Feykir - 22.11.2017, Side 10

Smalasjálfa í boði Halldórs.
MYND ÚR EINKASAFNI
Kiwanisklúbburinn Freyja hjálpar konum í neyð
Hugur en ekki hagur
Oddný Ragna Pálmadóttir, Steinunn Gunnsteinsdóttir og Aldís Hilmarsdóttir raða fötum
í kassa sem sendir verða í Konukot:. MYND: ÓAB
Félagar í Kiwanisklúbbnum
Freyju í Skagafirði ákváðu að
finna á heimilum sínum
fatnað, hlý föt, óopnaðar
hreinlætisvörur og annað sem
gæti nýst til að sinna
grunnþörfum þeirra kvenna
sem sækja sér þjónustu í
Konukoti í Reykjavík, sem er
neyðarathvarf fyrir heimilis-
lausar konur.
„Konukot getur tekið á móti
átta næturgestum í einu á milli
17:00-10:00 en við vitum að
það eru mikið fleiri konur sem
þurfa að sækja sér þessa
þjónustu. Afgangurinn þarf því
að vera úti ef þær komast hvergi
annars staðar inn en sú
tilhugsun er hræðileg,“ segir
Oddný Ragna Pálmadóttir.
Hún segir að félagar í
Kiwanisklúbbnum Freyju hafi
viljað láta gott af sér leiða sem
ekki kostaði endilega peninga
en væri þó gullnáma fyrir aðra.
Markmiðið væri því hugur en
ekki hagur. „Þá kom upp sú
hugmynd að heyra meðal ann-
ars í Konukoti sem er neyðar-
athvarf fyrir heimilislausar
konur og er ætlað að sinna
grunnþörfum hvað varðar
húsnæði, hreinlæti og mat. Við
Freyjurnar tókum því saman af
heimilum okkar föt, hlý föt,
óopnaðar hreinlætisvörur og
annað sem gæti nýst til að sinna
þessum grunnþörfum kvenn-
anna sem sækja sér þjónustu í
konukot. Stjórnendur í Vöru-
miðlun hafa verið svo elskulegir
að styrkja okkur um flutning
kassanna suður sem innihalda
„gullin“ okkar, sem er frábært,
og viljum við senda þeim
þakklætiskveðjur fyrir það,“
segir Oddný.
Í ársskýrslu Rauða Krossins
í Reykjavík sem kom út í vor
segir að aldrei hafi fleiri konur
gist í Konukoti á einu ári, alls
101 kona í rúmlega þrjú þúsund
gistinætur árið 2016. Má því
ætla að neyðin sé mikil og
framtak Freyjanna úr Skagafirði
lofsvert. /PF
Leiðrétting
Rangt föðurnafn
Aldís Olga Jóhannesdóttir hélt um áskorandapennann í síðasta
Feyki og var matgæðingur í blaðinu þar á undan. Því miður náðu
blaðamenn Feykis að rangfeðra Aldísi, ekki einu sinni heldur í
bæði skiptin. Feykir biðst innilegrar afsökunar á þessu.
Skagafjörður
Ný og endurskoðuð
eineltisáætlun
Sveitarstjórn Svf.
Skagafjarðar hefur samþykkt
nýja og endurskoðaða stefnu
og viðbragðsáætlun gegn
einelti, ofbeldi, kynferðislegri
og kynbundinni áreitni.
Á heimasíðu sveitarfélagsins
segir að allt starfsfólk þess eigi
rétt á að komið sé fram við það
af virðingu og umhyggju.
„Sveitarfélagið Skagafjörður
tekur skýra afstöðu gegn einelti,
kynferðislegri áreitni, kyn-
bundinni áreitni og ofbeldi.
Slík hegðun er ekki liðin á
vinnustöðum sveitarfélagsins
undir neinum kringumstæðum
og getur leitt til áminningar og
eftir atvikum starfsmissis. Með-
virkni starfsmanna í slíkum
tilvikum er jafnframt óásætt-
anleg,“ segir í áætluninni. /PF
10 44/2017
Hvernig nemandi varstu? Áhuga-
laus og óþekkur. Þyrfti að fá
einhvers konar greiningu sem fyrst.
Hvað er eftirminnilegast frá ferm-
ingardeginum? 3. apríl 1988 var
allt á kafi í snjó í Reykjavík. Ann-
ars fannst mér áberandi hvað við
fermingardrengirnir vorum litlir og
óþroskaðir miðað við fermingar-
stúlkurnar.
Hvað ætlaðir þú að verða þegar
þú yrðir stór? Lögfræðingur.
Hvert var uppáhalds leikfangið
þitt þegar þú varst krakki? Fjar-
stýrður Toyota Hi-Lux.
