Morgunblaðið - 26.07.2019, Blaðsíða 2

2 MORGUNBLAÐIÐ FÖSTUDAGUR 26. JÚLÍ 2019
E
kki skyldi vanmeta hvers kon-
ar afrek það er að halda rúm-
lega 10.000 manna stórhátíð
undir berum himni. Um
hverja verslunarmannahelgi liggur
straumurinn út í Vestmannaeyjar og
þökk sé elju ótal sjálfboðaliða gengur
Þjóðhátíð í Eyjum eins og rækilega
smurð vél.
Dóra Björk Gunnarsdóttir er for-
maður þjóðhatíðarnefndar og segir
hún að þótt kjarninn í Þjóðhátíð sé sá
sami þróist hátíðin og mótist ár frá
ári í takt við tíðarandann og óskir
heimamanna. „Aldurssamsetning
gesta hefur t.d. verið að breytast í þá
átt að meira ber á fólki á aldursbilinu
30-40 ára og ástæðan kannski að for-
eldrar gera meira af því að fylgja
unglingunum sínum á hátíðina.“
Ekkert lát er á vinsældum Þjóð-
hátíðar og margir sem leggja land
undir fót ár eftir ár til að upplifa
töfrana í Herjólfsdal. Á sama tíma
virðist unga fólkið vera að læra að
skemmta sér með heilbrigðari hætti
og minna um vandræðauppákomur.
„Við sjáum þessa breytingu m.a. á því
hve vel búið unga fólkið er þegar það
mætir á hátíðina, með pollagallann og
annan klæðnað sem hæfir veð-
urspánni. Svo njóta þau lífsins, hlusta
á tónlistaratriðin, rölta út í Krónu og
aftur upp í dal með innkaupapokana
ef þess þarf og grilla fyrir utan tjaldið
sitt,“ útskýrir Dóra Björk og minnist
ákveðins atviks sem sýndi henni
glöggt hvernig yfirbragð Þjóðhátíðar
hefur breyst til batnaðar: „Ég var á
ferð um dalinn snemma morguns og
sé þá ungan mann spretta út úr einu
tjaldinu og halda af stað í hressandi
morgunskokk.“
Sveitaballafjör og kökur
Að vanda munu landsins fremstu tón-
listarmenn troða upp á Þjóðhátíð en
þess er gætt að haga dagskránni
þannig að flestir geti fundið eitthvað
við sitt hæfi. „Sveitaballatónlistin er í
forgrunni og virðist ná langbest til
hópsins í Herjólfsdal, en í ár má líka
heyra eitthvað af þyngra rokki og
töluvert af rappi,“ segir Dóra Björk.
Af flytjendum í ár má nefna Herra
Hnetusmjör, JóaPxKróla, Flóna, Egil
Ólafsson, Svölu Björgvins, Stuðla-
bandið, Friðrik Dór, Á móti sól,
Stjórnina og sjálfan Pál Óskar.
Dagskráin er með svipuðu sniði og
undanfarin ár. Fjörið hefst á fimmtu-
dagskvöld, með Húkkaraballinu sem
er eini dagskrárliður Þjóðhátíðar sem
haldinn er utan sjálfs útihátíðarsvæð-
isins. Hátíðin er svo sett með form-
legum hætti kl. 14.30 á föstudeginum.
Tónlistarfólkið treður upp á kvöldin
en yfir daginn eru leikir og þrautir í
boði fyrir börnin. Heimamenn reisa
sína eigin tjaldborg, með stórum hvít-
um tjöldum samkvæmt gamalgróinni
hefð, en í fyrra var breytt út af þeim
vana að láta tjaldbúa keppast við að
ná bestu lausu reitunum. Þess í stað
er tjaldstæðum á svæði heimamanna
úthlutað með útdrætti, en sjálfboða-
liðar í Herjólfsdal hafa forgang að
tjaldstæðum. Dóra Björk segir þetta
fyrirkomulag hafa reynst vel og sami
háttur verði hafður á í ár.
