Fréttablaðið - 28.11.2015, Blaðsíða 12
Þarf 236 lögregluþjóna
og 1,1 milljarð í búnað
Hækka þarf framlög til lög-reglu um alls 3,5 milljarða króna, umfram verðlagshækk-
anir fjárlaga.
Í ljósi þeirrar fækkunar sem orðið hefur í lögregluliðinu og í ljósi verkefna hennar þarf að
fjölga lögreglumönnum um 236,
bæta menntun þeirra og þjálfun
og auka búnað lögreglunnar.
Nefndin var sammála um eftir-
farandi forgangsröðun:
1 Forgangsatriði eitt er að fjölga almennum lögreglumönnum
sem annast útköll og almennt lög-
reglueftirlit og bæta nauðsynlegan
búnað og þjálfun því tengda.
2 Forgangsatriði tvö er að styrkja sérhæfðar deildir lögreglunnar
á öllum sviðum.
3 Forgangsatriði þrjú er að bæta búnað lögreglu og þjálfun
lögreglumanna. Gert er ráð fyrir
að verja um 1,1 millj. kr. til þess á
árunum 2014 til 2017.
Heimild: Skýrsla innanríkisráð-
herra til Alþingis um eflingu lög-
reglunnar 13. mars 2013.
Það kostar 2,2 milljarða á ári að fjölga í
liði lögreglu samkvæmt lágmarksmati
ríkislögreglustjóra. Fjárheimildir Lög-
reglunnar á höfuðborgarsvæðinu eru
einum milljarði lægri en þær voru við
stofnun embættisins í ársbyrjun 2007.
Lækkunin er um 20 prósent, og á sama
tíma hefur ársverkum fækkað um 17%
– eða úr 437 í 363.
Sinnum þessu ekki
Eins og Fréttablaðið hefur fjallað um frá
miðjum september kveður svo sterkt
að manneklu innan lögreglunnar að
einstakir lögreglumenn hafa stigið fram
og lýst aðstæðum sem svo að útilokað
sé að sinna öllum þeim verkefnum sem
þurfa úrlausnar – daglegt annríki valdi
því að útilokað sé að sinna nauðsyn-
legri frumkvæðisvinnu. Í því samhengi
virðist lögreglustjórinn í Reykjavík
vera að lýsa því yfir að stöðugt þurfi að
taka ákvarðanir um hvaða verkefnum
verður ekki sinnt sökum mannfæðar.
Lengi hefur legið fyrir að fjölga þarf
í lögregluliði landsins um á þriðja
hundrað manns. Á sama tíma hefur
hins vegar fækkað í liði lögreglu frá
því árið 2007. Haraldur Johannessen
ríkislögreglustjóri hefur staðfest við
Fréttablaðið að lögreglumenn við störf
á Íslandi þurfi að vera 860 að lágmarki
en í febrúar 2014 voru þeir 653.
Ellefu færri
Fjölmargir starfsmenn lögregluemb-
ættanna um allt land hafa lýst því í við-
tölum við Fréttablaðið að lengra verði
ekki komist og krefjast þess að fleiri
komi til starfa. Á yfirborðinu virðist
sem stjórnvöld hafi brugðist við þessu
kalli með 500 milljóna króna aukafjár-
veitingu í fyrra, en tölfræðin um fjölda
starfandi lögreglumanna styður það
reyndar ekki. Starfandi lögreglumenn
í febrúar síðastliðnum voru 659. Vissu-
lega hefur starfsmönnum einstakra
embætta fjölgað á milli ára og fækkun
starfsmanna sérstaks saksóknara villir
nokkuð fyrir. Hins vegar vekur það
athygli að starfsmenn Lögreglunnar
á höfuðborgarsvæðinu voru 299 í
febrúar 2014, en voru 288 ári síðar. Töl-
fræðin sýnir svart á hvítu að almennum
lögreglumönnum embættisins fækkaði
Þarf 2,2 milljarða til
að mæta manneklu
Ef lögreglan í landinu yrði skipuð þeim lágmarksmannafla sem ríkislögreglu-
stjóri telur nauðsynlegan þyrfti 2,2 milljarða fjárveitingu til viðbótar árlega.
Á höfuðborgarsvæðinu er unnið með milljarði lægri upphæð en árið 2007.
Lögreglan hefur árum saman bent stjórnvöldum á nauðsyn þess að bregðast við manneklu um allt land. fréttabLaðið/gva
Hvert fara peningarnir?
Starfsumhverfi lögreglunnar hefur í
þrígang verið til umræðu á Alþingi á
undanförnum dögum, sem væntanlega
er tilkomið vegna voðaverkanna í París
þótt það verði ekki fullyrt. Umræðan
hefur nefnilega frekar snúist um stöðu
lögreglunnar almennt, þó staða lögregl-
unnar í samhengi við hryðjuverkaógn-
ina sé eðlilega áberandi í samfélagsum-
ræðunni.
Innanríkisráðherra sagði í þingræðu
á fimmtudag um milljónirnar 400, að
verði þær veittar til málaflokksins
þá sé „… þeim fjármunum ætlað að
nýtast til tiltekinna verkefna lögregl-
unnar. Þeim er ekki ætlað að mæta
launakostnaði heldur eiga þeir að
fara til tiltekinna verkefna lögregl-
unnar til að hún geti betur sinnt þeim
verkefnum sem henni ber að sinna.“
Orð ráðherra ber ekki að skilja
svo að ekki verði menn ráðnir. Hins
vegar verður að bíða eftir öryggis- og
þjónustugreiningu á lögreglunni sem
unnið er að hjá innanríkisráðuneyt-
inu til að fá svarið 100%.
