Morgunblaðið - 03.12.2019, Qupperneq 18

18 MINNINGAR
MORGUNBLAÐIÐ ÞRIÐJUDAGUR 3. DESEMBER 2019
✝ Steinar Sig-urðsson fæddist
13. september 1958
í Reykjavík. Hann
lést í Kraká í Pól-
landi 13. nóvember
2019. Foreldrar
hans voru hjónin
Sigurður Kristófer
Árnason skipstjóri,
f. 7. febrúar 1925, d.
18. nóvember 2007,
og Þorbjörg J. Frið-
riksdóttir hjúkrunarkennari, f.
25. október 1933, d. 12. apríl
1983. Bræður Steinars eru Frið-
rik, f. 22. maí 1957, Árni Þór, f.
30. júlí 1960, Þórhallur, f. 7.
ágúst 1964, og Sigurður Páll, f.
10. september 1968.
Steinar kvæntist 5. desember
1987 Helgu Sigurjónsdóttur,
deildarstjóra á skrifstofu vel-
ferðarsviðs Reykjavíkur, f. 15.
maí 1959. Dætur Steinars og
Helgu eru Þorbjörg Anna hjúkr-
unarfræðingur, f. 3. september
1991, og Kristjana Björk hag-
fræðingur, f. 9. maí 1995. Unn-
usti Þorbjargar er Hannes Ólaf-
ur Gestsson, f. 26. nóvember
1989, og þeirra dóttir er Una
Margrét, f. 18. maí 2019.
Manfreð Vilhjálmssyni og Árna
Þórólfssyni teiknistofuna Man-
freð Vilhjálmsson - Arkitektar
ehf., og gerðist síðar meðeig-
andi VA Arkitekta. Steinar
starfaði sem arkitekt fyrir
Kaupþing á árunum 2007-2011
en stofnaði eigin arkitektastofu,
Teikn arkitektaþjónusta, árið
2011. Steinar fékk skipstjórnar-
réttindi á skip undir 12 metrum
árið 2014.
Að undanförnu hafði Steinar
unnið að hönnunarverkefni á
vegum Reykjavíkurborgar í
samstarfi við pólska aðila og var
í vinnuferð er hann lést.
Meðal verka sem Steinar hef-
ur unnið að má nefna Flensburg
Bibliotek, skrifstofur Boeing
Aerospace Company, Ráðhús
Reykjavíkur, Þjóðarbókhlöðuna
í Reykjavík, rektorsbústað í
Skálholti, Center hótel í Reykja-
vík, Hótel og sýningaraðstöðu
við Aðalstræti 16, Flugstöð Leifs
Eiríkssonar, Gullhamra veislu-
sali, auk fjölda einbýlis-, fjöl-
býlis- og sumarhúsa og skipu-
lagsverkefna. Steinar tók þátt í
mörgum arkitektasamkeppnum
og hlaut margháttaðar viður-
kenningar, m.a. menningar-
verðlaun DV í arkitektúr.
Útför Steinars fer fram frá
Hallgrímskirkju í dag, 3. desem-
ber 2019, klukkan 13.
Unnusti Kristjönu
er Einar Þór Ís-
fjörð, f. 16. febrúar
1989. Sonur Helgu
og stjúpsonur
Steinars er Sigur-
jón Árni Krist-
mannsson, f. 1.
desember 1976.
Steinar varð
stúdent frá
Menntaskólanum
við Hamrahlíð 1978
og stundaði nám í arkitektúr við
Strathclyde University í Glas-
gow 1978-1979 og við Kun-
stakademiets Arkitektskole í
Kaupmannahöfn 1980-1986 og
lauk þaðan prófi í arkitektúr.
Hann stundaði framhaldsnám
við University of Washington í
Seattle og lauk Master of Archi-
tecture þaðan 1988. Samhliða
námi starfaði Steinar hjá Holm
og Grut og fleiri teiknistofum í
Kaupmannahöfn og hjá Kazu-
yuki Murata Architects í Seattle.
Eftir að hann fluttist heim til
Íslands starfaði hann fyrst hjá
Studio Granda 1988-1992 og hjá
Teiknistofu Manfreðs Vilhjálms-
sonar 1992-1995. Í ársbyrjun
1996 stofnaði Steinar ásamt
Elsku hjartans Steini minn. Nú
er komið að því sem ég óttaðist
mest að gæti gerst ...að þú færir á
undan mér. Og hér sit ég og skil
ekki neitt ...
