Morgunblaðið - 16.08.2019, Blaðsíða 23

FÖSTUDAGUR 16. ÁGÚST 2019 MORGUNBLAÐIÐ 23
A
nna Jia útskrifaðist af
náttúrufræðibraut frá
Menntaskólanum í
Reykjavík og fór síðan
beint eftir það á skóla-
styrk til Peking-háskóla. Eftir að
hafa lært þar um árabil lagði hún
leið sína aftur til Íslands þar sem
hún lagði stund á rekstrarverkfræði
við Háskólann í Reykjavík.
Hvernig kom til að þú lagðir
stund á nám í Kína?
„Ég lærði kínversku og kínversk
fræði þar í ár. Faðir minn er frá
Kína og hef ég alltaf talað kínversku
við hann. Ég hafði hins vegar aldrei
lært að lesa og skrifa á kínversku.
Mig langaði að ná tökum á því og að
kynnast Kína, þar sem rætur mínar
liggja þangað.“
Hvað geta Íslendingar lært
áhugavert af Kínverjum?
„Mjög margt námslega, enda eru
Kínverjar með bestu námsmönnum
heims og ekki að ástæðulausu. Það
er erfitt að lýsa því hvernig and-
rúmsloftið í kennslustofunum er frá-
brugðið því sem við erum vön hér
heima. Til dæmis fer kennslan að
miklu meira leyti fram í einhvers
konar samtali kennarans við hvern
nemanda bekkjarins, svo að allir
taka virkan þátt og mikil umræða á
sér stað. Það er einnig algengt að
eftir langa setu standi allir upp og
geri teygjur saman og nuddi til þess
að koma blóðflæðinu aftur af stað og
auka vellíðan. Mér finnst Kínverjar
leggja mikla áherslu á jafnvægi milli
vellíðunar, bæði líkamlegrar og and-
legrar, og verkefna, bæði í vinnu og
skóla, hvort sem það er að setja sam-
an máltíðir á sem næringarríkastan
hátt eða passa að fara og labba einn
hring í hádegishléinu sínu.“
Hvernig er að vera í kínverskum
háskóla?
„Það var alveg dásamlegt. Maður
gat byrjað alla morgna á Thai Chi
úti, en það er mjög líkt því að byrja
hvern einn og einasta dag á jóga.
Síðan fór maður í mötuneytið að fá
sér morgunmat og svo tóku við
tímar yfir daginn. Eftir skóla fór
maður ýmist að hitta vini eða að
stunda einhver áhugamál en það
voru hópar fyrir um það bil allt sem
hægt er að láta detta sér í hug. Á
skólavistinni var einnig allt sem til
þurfti: kaffihús, veitingahús, bíó,
líkamsrækt, tennis, frjálsíþrótta-
aðstaða og fótboltavellir. Garðar til
að sitja í svo að maður þurfti varla að
fara út fyrir skólalóðina. Síðan var
líka ómetanlegat að eignast vini
hvaðan af úr heiminum þar sem það
voru nemendur á heimavistinni með
mér frá öllum heimshornum og frá
mismunandi menningarheimum.“
Hvert stefnir þú?
„Ég stefni næst til London, en ég
er að flytja þangað í haust til þess að
búa með unnustanum og fara í frek-
ara nám. Ég hef ákveðið að fara í Le
Cordon Bleu í Culinary Manage-
ment og patisseríe-nám. En ég hef
alltaf haft mikinn áhuga og ástríðu
fyrir því að skapa í eldhúsinu og
langaði að finna leið til þess að sam-
tvinna ástríðuna og námið. Síðan er
auðvitað risastórt tækifæri til þess
að finna leiðir til þess að gera veit-
ingahúsageirann sjálfbærari og
finna leiðir til þess að minnka t.d.
matarsóun og plastnotkun.“
-Áttu þér einhverja ósk í umhverf-
ismálum sem þú vonar að rætist á
næstunni?
„Já, ég vonast til þess að sjá fólk
fara að lifa eftir R-unum þremur
sem er: „Reduce-Reuse-Recycle.“
Að minnka óþarfa neyslu, nýta hlut-
ina aftur og endurvinna. Ég t.d. átt-
aði mig ekki á því að auðvitað er ekki
endanleg lausn á umhverfismálum
bara að endurvinna heldur frekar að
endurhugsa aðeins neysluvenjurnar
sínar. Það er svo margt sem við get-
um gert frá degi til dags sem þarf
ekki að vera flókið, eins og að kol-
efnisjafna ferðalögin sín yfir sumrin
(kolvidur.is), velja frekar kjúkling
en nautakjöt (eða jafnvel sleppa
kjöti nokkra daga í viku) og reyna að
vera meðvitaður um matarsóun og
plast.“
Anna Jia, rekstrarfræðingur og fyrirsæta, hefur reynslu af því að vera í námi í Kína.
Nú stefnir hún á nám í Le Cordon Bleu í Bretlandi, þar sem hún ætlar að samtvinna
ástríðuna og nám. Hún sér gríðarlegt tækifæri á að gera veitingahúsageirann sjálf-
bærari og finna leiðir til þess að minnka t.d. matarsóun og plastnotkun.
Elínrós Líndal | elinros@mbl.is
„Að samtvinna
ástríðuna námi“
Anna Jia lærði í
kínverskum há-
skóla og segir að
margt áhugavert
sé hægt að læra
af Kínverjum.