Besti ilmurinn? Rakarinn minn á
Siglufirði, Hrólfur Baldursson, selur
karlmannlega rakspíra sem allir
ilma vel.
Hvað varstu að hlusta á þegar þú
fékkst bílprófið? Ég hlustaði mikið
á The Doors.
Hvaða lag er líklegast að þú takir
í Kareókí? Love me tender Elvis
style, annars eitthvert lag frá Las
Vegas árum kóngsins.
Hverju missirðu helst ekki af
í sjónvarpinu? Ég horfi nánast
eingöngu á streymisveitur og er nú
að horfa á aðra þáttaröð Stranger
Things og Twin Peaks.
Besta bíómyndin? Apocalypse
Now eftir Coppola, margar frægar
setningar þar.
Hvaða íþróttamanni hefurðu
mestar mætur á? Æ, eru þeir ekki
allir að gera sitt bezta?
Hvað gerir þú betur en allir aðrir
á þínu heimili? Ég er húsbóndi á
mínu heimili og ræð hvenær ég
skúra.
Hvert er snilldarverkið þitt í
eldhúsinu? Ég raða mjög vandlega
í uppþvottavélina.
Hættulegasta helgarnammið?
Kaldur IPA bjór.
Hvernig er eggið best? Án
salmonellu.
Hvað fer mest í taugarnar á þér í
fari þínu? Ég fæ góðar hugmyndir
en kem engu í verk.
Hvað fer mest í taugarnar á þér í
fari annarra? Nöldur og tuð.
Uppáhalds málsháttur eða til-
( RABB-A-BABB ) oli@feykir.is
NAFN: Halldór Gunnar Hálfdansson.
ÁRGANGUR: 1974.
FJÖLSKYLDUHAGIR: Kvæntur sjö barna faðir, á von á því áttunda í
desember.
BÚSETA: Molastaðir, Fljótum.
HVERRA MANNA ERTU OG HVAR UPP ALINN: Móðir mín heitir Edda
Þorvarðardóttir, starfaði sem læknaritari, faðir Hálfdan
Henrýsson stýrimaður og skipaskoðunarmaður. Forfeður
voru líklega galdramenn og snærisþjófar á Hornströndum.
Fæddur í Reykjavík, bjó í Breiðholti, dvaldi lengst hjá ömmu
minni í 101.
STARF / NÁM: Bóndi og skólabílstjóri, búfræðingur frá Hvann-
eyri og næstum því kennari frá gamla Kennaraháskólanum
(átti eina önn eftir).
HVAÐ ER Í DEIGLUNNI: Að halda haus.
Halldór á
Molastöðum
vitnun? „Sjitt maður, sólin er
farin“ – þetta sagði frændi minn
þegar hann sofnaði í berjamó í
Stíflurétt og vaknaði þegar farið var
að dimma.
Hver er elsta minningin sem þú
átt? Ferðalög um Vestfirði með
fjölskyldunni og heimiliskettinum í
Land Rover '68. Enginn í beltum.
Hvaða teiknimyndapersóna höfð-
ar mest til þín? Kolbeinn kafteinn
í Tinna bókunum. Breyskleiki hans
höfðar til mín.
Hvaða fræga manneskja mundir
þú helst vilja vera? Mér finnst
nógu flókið að vera ég.
Hver er uppáhalds bókin þín og/
eða rithöfundur? Það er engin
sérstök bók í uppáhaldi, ég hélt
dálítið upp á Hallgrím Helgason
þegar hann var fyndinn.
Orð eða frasi sem þú notar of
mikið? „Kíki á þetta á morgun...“
Hver var mikilvægasta persóna
síðustu 100 ára að þínu mati?
Þetta er allt bezta fólk.
Ef þú gætir farið til baka í tímann,
hvert færirðu? Ég færi um Fljótin,
Siglufjörð og Héðinsfjörð árið
1936. Ég held nefnilega að ég sé
uppi á röngum tíma.
Hver væri titillinn á ævisögu
þinni? Hvert fór tíminn?
Framlenging:
Ef þú gætir hoppað upp í flugvél
og réðir hvert hún færi, þá
færirðu... Til New York, New York,
höfuðborgar heimsins.
Ef þú ættir að dvelja aleinn á
eyðieyju, hvaða þrjá hluti tækirðu
með þér? Ég þarf bara einn hlut og
það er konan mín.
Nefndu eitthvað þrennt sem þér
finnst þú mega til að gera áður
en þú gefur upp öndina: Eignast
fisflugvél, ferðast um með konunni
minni Maríu og hitta skrýtið fólk.