Brautin - 15.12.1998, Blaðsíða 3

BRAUTiN
BoðberarGuðs á jólum
Ég bið þig að líta með mér til engl-
anna eitt andartak. Þeir eru boðberar
Guðs á jólum og rödd þeirra ómar í
jólaguðspjallinu, hún ómar í guðs-
þjónustunni á jólum og reyndar er það
svo að röddin heyrist allan ársins hring í
messunni. „Dýrð sé Guði í upphæðum,”
segir boðberinn. Það er kynningin á
honum, sem boðberinn þjónar. Hann
kallar hátt í haganum þar sem hjarð-
menn gættu hjarðar sinnar um miðja
nótt. Venjulega koma boðberar þannig
fram að þeir byrja á því að kalla upp
tilkynningu um hver hafi sent þá. Síðan
kemur boðskapurinn. Boðskapurinn er
fluttur orðrétt eins og sendandinn sagði
hann og því eru englarnir eins og
munnur Guðs. Þeir eru orð Guðs þegar
þeir segja upphátt það sem Guð hafði
sagt þeim á himnum: „Verið óhræddir!
Ég boða yður mikinn fögnuð, sem
veitast mun öllum lýðnum: Yður er í
dag frelsari fæddur, sem er Kristur
Drottinn, í borg Davíðs.” Þessi merki-
lega ræða er því ekki bara það sem
englanir sögðu og hirðarnir heyrðu.
Þessi ræða er orð Guðs til manna. Hann
hefur sama hátt á tilkynningum og
æðstu konungar. Þeir koma ekki sjálfir
fram en senda boðbera sína með skila-
boð, yfirleitt orðrétta ræðu sína.
Boðberinn lærði hana utan að og það
hafa englarnir þurft að gera mjög
nákvæmlega. Síðan ferðast þeir um
þann veg sem þeir þurfa að ferðast til að
kom erindinu til réttra aðila. I þetta sinn
voru það mestu og merkilegustu fagn-
aðarboð, sem nokkur sendiboði fær að
flytja, fagnaðarerindið um að Jesús,
sonur Maríu, er Kristur, Drottinn vor,
fæddur í borg Davíðs, í Betlehem. Til að
leggja áherslu á gildi boðskapsins, færir
hann þeim tákn í lok ræðu sinnar. Guð
faðir, segir þeim að þeir muni finna
ungbarn reifað og lagt í jötu. Við skul-
um koma þessum fagnaðarboðum áfram
til annarra, eins og þau hafa borist
okkur.
Aðventan er bráðum fullkomin. Hún
er að ná takmarki sínu. Jólin banka upp
á hjá þér og senn er hátíðin gengin í
garð. Við höfum kveikt á fjórum kertum
á aðventuki’ansi og minst þess að
Kristur mun koma aftur. Þá verður Guð
aftur með okkur eins og nafnið
Immanúel segir sjálft með merkingu
sinni: Guð með oss. Þá fáum við sjálf að
hlýða á englasönginn, rölta með
hirðunum áleiðis að fjárhúsi Betle-
hemsvalla og bera þar fram gjafir okkar
til Jesú. Venjulega er rétt að standa
uppréttur þegar tekið er við skila-
boðum, en stundum er ekkert meira
viðeigandi en falla fram og krjúpa í
auðmýkt. Ég bið Guð að blessa þig og
gleðja þig svo að enginn verði álútur
eða boginn, heldur rísi allir fagnandi
upp og taki á móti jólaboðskap Guðs.
Guð gefi þér gleðiríka hátíð ljóss og
friðar og blessað nýtt ár.
Kristján Björnsson, sóknarprestur
Helgihald í Landakirkju Aðventkirkjan um jólin
Aðfangadagur jóla, 24. desember: Kl. 14:30. Bænastund í kirkjugarðinum. Kl. 18.00 Aftansöngur með hátíðarsöng.
Jólanótt, 24. desember: Jóladagur 25. des.:
Kl. 23:30. Guðsþjónusta með hátiðarsöng. 14:00 Jólaguðsþjónusta Ræðumaður: Halldór
Jóladagur, 25. desember: KI. 14.00 Hátíðarguðsþjónusta. Lúðrasveitin leikur frá Engilbertsson.
13:30. Laugardagur 26. des.: 10:00 Biblíurannsókn
Annar dagur jóla, 26. desember: Kl. 14.00 Skírnar- og fjölskylduguðsþjónusta. Kl. 15:10 Guðsþjónusta í Hraunbúðum. Miðvikudagur 30. desember: Kl. 16.00 Jólatréssamkoma í safnaðarheimilinu Gamlársdagur, 31. desember: Kl. 18.00 Aftansöngur með hátíðarsöng. Nýársdagur, l.janúar 1999: Kl. 14.00 Hátíðarguðsþjónusta. Guð gefi ykkur gleðiríka hátíð ljóss og friðar! Sóknarprestur 11:00 Guðsþjónusta. Allir velkomnir
Jóladagskrá
Hvítasunnukirkjuunnar
um jólin
Aðfangadagur:
Aftansöngur kl 18:00
Jóladagur:
Hátíðarsamkoma kl 15.00
Ræðum. Snorri Óskarsson
2. jóladagur:
Söngsamkoma kl 15:00
Gamlársdagur:
Vitnisburðarsamkoma kl 18:00
Nýársdagur:
Hátíðarsamkoma kl 15:00
3. jan. 1999
Vakningarsamkoma
Allir hjartanlega velkomnir til safnaðarins.