Morgunblaðið - 27.07.2019, Side 16

16 FRÉTTIRInnlent
MORGUNBLAÐIÐ LAUGARDAGUR 27. JÚLÍ 2019
STANGVEIÐI
Einar Falur Ingólfsson
efi@mbl.is
Nú eftir stóra strauminn fyrir rúmri
viku, þegar stærstu laxagöngurnar
eiga að vera komnar í flestar veiði-
árnar, er orðið fullljóst hversu lélegt
laxveiðisumarið er. Tölurnar tala sínu
máli – í náttúrulegu ánum á Suður-
landi, Vesturlandi og Norðurlandi
draga þær upp þá mynd að fjöldi laxa
sem gengið hefur í árnar virðist ekki
vera nema 20 til 40 prósent af þeim
fjölda sem gengið hefur að meðaltali
síðasta áratug.
Vissulega hömluðu einstakir þurrk-
ar veiði í allmörgum ám framan af
sumri, og enn í þeim sumum, en það
breytir ekki því að heimtur úr hafi eru
einstaklega lélegar um mestallt land.
Ástæðurnar nokkrar
Sérfræðingar Hafrannsóknastofn-
unar segja í pistli á vefnum ástæður
lélegra laxagangna nokkrar: „Klak-
árgangurinn frá 2015 var með minnsta
móti í ám á Norður- og Austurlandi
sem leiddi til þess að gönguseiða-
árgangur 2017 var lítill og skilaði hann
fremur litlum smálaxagöngum 2018
og svo fáum stórlöxum 2019. Á Suður-
og Vesturlandi var klakárgangurinn
frá 2015 lítill sem leiddi til færri
gönguseiða sem gengu út 2018 og þar
með færri löxum nú í sumar.“
Hinar lélegu heimtur á smálaxi
þýða væntanlega að lax sem snýr úr
hafi næsta sumar sem stórlax, eftir
tvo vetur í hafi, verður einig liðfár.
Veiðin í upphafi vertíðar þá, sem
byggist gjarnan á þeim stóru sem
mæta snemma, gæti því orðið slök.
Fimm á stöng á dag í Selá
En myndin af laxveiðinni er ekki
alls staðar dökk því ástandið er mun
betra á norðausturhorninu, í Vopna-
firði og Þistilfirði. Selá er á harða-
spretti upp töfluna yfir aflahæstu
árnar en þar er meðalveiði á stöng nú
sú besta í ám landsins. Gísli Ásgeirs-
son staðarhaldari við Selá segir síð-
asta holl sem var við veiðar hafa land-
að 170 löxum á stangirnar sex á sex
dögum. „Það gerir tæplega fimm laxa
meðalveiði á stöng á dag,“ segir Gísli
og vissulega er það frábær veiði.
Uppistaðan er stórlax en Gísli segir
að nú sé að koma tími smálaxa-
gangnanna í Vopnafirði og bíði menn
spenntir eftir að sjá hverju þær skili.
„Síðan í stóra straumnum í síðustu
viku hafa verið stöðugar göngur í
Selá á hverju flóði og þrír til sjö veið-
ast á neðsta svæðinu á hverri vakt.
Svo ert vatnsstaðan frábær hjá
okkur núna, það hefur rignt í viku og
aðstæður eru eins og best verður á
kosið. Við erum að taka tvær til þrjár
vikur af besta veiðitímanum í ánni.“
Ef litið er yfir til Þistilfjarðar þá
veiddust í Hafralónsá í vikunni 57
laxar á stangirnar fjórar, eða rúmlega
tveir á stöng á dag. Og meðalveiðin á
stöng á dag var sú sama í Svalbarðsá
þar sem 42 laxar veiddust í vikunni á
stangirnar þrjár.
Eystri-Rangá fyrst yfir þúsund
Fyrsta áin til að fara yfir þúsund
laxa múrinn í sumar var Eystri-
Rangá en þar hefur veiðin verið jöfn
og góð frá byrjun; heimtur augsýni-
lega mun betri en í systuránni hinni
ytri. Í vikunni voru til að mynda 92 og
84 laxa dagar en í vikunni veiddust
alls 497 laxar í ánni, nær fjórir á
hverja stöng á dag. Á sama tíma
veiddust að meðaltali 1,3 laxar á dags-
stöngina í Ytri-Rangá.
Þegar laxar eru ekki margir í
hverri á er hver veiddur lax veiði-
manninum sérlega mikilvægur, og
ekki síst þeir stóru. Veiðin í Laxá í
Aðaldal hefur verið döpur, í liðinni
viku veiddist þar 61 lax á alls 17
stangir; hálfur lax á dag að meðaltali.
En þar veiðast fleiri tuttugupundarar
en í öðrum ám og veiðimenn þrá
glímu við slíka höfðingja. Og Arnar
Guðjónsson var heppinn á dögunum
er honum auðnaðist að landa einum
104 cm á Eskeyjarflúð en sá tók lítinn
Sunray. Og þeir Ingvar H. Ólafsson
félagi hans höfðu heppnina víðar með
sér því Ingvar náði 96 cm hrygnu á
Núpafossbrún og þeir veiddu 85 cm
hrygnur á Mjósundi og í Brúar-
streng.
Einstaklega lélegar
heimtur á laxi úr hafi
 Veiðin lítil nema á norðausturhorninu og í Eystri-Rangá
Afl ahæstu árnar
Heimild: www.angling.is
0 200 400 600 800 1.000 1.200
Staðan 24. júlí 2019
Veiðistaður
Stanga-
fjöldi Veiði
25. júlí
2018
26. júlí
2017
Eystri-Rangá 18 1.183 1.070 338
Urriðafoss í Þjórsá 4 636 955 625
Miðfjarðará 10 493 1.058 1.458
Ytri-Rangá & Hólsá, vesturbakki 18 467 1.114 1.570
Selá í Vopnafi rði 6 374 492 390
Þverá – Kjarrá 14 355 1.817 1.312
Blanda 14 325 668 913
Elliðaárnar 6 303 566 577
Haffjarðará 6 256 948 670
Hofsá og Sunnudalsá 7 232 280 180
Laxá í Aðaldal 17 217 350 374
Grímsá og Tunguá 8 210 576 594
Laxá á Ásum 4 202 335 438
Norðurá 15 184 1.231 1.095
Jökla (Jökulsá á Dal) 8 137 200 130
Morgunblaðið/Einar Falur
Spenna Guðjón Ketilsson glímir við sterkan lax við Gullhyl í Húseyjarkvísl.
Flatahrauni 7 | 220 Hafnarfirði | Sími 565 1090 | www.bjb.is
SAMEINUÐ GÆÐI
Kvartmíluklúbburinn stendur fyrir driftsýningu og
burnout-keppni sunnudaginn 28. júlí kl. 14:00
BJB-Mótorstilling grillar pylsur ofan í áhorfendur
á meðan þáttakendur grilla dekk
Verð: 1.500 kr
Frítt fyrir yngri en 12 ára í fylgd með fullorðnum
BJB-Mótorstilling
ar
driftsýning & bur
nout
Sunnudaginn 28. j
úli – Kvartmílubr
autinni við álfhel
lu