Morgunblaðið - 27.07.2019, Síða 12

12 DAGLEGT LÍF
MORGUNBLAÐIÐ LAUGARDAGUR 27. JÚLÍ 2019
AFSLÁTTUR
40%
kulturmenn
kulturmenn
Kringlan
Rósa Margrét Tryggvadóttir
rosa@mbl.is
Ferðin gekk vonum framar.Þetta var fyrsta skrefið íað fara með farþega ogþað gekk allt eins og lagt
var upp með. Það var mjög gott
veður, hægur vindur og sum-
arveður. Fullt skip í fyrstu ferð,“
segir Ívar Torfason, fyrsti skipstjóri
nýja Herjólfs, sem fór í sína fyrstu
áætlunarferð með farþega á
fimmtudagskvöldið.
Farþegar almennt ánægðir
„Maður gat ekki séð annað en
að það væri mikil almenn ánægja
með þetta,“ segir Ívar. Bætir við að
sérstök ánægja hafi verið meðal
áhafnarinnar sem hafi verið búin að
bíða lengi eftir að sjá skipið ferja
farþega. „Fyrir farþegana er þetta
mikill munur. Þetta er miklu hljóð-
látara skip þar sem við erum að
keyra að stærstum hluta á rafmagni
svo það er miklu minni hljóðmengun
og titringur. Hann titrar ekki jafn
mikið og hefðbundið skip þannig að
þetta er miklu þægilegri ferð fyrir
farþegana,“ útskýrir Ívar. „Það er
ekki nokkur vafi á því að það er
mikil ánægja með þessa þjónustu-
breytingu sem hefur orðið síðustu
mánuði. Tölurnar sýna það líka. Það
er metfjöldi farþega og ökutækja
þetta sumarið.“
Öllum væntingum svarað
Guðbjartur Ellert Jónsson,
framkvæmdastjóri Herjólfs, tekur í
sama streng og Ívar. Segir ferðina
hafa gengið frábærlega í alla staði
og staðfestir að farþegar hafi verið
470 og bílarnir 55.
„Það var spegilsléttur sjór og
fallegt veður og ekki annað að
merkja á farþegum en að þeir hafi
notið siglingarinnar og ekki síður
skipsins. Þannig að öllum okkar
væntingum var svarað í þessari ferð
um allt sem skipið hefur upp á að
bjóða,“ segir hann.
Guðbjartur staðfestir að Herj-
ólfur muni halda áfram að bjóða sjö
ferðir á dag í sumar en sjöundu
ferðinni var bætt við sumaráætlun
skipsins á árinu. Fyrsta ferð Herj-
ólfs fer nú klukkan sjö frá Vest-
mannaeyjum til Landeyjahafnar og
sú síðasta klukkan 23:15 frá Land-
eyjahöfn.
Eins og venjulega hefur fleiri
ferðum verið bætt við fyrir Þjóðhá-
tíð sem haldin verður í Eyjum um
verslunarmannahelgina, sem er eft-
ir viku.
„Við erum alveg klárir fyrir
Þjóðhátíð og munum rúlla nýja
skipinu þessa daga og síðan tekur
törnin við. Við verðum með auka-
ferðir og reynum að svara þessu eft-
ir þörfinni,“ sagði Guðbjartur.
Landeyjahöfn Stefnið var opnað og skipið smellpassaði á
ferjubrúna. Litlum og stórum bílum var ekið greiðlega í land.
Ferðamenn Fyrir túristana var óvænt ánægja að komast í
jómfrúarsiglinguna og að sjálfsögðu var skellt í sjálfu.
Sigling Veðrið á fimmtudagskvöld var ljómandi gott og renni-
blíða. Farþegar voru því margir úti á dekki og nutu útsýnisins.
Fullt skip í fyrstu ferð nýs Herjólfs
Nýi Herjólfur fór sína
fyrstu áætlunarferð í blíð-
skaparveðri á fimmtu-
dagskvöld. Mikil ánægja
var meðal farþega og
áhafnar og gekk ferðin
vonum framar að sögn Ív-
ars Torfasonar skipstjóra.
Skipstjórar Frá vinstri talið: Sigmar Logi Hannesson, Gísli Valur Gíslason
og Ívar Torfason eru ánægðir með nýja skipið, búnað þess og sjóhæfnina.
Morgunblaðið/Óskar Pétur Friðriksson
Farþegar Vel fer um fólk í rúmgóðum og björtum salarkynnum skipsins.
Þægindin eru í fyrirrúmi og vel er séð fyrir öryggismálum um borð.
Á morgun, sunnudaginn 28. júlí kl.
13:30, mun Snorri Sigurðsson líf-
fræðingur leiða fuglaskoðun um
vesturhluta Viðeyjar. Í eynni verpa
um 30 tegundir fugla. Mest er um
æðarfugl og grágæs og stundum
kemur fyrir að menn rekast á sjald-
gæfar tegundir eins og jaðröku eða
óðinshana. Dálítið er af teistu og
hrafninn gerir sér líka hreiður í
eynni. Þátttakendur eru hvattir til
að taka með sér kíki. Siglt er sam-
kvæmt áætlun frá Skarfabakka í
Sundahöfn kl. 13:15. Þaðan er um
það bil fimm mínútna sigling yfir
sundið í eyna. Þátttaka í göngunni
er gestum að kostnaðarlausu en
greiða þarf í ferjuna.
„Viðey er afar gróðursæl og var
öldum saman talin ein besta bújörð
landsins. Þar sjást enn ummerki
túna og hlaðinna garða sem héldu
búpeningi frá slægjunni. Til að
auka rými til ræktunar voru grafn-
ir skurðir í eyjunni til að ræsa fram
mýrar. Núna eru í Viðey 156 há-
plöntur, en það er um þriðjungur af
flóru landsins,“ segir í kynningu á
vef Reykjavíkurborgar.
Viðey er um 1,7 km2 að stærð og
skiptist í tvo hluta, Heimaey og
Vesturey, sem tengjast með
Eiðinu. Austurhluti Heimaeyjar
kallast Austurey. Meðfram strönd
eyjunnar sjást stórbrotnar berg-
myndanir og er vel þess virði að
gefa sér góðan tíma í fjörunni.
Einnig skal bent á fegurð stuðla-
bergsins, bæði í Virkishöfðanum og
Eiðisbjarginu.
Fuglaskoðun í Viðey á morgun
Morgunblaðið/Ómar
Æðarfugl Litríkur í lífsháttum og kemur hér til lendingar með tilþrifum.
Óðinshanar og æðarfugl