Morgunblaðið - 25.07.2019, Blaðsíða 14

14 DAGLEGT LÍF
MORGUNBLAÐIÐ FIMMTUDAGUR 25. JÚLÍ 2019
Laugavegi 178 | 105 Reykjavík | Sími 551 3366 | Opið virka daga kl. 10-18, lokað um helgar í sumar
“Super Control” aðhaldslínan okkar hentar svo vel undir
allskonar fatnað þegar á að slétta aðeins úr línunum.
Misty
Stærðir: S-XXL
Kjóll 12.850kr
Stærðir: S-XXL
Háar buxur 5.990kr
Stærðir: S-XXL
Samfella 9.850kr
Ragnhildur Þrastardóttir
ragnhildur@mbl.is
Að vanda verður nóg um aðvera um verslunarmanna-helgina. Þjóðhátíð í Vest-mannaeyjum verður
væntanlega sú fjölmennasta eins og
áður en Hörður Orri Grettisson,
framkvæmdastjóri ÍBV, íþrótta-
félagsins sem sér um Þjóðhátíð,
segir sölu miða hafa gengið svipað
vel og undanfarin ár.
Undirbúningur flestra hátíða er
nú þegar hafinn og þar er Þjóðhátíð
að sjálfsögðu ekki undanskilin.
„Undirbúningurinn gengur
virkilega vel og þetta er allt saman
á áætlun,“ segir Jónas Guðbjörn
Jónsson, talsmaður þjóðhátíðar-
nefndar.
Hann gerir ráð fyrir að jafn
margir mæti á hátíðina í ár og árið
2017 þegar gestir voru örlítið færri
en í fyrra.
Jónas segir nefndina fulla til-
hlökkunar yfir komandi hátíð.
„Við erum bara virkilega
spennt og þetta er allt að smella.“
Takmarkaðar breytingar verða
á dagskrá enda lítið vit í að breyta
því sem virkar. Jónas segir helstu
breytinguna þá að Laddi ætli að
troða upp á milli atriða á laugar-
dagskvöldinu, vonandi við góðar
undirtektir.
Boat Tours munu sigla á milli
lands og Eyja ásamt gamla Herj-
ólfi svo fleiri komist til Eyja en
ella. Óljóst er hvort nýr Herjólfur
verður tekinn í gagnið fyrir
verslunarmannahelgi. Hörður seg-
ir það þó ekki koma að sök.
Börnin tekin með í drulluna
Í Bolungarvík verður Evrópu-
meistaramótið í mýrarbolta haldið
um verslunarmannahelgina en
mótið hefur ýmist verið haldið í
Bolungarvík eða á Ísafirði síðan
2003.
Þar veltast ungir sem aldnir
um í drullusvaði og keppa um
meistaratitilinn.
Að sögn Charlottu Rósar Sig-
mundsdóttur, „drullusokks“ hátíð-
arinnar, nokkurs konar fram-
kvæmdastjóra í stígvélum, verður
enn meira um að vera á hátíðinni í
ár en áður og þétt dagskrá alla
helgina. Krakka- og unglingamót
verður í fyrsta skipti haldið sam-
hliða mýrarboltanum, þrátt fyrir
að hátíðin sé ekki fjölskylduhátíð,
eins og Charlotta tekur skýrt
fram.
„Það er stundum erfitt fyrir
börn að fylgjast með foreldrum
sínum veltast um í drullunni og
mega ekki vera með,“ segir Char-
lotta.
Þegar Charlotta, sem hreppti
Evrópumeistaratitilinn árið 2017,
er spurð hvað sé skemmtilegast
við mýrarboltann þarf hún að
hugsa sig aðeins um.
„Það er kannski það að festast
í drullunni, týna skónum þínum og
fá rauða spjaldið,“ segir hún og
hlær. „Svo er það náttúrlega þessi
óheflaða stemning sem myndast.“
Ævintýri og jaðaríþróttir
Ef útihátíðaglaðir ætla norður
á land er þeim helst bent á að fara
til Akureyrar. Þar er fjölskyldu-
hátíðin Ein með öllu haldin ásamt
íslensku sumarleikunum en þar er
keppt í ýmsum íþróttum, bæði þeim
sem eru yst á jaðrinum og þeim
vinsælli.
