Breiðholtsblaðið - nov. 2018, Side 8

8 Breiðholtsblaðið NÓVEMBER 2018
Karlar í skúrum er opið fyrir alla
karlmenn og gefur karlmönnum stað
og stund til að hittast, spjalla og vinna
að ýmsum sameiginlegum verkefnum
sem þeir sjálfir ákveða. Rauði krossinn í
Rauði krossinn auglýsir eftir karlmönnum
Kynningarfundur á verkefninu Karlar í skúrum
Breiðholti verður fimmtudaginn 22.nóvember
næstkomandi kl. 10:00 í Gerðubergi 3-5.
samstarfi við þjónustumiðstöð Breiðholts
leitar að áhugasömum karlmönnum til
þess að hefja þetta verkefni í Breiðholti.
Karlar í skúrum er verkefni sem byrjaði
fyrir tæplega tuttugu árum í Ástralíu, undir
Hafið samband við Hörð Sturluson í síma: 694-1281 og 570-4220
Getið líka sent töluvpóst á hordur@redcross.is eða mætt á fundinn.
Kaffi og meðlæti í boði
Karlar
í skúrum
nafninu Men in Sheds. Allstaðar hefur
þetta verkefni gengið einstaklega vel. Í
dag eru til dæmis um 420 „skúrar“ bara
á Írlandi. Í dag er einn skúr starfræktur á
Íslandi og er hann í Hafnarfirði.
Í átta ár hefur Gunnar Randvers-
son tónlistarkennari mætt snemma
dags til starfa í Breiðholtsskóla.
Hann er þó ekki kennari við
skólann heldur rekur hann sinn
eigin tónlistarskóla og leigir hús-
næði af Reykjavíkurborg í skóla-
num og kennir þar núna þrjá
daga í viku. Hann er jafnan með á
annan tug nemenda á hverri önn
og nokkrir nemenda hans kjósa
að koma í tónlistartíma áður en
hefðbundið skólastarf hefst. Aðrir
nota göt í stundaskskrá eða aðra
möguleika. En hvað varð til þess
að hann hóf þessa starfsemi.
“Fyrir átta árum hóf ég kennslu í
Breiðholtsskóla, þar sem ég fór af
stað með minn eigin skóla og hef
haft nóg að gera síðan.” Gunnar
segir það færast í vöxt að tónlistar-
kennarar fari inn í grunnskólanna
með kennslu. Ég er eingöngu í
Breiðholtsskóla en veit til þess að
kennarar við Tónskóla Sigursveins
fara með kennslustundir inn í skóla-
na og hugsanlega einhverjir fleiri.”
Gunnar segir þetta gert til þess að
mæta þörfum barna og jafnvel for-
eldra. “Með þessu móti geta krak-
karnir notið tónlistarkennslu innan
veggja grunnskólans. Þau koma
beint úr tímum og sleppa þá ein-
hverjum fögum sem þau eru
sterk í þannig að sá sem er góður
í stærðfræði getur sleppt stærð-
fræðinni og komið í tíma hjá mér.
Það kom mér svolítið á óvart þegar
krakkar reyndust hafa áhuga á að
koma í tíma í tónlist eða hljóðfæra-
leik á morgnana áður en hefðbundið
skólastarf hefst. Ég ákvað að sinna
þessu kalli og mæti jafnan í skólann
nokkru fyrir hefðbundinn skólatíma
eða oftast um kl. 7.30.”
Þarf að færa meira af tón-
listarkennslu inn í skólana
En hvað kennir Gunnar? “Ég
kenni einkum á gítar og píanó en
einnig á blokkflautu og flétta tón-
fræðinni inní námið. Auðvitað þarf
að halda vel utan um þetta og ég
held til dæmis nemendatónleika,
bæði jólatónleika í aðdraganda jóla
og einnig vortóleika. Krakkarnir
hafa gaman af því og foreldrar
mæta til þess að hlusta á þau og
stundum afar og ömmur.” Gunnar
segir þetta hafa mælst vel fyrir og
meira þurfi að gera að því að færa
tónlistarkennslu inn í grunnskólana
með þessum hætti. “Með þessu
verður meiri samfella í starfsdegi
kakkanna sem flest eru á aldrinum
frá sex til tíu ára og þetta sparar
einnig foreldrum að skutla á milli
staða. Nokkuð sem flestir foreldrar
geta fagnað.”
