Feykir - 20.12.2017, Page 20

20 48/2017
Söngur vonar
Útgáfukynningar : Sólmundur Friðriksson
Sólmundur segist vera Aust-
firðingur í húð og hár, alinn
upp á Stöðvarfirði en fór þaðan
eftir barnaskóla og hefur búið
víðs vegar t.d. á Sauðárkróki, í
Reykjavík, á Þingeyri og
Flúðum; Noregi og svo í
Keflavík, þar sem hann hefur
verið búsettur síðustu ár. Hann
er giftur Hafdísi Lúðvíksdóttur
og eiga þau saman eina
fósturdóttur, Petreu Mist, en
einnig á hann tvær eldri dætur
af fyrra hjónabandi, Þær Hildi
og Agnesi. Sólmundur er
menntaður grunnskólakennari
en vinnur nú sem öryggisvörður
á Keflavíkurflugvelli.
Hvað getur þú sagt mér frá
disknum? -Platan mín, Söngur
vonar, er mín fyrsta sólóplata
og inniheldur 11 lög sem eru
Austfirðingurinn og fyrrverandi bassaleikari í Hljómsveit Geirmundar Valtýssonar,
Sólmundur Friðriksson, stundaði nám við FNV vel fyrir síðustu aldamót og er mörgum
Norðlendingum kunnur. Fyrir skömmu gaf hann út sinn fyrsta hljómdisk, Söngur vonar,
sem inniheldur ellefu lög sem eru flest samin á þessari öld, að undanskildu einu lagi sem
varð til þegar hann var um 12 ára. Tónlistin er frekar í mýkri kantinum og hefur verið
skilgreind af gagnrýnanda sem „soft rock“.
flest samin á þessari öld, að
undanskildu einu lagi sem varð
til þegar ég var um 12 ára.
Tónlistin er frekar í mýkri
kantinum og hefur verið
skilgreind af gagnrýnanda sem
„soft rock“. Textarnir eru
persónulegir, fjalla um lífið og
tilveruna á eins heiðarlegan og
opinskáan hátt og mér hefur
verið unnt. Á plötunni fæ ég til
liðs við mig góða og vel valda
tónlistarmenn sem flestir
tengjast mér á einn eða annan
hátt böndum fjölskyldu, vina
eða samstarfs. Það eru þeir
Arnór Vilbergsson á hammond,
Ingvar Alfreðsson á píanó og
orgel og Þorvaldur Halldórsson
á trommur, einnig blásararnir
Matthías Birgir Nardeau á óbó
og Ari Bragi Þorsteinsson á
trompet. Ég spila allan bassa og
syng flest lögin en dætur mínar
Hildur og Agnes, syngja sitt
lagið hvor, auk þess sem Birta
Sigurjónsdóttir jazzsöngkona
syngur eitt lag. En sá sem
stendur fremst í þessum hópi er
snillingurinn Davíð Sigurgeirs-
son, sem heldur utan um allar
útsetningar og hljóðvinnslu,
auk þess að sjá um nær allan
gítarleik. Hann fékk svo pabba
sinn, hinn alkunna rokkara,
Sigurgeir Sigmunds, til að spila
með sér dúett í instrumental
laginu „Blús fyrir Agga“.
Hvað hefur þú unnið lengi við
diskinn? -Aðdragandinn er
búinn að vera rúm 10 ár en hin
eiginlega vinna hófst nú í vor,
þegar ég settist fyrst yfir þetta
með Davíð. Upptökur fór svo
fram í sumar og lauk um það
leyti sem titillagið kom út, sem
var á Youtube 28. ágúst.
Var eitthvað sem kom þér á
óvart við gerð disksins? -Alveg
furðu margt, verð ég að segja.
Ég hafði aðeins komið að vinnu
við upptökur áður og taldi mig
vita vel að hverju ég gengi, en
þessi heimur hefur breyst svo
mikið á síðustu árum, og þar á
ég aðallega við vinnubrögðin
við hljóðvinnsluna og alla
möguleikana sem þar eru í boði.
Svo er þetta ferli líka búið að
vera mjög gagnlegt fyrir mig
sem söngvara. Maður er sífellt
að hlusta og pæla í röddinni
meðan á þessu stendur,
eiginlega að kynnast sjálfum sér
upp á nýtt, og svo heldur þetta
áfram eftir að platan er komin
út, þegar maður fer að hlusta.
Eins og mér líður í dag þá finnst
mér ég koma út úr þessu sem
betri söngvari. En svo kemur
bara í ljós hvað öðrum finnst.