En ástin mín, ég á svo margar
fallegar minningar um þig, okkur
tvö og allt það sem við gerðum
saman. Ég hitti þig sætan og flott-
an, í rauðum skóm, á annan í jólum
1983, ég flutti til þín til Kaup-
mannahafnar 1985 og við fluttum
saman til Seattle 1987 þar sem við
giftum okkur. Já eftir tvo daga,
þann 5. desember, eigum við 32 ára
brúðkaupsafmæli. Afmæli sem við
ætluðum að fagna og vorum búin
að undirbúa.
Ég er lánsöm að hafa átt þig. Þú
ert maðurinn í lífi mínu, maðurinn
minn sem ég er svo stolt af, vinur
minn sem ég gat alltaf treyst á,
uppflettiritið sem ég gat alltaf flett
upp í, áttavitinn minn í útlöndum.
Þú huggaðir mig þegar þurfti og
við hlógum saman, oft. Þú varst
brandarakall og stelpurnar okkar
töluðu oft um pabbahúmor, sem
þeim þótti á stundum pínu skrítinn.
Þú varst lestrarhestur, skemmti-
legasti ferðafélaginn, æstastur á
handboltaleikjum stelpnanna okk-
ar, klár og svo skemmtilegur. Mik-
ill kokkur og sást til þess að ég
fengi alltaf góðan mat og alls konar
mat, hver gerir það nú? Mikill fag-
urkeri og vínáhugamaður.
Besti pabbi fyrir stelpurnar
okkar og tókst honum Sigurjóni
mínum vel. Þú varst besti afi og
dáðir afastelpuna þína hana Unu
Margréti, sagðir að fallegra barn
hefði ekki fæðst. Finnst erfitt að
hugsa til þess að hún náði ekki að
kynnast þér og þú að spilla henni
meira og fara með henni oftar í
sund.
Nú er verkefni mitt að halda ut-
an um börnin okkar og litlu barna-
börnin sem koma. Segja þeim sög-
ur af afa og öllum uppátækjunum
hans.
Ég sakna þín í birtingu að hafa þig ekki
við hlið mér
Og ég sakna þín á daginn þegar sólin
brosir við mér
Og ég sakna þín á kvöldin þegar
dimman dettur á
En ég sakna þín mest á nóttunni
þegar svipirnir fara á stjá.
(Megas)
Minningarnar um þig eru ótelj-
andi og eru þær haldreipið mitt
núna. Farðu í friði, ástin mín, og
við munum hittast síðar í Sumar-
landinu, þar sem ég veit að þú
heldur uppi stuðinu og ert með
þeim sem okkur þótti vænt um og
ég veit að hafa tekið á móti þér.
Ástarkveðja,
þín
Helga.
Elsku besti pabbi minn.
Ég sakna þín svo óendanlega
mikið að mig verkjar í hjartað.
Það er svo sárt að þurfa að kveðja
svona skyndilega, því ég veit að þú
vildir vera hjá okkur. Það er svo
sárt að börnin mín munu aldrei
kynnast þér, en ég mun reyna eft-
ir bestu getu að kenna þeim allt
sem þú kenndir mér. Það verður
erfitt verk en ég mun gera mitt
allra besta.
Við eigum svo ótal margar ynd-
islegar minningar. Það sem er
mér efst í huga þegar ég hugsa til
þín pabbi minn er hversu hjálp-
samur og góður þú varst. Þú vildir
allt fyrir mig gera og það var aldr-
ei neitt vesen. Allir vinir þínir og
vinir mínir þekktu þig sem ótrú-
lega hjartahlýjan og hjálpsaman
mann. Mér finnst svo yndislegt
hvað þú varst mikill vinur vin-
kvenna minna, þær dýrkuðu þig
allar. Ég man þegar ég var í 10.
bekk og við þurftum að græja ein-
hvern bíl fyrir Skrekksatriðið
okkar, þá stökkst þú til og hann-
aðir þennan fína pappabíl sem
kom sér heldur betur vel. Öllum
fannst þetta alveg geðveikt og ég
var svo stolt og ánægð.
Þú hjálpaðir mér og studdir
mig í einu og öllu. Manstu þegar
ég var 18 ára og þú stakkst upp á
því að ég færi til London að vinna
á barnum hjá Oscar vini þínum.
