Víkurfréttir - 05.09.2019, Side 4
Ljósanótt í Reykjanesbæ fer fram í 20. sinn dagana 4.-8. september. Af því
tilefni verða nýjar sýningar opnaðar í sölum Listasafns Reykjanesbæjar
fimmtudaginn 5. september kl. 18.00. Ein þeirra er sýning Reynis Katrínar,
Galdrameistara og skapandi listamanns í Stofu Duushúsa.
Andleg málefni hafa alla tíð átt huga
og hjarta Reynis og bera verk hans
þess sterk merki. Reynir sem hefur
stundað hugleiðslu um árabil segir
frá því að í gegnum hugleiðsluna
hafi hann m.a. kynnst ljósverum og
litríkum heimi þeirra. Hann hefur
þessi kynni að leiðarljósi, auk þess
sem hann nýtir sér visku kínverskrar
konu að handan, sem gjarnan birtist
honum þegar hann tekst á við vef-
saum. Það má því segja að kvenlæg
orka ráði ríkjum á sýningu Reynis, í
gegnum samvinnu við ljósverurnar, en
líka af því að verkin fjalla á einn eða
annan hátt um gyðjur úr norrænni
goðafræði.
Reynir velur að vinna einungis með
náttúruleg efni, þ.e. steina, rekavið,
ull og egg temperu og notast við liti
sem hann finnur í íslenskri náttúru.
Á sýningunni sem stendur til 2. nóv-
ember, stillir hann upp málverkum,
textílverkum og ískornum steinum.
Reynir Katrínar verður með leiðsögn
/ spjall um sýninguna sunnudaginn
8. september kl.15:00, auk þess sem
hann býður gestum upp á sérstaka
spátíma annan hvern sunnudag á
meðan á sýningunni stendur. Spá-
tímar verða auglýstir nánar síðar.
Árgangagangan
mínus 20
– Allir færa sig niður um 20 húsnúmer
Frá því Ljósanótt var fyrst haldin árið 2000 eru nú liðin 20
ár. Á þeim tíma hafa 20 nýir árgangar bæst í fullorðinna
manna tölu auk þess sem elstu íbúar bæjarins frá þeim
tíma hafa nú verið kvaddir til annarra verkefna. Það er
því svo komið að Hafnargata 2–20 standa mannlausar
á Ljósanótt og við Hafnargötu 88 þar sem yngsta fólkið
okkar og framtíðin safnast saman er nú fólk sem náð
hefur fertugsaldri og á e.t.v. orðið skilið sinn eigin „prí-
vat“ stað við Hafnargötu.
Til að bregðast við þessari þróun var ákveðið að nýta 20
ára afmælisárið til að færa alla niður um 20 húsnúmer. Það
merkir að sá sem er fæddur 1950 mætir nú fyrir framan
Hafnargötu 30 en ekki Hafnargötu 50 eins og hingað til og
þannig koll af kolli. Með þessu móti styttum við gönguna
fyrir okkar elstu íbúa um leið og við veitum yngsta „full-
orðna“ fólkinu okkar tilhlýðilegan sess.
Nú þurfum við bara öll að hjálpast að við að meðtaka þessa
breytingu og upplýsa hvert annað um hana. Þetta er ekki
flókið. Það eina sem við þurfum að muna er „mínus 20“.