Hefur þú gefið eitthvað út
áður? -Nei, þetta eru fyrstu
skrefin mín í að gefa út tónlist
en ekki þau síðustu ef ég fæ
einhverju um það ráðið, því ég á
nóg eftir í pokahorninu.
Sólmundur Friðriksson. MYNDIR ÚR EINKASAFNI
VIÐTAL
Páll Friðriksson
Söngur vonar er eiguleg plata.
ÍÞRÓTTAFRÉTTIR Fleiri íþróttafréttir á Feykir.isF
Frábær endurkoma
Tindastóls í Ásgarði
Dominosdeildin í körfu :: Stjarnan - Tindastóll 80-86
Tindastóll sótti lið Stjörnunnar
heim í Garðabæ sl. fimmtu-
dagskvöld í síðasta leik ársins
í Dominos-deildinni í körfu-
bolta. Reiknað var með
hörðum slag og það vantaði
ekkert upp á það. Lokatölur
80-86 í Ásgarði þar sem Pétur
Birgis var bestur.
Leikurinn fór líflega af stað
og skyttur beggja liða fengu að
spreyta sig. Pétur, Arnar og
Viðar voru heitir hjá Stólunum
en í liði Stjörnunnar voru
Róbert, Tómas og Eysteinn
atkvæðamestir. Stjörnumenn
kláruðu fyrsta leikhluta betur
og mestu munaði um flautuþrist
frá Tómasi og staðan 28-23 fyrir
heimamenn. Stólarnir voru
arfaslakir í öðrum leikhluta.
Sóknarleikurinn gekk brösug-
lega og mikið um mistök. Virt-
ust Stólarnir eitthvað annars
hugar – kannski ætlað í jólainn-
kaup í Costco – og Stjörnumenn
gengu á lagið, röðuðu niður
körfum og fóru með 14 stiga
forystu inn í hlé. Staðan 53-39.
Sem segir okkur að varnar-
leikur Tindastóls hafi ekki verið
til fyrirmyndar. Israel Martin,
þjálfari Stólanna, sagði kampa-
kátur að leik loknum að hann
vissi að liðið sitt gæti spilað frá-
bæra vörn en sóknarleikurinn
væri stundum meiri höfuðverk-
ur. Hvoru tveggja hrökk í gang í
byrjun þriðja leikhluta. Á fyrstu
fimm mínútunum gerðu Stól-
arnir 20 stig en Stjarnan tvö og
staðan skyndilega 55-59. Að
sjálfsögðu fór fyrirliðinn af
Fagranesætt fyrir sínum mönn-
um í varnarbaráttunni á þessum
kafla en hann fékk sína fjórðu
villu skömmu eftir þetta og
leikurinn komst í meira jafn-
vægi á ný. Þegar þriðja leikhluta
lauk munaði tveimur stigum,
staðan 66-68 fyrir Tindastól.
Stjarnan náði forystunni á
ný í byrjun fjórða leikhluta, 70-
68, en fallegur þristur frá Arnari
kom Stólunum aftur á bragðið
og Pétur bætti við fimm stigum
í kjölfarið. Stólarnir náðu 12
stiga áhlaupi, komust í 70-80, og
eftir það var ljóst að róðurinn
mundi reynast heimamönnum
erfiður. Þá munaði talsvert um
að Hlynur Bærings sá vart til
sólar í leiknum, var aðeins
kominn með eitt stig þegar sjö
mínútur voru til leiksloka, og
spiluðu Stólarnir frábæra vörn á
hann. Það sem eftir lifði leiks
reyndu heimamenn hvað þeir
gátu til að koma sér inn í leikinn
á ný en þrátt fyrir mistækan
sóknarleik Stólanna síðustu
fimm mínútur leiksins þá hélt
vörnin vel og Stjarnan náði
mest að minnka muninn í sex
stig þegar rúm ein og hálf
mínúta var til leiksloka.
Góður sigur og frábær end-
urkoma Stólanna gladdi fjöl-
menna stuðningsmannasveit
Tindastóls sem var mætt í
Garðabæinn. Pétur var frábær í
leiknum og var stigahæstur
með 26 stig og tók þar að auki
flest fráköst Tindastólsmanna,
sjö stykki. Sigtryggur Arnar
skilaði 17 stigum og Hester var
með 12 stig. Aðrir leikmenn
stóðu vel fyrir sínu. /ÓAB
Helgi Rafn, Sigrryggur Arnar og Pétur spiluðu vel gegn Stjörnunni. Hér eru þeir í leik gegn Haukum fyrr í vetur. MYND: HJALTI ÁRNA