Feykir - 16.08.2017, Síða 2

Þá er sumarfríi Feykis lokið að sinni og vonandi allir
glaðir að fá hann aftur í hendurnar.
Undirritaður hafði það
ágætt í fríinu og lofar að
vera ferskur eitthvað fram á
haust.
Ýmislegt er hægt að gera í
sumarfríinu á Íslandi án
þess að troðast undir fótum
erlendra ferðamanna og
hægt er að finna mat og
drykk sem ekki kostar
hvítur úr augum þó fréttir hermi annað. Ég ætla að
taka tvö dæmi:
Frúin mín hefur gaman af að ganga á fjöll, (sem mér
finnst vera tímaeyðsla ef ekki er verið að reka búsmala
eða gera við girðingar), og náði hún að plata mig í eina
slíka um verslunarmannahelgina. Við gengum í
svokallaða Stórurð í Dyrfjöllum eystra í ágætis veðri.
Þrjár gönguleiðir eru merktar, tvær sitthvoru megin
Vatnsskarðs og ein hæst á skarðinu en þaðan gengum
við. Einn bíll var austan megin, nokkrir vestan og einn
á toppnum utan okkar. Það er styst frá því að segja að
gönguleiðin er stórkostleg og upplifunin í Stórurðinni
ólýsanleg og eftir á fór ég að velta fyrir mér af hverju við
hefðum ekki mætt fleirum á leiðinni. Landið er jú að
sökkva í ferðamönnum, heyrir maður. Ég kann enga
skýringu á því en þarna vorum við ein á röltinu og
mættum örfáum í sömu erindagjörðum og við og
nutum náttúrunnar.
Hitt dæmið snýr að verðlagningu veitinga.
Margar sögur hafa farið af ótrúlegu verðlagi á
veitingastöðum víðs vegar um landið. Ég sá t.d. á
fésbókinni að lítrinn af sódavatni kosti kr. 780 í
þjónustumiðstöðinni á Þingvöllum og dáist einlæglega
að þeirri markaðssetningu.
Ég fór hins vegar út á Reyki á Reykjaströnd fyrr í
sumar en þar er rekið lítið kaffihús við Grettislaugina.
Þar var hægt að fá súpu og brauð á 500 kall. Mæli með
því!
Páll Friðriksson
LEIÐARI
Af fjallgöngu og súpu
Útgefandi: Nýprent ehf., Borgarflöt 1, Sauðárkróki
Póstfang Feykis: Borgarflöt 1, 550 Sauðárkrókur
Ritstjóri & ábyrgðarmaður:
Páll Friðriksson, palli@feykir.is & 861 9842
Blaðamenn:
Fríða Eyjólfsdóttir, frida@feykir.is & 867 9744,
Óli Arnar Brynjarsson, oli@feykir.is
Áskriftarverð: 530 kr. hvert tölublað með vsk. Lausasöluverð: 650 kr. með vsk.
Áskrift og dreifing: Nýprent ehf. Sími 455 7171. Umbrot og prentun: Nýprent ehf.
Óháð fréttablað á Norðurlandi vestra - alltaf á miðvikudögum
Skipið stórkostlegt
Drangey SK-2 á heimleið
Hinn nýi togari FISK Seafood,
Drangey SK-2, er á heimleið frá
Tyrklandi þaðan sem skipið var
smíðað en von er á því til
Sauðárkróks í lok vikunnar.
Heimförin hófst föstudaginn 4.
ágúst en áætlaður siglingartími
í Skagafjörðinn er um hálfur
mánuður. Á laugardaginn
verður skipinu formlega gefið
nafn og í kjölfarið opið gestum
til sýnis.
Drangey er 62,5 metra langt
skip og 13,5 metra breitt með
nýstárlegt skrokklag og stórt og
áberandi perustefni sem á að
tryggja betri siglingareiginleika,
meiri stöðugleika og aukna
hagkvæmi. Snorri Snorrason,
skipstjóri, var mjög sáttur við
skipið og ferðalagið heim er
Feyki hafði samband við hann í
gær. „Það hefur gengið svakalega
vel. Við erum vestur af Írlandi í
blíðskaparveðri, sem betur fer
ekki mikil sól bara milt og gott
veður,“ segir hann en annað var
uppi á teningnum í Mið-
jarðarhafinu. Þar segir Snorri
hitann hafa mest farið í 37
gráður og hvergi hægt að vera
nema þá helst í brúnni þar sem
tvö kælibúnt eru staðsett. Þar
undir var bærilegt að vera í skjóli
fyrir sól og hita.
Snorri segir skipið stórkostlegt
á allan hátt og ekkert sem komi á
óvart þar sem hann var búinn að
sigla með Björgúlfi EA,
systurskipi Drangeyjar. „Skipin
eru bara glæsileg og algjörlega
frábær í sjó. Ekki hefur reynt
mikið á það núna hjá okkur,
fengum 14, 15 metra beint á
nefið og urðum eiginlega ekkert
varir við það.“ Snorri segir að
nokkur gustur hafi komið á
Björgúlf þegar hann var þar,
bæði á nefið og á hlið en skipið
hefði ekki haggast.