Ákvað hvað ég vildi þegar
ég var 11 ára
En hver er bakgrunnur Gunnars?
Af hverju lagði hann tónlistar-
kennslu fyrir sig? “Það er orðin
nokkuð löng saga,” segir hann. “Ég
er alinn upp á Ólafsfirði og hóf að
læra á gítar þegar ég var 11 ára. Þá
fyrst vaknaði sú hugmynd með mér
að gerast tónlistarkennari þegar ég
yrði stór. Ég hélt gítarnáminu áfram
þar til ég fór til Ísafjarðar til þess að
fara í framhaldsskóla. Ég innritaðist
líka í tónlistarskólann á Ísafirði.
Ragnar H. Ragnar sá kunni tónlistar-
maður var þá skólastjóri og hann
hvatti mig og nánast ýtti mér út í
að hefja píanónám sem ég hét síðan
áfram eftir að ég fór frá Ísafirði. Eftir
það varð píanóið aðal hljóðfæri mitt
og þegar ég fór að kenna starfaði
ég lengi við píanókennslu en lagði
gítarinn þó ekki alveg frá mér. Ég
var tvö ár við kennslu í Færeyjum
og önnur tvö í Svíþjóð í grennd við
Uppsala á árunum 1985 til 1989.
Þetta voru um margt lærdómsrík
ár og sérstaklega gaman að kynnast
Færeyingum. Aldrei var þó ætlunin
að setjast að ytra og ég flutti aftur
heim eftir þennan tíma. Ég hef lagt
meiri áherslu á gítarinn á síðustu
árum og er reyndar sjálfur farinn að
stunda nám með fram kennslunni.
Ég er með mjög góðan kennara
Steingrím Birgisson sem ég sæki
tíma hjá í hverri viku.”
Tónsmiður og rithöfundur
Flestir sem þekkja til Gunnars
vita af tónlistaráhuga hans og
kennslustarfi en færri vita að
hann fæst bæði við ljóðagerð og
tónsmíðar. Hann hefur lengi fengist
við ljóðagerð og gefið út nokkrar
ljóðabækur og á dögunum kom út
bók með smásögum eftir hann. Þar
notar hann knappan stíl. Sögurnar
eru stuttar en Gunnar nýtur sín vel
við að skrá og túlka sérstaklega
hinar skoplegu hliðar á ýmsum
mannlegu þáttum. Og síðast en ekki
síst má geta þess að hann hefur
fengist nokkuð við tónsmíðar. Hann
gaf geisladiskinn Haust út fyrir
nokkru þar sem hann flytur, ásamt
fleirum, níu lög eftir sjálfan sig. “Ég
hafði aldrei hugsað til þess að ég
myndi semja tónlist – ekki fyrr en ég
tók gítarinn aftur fram af alvöru. Ég
hafði samið lítið á píanóið en þarna
fór ég að reyna fyrir mér og þetta
kom smám saman.” En hvað er fram
undan hjá Gunnari. “Að halda áfram
því starfi sem ég er að fást við með
börnum úr Breiðholtinu. Svo langar
mig líka til þess að fást meira við
skriftir og tónsmíðar. Ég hef notið
þess að geta dvalið öðru hvoru um
tíma í Póllandi að undanförnu og
það eflir sköpunarmáttinn í manni
að skipta aðeins um umhverfi.”
Má þá eiga von á bók eða öðrum
tóndiski? “Ég ætla mér að reyna að
sinna þessu meira. Það er aldrei að
vita nema fleira fæðist.”
Gunnar Randversson tónlistarkennari
Gunnar Randversson með nýútkomna smásagnabók sína
sem nefnist Gulur Volvo. Gunnar hefur skrifað talsvert af
ljóðum í gegnum tíðina og gefið út nokkrar ljóðabækur auk
tónlistarstarfsins en þetta er fyrsta smásagnabók hans.
Mynd: Unnur.
Hefur sinnt tónlistarkennslu
á eigin vegum í
Breiðholtsskóla um árabil