Morgunblaðið - 03.12.2019, Page 27
ÍÞRÓTTIR 27
MORGUNBLAÐIÐ ÞRIÐJUDAGUR 3. DESEMBER 2019
Sonur minn fagnaði eins árs
afmæli sínu síðasta sunnudag.
Hann, líkt og ég, hafði lítið val
um það hvaða lið væri „hans“ lið
í ensku úrvalsdeildinni í knatt-
spyrnu. Það er ótrúlegt með
mannskepnuna hvað hún þarf
alltaf að finna ástæður fyrir öllu.
Eftir að sonur minn fæddist, 1.
desember 2018, vann Liverpool
átta leiki í röð. Ég skrifaði þetta
góða gengi að sjálfsögðu á fæð-
ingu frumburðarins.
Í byrjun janúar ákvað ég að
gera nokkuð sem ég hafði aldrei
gert áður. Ég klæddi son minn í
Liverpool-búning fyrir stórleik
Manchester City og Liverpool.
Liverpool tapaði að sjálfsögðu
leiknum en ég neitaði að gefast
upp. Ég klæddi hann aftur frá
toppi til táar í Liverpool-dress
fyrir leik gegn Wolves í enska
bikarnum sem tapaðist líka. Eftir
annað tapið í röð fór búningurinn
ofan í skúffu.
Það bar tilskilinn árangur því í
næstu nítján leikjum liðsins vann
liðið fjórtán og gerði fimm jafn-
tefli. Fyrir úrslitaleik Meistara-
deildarinnar síðasta vor gegn
Tottenham fór hann svo í dressið
á nýjan leik. Evrópumeistaratitill
reyndist staðreynd og var þetta
jafnframt fyrsti titillinn sem liðið
vann frá árinu 2012. Ég, verandi
mannskepnan sem ég er, skrifaði
þennan sigur í Meistaradeildinni
að sjálfsögðu á fæðingu sonar-
ins.
Liverpool er nú á hraðri leið
með að vinna fyrsta Englands-
meistaratitil sinn í þrjátíu ár.
Eins erfitt og það hefur verið að
styðja Liverpool í gegnum tíðina
vona ég innilega að sonur minn
fái að upplifa bæði góða og
slæma tíma með liðinu sem hann
styður. Aðeins þannig lærir mað-
ur að njóta og virða litlu og stóru
sigrana því lífið er einfaldlega
ekki alltaf dans á rósum.
BAKVÖRÐUR
Bjarni Helgason
bjarnih@mbl.is
MÖRK
Víðir Sigurðsson
vs@mbl.is
Sverrir Ingi Ingason, landsliðsmaður
í knattspyrnu og miðvörður gríska
meistaraliðsins PAOK frá Thessa-
loniki, komst í fámennan flokk ís-
lenskra fótboltamanna í fyrrakvöld.
Þá skoraði hann mark PAOK í
toppslagnum gegn Olympiacos, kom
sínum mönnum yfir eftir hálftíma
leik, en liðin skildu að lokum jöfn, 1:1.
Þetta var fyrsta mark Sverris í
grísku úrvalsdeildinni en hann hefur
nú náð að festa sig í sessi hjá PAOK
og spilað sex síðustu leiki liðsins í
deildinni. Fram að því hafði hann set-
ið nær óslitið á varamannabekknum
frá því PAOK keypti hann af Rostov í
Rússlandi í janúar.
Með þessu marki hefur Sverrir
jafnframt náð að skora mark eða
mörk í deildakeppni sex landa og að-
eins þrír íslenskir knattspyrnumenn
hafa gert betur. Alls hafa nú sjö Ís-
lendingar skorað mörk í deilda-
keppni sex eða fleiri landa og Sverrir
er sá eini þeirra sem hefur spilað all-
an sinn feril sem varnarmaður.
Sverrir hóf meistaraflokksferilinn
18 ára gamall með Augnabliki í 3.
deild og skoraði þar sitt fyrsta mark.
Frá 2012 hefur hann eingöngu leikið
í efstu deild.
Tvö ár með Breiðabliki þar sem
hann gerði tvö mörk í úrvalsdeild-
inni.
Eitt ár með Viking frá Stavanger
þar sem hann gerði þrjú mörk í
norsku úrvalsdeildinni.
Tvö og hálft tímabil með Lokeren
þar sem hann skoraði eitt mark í
belgísku A-deildinni.
Hálft tímabil með Granada þar
sem hann skoraði eitt mark í
spænsku 1. deildinni, La Liga.
Eitt og hálft tímabil með Rostov
þar sem hann skoraði fimm mörk í
rússnesku úrvalsdeildinni.
Og með PAOK þar sem hans
fyrsta mark leit dagsins ljós á sunnu-
dagskvöldið.
Eiður skoraði í átta löndum
Eiður Smári Guðjohnsen er sá Ís-
lendingur sem hefur skorað í deilda-
keppni flestra landa, átta talsins. Þau
eru Ísland, Holland, England,
Spánn, Grikkland, Belgía, Kína og
Noregur. Eiður náði ekki að skora í
Frakklandi.
