Feykir - 21.03.2018, Blaðsíða 2

Í dag er Alþjóðlegi Downs-dagurinn. Í tilefni af því er fólk
um allan heim hvatt til að klæðast litríkum sokkum til að
leggja áherslu á fjölbreytileikann. Eins og venjulega
leggjast Íslendingar á eitt og skella sér flestir í marglita
sokka, það er jú sjálfsagt mál að
sýna samstöðu með góðu
málefni, eitthvað sem við sem
þjóð erum afskaplega dugleg að
gera.

En hver er svo hin raunverulega
afstaða þjóðarinnar til Downs-
heilkennisins? Er hægt að mæla
hana á einhvern hátt? Við vitum
að á Íslandi fara um 80 prósent
þungaðra kvenna í fósturskimun fyrir Downs-heilkenni og
er það hlutfall með því hæsta sem gerist í heiminum. Eftir
að umrædd skimun var gerð aðgengileg fyrir allar konur
um síðustu aldamót hefur þeim einstaklingum sem fæðast
með Downs-heilkenni fækkað umtalsvert og staðan er sú
að nær öllum fóstrum sem greinast með heilkennið er nú
eytt. Sem dæmi má nefna að á árinu 2013 greindust 15
fóstur með Downs og var þeim öllum eytt en tvö börn með
Downs-heilkennið fæddust það ár sem er sami fjöldi og að
meðaltali á árunum á undan.
Þetta vekur að sjálfsögðu upp margar siðferðislegar
spurningar og hafa margir bent á að skimuninni hafi ekki
verið fylgt eftir með nauðsynlegri fræðslu og umræðu.
Margoft hefur verið bent á það að Downs er ekki sjúkdómur
og að einstaklingar með Downs-heilkennið lifa almennt
góðu lífi bæði í leik og starfi. Heilkenninu verður heldur
ekki útrýmt líkt og sjúkdómum þó fóstrum sé eytt þar sem
ekki er um að ræða „galla“ sem gengur í erfðir.
Nú hefur Downs-félagið á Íslandi gefið úr upplýsinga-
bækling um fósturskimun fyrir Downs-heilkenni í þeirri
von að hann hjálpi fólki að gera sér grein fyrir því sem býr
að baki skimuninni. Samtölin halda úti heimasíðunni
Downs.is og eru heimildir að þessum pistli mestmegnis
sóttar þangað.
Með þessum orðum mínum er ég alls ekki að setjast í
dómarasæti yfir þeim sem hafa látið eyða fóstri með
litningagalla. Það er hins vegar skoðun mín að ekki sé þörf
á skimunum í nærri öllum þeim tilvikum sem þær eru
gerðar og að mikil þörf sé á að auka fræðslu og ráðgjöf á
þessum vettvangi. Fögnum fjölbreytileikanum!
Fríða Eyjólfsdóttir,
blaðamaður
LEIÐARI
Marglitir sokkar
Útgefandi: Nýprent ehf., Borgarflöt 1, Sauðárkróki
Póstfang Feykis: Borgarflöt 1, 550 Sauðárkrókur
Ritstjóri & ábyrgðarmaður:
Páll Friðriksson, palli@feykir.is & 861 9842
Blaðamenn:
Fríða Eyjólfsdóttir, frida@feykir.is & 867 9744,
Óli Arnar Brynjarsson, oli@feykir.is
Áskriftarverð: 530 kr. hvert tölublað með vsk. Lausasöluverð: 650 kr. m.vsk.
Áskrift og dreifing: Nýprent ehf. Sími 455 7171.
Umbrot og prentun: Nýprent ehf.
Óháð fréttablað á Norðurlandi vestra - alltaf á miðvikudögum
Í síðustu viku var landað 370.099 kílóum í
höfnum á Norðurlandi vestra. Á Skagaströnd
lönduðu sjö bátar rúmum 39 tonnum, á
Sauðárkróki lönduðu fimm skip og bátar
rúmum 330 tonnum og á Hofsósi landaði einn
bátur 279 kílóum.