Ennþá norðar verður að finna
rólegri en þó býsna fjöruga hátíð
eða ævintýri réttara sagt; Síldaræv-
intýri á Siglufirði. Þar mun heyrast
undurfögur tónlist og gestum gefst
kostur á að berja augum fornbíla og
myndlist. Þar verður einnig blásið
til hinna einstöku bjórleika þar sem
gestum býðst að spreyta sig á ýms-
um þrautum.
Hið árlega unglingalandsmót
verður nú haldið á Höfn í Horna-
firði. Þar hafa ungmenni á aldrinum
11-18 tækifæri á að keppa í íþrótta-
greinum, sama hvort þau eru skráð
í íþróttafélag eður ei. Á kvöldin
verður svo boðið upp á kvöldvökur
með vinsælu tónlistarfólki.
50 hljómsveitir á ættarmóti
Fyrir þá sem kjósa að sleppa
við umferðaröngþveiti helgarinnar
og vilja dvelja í þægindum stór-
borgarinnar verða tónleikar í
miðbæ Reykjavíkur, nánar tiltekið
úti á Granda. Það er tónlistarhá-
tíðin Innipúkinn sem um ræðir og
hefur hún verið haldin síðan 2002.
Á Norðanpaunki, árlegu ættar-
móti pönkara á Laugarbakka, munu
hvorki meira né minna en 50 hljóm-
sveitir stíga á pall og hlýtur það að
teljast nokkuð vel útilátin dagskrá.
Til að fara á ættarmótið þarf að
skrá sig í ættina en árlegt félags-
gjald er sjö þúsund krónur.
Fyrir þau sem vilja ekki sjá
vímugjafa um þessa helgi, sem
gjarnan einkennist af því að fólk
fær sér í glas, er kjörið að skella
sér í Vatnaskóg á Sæludaga KFUM
og KFUK eða á Kotmót Hvíta-
sunnukirkjunnar í Fljótshlíð.
Neistaflug verður á sínum stað
í Neskaupstað en helgin þar verður
smekkfull af vinsælli tónlist, rappi,
poppi og ballöðum.
Á Flúðum verður svo að finna
fjölskylduhátíð þar sem brenna
verður, brekkusöngur, Leikhóp-
urinn Lotta og fleira sem börn og
fullorðnir kunna að hafa gaman af.
Fyrir valkvíðna má líta á kortið
hér að ofan til þess að fræðast um
hátíðir verslunarmannahelgarinnar.
Drulla, bjórleikar og pönktónlist
Morgunblaðið/Eva Björk
Drullusvað Keppendur Evrópumeistaramótsins í mýrarbolta verða vægast
sagt skítugir við athæfið. Búist er við sex til átta hundruð manns í ár.
Hátíðir um verslunarmannahelgina 2019
Unglingalandsmót UMFÍ
HÖFN Í HORNAFIRÐI
Vímuefnalaus fjölskylduhátíð
þar sem börn og unglingar á
aldrinum 11-18 ára reyna fyrir sér í
fjölmörgum íþróttagreinum og
samhliða er boðið upp á fjölbreytta
afþreyingu fyrir alla fjölskylduna.
DJ Sura, Úlfur Úlfur, Salka Sól, Daði
Freyr, Bríet, Una Stef og GDRN.
Aldurstakmark: Nei. Mótið sjálft er
opið ungmennum á aldrinum 11-18 ára.
Mótsgjald er 7.000 kr.
Sæludagar KFUM og KFUK
VATNASKÓGUR
Vímulaus fjölskylduhátíð.
Dagskrá hennar er í anda
sumarbúðastarfs KFUM og KFUK og
á að höfða til fl estra aldurshópa.
Páll Óskar. Aldurstakmark: nei.
Verð: 3.000 kr. fyrir 7-12 ára,
6.000 kr. fyrir 13 ára og eldri.
Síldarævintýri á Siglufi rði
SIGLUFJÖRÐUR.
Prjónakaffi , bjórleikar, myndlistar-
sýning, listasmiðjur, fornbílasýn-
ing og ýmislegt fl eira er á meðal þess
sem fi nna má á Siglufi rði þessa helgina.
Þorvaldssynir, tríóið Regína, Eva
Karlotta, Herra Hnetusmjör, DJ Egill
Spegill og Meginstreymi.
Aldurstakmark: Nei. Verð: Ókeypis.
Norðanpaunk
LAUGARBAKKI
Árlegt ættarmót pönk-
ara á Laugarbakka
Vestur-Húnavatnssýslu.
Á hátíðinni koma 50
hljómsveitir fram.
Aldurstakmark: Nei.