Mér fannst það ótrúlega spenn-
andi og ákvað að slá til. Eitthvað
var upplifunin þó aðeins öðruvísi
en ég bjóst við en fljótt varð ég
einmana og langaði að koma heim.
Þú tókst það alls ekki í mál heldur
komst út til mín í tvær vikur og
planaðir eitthvað skemmtilegt á
hverjum degi. Saman áttum við
yndislega tíma og fyrir vikið leið
mér svo miklu betur.
Pabbi, takk fyrir að leyfa mér
að ferðast eins mikið og við gerð-
um. Ég er svo þakklát fyrir allar
utanlandsferðirnar sem við fórum
í saman. Þú vildir svo mikið að við
myndum ferðast og kynnast alls
konar menningu, og ég ætla að
halda því áfram og leyfa börnun-
um mínum að gera það líka.
Við vorum svo góðir vinir, pabbi
minn. Þú varst svo klár og ég leit
alltaf svo mikið upp til þín, og mun
alltaf gera. Þú varst með geggj-
aðan tónlistarsmekk og besti
kokkur í heimi. Ég er búin að lofa
mömmu og Þorbjörgu að ég ætla
að læra að elda eins og þú, enda
fannst þér ekki leiðinlegt að sýna
mér taktana þína í eldhúsinu. Ég
vona að ég hafi náð að pikka eitt-
hvað af því upp.
Pabbi minn, ég trúi því að þér
líði vel og að þú sért alltaf hjá okk-
ur. Ég veit að þetta verður alltaf
erfitt. Ég veit að ég mun aldrei
jafna mig og aldrei hætta að sakna
þín svona sárt. En ég þarf að vera
sterk og ég verð það fyrir þig,
pabbi minn.
Takk fyrir allt. Takk fyrir að
vera besti pabbi í heimi. Takk fyr-
ir að kenna mér að vera besta út-
gáfan af sjálfri mér. Ég lofa að
passa upp á mömmu. Ég lofa að
passa upp á Þorbjörgu og Unu.
Ég lofa að verða eins góð mamma
og ég mögulega get og ég lofa að
börnin mín munu aldrei hætta að
heyra sögur af besta töffara afa í
heimi. Ég lofa að vera hugrökk og
þora að taka af skarið og prófa
nýja hluti. Ég lofa að börnin mín
fái að sofa í flottu Leeds-náttföt-
unum sem þú keyptir. Ég lofa að
hugsa til þín alltaf alla daga. Ég
elska þig, pabbi minn.
Þín pabbastelpa,
Kristjana Björk.
Elsku pabbi minn.
Það sem ég sakna þín mikið.
Það er svo óheyrilega ósann-
gjarnt, óskiljanlegt og sárt að
missa þig frá okkur, elsku pabbi.
Þrátt fyrir það og allar erfiðu og
þungu tilfinningarnar sem fylgja
þessum stærsta missi sem ég hef
upplifað þá er þakklæti mér efst í
huga. Ég er svo lánsöm að hafa átt
þig fyrir pabba. Takk fyrir að vera
besti pabbi sem ég gæti nokkurn
tímann ímyndað mér. Takk fyrir
allt það sem þú hefur gert fyrir
mig, allt það sem þú hefur kennt
mér, allan stuðninginn og hvatn-
inguna sem þú hefur gefið mér í
öllu því sem ég hef tekið mér fyrir
hendur. Takk fyrir að hafa haft
einlægan áhuga á mínum áhuga-
málum og mínu lífi, öll ferðalögin
út um allan heim, allar veislurnar,
gítarkvöldin okkar, misfyndnu
brandarana sem þú hefur sagt
mér, allan matinn sem þú hefur
gefið mér að borða og seinna
kennt mér að elda, takk fyrir að
vera fyrirmyndin mín og klettur-
inn minn, takk fyrir að vera
dásamlegur afi Unu Margrétar.
