Feykir - 16.08.2017, Qupperneq 10

Kláraði peysufötin
fyrir fimmtugsafmælið
Handavinnukonan Hlíf
Sumarrós Hreinsdóttir á
Sauðárkróki ætlar að segja
okkur frá einhverju broti af
handavinnunni sinni í
þættinum að þessu sinni.
Hún hefur verið afkastamikil
handverkskona, allt frá því
hún prjónaði fyrsta
skylduverkið sitt í barnaskóla
og um fermingu tók hún þá
ákvörðun að sauma á sig
íslenskan búning fyrir
fimmtugt. Hún stóð við það
og sjáum við afraksturinn
á einni myndanna sem
fylgja.
Hve lengi hefur þú stundað
hannyrðir? -Ég er búin að vera
með handavinnu í höndunum
má segja síðan ég var um sjö til
átta ára gömul. Í minningunni
er fyrsta handverkið mitt gulur
dúkur með áteiknuðu blóma-
mynstri. Þennan dúk gaf mág-
kona föður míns mér og
kenndi mér að sauma lykkju-
spor og aftursting. Fyrsta
prjónaverkið mitt er blár
bangsi sem var skylduverk í
skólanum.
Hvaða handavinnu þykir þér
skemmtilegast að vinna?
-Mér finnst í rauninni gaman
að allri handavinnu, skiptir
engu hvort það er prjón, hekl,
útsaumur og eða saumaskapur
í vél, bútasaumur sem ég er svo
til nýbyrjuð í og finnst mjög
skemmtilegur. Ég fer á búta-
saumshelgi á Löngumýri á
haustin og prjónahelgi á
vorin. Ég lærði að gimba eftir
að ég flutti hingað á Krók-
inn, það er mjög gaman og ég
hef gert þannig teppi handa
barnabörnunum mínum. Mig
hefur alltaf langað til að læra á
prjónavél.
Hverju ertu að vinna að um
þessar mundir?
Ég er með nokkur ábyrjuð
stykki í vinnslu núna. Tók að
mér útsaum fyrir móður mína,
er að prjóna skírnagjöf á eina
litla frænku og galla á ömmu-
barnið mitt.
Svo fékk ég skilaboð frá
vinkonu dóttur minnar í
Bretlandi um að ég mætti fara
að fitja upp, það væri ein lítil á
leiðinni. Ég hef áður prjónað
fyrir hana því dóttur mína
langaði svo til að gefa henni
eitthvað sem ég gerði.
Hvaða handverk sem þú
hefur gert ert þú ánægðust
með? -Ég er ánægðust með
peysuföt sem ég saumaði mér
fyrir tveimur árum síðan. Það
er dálítil saga á bakvið það.
Þegar ég var að alast upp átti
móðir mín kökubauk sem á
voru myndir af konum í alls
konar fínum fötum; upphlut,
peysufötum, og öllum hinum
búningunum sem konur
klæddust hér áður fyrr. Ég
hugsaði alltaf þegar ég sá
þennan bauk að svona búning
langaði mig til að eignast. Um
fermingaraldur tók ég þá
ákvörðun að einhvers konar
búning skyldi ég eignast fyrir
fimmtugsafmæli mitt. Það
tókst, ég fór á námskeið hjá
Hildi Rosenker í Annríki
haustið 2014 og kláraði
tveimur dögum fyrir afmælið,
3. maí 2015.
Hlíf skorar á Ástu Ólöfu
Jónsdóttur að taka við
prjónunum.
( HVAÐ ERTU MEÐ Á PRJÓNUNUM ) frida@feykir.is
Hlíf Sumarrós Hreinsdóttir / Sauðárkróki
Peysufötin, æskudraumurinn sem blundaði í Hlíf að
eignast fyrir fimmtugt.
Bosnískir inniskór sem gaman var að prjóna.
Gimbað teppi sem barnabarnið fékk. Eitt af fyrstu bútasaumsstykkjunum.
10 30/2017
Jón Daníel Jónsson / greiða
Færi með Öldu sína
á Iron Maiden tónleika
( TÓN-LYSTIN ) oli@feykir.is
Kokkur er nefndur Jón Daníel
Jónsson og galdrar hann fram
mat á Drangey Restaurant og
undir nafni Grettistaks, ýmist á
Króknum, Austantjalds eða bara
þar sem pottarnir kalla nafn hans.
Jón Dan er fæddur 1968 og er frá
Stóra Búrfelli í Svínavatnshreppi.
„Mamma heitir Anna Gísladóttir
og býr á Króknum,“ segir kappinn
eldhress.
Jón Dan segist hafa unnið fá
eða jafnvel ekki nein tónlistarafrek
á sínu lífsskeiði en hann segist þó
spila á greiðu. Umsjónarmaður
Tón-lystarinnar þykist engu að síður
vita að hann hafi talsvert gaman
af tónlist og hefur jafnvel heyrt því
fleygt að hann hafi verið í hljómsveit
með núverandi ritstjóra Feykis – en
sennilega bara í einn dag. Jón fékk
sendan spurningalista Tón-lystar-
innar og var hann eldsnöggur að
svara og notaði til þess tiltölulega fá
orð.
Uppáhalds tónlistartímabil? Árin
1970-1980.
Hvers konar tónlist var hlustað á á
þínu heimili? Alla vegana.
Hver var fyrsta platan/diskurinn/
kasettan/niðurhalið sem þú keypt-
ir þér? Discovery með Electric Light
Orchestra.
Hvaða græjur varstu þá með?
Græjurnar hennar mömmu.
Hvert var fyrsta lagið sem þú manst
eftir að hafa fílað í botn? Bad Bad
Boy með Nazareth.
Hvaða lag getur eyðilagt fyrir þér
daginn? Mörg.
Þú heldur dúndurpartí í kvöld, hvað
læturðu hljóma í græjunum til að
koma öllum í stuð? Bon Jovi.
Þú vaknar í rólegheitum á
sunnudagsmorgni, hvað viltu helst
heyra? Tom Waits.
Þú átt þess kost að fara hvert
sem er í heiminum og skella þér
á tónleika. Hvert færirðu, á hvaða
tónleika og hvern tækirðu með
þér? Hvert sem er á tónleika með
Iron Maiden og ég tæki hana Öldu
mína með.
Hvað músík var helst blastað í
bílnum þegar þú varst nýkominn
með bílpróf? Allt sem var í útvarpinu
og mixaðar kassettur með góðum
metal.
Hvaða tónlistarmaður hefur þig
dreymt um að vera? Prince, Dio,
Led Zeppelin og fleiri.
Hver er að þínu mati besta plata
sem gefin hefur verið út? Number
of the Beast með Iron Maiden.
toppurinn
á Playlistanum:
'39
QUEEN
Fuck my Pumps
AMY WINEHOUSE
Every Inch of You
DARKNESS
You Don’t Have
to be Strong
MR. BIG
Either Way
CHRIS STAPLETON
Hold On
TOM WAITS
Jón Dan, hér með víkingasverð – ekki greiðu. MYND: GJ