Feykir - 16.08.2017, Blaðsíða 9

„Allir hafa
gaman af að veiða“
Yngvi Jósef Yngvason,
rafvirki, slökkviliðs- og
sjúkraflutningamaður á
Sauðárkrókur er einn af
smábátaeigendunum við
höfnina. Báturinn hans er af
tegundinni Pioner Multi og er
plastbátur sem steyptur er í
heilu lagi í stálmóti sem er
bakað í risastórum ofni. Yngvi
lýsir því þannig að plastkúlum
sé dælt í stálmótið sem snýst í
hringi. Plastið bráðnar og
leitar í yfirborð stálmótsins
vegna miðflóttaaflsins.
-Báturinn hentar til margvís-
legra verka, það er hægt að
opna hann að framan sem gerir
hann að spennandi kosti eins
og til að kafa, svo höfum við í
siglingaklúbbnum boðið fólki
sem bundið er við hjólastól í
bátsferð, segir Yngvi
Hvernig kom það til að þú eign-
aðist bátinn? -Ég átti gúmmíbát
og langaði í stærri bát sem
myndi henta mér og mínum
áhugamálum betur og eftir
miklar pælingar þá ákvað ég að
skella mér á hann.
Hefur nafnið á bátnum ein-
hverja sérstaka skírskotun?
-Hann ber nú bara ekkert nafn
blessaður, en það er aldrei að
vita nema maður skíri hann
einhvern tímann.
Hefur sjómennskan fylgt þér
lengi? -Nei, ég get nú ekki sagt
það. Þegar ég byrjaði í björg-
unarsvei, er ég bjó í Hafnarfirði
og lærði að kafa, þá kviknaði
áhuginn á sjónum og bátum.
Hvenær er best að veiða? -Frá
vori fram á haust, þegar veður
er gott, þó þú veiðir ekkert eða
lítið, er alltaf gaman á sjó.
Hvað verður um aflann? -Hann
er bara verkaður og frystur og
svo er ég líka að þurrka í harð-
fisk og stundum fiskbollur
þegar tengdó er í stuði.
Er fjölskyldan með í útgerð-
inni? -Já, ef veðrið er extra gott
þá hafa allir gaman af að veiða.
Tengdapabbi og pabbi þegar
hann er í heimsókn hafa verið
duglegastir að koma með. Syni
mínum finnst gaman að veiða
og ennþá skemmtilegra að
sigla.
Hefur komið babb í bátinn?
-Það var í fyrrasumar að Kári
Björn bauð mér með sér í
lundaveiði í Drangey. Við
lögðum af stað um kvöldið og
var frekar leiðinlegt í sjóinn.
Kári hafði ákveðið að taka litla
gúmmíbátinn með og ætluð-
um við að festa bátinn minn
við ból og róa svo á litlu
tuðrunni í eyjuna. Festum við
gúmmíbátinn kirfilega framan
á bátinn. Þegar við svo nálg-
umst eyjuna þá skyndilega er
eins og báturinn sé einhvern
veginn að koðna niður, hljóðið
í mótornum breytist og bát-
urinn fyllist af sjó. Við litum
snöggt hvor á annan og eins og
við hefðum lesið hugsanir
hvors annars. Hentist Kári
fram í stefni og lagðist yfir
gúmmíbátinn og sá þá að lúgan
hafði opnast. Ölduhæð var þó
nokkur og þurfti ég að halda
bátnum upp í ölduna og opna
tveggja tommu loka svo sjór-
inn rynni aftur úr honum
meðan Kári var hálfur á kafi
frammi í stefni að reyna að
sæta lagi og loka landgöngu-
lúgunni. En allt tókst þetta og
vorum við félagar vel búnir ef
þetta ævintýri hefði endað á
versta veg
Ps. Kári veiddi ágætlega.
Feðgarnir Yngvi og Kristófer á fleygiferð.
MYND: PF
( ÞARNA SIGLIR EINHVER INN ) palli@feykir.is
Yngvi Jósef Yngvason /
rafvirki, slökkviliðs- og sjúkraflutningamaður á Sauðárkróki
( ÁSKORENDAPENNINN ) palli@feykir.is
Kolli. MYND: Hjalti Árna
30/2017 9
Hvers vegna er margt í okkar
daglega lífi orðið svo ótrúlegt?
Getur einhver sagt mér það? Ég
varpa þessu fram hér því í daglegu
tali margra, eru orðin ótrúlegt
og ótrúleg/ur mjög mikið notuð.
Ofnotuð. Í umfjöllun um nánast
hvaðeina. Manneskja sem vinnur
vel, jafnvel til verðlauna er talin
ótrúleg og afrekið hennar einnig. Er
ekki bara trúlegt að verðlaunin séu
verðskulduð, því æfingin skapar
meistarann?
Einhver segir mér sögu af einhverju
mögnuðu, hverju sem er, flestu
ótrúlegu að hans sögn. Trúlegt?
Vinur minn sagði mér að vinur
hans hefði sagt sér alveg ótrúlega
lygilega sögu. Er ekki bara trúlegt
að þessi vinur hans sé lyginn,
jafnvel hraðlyginn og því sé sagan
hans lygi frá upphafi til enda,
jafnvel haugalygi. Veit ekki. Fleira
ótrúlegt mætti tína til. Hvað sem
einum kann að þykja eitthvað vera
ótrúlegt, kann öðrum þykja hið
sama trúlegt.
Annað. Að meiðast. Ég hef meitt
mig, oft. Og ég get fullyrt að ég hef
aldrei meitt mig vel eða illa. Aðeins
lítið eða eitthvað meira. Ef einhver
veit hvar mörk þess að meiða
sig vel eða illa liggja, má hinn
sami láta mig vita af því. Ef fingur
brotnar, er þá sá sem hann á, vel
brotinn en ef handleggur brotnar á
sama einstaklingi, er hann þá illa
brotinn? Veit ekki. Veit bara að brot
er brot.
Síðan hvenær fór fótboltavöllurinn
að hallast? Skyldi vera sami halli
á þeim öllum? Menn eru alveg
hættir að hlaupa fram og aftur
völlinn, heldur hlaupa þeir hann
upp og niður! Ég var vanur að
skokka láréttan völlinn en rölta upp
á hólinn og aftur niður. Ótrúlegt.
Og það er mér ofarlega í huga, við
eigum gnótt góðra orða.
Að lokum.
Eitt er þó alveg ótrúlegt og ber ég
ekki neina ábyrgð þar á, og það
er að ég, skuli enn af ótrúlega
mörgum, vera kallaður Leifur og
Leifur kallaður Kolli. Aldeilis vita
hreint ótrúlegt.
- - - - - -
Ég skora á nágranna minn, hana
Laufeyju Haraldsdóttur að koma
með næsta pistil.
Kolbeinn Konráðsson frá Frostastöðum
Alveg ótrúlegt