Snemma kenndir þú mér að
hlutina ætti að gera hratt og vel,
ætli ég hafi ekki verið 5 ára þegar
þú hlýddir mér yfir þessa spurn-
ingu og hef ég reynt að fara eftir
þessu alla tíð síðan. Það var ein-
hvern veginn þannig að þú pabbi
kunnir allt, mig langaði svo mikið
að vera eins og pabbi. Ég skildi
aldrei af hverju ég gat ekki verið
örvhent eins og þú, það var svo
miklu flottara. Ég lærði fyrst á
þinn örvhenta gítar sem þér leist
ekkert á enda fékk ég minn eigin
fljótlega. Þvílíkar gæðastundir
þegar við feðginin spiluðum og
sungum heilu kvöldin. Heims-
borgarinn þú varðst til þess að ég
hef reynt að grípa öll tækifæri
sem ég hef fengið til þess að
ferðast um heiminn. Þar vantaði
ekki áhugann, hvatninguna eða
aðstoðina frá þér frekar en annars
staðar. Þú varst alltaf boðinn og
búinn að aðstoða, stökkva til og
ganga frá ótrúlegustu hlutum fyr-
ir mig. Fyrir það og allt hitt er ég
þakklát og svo ótrúlega heppin.
Ég er svo stolt, glöð og þakklát
að hafa náð að gera þig að afa í
fyrsta sinn núna í maí. Þú
blómstraðir svo sannarlega í því
hlutverki og ég man að þú sagðir
við mig að ef það væri eitthvað
sem jafnaðist á við það að vera
pabbi þá væri það að vera afi. Það
er svo ótal margt sem þú gerðir
pabbi sem ég get tekið mér til fyr-
irmyndar við uppeldi dóttur minn-
ar og það að vera foreldri, skilyrð-
islaus ást og að vera alltaf til
staðar því þannig varst þú sem
pabbi. Þó svo að Una Margrét
muni kannski ekki eftir afa sínum
þá mun hún fá að heyra allar þær
sögur sem til eru af þér.
Einhver sagði að það væru ekki
árin í lífinu sem skiptu máli heldur
lífið í árunum. Það var svo sann-
arlega mikið líf í öllum þínum ár-
um þrátt fyrir að ég hefði óskað
þess að þau hefðu verið mikið
fleiri. Ég lít upp til þín á svo marg-
an hátt en lífsgleðin þín og hvernig
þú kunnir að njóta lífsins með
fólkinu sem þú elskar toppar allt
annað. Elsku pabbi minn, ég veit
að þú hefur það gott á þeim stað
sem þú ert nú kominn á og ég veit
að þú vakir yfir okkur.
Þorbjörg Anna, stóra stelpan
þín, og Una Margrét afastelpa og
litla ljósið hans afa.
Þorbjörg Anna
Steinarsdóttir.
Elsku Steini.
Hversvegna er leiknum lokið?
Ég leita en finn ekki svar.
Ég finn hjá mér þörf til að þakka
þetta sem eitt sinn var.
(Starri í Garði)
Ertu þá farinn í þína hinstu
ferð? Svo óvænt og óþyrmilega
fljótt. Það er svo óraunverulegt að
þú sért horfinn. Sársaukinn yfir
ótímabæru fráfalli þínu er níst-
andi. Þú sem ég hef dáð og elskað
frá því ég man eftir mér. Þú sem
varst svo uppátækjasamur og
tókst jafnan á þig ábyrgðina þegar
við strákarnir höfðum gert eitt-
hvað sem ekki var vel séð. Þú sem
hafðir orð fyrir okkur og tókst til
varna þegar þess þurfti. Þú sem
varst varla nema þriggja ára þeg-
ar þú sagðir fiskikallinum til synd-
anna. Þú sem varst svo lífsglaður
og ærslafullur, hugmyndaríkur og
atorkusamur og varst með svo
mörg járn í eldinum. Þú sem varst
svo veraldarvanur og víðförull. Þú
sem kunnir ráð við flestu og varst
svo greiðvikinn, alltaf reiðubúinn
að leggja lið.
Þú sem varst svo fádæma
vinmargur og vinfastur, ekki bara
hér heima á Íslandi heldur einnig
hvert sem leiðir þínar lágu um
lönd og höf. Þú sem flaggaðir allt-
af á sjómannadaginn í minningu
pabba. Þú sem varst hrókur alls
fagnaðar á gleði- og gæfustund-
um. Þú sem áttir svo þétt og
traust faðmlag og óspar á það þeg-
ar eitthvað bjátaði á, eða bara þeg-
ar við hittumst og kvöddumst. Þú
sem studdir og hvattir. Þú sem
varst elskaður og virtur af svo
mörgum sem syrgja þig nú.
