Víkurfréttir - 05.09.2019, Qupperneq 6

Það verður nú að fylgja með að Stein-
þór bauð blaðakonu Víkurfrétta að
koma í djúpsteiktar gellur á KEF
Restaurant eitt hádegið í síðustu
viku, sem hún var mjög tortryggin
að smakka en ákvað að slá til og viti
menn, gellurnar voru mjög bragð-
góðar.
Hvers vegna Ljósanótt Steinþór, hvað
varstu að spá?
Hann segist vera framkvæmdamaður
sem fær oft nýjar hugmyndir.
„Ef mér dettur eitthvað frumlegt í
hug þá á ég það til að skoða það vel
og jafnvel framkvæma. Það má segja
að hugmyndin að Ljósanótt hafi þró-
ast út frá hugmyndinni um lýsingu
Bergsins enda kemur nafnið þaðan.
Fyrsta hugsun um lýsingu Bergsins
kom eins og þruma úr heiðskíru lofti
til mín á siglingu frá Grófinni með
vinafólki úr saumaklúbb Hildar konu
minnar. Ég horfði á kaldan en fallegan
klettavegginn og sagði við vin minn
„Þennan klettavegg þarf að lýsa upp.“
Flestar hugmyndir skrái ég niður og
fylgi þeim eftir. Í þessu tilviki hafði ég
vit á að tala ekki um hugmyndina fyrr
en fundist hafði tæknileg útfærsla í
samstarfi við ljósahönnuð iGuzzini frá
Ítalíu. Verkefnið var mjög krefjandi
og tók tæp tvö ár enda var ekki um
sléttan manngerðan vegg að ræða.“
Gerðist allt mjög hratt
„Þegar fyrsta tölvugerða myndin
birtist í Víkurfréttum tveimur árum
seinna þá fóru hlutirnir að gerast
hratt en blaðið hefur meðal annarra
stutt vel við verkefnið alla tíð. Það
sem stendur upp úr í minningunni
var allt þetta fólk sem vildi hjálpa
og allir gerðu þetta í sjálfboðavinnu
að sjálfsögðu, því engin hátíð var á
fjárlögum bæjarins frekar en lamp-
arnir á Berginu, sem ég keypti ásamt
nokkrum styrktaraðilum. Móttökur
almennings fyrstu Ljósanóttina voru
hreint stórkostlegar og það kallaði
sjálfkrafa á að gera þetta að árlegum
viðburði. Valgerður Guðmundsdóttir,
menningarfulltrúi Reykjanesbæjar,
var til dæmis þarna á sínum fyrsta
starfsdegi en hefur svo meðal ann-
arra átt veg og vanda að því hversu
vel Ljósanótt hefur þróast á þessum
tuttugu árum.“
Er það satt að þú fórst á hnén og
baðst Guð um gott veður þessa helgi?
„Einlæg hugsun, von eða bæn til
Guðs um að bæjarbúar fengju sól og
gott veður rættist já. Eigum við þó
ekki að segja að teikninginn af mér
á hnjánum hafi verið myndræn en
það var mjög bíræfið að biðja Guð
um gott veður þarna á þessum tíma-
punkti. Staðreyndin er sú að ég var
í viðtali á Stöð 2 í beinni útsendingu
daginn fyrir fyrstu Ljósanóttina og
strax eftir viðtalið voru veðurfréttir
í beinni útsendingu. Þar lýsti veður-
fræðingurinn hræðilegum stormi
með mikilli rigningu. Ég var í næsta
herbergi og var mjög brugðið því
að með þessari veðurspá var veður-
fræðingurinn að tryggja fámenni á
Ljósanótt. Ég stökk því upp úr sætinu
mínu og veifaði höndunum til að ná
athygli veðurfræðingsins þarna í
beinni útsendingu. Hann leit til mín,
hafði auðvitað heyrt viðtalið og sagði
kokhraustur, „Það verður stormur og
rigning alls staðar á suðvesturhorni
landsins nema á Ljósanótt,“ og það
stóðst.“
Vaknar oft upp með góðar
hugmyndir
Steinþór stundar enga líkamsrækt en
segist vera fullur af krafti og jákvæðni.
Hann væri sjálfsagt greindur með
ofvirkni ef hann hefði fæðst í dag.
