Morgunblaðið - 30.10.2019, Síða 2

2 MORGUNBLAÐIÐ MIÐVIKUDAGUR 30. OKTÓBER 2019FRÉTTIR
Mesta lækkun Mesta hækkun
VIKAN Á MÖRKUÐUM
AÐALMARKAÐUR ÁLVERÐ ($/tonn)
ARION
-1,37%
71,9
ICEAIR
+10,36%
6,39
S&P 500 NASDAQ
+1,27%
8.289,759
+1,09%
3.042,98
-0,45%
7.295,25
FTSE 100 NIKKEI 225
30.4.‘19 30.4.‘1929.10.‘19
1.600
80
1.744,0
Unnið í samstarfi við IFS.Hreyfingar frá upphafi viku til kl. 16 í gær.
61,62+0,98%
22.974,13
72,8
40
2.000
29.10.‘19
BRENT OLÍUVERÐ ($/tunnu)
1.797,0
Samtök iðnaðarins telja að lækkun
verðbólgu og verðbólguvæntinga
undanfarið gefi peningastefnunni
góða kjölfestu og svigrúm til þess að
lækka stýrivexti Seðlabankans til
þess að milda niðursveiflu í efna-
hagslífinu. Í ítarlegri umfjöllun á
vefsíðu SI segir að með lækkun
stýrivaxta bankans geti peninga-
stefnunefndin hjálpað fyrirtækjum
og heimilum að takast á við versn-
andi efnahagsástand. Í samtali við
ViðskiptaMoggann segir Ingólfur
Bender, aðalhagfræðingur SI, sam-
dráttinn í hagkerfinu sjást víða, töl-
ur frá Hagstofunni um fjölda laun-
þega sýni t.d. samdrátt almennt í
öllum megingreinum viðskipta-
hagkerfisins og miklar hóp-
uppsagnir undanfarið og aukið at-
vinnuleysi miðað við í fyrra, sé til
marks um samdrátt.
Gæti haft neikvæð áhrif
á útlánavilja bankanna
Í frétt Morgunblaðsins í gær var
haft eftir Sigurði Hannessyni, fram-
kvæmdastjóra SI, að vaxtalækkanir
Seðlabankans í ár hafi ekki skilað
sér sem skyldi vegna takmarkaðrar
útlánagetu bankanna. Að mati
Snorra Jakobssonar, sérfræðings
hjá Capacent, gæti frekari stýri-
vaxtalækkun jafnvel haft neikvæð
áhrif á útlán bankanna. Vaxtamunur
þeirra bjóði ekki upp á mikið svig-
rúm. Kallar hann eftir því að fremur
sér horft til annarra kerfisbreyt-
inga.
„Lækkun stýrivaxta enn frekar
hefur takmörkuð áhrif þar sem
grunnstýrivextir (3,25%) eru nú að
verða komnir á svipaðar slóðir og
vaxtamunur bankanna, sem er
2,5-3%. Miðlun peningastefnu með
vaxtabreytingum er því ekki jafn
skilvirk og áður. Svigrúm banka er
orðið lítið til að lækka útlánsvexti
þar sem innlánsvextir eru nærri
komnir niður í 0. Þá er bara útláns-
hliðin eftir og ef bankarnir lækka
vexti í takt við stýrivaxtalækkanir
dregur það úr vaxtamun bankana
nema þeir fari að bjóða upp á nei-
kvæða innlánsvexti. Gerist það mun
áreiðanlega heyrast hljóð úr horni
hjá viðskiptavinum. Það er frekar
ólíklegt að bankarnir lækki vexti í
takt við vaxtalækkun SÍ enda berj-
ast þeir í bökkum við að halda við-
unandi arðsemi. Þannig tel ég lækk-
un vaxta hafi lítil áhrif,“ segir
Snorri.
Að gefa fimmtugum
karlmanni vaxtarhormón
„Það að lækka vexti er eins og að
gefa fimmtugum karlmanni vaxt-
arhormón. Hann hækkar ekki,“ seg-
ir Snorri.
„Almennt séð í nágrannalönd-
unum eru stýrivextir lægri og vaxta-
munur einnig. Og það hefur sýnt sig
að ef menn lækka stýrivexti niður úr
2% eða 1,5% þá hefur það lítil áhrif
nema þú breytir regluverki,“ segir
Snorri og kallar eftir kerfisbreyt-
ingum. Sér í lagi afnámi banka-
skatts.
Kallar eftir afnámi bankaskatts
„Öflugasta kerfisbreytingin sem
hefði mest áhrif og myndi veita
efnahagslífinu innspýtingu væri
lækkun bankaskatts. Það hefur tvö-
föld áhrif. Bankarnir verða viljugri
til þess að lána og hagnaður eykst
en stærsti eigandinn er ríkið. Vaxta-
lækkun dregur úr útlánavilja bank-
anna,“ segir Snorri og nefnir einnig
að endurskoða þurfi áhættuvægi út-
lána og eiginfjárkröfur bankanna.