Þú sem gafst Helgu þinni alla
þína ást og kærleik og þú sem dáð-
ir stelpurnar ykkar, Þorbjörgu og
Kristjönu, sem voru svo stoltar af
þér. Þú sem varst Sigurjóni Árna
sem besti pabbi. Þú sem varst ný-
orðinn afi og tókst þig svo vel út í
því hlutverki. Þú sem kunnir að
njóta lífsins og deila því með þín-
um nánustu. Þú sem komst svo
miklu í verk – já kannski þú hafir
lifað jafn hratt og mamma og þinn
tími hafi verið kominn. Þú sem
varst svo traustur og tryggur.
Þú sem varst mér svo kær
bróðir og vinur – þú ert farinn í
þína hinstu ferð og við hittumst
ekki aftur fyrr en ég vitja þín hin-
um megin.
En þú mátt vita að ég er svo
stoltur af því að eiga þig sem bróð-
ur – já eiga í nútíð og framtíð –
vegna mannkosta þinna, tryggðar,
kærleika, heilinda og ráðsnilli. Ég
sakna þín óendanlega og tilfinning
tómleika hefur heltekið mig frá
því ég fékk símtalið örlaga-
þrungna. Ég veit að ég á eftir að
kalla eftir þínum góðu ráðum að
handan og get bara lifað í þeirri
veiku von að ég heyri til þín. Þú
skilur eftir þig stærra tóm en þú
gerir þér grein fyrir en líka svo
ósegjanlega margar fallegar og
góðar minningar sem munu ylja
okkur um ókomin ár.
Elsku Steini. Hugur minn og
minna nánustu er hjá Helgu þinni,
hjá börnunum ykkar, tengdabörn-
um, litlu afastelpunni og öðrum
ástvinum. Ég bið þess að við meg-
um öll öðlast styrk í glímunni við
þá sorg og þann söknuð sem fyllir
hug okkar nú.
Fast eg trúi: Frá oss leið
vinur minn til vænna funda
og verka frægra, sæll að skunda
fullkomnunar fram á skeið
…
Flýt þér, vinur, í fegri heim.
Krjúptu að fótum friðarboðans
og fljúgðu á vængjum morgunroðans
meira að starfa guðs um geim.
(Jónas Hallgrímsson)
Þinn ástkær bróðir,
Árni.
Það voru erfiðar fréttir að
heyra að Steini hefði orðið bráð-
kvaddur í Póllandi þar sem hann
var í vinnuferð.
Steini var mikill vinur og klett-
ur í lífi allra okkar í fjölskyldunni.
Hann var mikill fjölskyldumað-
ur og lífskúnstner og átti auðvelt
með að kynnast fólki. Hann var
áhugamaður um vín, mat, íþróttir,
listir, ferðalög og svo mætti lengi
telja.
Steini var mikill matgæðingur
og snilldarkokkur og ég man hvað
mér fannst það fyndið þegar ég
heyrði það að hann læsi mat-
reiðslubækur fyrir svefninn. Á
seinni árum breyttist þessi áhugi
hans yfir í glæpasögurnar og var
Steini alltaf með bók í hönd og las
við öll tækifæri.
Michelin-staðir eru í hávegum
hafðir og varð ég þess aðnjótandi
að borða á einum slíkum í Glasgow
vorið 2018 þegar mér hlotnaðist sú
ánægja að fara þangað á tónleika
með Helgu, Steina og stelpunum.
Veitingastaðurinn var skemmti-
legur, maturinn góður og fólkið
yndislegt sem við vorum með. En í
Ljárskógunum var langbesti
Michelin-veitingastaðurinn, þar
sem Steini og Helga voru í essinu
sínu og buðu upp á mat og veigar
af bestu gerð.
Steini var mikill vinur, var mér
mikil hjálparhella, eins og hann
var við alla sína nánustu. Það var
alveg sama hvað til stóð, Steini og
Helga voru alltaf tilbúin til aðstoð-
ar eða þá að bjóða húsið sitt til
veisluhalda. Þar hafa margar
ógleymanlegar veislurnar verið
haldnar og það hefur alltaf verið
aðdáunarvert að sjá samheldni
Helgu og Steina. Steini sá um mat-
inn en Helga sá um að leggja á
borð og hafa allt tilbúið.