Í síðustu viku lönduðu 30 bátar rúmum 60
tonnum á Skagaströnd, á Hofsósi var landað
tæpum 50 tonnum úr fjórum bátum og á
Hvammstanga landaði einn bátur tæplega 14
tonnum.
Til Sauðárkróks bárust rúm 182 tonn og voru
það 10 skip og bátar sem lönduðu þeim afla.
Heildarafli vikunnar á Norðurlandi vestra var
306.282 kíló. /FE
Aflatölur 6. ágúst – 12. ágúst 2017 á Norðurlandi vestra
306 tonn á land í nýliðinni viku
SKIP/BÁTUR VEIÐARFÆRI KG SKIP/BÁTUR VEIÐARFÆRI KG
Már HU 545 Handfæri 1.387
Ólafur Magnússon HU 54 Handfæri 472
Svalur HU 124 Handfæri 1.507
Sæfari HU 212 Landbeitt lína 1.161
Sæunn HU 30 Handfæri 2.371
Tara SK 25 Handfæri 787
Víðir EA 423 Handfæri 2.386
Alls á Skagaströnd 60.386
SAUÐÁRKRÓKUR
Bryndís SK 8 Handfæri 151
Fannar SK 11 Handfæri 2.607
Gammur SK 12 Þorskfisknet 1.033
Gjávík SK 20 Handfæri 825
Helga Guðmundsdóttir SK 23 Handfæri 641
Málmey SK 1 Botnvarpa 174.146
Már SK 90 Handfæri 518
Óskar SK 13 Handfæri 493
Vinur SK 22 Handfæri 1.043
Ösp SK 135 Handfæri 821
Alls á Sauðárkróki 182.278
HOFSÓS
Ásmundur SK 123 Landbeitt lína 7.481
Leiftur SK 136 Handfæri 458
Þorgrímur SK 27 Landbeitt lína 4.047
Þorleifur EA 88 Dragnót 37.813
Alls á Hofsósi 49.799
HVAMMSTANGI
Harpa HU 4 Lína 13.819
Alls á Hvammstanga 13.819
SKAGASTRÖND
Auður HU 94 Handfæri 2.449
Beggi á Varmalæk HU 219 Handfæri 463
Bjartur í Vík HU 11 Handfæri 2.257
Blíðfari HU 52 Handfæri 2.294
Blær HU 77 Landbeitt lína 659
Bogga í Vík HU 52 Handfæri 2.366
Daðey GK 777 Línutrekt 8.473
Dagrún HU 121 Þorskfisknet 1.597
Dísa HU 91 Handfæri 2.280
Elín ÞH 82 Handfæri 2.346
Garpur HU 58 Handfæri 810
Geiri HU 69 Handfæri 2.313
Greifinn SK 19 Handfæri 1.547
Guðrún Ragna HU 162 Handfæri 2.353
Gyðjan HU 44 Handfæri 1.603
Hafdís HU 85 Handfæri 2.348
Hafey SK 10 Handfæri 810
Húni HU 62 Handfæri 2.359
Jenný HU 40 Handfæri 2.336
Kambur HU 24 Handfæri 2.418
Kópur HU 118 Handfæri 2.129
Kristín SK 77 Handfæri 1.771
Maggi Jóns HU 70 Handfæri 2.334
Drangeyjan er með nýstárlegt skrokklag og stórt og áberandi perustefni sem á að
tryggja betri siglingareiginleika, meiri stöðugleika og aukna hagkvæmi. Mynd: Fisk.is
Peran á stefni skipsins gerir
það að verkum að betra þykir að
sigla á móti í slæmum veðrum
og heggur ekki eins og önnur
skip gjarna gera heldur líður
meira í gegnum öldurnar. Telur
Snorri þetta lag komið til með
að vera á skipum til framtíðar.
Snorri segir bjart framundan
og segist ekki eiga nógu sterk
lýsingarorð yfir það hvað hann
hlakkar mikið til að byrja að
vinna á skipinu. /PF
Norðurland vestra
Ókeypis
námsgögn
Nú hafa stærstu sveitar-
félögin á Norðurlandi vestra
ákveðið að skólar þeirra
leggi nemendum sínum til
námsgögn, þeim að kostn-
aðarlausu. Þetta eru Sveit-
arfélagið Skagafjörður,
Blönduósbær og Húnaþing
vestra.
Þar með bætast þessi sveitar-
félög í hóp fjölmargra annarra
á landinu sem þetta hafa
ákveðið. Áfram þurfa nem-
endur hins vegar að útvega sér
skólatösku, sund- og íþrótta-
fatnað ásamt ritföngum til
afnota heima fyrir.
Búast má við að fleiri sveitar-
félög á Norðurlandi vestra
stökkvi á lestina að sumar-
fríum sveitarstjórnarfólks
loknum og málið tekið fyrir í
nefndum og ráðum. /PF
2 30/2017