Fréttablaðið - 28.11.2015, Síða 96

Fjórir mánuðir urðu að tuttugu og fimm árum
„Ég var ráðin til Hjálparstarfsins í október 1990 til að
sjá um kertasölu í fjóra mánuði. Verkefnið hentaði mér
ágætlega því að skrifstofuvinna var ekki efst á óska­
lista hjá mér. Ég er meira fyrir að vera á hreyfingu og
vinna úti í bland. Á borðið mitt komu svo ýmis verkefni
önnur en kertasalan og að fjórum mánuðum liðnum
voru verkefnin næg svo ráðningin var framlengd um
óákveðinn tíma. Og hér er ég enn 25 árum síðar,“ segir
Áslaug Arndal sem er einn af sex starfsmönnum
Hjálparstarfsins.
Áslaug hefur frá upphafi tekið á móti fólki, svarað í
síma og haft umsjón með fósturbarna­ og styrktar­
mannakerfi stofnunarinnar. Hún segir þó starfstitla
sína hafa verið marga í gegnum tíðina og starfið verið
breytingum háð. „Á þessum árum hef ég komið að
flestum verkefnum Hjálparstarfsins nema að útgáfu
fræðslu efnis og því að koma fram fyrir hönd stofnunar­
innar. Fjölbreytnin er reyndar meginástæðan fyrir því
að ég er hér enn. Starfið mitt hefur þróast svo mikið og
tekið mið af þörfinni á hverjum tíma. Ég veit sjaldnast
hvað næsti dagur ber í skauti sér og það finnst mér
skemmtilegt,“ segir Áslaug sem er þekkt fyrir röggsemi
sína.
„Þegar ég horfi til baka og hugsa um eftirminnileg verk­
efni kemur upp í hugann fatasöfnunin fyrir Kúrda
vetur inn 1992. Þá safnaðist ævintýralegt magn af fötum
og vinnan við að pakka og koma fötunum í gáma var
eitthvað sem ekki gleymist. Að verkefninu komu hundruð
manna, björgunarsveitir og vinnustaðir sameinuðust og
einstaklingar lögðu hönd á plóginn. Við fylltum margar
vöruskemmur af fatnaði. Það var ótrúlegt verkefni sem
lítill vinnustaður gat komið af stað og haldið utan um.“
Hjálparstarfið tekur enn á móti fatnaði sem fólk í neyð
getur nálgast á lager stofnunarinnar að Háaleitis­
braut 66 í Reykjavík en þar starfa sjálfboðaliðar við að
flokka, raða í hillur og aðstoða fólk sem þangað kemur.
Áslaug á mikil og góð samskipti við sjálfboðaliðana sem
eru vinir hennar eftir áralanga samvinnu. „Reyndar er
ein af ástæðum þess að ég er hér enn sú að ég hef
alltaf verið stolt af því að vera hlekkur í því góða starfi
sem hér er unnið. Síðan hef ég öll árin verið sérlega
heppin með vinnufélaga sem hafa verið mér samhentir
í verkum og góðir vinir en það er mikils virði á
vinnustað,“ segir Áslaug að lokum.
Hjálparstarf kirkjunnar nýtur góðs stuðnings frá
jólasveinunum en síðustu sextán árin hefur
Jólasveina þjónusta Skyrgáms látið 20% af veltu
þjónustunnar renna til verkefna Hjálparstarfins,
samtals um níu milljónir króna. Í lok síðustu jóla
afhentu Grýla, Skyrgámur og bræður hans Hjálpar­
starfinu tæplega níu hundruð þúsund krónur áður en
þau yfirgáfu byggð.
Skyrgámur og bræður hans heimsækja leik­ og grunn­
skóla, fyrirtæki, félagasamtök, stofnanir og stórfjöl­
skyldur á suðvesturhorni landsins í desember ár
hvert. Nánari upplýsingar um Skyrgám Leppalúðason
og bræður hans er að finna á skyrgamur.is en svo er
hægt að senda tölvupóst á skyrgamur@skyrgamur.is
eða hringja í hann í síma 587 1O97.
Grýla brosti út að eyrum þegar hún og synir hennar
afhentu Hjálparstarfinu tæplega níu hundruð þúsund
króna framlag áður en þau yfirgáfu byggð í lok síðustu jóla.
Á hverju hausti fræðast tilvonandi fermingarbörn
um hlutverk og verkefni Hjálparstarfs kirkjunnar. Í
kjölfar fræðslunnar ganga fermingarbörnin í hús og
safna fé til vatnsverkefna Hjálparstarfsins og
hefur framlag þeirra undanfarin ár verið risastórt.
Þegar Margt smátt … fór í prentun höfðu um sjö
milljónir króna verið lagðar inn á reikning fyrir
vatns verkefni en endanleg niðurstaða söfnunar­
innar í nóvember mun liggja fyrir í janúar. Hjálpar­
starfið þakkar tilvonandi fermingarbörnum sem og
almenningi sem tók svo vel á móti þeim fyrir
ómetanlegan stuðning.
Fjölmörg fyrirtæki, stofnanir, félagasamtök og
einstaklingar styðja einnig verkefni Hjálparstarfs
kirkjunnar með fjárframlögum ár hvert. Meðal
öfugra stuðningsaðila eru Lyf og heilsa, Bónus,
Krónan, Visa, Arion banki, Góði hirðirinn, Lindex,
Landsvirkjun, Avis, VR og ASÍ. Á síðasta starfsári,
júlí 2014 – júní 2015, varði Hjálparstarfið 103,1
milljón króna til þróunarsamvinnu erlendis og 74,6
milljónum króna til verkefna innanlands.
Í nóvember síðastliðinum afhenti Hrund Rudolfsdóttir
forstjóri Veritas Bjarna Gíslasyni framkvæmdastjóra
Hjálparstarfsins styrk frá Vistor upp á eina milljón króna.
Styrknum verður varið í að aðstoða efnalítið fólk við kaup
á lyfjum vegna óvæntra veikinda eða breytinga á lyfjagjöf
sem kalla á óvænt útgjöld.
Áslaug Arndal hefur starfað fyrir Hjálparstarf kirkjunnar í 25 ár. Hún segir eðli starfsins það sama þótt umgjörðin hafi breyst.
Örlátir jólasveinar og mamma þeirra
Ómetanlegur stuðningur fermingarbarna og fyrirtækja
Í nóvember síðastliðinum afhenti Hrund Rudolfsdóttir, forstjóri Veritas, Bjarna Gíslasyni, framkvæmdastjóra Hjálparstarfsins,
styrk frá Vistor upp á eina milljón króna. Styrknum verður varið í að aðstoða efnalítið fólk við kaup á lyfjum vegna óvæntra
veikinda eða breytinga á lyfjagjöf sem kalla á óvænt útgjöld.
10 – Margt smátt ...