Þegar halda átti veislu var það
fyrsta sem ég gerði var að hafa
sambandi við Steina og Helgu.
Síðastliðið vor var ég með veislu
heima hjá mér til að fagna tíma-
mótum í mínu lífi og þar voru
hjónakorni Helga og Steini ómiss-
andi. Steini kom og valdi með mér
smáréttina, Steini valdi vínið,
Steini var á svæðinu og sá um að
allt væri hitað og á réttum stað.
Þegar ég þakkaði Steina fyrir
hjálpina sagði hann: „Hvaða hjálp,
ég var bara upphitari.“ Þetta lýsir
honum Steina mínum vel, hann
taldi ekkert eftir sér og var lítið að
tileinka sér heiður af einhverju.
Dóttir mín sagði eitt sinn að
Steini héldi fjölskyldunni okkar
saman og það má að mörgu leyti
segja það. Hann var gullmolinn
sem dreif allt áfram, fyrir honum
voru fá ef nokkur vandamál. Það
var hægt að leysa allt.
Steini og Helga voru oftar en
ekki nefnd í sömu andrá og það
segir mikið til um samheldni
þeirra, virðingu og ást. Við mund-
um halda áfram að hafa anda
Steina hjá okkur, lífsgleði hans og
lífsnautn.
Ég votta elskulegri systur
minni, Sigurjóni Árna, Þorbjörgu
Önnu, Kristjönu Björk og öllum
mína innilegustu samúð og saman
munum við vinna með sorgina og
njóta þeirra yndislegu minninga
sem við eigum um sterka og ljúfa
manneskju eins og Steini var.
Ég kveð hann Steina með sár-
um söknuði en er um leið þakklát
fyrir allar þær minningar og gleði-
stundir sem við höfum átt saman.
Minning þín er mér ei gleymd;
mína sál þú gladdir;
innst í hjarta hún er geymd,
þú heilsaðir mér og kvaddir.
(Káinn)
Hvíl í friði, kæri vinur.
Anna Rósa.
Elsku besti Steini, við í Mos-
gerðinu söknum þín. Okkur myndi
svo langa til að halda með þér og
öllum í fjölskyldunni eitt matar-
boðið enn og skála í góðu rauðvíni,
ræða alls kyns málefni, hlæja sam-
an og hlusta á tónlist. Þú varst stór
persóna með sterkar skoðanir,
góðhjartaður, drífandi, bóngóður,
smart, skemmtilegur heimsborg-
ari og lífsnautnamaður sem við
vorum svo heppin að fá að kynnast
í gegnum hana Helgu þína. Börnin
okkar dáðu þig og höfðu á orði að
þú hefðir alltaf umgengist þau sem
jafningja, hlustað á það sem þau
höfðu að segja og tekið tillit til
skoðana þeirra.
Við eigum ótal minningar sem
við getum yljað okkur við og um
ókomna tíð munum við hugsa um
allar samverustundirnar, alla
hjálpsemina og aðstoðina, öll
ferðalögin (Mosar, París, Barce-
lona, Madríd, London) og allan
dásamlega matinn sem þú eldaðir
handa okkur af svo mikilli snilld.
Það verður tómlegt án þín, okk-
ar kæri mágur, svili og Steini
frændi (eins og krakkarnir kölluðu
þig).
Takk fyrir allt og allt!
Elsku Helga, Sigurjón Árni,
Þorbjörg Anna og Kristjana
Björk, ykkar missir er mikill en við
munum alltaf standa saman – ást
og styrkur til ykkar á þessum erf-
iðu tímum.
Ykkar
Heiðar, Sólveig, Hörður
Ernir, Úlfar Birnir
og Iðunn Hekla.
Steinar Sigurðsson
 Fleiri minningargreinar
um Steinar Sigurðsson bíða
birtingar og munu birtast í
blaðinu næstu daga.
Elskuleg móðir okkar, tengdamóðir, amma,
langamma og langalangamma,
GYÐA HJALTALÍN JÓNSDÓTTIR,
Hjúkrunarheimilinu Eir,
lést aðfaranótt 1. desember.
Útförin verður auglýst síðar.
Kristín Ólafsdóttir Magnús Halldórsson
Jón Hjaltalín Ólafsson
barnabörn barnabarnabörn
og barnabarnabarn