Hugur og hönd - 01.06.2011, Qupperneq 14

Guðbjörg Andrésdóttir
Heimilisiðnaðarskólinn
Frá skólanefnd
Heimilisiðnaðarskólinn hefur boðið upp
á fjölda námskeiða árið 2010 eða nánar
tiltekið 34 námskeið á vorönn og 36
námskeið á haustönn þar sem alls 368
manns námu hinar ólíku listgreinar. Var
fullbókað flest kvöld og allt upp í sex
námskeið samtímis að Nethyl 2-E í hús-
næði HFI. Oll hefðbundin námskeið
hafa verið vinsæl, s.s. þjóðbúningasaum-
ur og öll þau námskeið, sem fylgja þeim
saumaskap. Prjón og hekl hefur haldið
vinsældum sínum og má þar nefna nýtt
námskeið, sem fór af stað á haustönn
„rússneskt hekl“.
Ný námskeið vorið 2010. Skírnar-
kjólasaumur, víkingabúningasaumur,
sem og tauþrykk og gimb. Öll þessi
námskeið virðast eiga framtíð fyrir sér
því að bókað var í þau öll á haustönn-
inni.
Páskaörnámskeið voru haldin
sunnudaginn 21. mars frá kl. 12:00 -
16:00. Hekluð páskaegg og heklaðir
servíettuhringir, þæfð páskaegg og
brjóstsykursgerð.
I júní var námskeið í vefnaði í sam-
starfi við vefnaðarkennarafélagið fyrir
kennara félagsins. Gestakennari var
Lotte Dalgaard vefnaðarkennari frá
Danmörku.
Vorönn lauk með sýningu á verkum
nemenda á Kornhúsloftinu á
Arbæjarsafni á hinum árvissa
HandverksdegiHeimilisiðnaðarfélagsins
þann 6. júní.
Níu daga sumarnámskeið barna var
haldið í ágúst. Stóð það í tvær vikur frá
kl. 10:00 - 16:00 og voru allir mjög
glaðir og ánægðir í lokin. Þar var þæft,
tálgað og gert tauþrykk þar sem þessu
var fléttað saman í skemmtilegt starf.
Kennarar námskeiðsins eru og hafa
verið starfandi listgreinakennarar í
grunn- og framhaldsskólum auk þess að
vera textíllistamenn.
Nýtt námskeið á haustönn var í
„lissugerð“, sem er sérútsaumur sem
notaður er á upphlutsskyrtur og e.t.v. á
svuntur.
Á haustönn voru fjögur námskeið í
prjóni fyrir byrjendur fyrir
Vinnumálastofnun, þar sem atvinnu-
lausum var boðið upp á námskeiðin.
Námskeið þessi voru í tvo daga í viku
frá kl. 09:00 -14:00 í fjórar vikur, sam-
tals 40 kennslustundir hvert námskeið.
Haldin voru vefnaðarnámskeið, þar af
eitt með Fjölmennt.
Jólaörnámskeið voru haldin 13. og
20. nóvember í húsnæði skólans. Þar
stóð fólki til boða að gera jólakransa,
unna úr efnum úr náttúrunni í bland
við ull og fleira. Þæfðar jólakúlur, tálg-
aðir jólasveinar, sem var mjög vinsælt og
að venju brjóstsykursgerð, sem er
sívinsæl.
Komin er hefð á samstarf við
Árbæjarsafnájólaföstu.ÁKornhúsloftinu
aðstoðuðu félagsmenn gesti safnsins við
einfalt jólaföndur. Einnig gafst félags-
mönnum kostur á að vera með hand-
verk til sölu á sama stað.
Árið 2011 eru fyrirhuguð nokkur
ný námskeið .
• Helgarnámskeið í saumi á mið-
aldabúningi.
• „Þreyjum þorrann“: baðstofumenn-
ing fyrri tíma.
• Nýting víðigreina þar sem gerðar
eru klifurgrindur, kransar, brauð-
körfur, páskaskreytingar og fleira.
• Domino prjón þar sem prjónaðir
eru treflar og húfur.
• Re-design / endurhannað úr göml-
um fötum.
• Rússneskt lopapeysuhekl.
• Englaprjón -Prjónaður engill úr
bómullargarni og hann stífaður.
Hannyrðakvöldin hafa verið haldin
þriðja föstudag hvers mánaðar frá kl.
20:00 — 22:00 og virðast hafa fest í sessi,
því að alltaf fjölgar í hópnum.
Benda má á heimasíðu félagsins
(www.heimilisidnadur.is) sem hefur
fengið betri ásýnd, með henni hefur
orðið bylting hvað varðar kynningu
námskeiða.
Formaður skólanefndar
Guðbjörg Andrésdóttir
14 HUGUR 0G HÖND 2011