Árlegt félagsgjald er 7.000 kr.
Evrópumeistaramótið
í mýrarbolta
BOLUNGARVÍK
Mótið er haldið um verslunar-
mannahelgina hvert ár og
hefur verið haldið á Ísafi rði og
Bolungarvík síðan 2004.
Flóni, Anton Lini, Flósi V, DJ Kolka,
Ásta, Bellstop, Högni, Rúnar Breki
og The Swan Holmes.
Aldurstakmark: 18 ára til þátttöku
í boltanum og á dansleiki. Keppn-
isarmband: 6.500 kr. Ballarmband:
5.500 kr.
Kotmót Hvítasunnukirkjunnar
KIRKJULÆKJARKOT Í FLJÓTSHLÍÐ
Kristilegt fjölskyldumót sem
haldið er af Hvítasunnukirkj-
unni á Íslandi. Samhliða því er haldið
kristilegt barnamót fyrir börn fædd
2007-2016.
KK, Samuel Ljungblahd og Kristine
Bærendsen. Aldurstakmark: Nei.
Verð: Frítt.
Neistafl ug
NESKAUPSTAÐUR
Viðburðir helgarinnar í Neskaup-
stað verða af ýmsum toga. Má
þar helst nefna Barðsneshlaup,
kassabílarallý, golfmót, hverfagrill og
sápubolta.
Nýdönsk, Papar, Matti Matt, Einar
Ágúst, Daði Freyr, Eyþór Ingi,
ClubDub, Mannakorn og
upprennandi austfi rskt tónlistarfólk.
Aldurstakmark: Fer eftir viðburðum.
Helgararmband: 9.900 kr.
Ein með öllu
og íslensku sumarleikarnir
AKUREYRI
Alls kyns jaðaríþróttir, þrekraunir,
útivist og leikir. Skemmtidagskrá
með tónleikum og dansleikjum.
Omotrack, Svala Björgvins, ClubDub,
Flóni, Jónas Sig, Friðrik Dór, Greta
Salóme og fl eiri.
Aldurstakmark: 18 ára á tjaldsvæðin.
Þjóðhátíð í Eyjum
HERJÓLFSDALUR
Brenna á Fjósakletti á föstudegi, fl ugeldasýning
á laugardegi og brekkusöngur á sunnudegi.
Bjartmar, Herra Hnetusmjör, Huginn, GDRN,
ClubDub, Jói Pé og Króli, Sprite Zero Klan, GRL
PWR, Flóni, Foreign Monkeys, Svala Björgvins,
Egill Ólafs, Sverrir Bergmann, Brimnes, Bandamenn,
Stuðlabandið, Albatross, Halldór Gunnar, Stjórnin,
Páll Óskar, Friðrik Dór, Jón Jónsson, Á móti sól, Killer
Queen, FM95BLÖ og Séra Bjössi.
Aldurstakmark: Nei. Helgarpassi 24.900 kr. eftir 27.
júlí en 19.900 fyrir þann tíma. Yngri en 14 ára: frítt
Innipúkinn
REYKJAVÍK: BRYGGJAN BRUGGHÚS
OG MESSINN GRANDA
Haldin árlega frá árinu 2002
innandyra í miðborg
Reykjavíkur.
Between Mountains, Blóðmör, Dj
Flugvél & geimskip, Frikki Dór,
Hildur, Joey Christ, Jónas Sig,
Kælan mikla, Matthildur, Moses
Hightower, Sprite Zero Klan, Sturla
Atlas, Una Schram, Valdimar og Vök.
Aldurstakmark: 20 ára. Verð: 6.990 kr.
Flúðir um versló
FLÚÐIR.
Fjölskylduhátíð sem
inniheldur brennu,
brekkusöng, Leikhópinn Lottu,
Barsvar, furðubátakeppni og
fl eira.
Eyþór Ingi, Stuðlabandið,
Hildur, Bríet, Aron Can, Pálmi
Gunnarsson, Made In Sveitin.
Aldurstakmark: 23 ára á tjald-
svæðið. Helgarpassi á böllin
kostar 7.990 kr.
Fjölbreytt dagskrá er á
landsvísu um versl-
unarmannahelgina.
Sama hvort fólk leitar
eftir fjölskylduskemmtun
eða barnlausri, inniveru
eða útiveru, hreyfingu
eða kyrrsetu þá munu
allir áreiðanlega geta
fundið eitthvað við sitt
hæfi. Svo er auðvitað
hægt að elta veðrið.