„Samtök iðnaðarins eru að beina
sjónum sínum á rangan stað. Þau
ættu að biðja um lækkun banka-
skatts en ekki lækkun stýrivaxta,“
segir Snorri.
Lækkun stýrivaxta
muni hafa lítil áhrif
Pétur Hreinsson
peturh@mbl.is
Sérfræðingur Capacent
segir ólíklegt að frekari
stýrivaxtalækkanir muni
auka útlánavilja bankanna.
SI kalla eftir lækkun.
Lækkun stýrivaxta mun hafa takmörkuð áhrif á útlán banka að mati Snorra
Jakobssonar þar sem grunnstýrivextir nálgast vaxtamun bankanna.
VERSLUN
Smásölufyrirtækið Hagar hagnaðist
um rúman einn milljarð króna á öðr-
um ársfjórðungi, sem lauk þann 31.
ágúst sl. Þetta er aukning frá sama
tímabili í fyrra, þegar hagnaðurinn
nam rúmum 700 milljónum króna.
Eignir félagsins í lok fjórðungsins
námu rúmum sextíu milljörðum
króna, en þær voru tæpur 51 millj-
arður á sama tíma á síðasta ári. Eig-
ið fé Haga nam í lok tímabilsins um
24 milljörðum króna og eiginfjár-
hlutfall var 39,7% í lok fjórðungsins.
Vörusala 31 milljarður
Í tilkynningu félagsins til Kaup-
hallar kemur fram að vörusala fé-
lagsins hafi numið 31 milljarði á öðr-
um ársfjórðungi, en á fyrstu sex
mánuðunum hafi vörusalan verið
samtals tæpir 60 milljarðar króna.
Í tilkynningunni segir einnig að
fyrri helmingur rekstrarársins hafi
staðist væntingar og verið í takti við
áætlanir félagsins. EBITDA-áætlun
stjórnenda fyrir rekstrarárið að
undanskildum áhrifum af IFRS 16
leigustaðli, sé óbreytt eða 6.650-
7.100 milljónir króna.
Hagar högnuðust um
einn milljarð króna
Morgunblaðið/Eggert
Fyrri árshelmingur í rekstri Haga var
í takti við áætlanir félagsins.
FJARSKIPTI
Fjarskiptafélagið Síminn hf. hagn-
aðist um tæpar 900 milljónir króna á
þriðja ársfjórðungi 2019, samkvæmt
tilkynningu frá félaginu. Á sama
tímabili í fyrra nam hagnaðurinn
tæpum milljarði króna.
Eignir félagsins í lok tímabilsins
námu rúmum 65 milljörðum króna
og jukust úr tæpum 59 milljörðum
króna á sama tímabili í fyrra. Eigið
fé félagsins í lok tímabilsins nam
rúmum 36 milljörðum króna og eig-
infjárhlutfallið var 55,4% í lok þriðja
ársfjórðungs.
Tekjuvöxtur í sjónvarpi
Orri Hauksson, forstjóri félagsins,
segist í tilkynningunni vera sáttur
við rekstur samstæðunnar á tíma-
bilinu. Hann segir m.a. að góður
tekjuvöxtur sé í sjónvarpsrekstri
milli ára. Síminn Sport hafi notið
velgengni umfram væntingar frá því
varan fór í loftið á miðjum þriðja
fjórðungi. Vel hafi gengið að semja
um dreifingu vörunnar yfir öll fjar-
skipta- og sjónvarpsdreifikerfi.
Síminn hagnast um
900 milljónir króna
Morgunblaðið/Hari
Eignir Símans í lok tímabilsins námu
rúmum 65 milljörðum króna.
BÍLASALA
Toyota á Íslandi styður, að gefnu
tilefni, drög að frumvarpi til laga
um breytingu á ýmsum lögum til
einföldunar regluverks, sem at-
vinnuvega- og nýsköpunarráðu-
neytið hefur birt.
Páll Þorsteinsson, upplýsinga-
fulltrúi Toyota á Íslandi, segir að
þetta eigi sérstaklega við um það
sem snýr að löggildingu bifreiða-
sala, en í frumvarpinu er kveðið á
um að leyfi til sölu notaðra öku-
tækja verði felld niður. „Toyota á
Íslandi sér enga ástæðu til að sér-
stakt leyfi þurfi til að fá að selja
notaða bíla enda eiga viðskipti með
bíla eins og önnur viðskipti fyrst og
fremst að byggjast á trausti,“ segir
Páll.
Bílgreinasambandið og Félag ís-
lenskra bifreiðaeigenda leggjast
hinsvegar gegn breytingunni og
telja hana misráðna. Þess ber að
geta að Toyota á Íslandi er ekki í
Bílgreinasambandinu.
Viðskipti byggist á trausti
Toyota telur að ekki eigi að þurfa leyfi til að selja notaða bíla.