Hann hefur reynt að nýta þennan
kraft til góðs eða eins og hann segir
sjálfur frá;
„Ég er yfirleitt með marga bolta á
lofti í vinnunni og finnst ég ekki þurfa
beina líkamsrækt því ég er mikið á
ferðinni. En auðvitað þarf ég að bæta
því á listann og ætla bara láta verða af
því þessa Ljósanótt. Ég er jákvæður
og bjartsýnn að eðlisfari og það gefur
manni ákveðinn kraft hvernig hugar-
farið er. Það er áríðandi að fólk trúi á
það sem það er að gera því hugurinn
er mjög öflugur en mér finnst alltaf
gaman í vinnunni en sumir segja mig
dæmigerðan frumkvöðul. Ljósanóttin
var eitt af mínum frumkvöðlaverk-
efnum og eftir tíu ára starf var mér
gefin ljósmynd frá Reykjanesbæ sem
þakklætisvottur fyrir störf mín fyrir
Ljósanótt. Myndin er af mér skæl-
brosandi fyrir framan leikskóla- og
grunnskólabörnin við Myllubakka
þegar sólin braust fram úr köldum og
gráum skýjum aðeins tvær mínútur
fyrir klukkan tíu en á henni stendur
einfaldlega „Og þá kom sólin“. Mér
þótti vænt um að fá þessa viðurkenn-
ingu.“
Hvaða þýðingu hefur Ljósanótt fyrir
þig? Fyrir bæjarfélagið?
„Ég er mjög stoltur af þeirri tengingu
sem við gerðum með öllum börnum
bæjarins við Myllubakka og verð að
viðurkenna að ég sakna blöðruslepp-
ingar þó ástæðurnar séu réttmætar.
Í dag að heyra barnabörnin mín æfa
sig heima eftir leikskólann „Velkomin
á Ljósanótt, þetta er hátíðin okkar,
njótum lífsins í kvöld“ er samt besta
viðurkenningin og að þetta hafi allt
verið þess virði. Þá er viðtalið sem
Páll Ketilsson tók við föður minn, Jón
William heitinn, á Ljósanótt 2014 um
hátíðina er mér mjög hugleikið og
falleg minning. Ljósanótt er í huga
mínum alltaf jákvæð og minnir mig á
þá samstöðu og jákvæðni sem hægt er
að ná fram hjá bæjarbúum. Það er eitt
að eiga hugmynd að lýsingu og vinna
svo með góðu fólki og búa til Ljósa-
nótt, hátíðin var og er samtaka átak
mjög margra. Það er svo allt annað og
meira að fá allan þennan fjölda til að
hafa trú á að eitthvað stórt sé hægt og
mæta til að taka þátt. Það tókst strax
á fyrsta degi. Fyrir bæjarfélagið er
mikilvægt að eiga sína eigin hátíð og/
eða áramót því setningin fyrir og eftir
Ljósanótt þykir eðlileg í daglegu tali í
dag, enda einstakt að bæjarhátíð nái
yfir fjóra til fimm daga. Þarna er tæki-
færi til að klára framkvæmdir og taka
til sem skilar sér svo yfir allt árið.“
Eitthvað neikvætt?
„Nei ekkert neikvætt en það eru sumir
sem vilja helst ekki sjá góða hluti ger-
ast þegar það tengist öðrum en þeim
sjálfum. Eru í einhverri ímyndaðri
pólitík í stað þess að njóta þess að
eitthvað gott sé gert fyrir bæjarfélagið
og það sjálft. Sumir hafa jafnvel til
dagsins í dag verið með nýjar og bros-
legar söguskýringar um hvernig Ljósa-
nóttin varð til.“
Ertu með grillveislu á Ljósanótt
heima hjá þér?
„Fyrstu tíu árin var ég það upptekinn
sem formaður Ljósanætur að grill-
veisla heima kom ekki til greina og
fjölskyldan var oftar en ekki án mín
að njóta alls þess sem Ljósanótt bauð
upp á. En já eftir þessi tíu ár var ég
með grillveislur og eitt árið með yfir
tvö hundruð manns í garðinum heima
á Bragavöllum. Það var bara gaman.
Þetta árið ætla ég að fylgjast með
steikarveislu á grillinu á KEF Restaur-
ant á Hótel Keflavík. Þetta er fyrsta
árið sem við rekum veitingastaðinn
sjálf og hefur teymið mitt gríðarlegan
metnað til að láta bæjarbúa og gesti
njóta þess besta hjá okkur á tuttugu
ára afmæli Ljósanætur.“
Tekurðu þátt í árgangagöngu?
„Já, það hef ég gert flest árin enda
svakalega skemmtileg uppákoma sem
Maggi bróðir átti hugmyndina að.
Hann bókstaflega krafðist þess af mér
að árgangar gætu hist á Ljósanótt. Út-
færslan á hugmyndinni með að nota
húsnúmerin á Hafnargötunni gekk
svo frábærlega upp og eitt flottasta
atriði Ljósanætur varð að veruleika.