Í september fer í hönd árleg „Ljósa-
nótt“ Reykjanesbæjar með listsýn-
ingum og öðrum menningarvið-
burðum á Suðurnesjum. Nú verður
kastljósi sérstaklega beint að fram-
lagi Pólverja til listar og menningar
þar sem vitað er að hartnær fjórð-
ungur bæjarbúa er nú af pólskum
uppruna. Af þessu tilefni verður
opnuð vegleg sýning á pólskri graf-
íklist í Listasafni Reykjanesbæjar
þann 5.september n.k. undir yfir-
skriftinni Veruleikinn og vindingar
hans, úrvalsgrafík frá Póllandi. Sýningin er sérstaklega valin fyrir Lista-
safnið af Jan Fejkiel, forstöðumanni Fejkiel gallerísins í Kraká, en sú
stofnun nýtur mikillar virðingar innan og utan Póllands fyrir vandaðar
sýninga- og útgáfustarfsemi í þágu pólskrar grafíklistar á undanförnum
tveimur áratugum. Fejkiel verður viðstaddur sýningaropnun og mun svo
kynna verkin á sýningunni bæði fyrir samlöndum sínum á Íslandi og öðrum
gestum sunnudaginn 8.september kl.14.00.
Staðsetning Fejkiel-galleríssins í
Kraká er engin tilviljun, þar sem
listaakademían þar í borg hefur frá
upphafi útskrifað fleiri þekkta grafík-
listamenn en nokkur annar listaskóli
í Póllandi. Úrval verka eftir eldri kyn-
slóð þessara grafíklistamanna gat að
líta á eftirminnilegri sýningu að Kjar-
valsstöðum árið 1977; á sýningunni
í Listasafni Reykjaness er yngsta
kynslóð pólskra grafíklistamanna
aðallega í sviðsljósinu.
Einhverjir kannast e.t.v. við verk
þeirra Jaceks Sroka og Wejman-
hjónanna, sem haldið hafa einka-
sýningar á Íslandi, en þau sýna hér ný
verk, en að auki eru á samsýningunni
verk eftir nokkra þekktustu grafík-
listamenn Pólverja í dag, eins og Jerzy
Jędrysiak, Krzystof Skórczewski og
Jan Pamuła, sem er frumkvöðull í gerð
stafrænna grafíkverka í Evrópu. Alls
eru sýnendur 25 talsins. Mestur hluti
verkanna verður til sölu.
Safnið er opið alla daga frá 12.00-
17.00. Sýningin stendur til 3.nóvem-
ber og safnið er opið alla daga frá
12.00-17.00.
VERULEIKINN OG VINDINGAR HANS
Úrval pólskrar grafíklistar til sýnis á Ljósanótt
Ljósanótt í Reykjanesbæ fer fram í 20.
sinn dagana 4.-8. september. Af því
tilefni verða nýjar sýningar opnaðar
í sölum Listasafns Reykjanesbæjar
fimmtudaginn 5. september kl. 18.00
Safnið hefur lengi haft þann sið að
vera alltaf með a.m.k. eina sýningu
á Ljósanótt þar sem heimafólk er
í fyrirrúmi. Að þessu sinni er það
sýningin „Óvænt stefnumót“ sem
opnar í Duus Safnahúsum fimmtu-
daginn 5.september kl. 18.00. Þarna
eru leiddar saman 6 listakonur sem
eiga það eitt sameiginlegt að hafa
allar verið með einkasýningu í safninu
einhvern tímann á síðustu 15 árum.
Verkin sem þær sýna eru unnin
með fjölbreyttri tækni og hver um
sig hefur valið sína eigin leið og sína
eigin túlkun og afar spennandi að
sjá hvernig stefnumótið heppnast.
Þær sem taka þátt í þessu verkefni
eru: Gunnhildur Þórðardóttir, Inga
Þórey Jóhannsdóttir, Kristín Rúnars-
dóttir, Margrét Jónsdóttir, Sossa og
Valgerður Guðlaugsdóttir.
ÓVÆNT STEFNUMÓT Á LJÓSANÓTT
GALDRAMEISTARI OG SKAPANDI LISTAMAÐUR Á LJÓSANÓTT
Þau eru svo frábær tilboðin okkar yfir Ljósanæturhelgina ♥
Kíktu, þú sérð ekki eftir því ♥
HAFNARGÖTU 23 • ZOLO.IS
4 LJÓSANÓTT 20 ÁRA f immtudagur 5. september 2019 // 33. tbl. // 40. árg.