Engar aflafréttir voru í síðasta tölublaði
Feykis en í vikunni 4.-10. mars bárust 343.610
kíló til Sauðárkróks með fjórum skipum og
bátum. Þar af var Málmey SK 1 með mestan afla
eða 196.622 kíló. Í þeirri viku lönduðu átta skip
og bátar á Skagaströnd. Með mestan afla var
Arnar HU 1 sem kom með 378.530 kíló en
heildaraflinn á Skagaströnd þá vikuna var
403.285 kíló. /FE
Aflatölur á Norðurlandi vestra 11. – 17. mars 2018
Ríflega 330 tonnum landað á Króknum
SKIP/BÁTUR VEIÐARFÆRI KG SKIP/BÁTUR VEIÐARFÆRI KG
HOFSÓS
Geisli SK 66 Handfæri 279
Alls á Hofsósi 279
SKAGASTRÖND
Alda HU 112 Lína 3.942
Bergur sterki HU 17 Landbeitt lína 2.536
Dagrún HU 121 Þorskfiskinet 9.831
Katrín GK 266 Landbeitt lína 8.432
Onni HU 36 Dragnót 5.983
Ólafur Magnússon Þorskfiskinet 4.838
Sæfari HU 212 Landbeitt lína 3.840
Alls á Skagaströnd 39.402
SAUÐÁRKRÓKUR
Drangey SK 2 Botnvarpa 142.955
Fannar SK 11 Landbeitt lína 3.092
Gammur SK 12 Rauðmaganet 680
Málmey SK 1 Botnvarpa 164.786
Sigurborg SH 12 Rækjuvarpa 18.905
Alls á Sauðárkróki 330.418
Líf og fjör í Vörusmiðjunni
Skagaströnd
Ástæða heimsóknarinnar var
að hluti af námskeiðinu fer fram
í Vörusmiðjunni. Í þessari
heimsókn var framkvæmd sýni-
kennsla þar sem leiðbeinand-
inn, Páll Friðriksson, fór í
gegnum nokkra þætti matvæla-
vinnslu t.d. fars- og pylsugerð.
Útbúin voru sýnishorn af
ýmsum spennandi vörum sem
áhugavert verður að sjá hvort
unnið verður með áfram.
Þátttakendum námskeiðsins
stendur síðan til boða að nýta
heilan dag út af fyrir sig í
Vörusmiðjunni án endurgjalds
þar sem slíkt er innifalið í
námskeiðinu. Fólk getur þannig
nýtt kunnáttu sína til þróunar-
starfs í eigin þágu sem við
vonum að endingu muni skila
sér í fjölbreyttara vöruúrvali
fyrir okkur neytendur. /Fréttatilk.
Nemendur Farskóla Norðurlands vestra, sem sækja
námskeiðið Beint frá býli, komu í heimsókn í Vörusmiðju
BioPol á Skagaströnd fyrr í mánuðinum.
Hluti nemanda Farskólans í Vörusmiðju BioPol á Skagaströnd. MYND AÐSEND
Mottumarshátíð í Miðgarði
Dagskrá á vegum Kiwanisklúbbsins Drang-
eyjar og Krabbameinsfélags Skagafjarðar
Kiwanisklúbburinn Drangey
og Krabbameinsfélag Skaga-
fjarðar efndu á fimmtudaginn
í síðustu viku til mottumars-
hátíðar sem haldin var í
Menningarhúsinu Miðgarði
en Kiwanisklúbburinn fagnar
40 ára afmæli á þessu ári.
Ýmis atriði voru á dagskrá
hátíðarinnar, m.a. flutti María
Reykdal, sálfræðingur, erindi
um sálgæslu og sálfræðiaðstoð
krabbameinssjúkra og Þor-
steinn Þorsteinsson yfirlæknir
á HSN á Sauðárkróki sagði frá
speglunarverkefni sem HSN
hefur staðið fyrir ásamt
Kiwanisklúbbnum Drangey
undanfarin ár og felst í því að
öllum Skagfirðingum er boðið
upp á fría ristilspeglun á 55 ára
afmælisári þeirra. Gunnsteinn
Björnsson afhenti formlega
gjafabréf fyrir fullkomnum
speglunartækjum sem notuð
eru í því skyni og einnig
viðurkenningar í þakklætis-
skyni til aðila sem hafa staðið
við bakið á klúbbnum og stutt
við þau verkefni sem klúbb-
urinn hefur staðið að. Má þar
nefna, auk speglunartækjanna,
tvær bifreiðar fyrir sambýli
fatlaðra sem gefnar voru á 20
og 30 ára afmælum klúbbsins.
Að lokum var gestum boðið
að vera viðstaddir opna æfingu
hjá Karlakórnum Heimi. /FE
Hluti þeirra sem fengu viðurkenninga frá Kiwanisklúbbnum Drangey. MYND: SG
2 12/2018