En þetta var svaka mikil vinna sér-
staklega fyrstu árin og get ég í því
samhengi upplýst ákveðið leyndarmál
sem fáir vita um en eftir árganga-
gönguna og þegar allir bæjarbúar,
gestir og fjölskyldan voru komin í
miðbæinn fór ég sjálfur heim og lét
renna í heitt bað. Var líklegast sá allra
sáttasti á svæðinu þar sem ég lá þarna
einn í heitu baði með mínar hugsanir
og brosandi með sjálfum mér hve allt
hefði gengið vel.“
Væri gaman að fá aftur
stjörnusporin
Stjörnuspor Reykjanesbæjar er hug-
mynd frá árinu 2003 sem Hilmar
Bragi Bárðarson, blaðamaður Vík-
urfrétta, fékk að láni frá Los Ange-
les. Hún var löguð að aðstæðum í
Reykjanesbæ í samvinnu við Steinþór
Jónsson þáverandi formann undir-
búningsnefndar Ljósanætur. Hug-
myndin var sú að allir sem skarað
hafa fram úr og markað spor í bænum
með einum eða öðrum hætti komi til
greina og útfærslan á sporunum geti
orðið mismunandi eftir tilefni. Megin
hugmyndin er þó sú að málmskildir
tileinkaðir viðkomandi aðilum eru
settir í gangstéttina víða við aðalgötu
bæjarins, Hafnargötuna.
„Sú hugmynd sem Hilmar Bragi kom
með og við útfærðum voru stjörnu-
og sögusporin finnst mér alltaf mjög
skemmtileg og vildi að yrði tekinn upp
aftur. Sjálfur lagði ég mikla áherslu
á að hver Ljósanótt yrði sjálfstæð og
hefði sinn ákveðna sjarma með nýjum
uppákomum og framkvæmdum og
það tókst vel fyrstu tíu árin. Kannski
erfitt að gera alltaf betur. Það tókst
til dæmis með frumlegum flugelda-
sýningum Björgunarsveitarinnar og
einnig er flugeldasýningin þar sem
tæknimenn Clint Eastwood aðstoðuðu
við stórar sprengingar á Berginu og á
flekum í miðri Keflavíkinni minnis-
stæð sem og þegar Íslendingur sigldi
inn í Keflavíkina í fyrsta sinn á Ljósa-
nótt. Þá er „Með blik í auga“ ein og sér
einstök og frábær skemmtun en áður
fór fram Ljósalagakeppni í Stapa sem
heppnaðist líka vel og þyrfti að halda
á svona fimm ára fresti. Ljósanótt var
eðlilega auka verkefni hjá mér sem
formaður í tíu ár en daglega vinna mín
sem hótelstjóri hvarf ekki á meðan.
Þá skipti öllu máli að hafa skilnings-
ríka eiginkonu sér við hlið sem sá um
fjölskylduna og leyfði mér að vinna
allt það sem þurfti. Þetta vita dætur
okkar Hildar best og hafa oft á orði
hve stóran part mamma þeirra eigi
í að Ljósanótt sé komin til að vera.
Reyndar á það við um allt sem við
hjónin höfum komið til leiðar því sam-
vinna og dugnaður er það sem skilar
öllu best,“ segir Steinþór.
Að Ljósanótt virkji það góða í
fólki
Á þessu ári fer bæjarhátíðin fram í
tuttugasta sinn og verður ekkert til
sparað í hugmyndum eða fjölbreyti-
lega allra bæjarbúa af öllu þjóðerni.
„Það er von mín að Ljósanótt haldi
áfram að virkja samvinnu og jákvæðni
og geri alla bæjarbúa stolta af fallega
bænum okkar. Mér finnst skemmtilegt
að erfitt sé að skilgreina Ljósanótt
sem fjölskyldu-, menningar- eða fram-
kvæmdahátíð því hún er allt þetta.
Það er kannski það jákvæðasta. Ég
vil nota tækifærið og þakka öllum
samstarfsmönnum, sem allt of og
langt væri að telja upp yfir öll árin,
fyrir frábæra vinnu og dugnað. Án
ykkar væri engin Ljósanótt. Ég óska
öllum bæjarbúum og gestum gleði-
legrar hátíðar og nýjum stjórnendum
velgengni og áræðni til að gera enn
betur um alla framtíð,“ segir Steinþór
kampakátur að lokum.
Steinþór Jónsson, hótel-
stjóri á Hótel Keflavík var
aðaldriffjöðurin í því að
koma Ljósanótt á koppinn
ásamt miklu fleirum sem
gerðu viðburðinn að því
sem hann er í dag. Upphaf-
lega hugmyndin, um að
lýsa upp Bergið, laust niður
í höfuð Steinþórs eins og
elding, þegar hann sigldi
í bát framhjá þessum háu
klettaveggjum eitt kvöldið.
Steinþór sem hefur yfirleitt
marga bolta á lofti, gaf sér
tíma í létt spjall um upphaf
Ljósanætur.
Mar ta Eiríksdóttir
marta@vf.is
VIÐTAL
þegar maður leggur það á sig að vinna að stóru verkefni í sjálfboðavinnu í tíu ár,“
– segir Steinþór Jónsson, hótelstjóri á Hótel Keflavík og aðaldriffjöður Ljósanætur
„Verður að vera gaman
6 LJÓSANÓTT 20 ÁRA f immtudagur 5. september 2019 // 33. tbl. // 40. árg.