað sósu, en núna er nýjasta æðið að vera
með góða ólífuolíu og ferskan parmesan með
kjötinu, ásamt grilluðu grænmeti – mér finnst
það hrikalega gott og góð tilbreyting.
Í raun er ekkert eitt sem er ómissandi, en
ætli ég verði ekki að nefna að ein köld hvít-
vínsflaska og góða skapið sé nauðsyn í góðri
grillveislu.
Áttu gott grillráð handa okkur? Einfalt er allt-
af best svo mér finnst mikilvægt að velja gott,
hágæða hráefni og leyfa því að njóta sín.
Elva Hrund Ágústsdóttir elva@mbl.is
Einfalt er best - gott hvítvín
og góða skapið nauðsynlegt
Grillráð Höllu
Halla María segir að
einfalt sé alltaf best
og svo finnist henni
mikilvægt að velja
gott hráefni og leyfa
því að njóta sín.