Vilhjálmur Árnason, þingmaður
Sjálfstæðisflokksins, sem hefur leitt
þverpólitíska nefnd um skiptingu við-
bótarfjármagns til lögreglu frá 2014,
skilur orð ráðherra sem svo að þessir
fjármunir kæmu ekki við sögu vegna
þeirra launahækkana sem samið var
um í nýgerðum kjarasamningum.
„Heldur til að leysa löggæsluverkefni,
sem getur kallað á mannafla, búnað,
þjálfun, akstur lögreglubifreiða, rann-
sóknarkostnað og fleira. Þessi verk-
efni eru breytileg eftir embættum,
heimilisofbeldi, kynferðisbrot, öryggi
ferðamanna, aukinn rannsóknar-
þungi vegna slysa, umferðareftirlit og
margt fleira,“ segir Vilhjálmur.
Ólöf sagði jafnframt í annarri þing-
ræðu í vikunni um starfsumhverfi
lögreglu að það væri langtímaverk-
efni að byggja lögregluna í landinu
upp að nýju. Samkvæmt einfaldri
reiknireglu sem þingmannanefndin
um skiptingu viðbótarfjármagns
gefur sér í tveimur greinargerðum
um tillögur frá árunum 2014 og 2015,
er það líka dýrt. Ef mæta á lágmarks-
þörf um fjölgun lögreglumanna á
landsvísu samkvæmt mati ríkislög-
reglustjóra, þá kostar það árlega 2,2
milljarða króna og er þá launaliður-
inn einn talinn.
um tvo á þessu ári og rannsóknarlög-
reglumönnum um sjö.
Nú liggur fyrir tillaga stjórnvalda
um 400 milljóna viðbótarfjárveitingu
til lögreglunnar til eflingar hennar, en
ekkert er gefið uppi um hvort það fjár-
magn verður nýtt að stofni til í fjölgun í
liði sem sinnir almennri löggæslu – eins
og allir sem Fréttablaðið talar við telja
forgangsatriði. Þeirra á meðal eru lög-
reglustjórar embætta á landsbyggðinni
og Snorri Magnússon, formaður Lands-
sambands lögreglumanna. Þessi auka-
fjárveiting gefur möguleika á því að
fjölga lögregluþjónum um 35 til 40 ef
fjármagnið verður ekki nýtt til annars
en mannaráðninga – ef fyrri aðgerðir
til að styrkja löggæsluna eru hafðar til
samanburðar.
Hraunbær 123 | s. 550 9800 | skatar.is
Gæðajólatré - sem endist ár eftir ár!
Þessi jólatré eru í hæsta gæðaflokki
auk þess að vera mjög falleg og líkjast
þannig raunverulegum trjám.
Einföld samsetning.
• Ekkert barr að ryksuga
• Ekki ofnæmisvaldandi
• 12 stærðir (60-500 cm)
• Íslenskar leiðbeiningar
• Eldtraust
• Engin vökvun
• 10 ára ábyrgð
• Stálfótur fylgir
Opnunartímar:
Virkir dagar kl. 09-18
Laugardagar kl. 11-18
Sunnudagar kl. 12-18
Falleg jólatré
Miði fyrir tvo á
ABBA söngleikinn sem
enginn má missa af
Mamma Mia
12.900 kr.
Miði fyrir tvo á Njálu
og eitt eintak af
Brennu-Njáls sögu.
Njála
12.200 kr.
Gjafakort fyrir tvo
og ljúffeng leikhúsmáltíð
Leikhúskvöld fyrir sælkera
12.500 kr.
Miðasala | 568 8000 | borgarleikhus.is
Gjafakort
Borgarleikhússins
Árborg Verslanirnar Sjafnarblóm
og Fjallkonan á Selfossi krefja
sveitarfélagið Árborg um bætur
vegna framkvæmda við aðalgötuna
Austurveg í sumar.
Fram kemur í bréfi að verslanir
við Austurveg hafi þurft að þola
miklar þrengingar vegna fram-
kvæmda við Austurveg sem tekið
hafi lengri tíma en eðlilegt megi
teljast. Aðgangur að verslunum hafi
ítrekað verið skertur.
„Þessi endurteknu og langvarandi
inngrip í aðgengi að verslunum við
Austurveg hafa komið mjög þungt
niður á rekstri verslananna. Tekju-
tap þeirra er verulegt og er svo
komið að verslunareigendur telja
sig knúna til að fara fram á bætur
vegna tekjutaps,“ segir í kröfu-
bréfinu sem bæjarráð hafnaði á
fimmtudag.
Bæjarráð segir nauðsynlegt að
endurnýja götur og veitulagnir.
Hjáleiðir hafi verið að fyrirtækjum
og lokanir auglýstar mjög ræki-
lega. „Bæjarráði þykir miður að
verslunar eigendur upplifi tjón af
þessum völdum en telur ekki um
bótaskylt tjón að ræða.“ – gar
Hafna bótakröfu
verslunareigenda
verslunareigendur segjast hafa tapað tekjum vegna langvarandi framkvæmda við
austurveg. fréttabLaðið/gva
Svavar Hávarðsson
svavar@frettabladid.is
2 8 . n ó v e m b e r 2 0 1 5 L A U g A r D A g U r12 f r é t t i r ∙ f r é t t A b L A ð i ð