Eins og lesendur eflaust vita eru
tjöld heimamanna oft ríkulega útbúin
og helst innréttuð með húsgögnum
sem hafa verið fengin að láni úr stof-
unni heima eða jafnvel verið sér-
smíðuð. Þeir nota líka tækifærið til að
sýna matargerðarhæfileikana og fylla
tjöldin af ljúfmeti og bjóða gestum
sínum að smakka.
Þótt ekki eigi allir heimboð í tjald
hjá heimamanni þarf enginn að vera
svangur á Þjóðhátíð og er matsala op-
in allan sólarhringinn. „Svo er það
líka partur af stemningunni, og góð
leið til að spara örlítið, að útbúa nesti
áður en lagt er í hann og t.d. pakka sí-
gildum útilegumat eins og flatkökum
með hangikjöti.“
Regngalli og sólarvörn
Aðspurð hvað þjóðhátíðargestir ættu
að hafa meðferðis segir Dóra fyrir
öllu að fólk klæði sig í samræmi við
aðstæður og alltaf skuli gera ráð fyrir
úrkomu. Regnfötin eru því ómissandi
og góð lopapeysa gulls ígildi. Þá ætti
að hafa nokkur pör af hreinum sokk-
um tiltæk og góða skó enda má
reikna með að þurfa að klöngrast upp
og niður brekkur. Húfa og vettlingar
geta komið í góðar þarfir og vitaskuld
gleymir enginn að koma með góða
skapið. „Svo má mæla með því að
pakka sólarvörn, enda verja gestir
löngum stundum utandyra og sólin
getur orðið sterk.“
Vitaskuld þarf ekki að minna unga
fólkið á að pakka snjallsímanum en
þeir sem óttast að rafhlaðan tæmist
þurfa ekki að hafa áhyggjur; hleðslu-
stöðvar eru á víð og dreif um dalinn
og símahleðsla í Herjólfsbæ. „Síminn
getur verið mjög gagnlegt hjálp-
artæki og nýst vinahópum og fjöl-
skyldum til að halda sambandi og
tryggja að enginn týnist. Þegar ég
var yngri höfðum við vinirnir þann
háttinn á að hittast við tiltekna fasta
pósta á heila og hálfa tímanum, en
þess þarf ekki í dag,“ segir Dóra
Björk og bætir við að símafyrirtækin
geri sérstakar ráðstafanir til að
bregðast við því mikla álagi sem er á
símkerfi Vestmannaeyja á meðan
gestaskarinn er á svæðinu.
ai@mbl.is
Morgunblaðið/Ófeigur
Góðar minningar verða til í Herjólfsdal
Gestir á Þjóðhátíð í Eyj-
um kunna að skemmta
sér með heilbrigðum
hætti. Heimamenn
halda í merkilegar hefðir
og vinna saman að því
að gera þennan stór-
viðburð að veruleika.
Dóra Björk segir hátíðargesti í dag gæta þess að klæða sig í samræmi við aðstæður og ganga hægt um gleðinnar dyr.
Flugeldasýningin er einn af hápunkt-
um Þjóðhátíðar og fjöldasöngurinn
fyllir dalinn af gleði og vináttu.
Útgefandi Árvakur Umsjón og skrif Ásgeir Ingvarsson
Auglýsingar Erling Adolf Ágústsson erling@mbl.is Prentun Landsprent ehf.
Forsíðumyndina tók
Ómar Óskarsson
Sjálfboðaliðar og starfsfólk
Þjóðhátíðar í Eyjum eru við öllu
búin og um 100 gæslumenn að
störfum þegar álagið er mest.
Aðeins um 230 metra frá brek-
kusviðinu er sjúkraskýli þar
sem læknisþjónusta er veitt og
á svæðinu verða þrír bráða-
tæknar og jafnmargir neyð-
arflutningamenn á tveimur full-
búnum sjúkrabílum.
Sjúkraflutningamaður er líka til
taks á sexhjóli með börum og
til viðbótar eru tíu fullkomnar
eftirlitsmyndavélar sem vakta
hátíðarsvæðið allan sólarhring-
inn og geyma upptökur.
Við öllu búin