Hannes Þ. Sigurðsson skoraði í sjö
löndum af níu þar sem hann spilaði.
Það eru Ísland, Noregur, England,
Danmörk, Svíþjóð, Kasakstan og
Austurríki. Hannes skoraði ekki í
Rússlandi eða Þýskalandi.
Alfreð Finnbogason hefur skorað
í öllum þeim sjö löndum þar sem
hann hefur spilað. Það eru Ísland,
Belgía, Svíþjóð, Holland, Spánn,
Grikkland og Þýskaland.
Guðlaugur Victor Pálsson hefur
skorað í sex löndum af átta. Það eru
Skotland, Holland, Svíþjóð, Dan-
mörk, Sviss og Þýskaland. Hann
skoraði ekki í Englandi eða Banda-
ríkjunum.
Kári Árnason hefur skorað í sex
löndum af sjö. Það eru Ísland, Dan-
mörk, England, Skotland, Svíþjóð og
Kýpur. Hann skoraði ekki í Tyrk-
landi.
Viðar Örn Kjartansson hefur
skorað í öllum þeim sex löndum þar
sem hann hefur spilað. Það eru Ís-
land, Noregur, Kína, Svíþjóð, Ísrael
og Rússland.
Miðvörðurinn með markanefið
Sverrir Ingi Ingason hefur skorað í
sex löndum Aðeins þrír gert betur
AFP
Landsliðið Sverrir Ingi Ingason hefur betur gegn Antoine Griezmann í leik
gegn Frökkum. Þeir gætu mæst á ný á EM í Búdapest næsta sumar.
Norska kvennalandsliðið í hand-
knattleik, undir stjórn Þóris Her-
geirssonar, hélt sýningu í seinni
hálfleik gegn Slóvenum í loka-
keppni heimsmeistaramótsins í
Kumamoto í Japan í gær.
Í hálfleik var staðan 13:12 fyrir
Noreg og slóvenska liðið virtist til
alls líklegt, enda hafði það unnið
sannfærandi sigur á sterku liði Hol-
lands í fyrstu umferðinni.
En í seinni hálfleik fór norska lið-
ið hamförum, skoraði 23 mörk
gegn 8 og vann yfirburðasigur,
36:20. Marit Rosberg Jacobsen
skoraði 8 mörk fyrir Noreg og þær
Ingvild Kristiansen Bakkerud og
Camilla Herrem 6 mörk hvor.
Serbía hefur einnig unnið fyrstu
tvo leiki sína í riðlinum en þessi lið
mætast í Kumamoto í dag.
Vg.no gefur Þóri 8 í einkunn fyr-
ir stjórnun sína á leiknum. „Hann
hlýtur að hafa sagt réttu hlutina í
hálfleik,“ segir í umsögninni.
vs@mbl.is
Norsk handboltasýning
í seinni hálfleiknum
Ljósmynd/IHF
HM Stine Bredal Oftedal, leikstjórnandi Noregs, skýtur að marki Slóvena.
Bikarmeistarar FH gerðu sér lítið
fyrir og unnu sannfærandi sigur
gegn Íslandsmeisturum Selfoss í
Hleðsluhöllinni á Selfossi í tólftu
umferð úrvalsdeildar karla í hand-
knattleik, Olísdeildinni, í gær.
Leiknum lauk með sex marka sigri
Hafnfirðinga, 37:31, en FH leiddi
með fjórum mörkum í hálfleik.
Jafnræði var með liðunum til að
byrja með en þegar fyrri hálfleikur
var rúmlega hálfnaður sigu FH-
ingar fram úr. Hafnfirðingar
leiddu 18:14 í hálfleik og byrjuðu
seinni hálfleikinn af miklum krafti.
FH náði sex marka forskoti
snemma í seinni hálfleik og Sel-
fyssingar voru aldrei líklegir til
þess að koma til baka eftir það.
Ásbjörn Friðriksson var at-
kvæðamestur í liði FH með 9 mörk
og þá varði Phil Döhler 15 skot í
marki FH. Hjá Selfossi var Atli
Ævar Ingólfsson markahæstur
með 10 mörk. FH fer með sigrinum
í þriðja sæti deildarinnar í 16 stig
en Selfoss er í sjötta sætinu með 15
stig.
Ljósmynd/Guðmundur Karl
Markahæstur Ásbjörn Friðriksson sækir að Alexander Má Egan á Selfossi.
Sannfærandi sigur
FH-inga á Selfossi
Laugavegi 178 | 105 Reykjavík | Sími 551 3366 | Opið virka daga kl. 10-18, laugardaga kl.10-14
Misty
Brjóstahaldararnir frá Royce eru
allir spangalausir og með vasa.
Falleg og góð snið með
þægindi í fyrirrúmi.
Verð 7.850,-