Feykir - 21.03.2018, Blaðsíða 8
hún væri alveg með þetta
í sér. Við Bokka gengum
smalaveginn oft grýttan og
brattan og minnist ég hennar
af mikilli virðingu.
Munum svo gott fólk að
ánægðasta fólkið hefur ekki
allt það besta heldur gerir
það besta úr öllu.
- - - - - - -
Ég ætla að skora á Ásmund
Óskar Einarsson í Grænuhlíð
að koma með pistil.
Nú lét ég plata mig. Að
skrifa hugleiðingar sínar
á blað er ákveðin áskorun
þegar maður veit ekkert
hvað maður á að skrifa um.
Nú myndi Zophonías vinur
minn í Hnausum hnussa og
segja: „Og þú sem ert alltaf
kjaftandi.“
Að alast upp í sveit eru
forréttindi, ég ólst upp á
Snæringsstöðum í Svínadal
í Svínavatnshreppi hinum
forna. Við krakkarnir hlupum
eða skoppuðum á milli bæja
lékum svolítið á hverjum bæ
og höfðum okkur svo hvert
til síns heima fyrir kvöldið.
Oft voru margir kílómetrar
farnir yfir daginn hjólandi,
labbandi eða skoppandi
á tréskafti með hesthaus
framan á, allt mjög hollt fyrir
atorkusama krakka.
Fullorðinsárin tóku við og
fór ég að vinna á bæjunum
í sveitinni því nám heillaði
ekki sveitapjakkinn. En
lífsins skóli er ekki síðri
menntun en önnur ef svo
má segja, alla vega ef
maður hefur vit á að gera
mistök og læra af þeim. Ég
starfaði á mörgum bæjum
og lærði sumstaðar hvernig
á að gera hlutina og annars
staðar hvernig á ekki að gera
hlutina, en alls staðar var
maður hjá góðu fólki. Og í
dag er ég kominn á þann
aldur sem kallarnir voru á
þegar ég starfaði hjá þeim
og sé nú að þeir voru ekki
eins gamlir og manni fannst.
Hundaáhuga hef ég haft
frá unga aldri sem hefur
magnast með árunum.
Ungur að árum sá ég Einar
á Mosfelli vinna með Border
Collie tíkurnar sínar sem var
hin gagnlegasta skemmtun.
Besti vinur mannsins hefur
fylgt manninum í gegnum
súrt og sætt. Einstaklega
skynugar skepnur hvort sem
um ræðir blindrahunda,
leitarhunda, fíkniefnahunda,
fjárhunda sem og aðra
hunda sem gegna því
hlutverki að vera vinur
mannsins í lífsins raunum.
Þegar ég byrjaði sjálfur að
búa gaf Ingi á Löngumýri
mér tík sem ég skýrði Bokku
og var hún mesti kosta
gripur. Kenndi hún mér mun
meira en ég henni. Gengum
við Bokka saman í gegnum
námskeið hjá Gunnari á
Daðastöðum og sagði hann
mér að læra af tíkinni því að
ÁSKORENDAPENNINN
Bjarki Benediktsson Breiðavaði
Gerir það besta úr öllu
UMSJÓN
palli@feykir.is
Bjarki Benediktsson og bestu vinir mannsins. MYND ÚR EINKASAFNI
Fyrir skömmu skrifuðu Ásta Björg
Pálmadóttir, sveitarstjóri í Skagafirði,
Haukur Valtýsson, formaður
Ungmennafélags Íslands, og Arnrún
Halla Arnórsdóttir, þá formaður
Ungmennasambands Skagafjarðar,
undir samning um Landsmótið,
sem haldið verður á Sauðárkróki
í sumar. Fór undirritunin fram í
hálfleik er Stjörnumenn voru teknir í
kennslustund af Tindastólsmönnum
í Domino´s deildinni, 87:67 í Síkinu á
Sauðárkróki.
Markmið samningsins er að skilgreina
sem best aðkomu allra aðila að
mótahaldinu og segir Haukur mótið
nokkuð breytt frá því sem verið hefur.
„Þetta hefur verið þetta hefðbundna
stóra landsmót sem UMFÍ hefur staðið
fyrir en hefur verið í verulegri endur-
nýjun lífdaga. Við höfum verið að reyna
að færa okkur meira yfir á lýðheilsu-
sviðið,“ segir Haukur.
Haldnar eru keppnir í alls konar
íþróttum og Íslandsmótum sem UMFÍ
er ekki að sinna en hann segir að reynt
verði að höfða til þeirra sem alla jafna
eru minna í afreksmennskunni.
„Hér ætlum við að bjóða fólki, hvort
sem það er í afreksíþróttum eða bara
almenningi, að koma og prófa, að það fái
að reyna sig hér. Ég bind miklar vonir við
að þetta nái að festa sig í sessi því að það
Skrifað undir samstarfssamning vegna Landsmóts UMFÍ
Fyrst og fremst skemmtilegt mót
ríður á að fara að vinna í bættri lýðheilsu
í landinu. Þetta er framlag UMFÍ til þess.
Við höfum líka verið að vinna að því að
fá sérsambönd og jaðaríþróttasambönd
og hina og þessa einstaklinga, sem eru
fagaðilar á sínu sviði í ákveðnum
íþróttum, til þess að koma og standa
með okkur að þessu. Ég er mjög
bjartsýnn á að þetta verði skemmtilegt
og þrep fram á við og að fólk fari að horfa
meira til þess að hugsa um heilsuna, að
lýðheilsa landsins verði betri,“ segir
Haukur og leggur áherslu á að mótið eigi
fyrst og fremst að vera skemmtilegt. /PF
Ásta Björg Pálmadóttir, Haukur Valtýsson og Arnrún Halla Arnórsdóttir búin að rita nöfn sín á samning um Landsmótið á Sauðárkróki. MYND PF
8 12/2018