Hlynur - 15.04.1966, Blaðsíða 10

a. Ræða ástandið við starfsfólkið og hafa jafnan eftirlit með öllum deild-
um verzlunar og vörugeymslu.
b. Byrjendum sé eins fljótt og hægt er komið í skilning um, hvers
konar geymsla henti bezt fyrir hverja vörutegund um sig og hvaða
möguleika verzlunin hafi til að uppfylla þær kröfur.
4. Áfylling (bætt í búðina).
Það ætti ekki að orsaka rýrnun, þegar bætt er í búðina, en er tekið með
hér, vegna þess að um leið er hægt að stuðla að því að elztu vörurnar*
seljist fyrst, sem aftur getur takmarkað rýrnunina dálítið lengra fram í
tímann. Það er þess vegna gullin regla, að nýjar vörur, hvort sem er
smjör eða smávarningur (járnvörur), eru settar aftast/neðst, bæði í verzlun
og vörugeymslu.
5. Staðsetning varanna.
Þetta atriði er mjög yfirgripsmikið og breytist þar að auki töluvert
eftir því, hvort um stóra eða litla verzlun er að ræða. Verður því látið
nægja hér að benda á einstök grundvallaratriði, en aftur á móti eru
hin einstöku félög hvött til að leita til færustu manna um ráðleggingar
í sambandi við staðsetningu varanna í verzluninni. Þau atriði, sem mestu
máli skipta, eru eftirfarandi:
a. Fyrir utan það, að taka verður tillit til, hvernig hægt er að ná
mestri sölu, verður við staðsetningu varanna einnig að taka tillit til
útsýnis yfir verzlunina.
b. Stykkjavörur, sem að verði og gæðum má álíta girnilegar fyrir hugs-
anlega búðaþjófa, skal setja á þann stað í hlutaðeigandi vöruflokki,
sem mest eftirlit er haft með.
c. I verzlunum, þar sem borgað er við kassa, mega viðskiptavinirnir ekki
fara fram hjá söluútstillingum, eftir að uppgjör hefur farið fram.
6. Vörur endursendar.
Rýrnun getur orðið af eftirfarandi orsökum:
a. Endursending hefur ekki átt sér stað í tæka tíð.
b. Endursending hefur ekki farið rétt fram.
c. Ekkert eða ófullkomið eftirlit við móttöku hinna ýmsu fylgiskjala,
kreditnótna eða við endursendinguna sjálfa.
Með því að fara eftir eftirfarandi leiðbeiningum um meðferð á endur-
sendum vörum, er hægt að fyrirbyggja rýrnun af ofangreindum orsökum:
a. Vörur, sem á að skila aftur, skal senda svo fljótt til baka sem verða má.
b. Áður en vörunum er skilað, skal skrásetja þær á endursendingartil-
kynningu og ganga frá þeim til sendingar.
c. Á endursendingartilkynninguna skal setja reikningsnúmer og dag-
setningu, tegundarnúmer eða vöruheiti, ásamt innkaupsverði.
d. Bílstjóri eða vöruflutningaaðili skulu fá afrit af endursendingartil-
kynningu og kvitta jafnframt fyrir móttöku á vörunum (stykkjatölu).
7. Endursending á umbúðum.
Rýrnun getur orsakazt af eftirfarandi ástæðum:
a. Ófullnægjandi skrásetning og eftirlit með endursendingu umbúða.
10 HLYNUR