Feykir - 21.03.2018, Síða 4

AÐSENT : Arnrún Halla Arnórsdóttir skrifar
Að bæta sjálfan sig og samfélagið um leið
Í tilefni 98. ársþings UMSS sem haldið var 10. mars síðastliðinn
Ágætu Skagfirðingar!
Markmið ungmennasambandins er
að stuðla að auknu samstarfi
aðildarfélaga, vinna að öðrum
sameinginlegum hagsmunamálum
þeirra og vera málsvari þeirra og
tengiliður við UMFÍ og ÍSÍ. Sterk
staða og traust til sam-
bandsins skiptir því
miklu fyrir allt íþróttalífið
í firðinum. Ungmenna-
samband Skagafjarðar er
elsta starfandi ung-
mennsamband landsins.
Hlutverk þess hefur
legið svolítið á milli hluta
undanfarin ár en
síðastlið ár leyfi ég mér
að fullyrða að spítt hefur
verið allverulega í.
En betur má ef duga skal
og nú er lag að allir standi
saman. Þetta snýst nefnilega bara
einfaldlega um það. Samtal og sam-
vinnu, þar sem ábyrgðin er allra.
Rekstargrundvöllur UMSS er við-
kvæmur og halda þarf vel á spöðunum
til að tryggja áframhaldandi uppbygg-
ingu, aðildarfélögum og öllu sam-
félaginu til heilla. Vil ég þar draga fram
mikilvægi þess að hafa góðan fram-
kvæmdastjóra, sem við erum svo
heppin að hafa nú. Hann er gríðarlega
mikilvægur sem stuðningsaðili, tengill
og upplýsingagjafi fyrir öll aðildarfélög
og sveitarfélögin hér í firðinum.
Vil ég í því sambandi nefna að ný
heimasíða sambandsins verður opnuð á
næstu dögum og hvet ég alla til að
kynna sér hana og starfsemina á www.
umss.is. Um leið vil ég benda á að í
sumar 12.–15. júlí verður haldið á
Sauðárkróki Landsmót UMFÍ og
Landsmót 50+. Er þetta í fyrsta sinn
sem þessi mót eru keyrð saman með
breyttu sniði. Hér er á ferðinni einstakt
tækifæri til að taka þátt í
að búa til nýja tegund af
skemmtun, eina allsherjar
íþróttaveislu þar sem
áherslan verður á gleði og
samveru, auk þess sem
hægt er að koma og prófa
margar nýjar íþróttagrein-
ar.
Leggur stjórn UMSS ríka
á herslu á það við að-
ildarfélög sín að þau kynni
sér umgjörð mótsins og
hvetji sína félagsmenn til
að taka þátt sem og aðra í
samfélaginu. Hægt er að
kynna sér Landsmótið á heimasíðu
þess www.landsmotid.is
Ungmennasamband Skagafjarðar
hefur ráðist í ýmis verkefni á árinu til
að styrkja stoðir sambandsins og
aðildarfélaga. Meðal stærri verkefnanna
er undirbúningur viðurkenningarinnar
Fyrirmyndarhérað ÍSÍ sem stefnt er á
að félagið fái á Landsmótinu í sumar.
Það felur í sér nákvæma kortlagningu
og skýrar skilgreiningar á innviðum
sambandsins og stjórnskipulagi, fjár-
hagslegum rekstri og starfsumhverfi.
Til að uppfylla þessi skilyrði - og
löngu tímabært - var ráðist í að ganga
frá samningi við sveitarfélagið Skaga-
fjörð og Akrahrepp. Einnig til uppfyll-
ingar skilyrða fyrirmyndarhéraðs - og
líka löngu tímabært - var farið í að gera
siðareglur, jafnréttisstefnu, forvarnar-
og fræðslusefnu, félagsmálastefnu og
umhverfisstefnu UMSS sem gildir fyrir
öll aðildarfélög þess.
Því til viðbótar gekk stjórnin í að
gera viðbragðsáætlun UMSS vegna
aga- eða ofbeldisbrota, eineltis, kyn-
ferðislegrar og kyndbundinnar áreitni.
Þar er einnig sérstök viðbragðsáætlun
vegna agabrota sem eru brot gegn sér-
merktum siðareglum og varðar iðk-
endur eldri en 18 ára og þjálfara.
Allsherjar viðbragðsáætlun fyrir
íþróttafélög er til vinnslu í ráðuneyti
íþróttamála og ákvað stjórn að bíða
ekki eftir því heldur ríða á vaðið. Hægt
verður þá að enduskoða áætlunina
þegar frekari upplýsingar koma frá
ráðuneyti.
Þessar reglur, stefnur og áætlun
fengu umfjöllun á ársþingi UMSS 2018
og eftir nefndaryfirferð og breytingar
voru þær samþykktar samhljóma. Er
það einlæg ósk stjórnar að öll aðildar-
félög taki sig saman og sameinist um að
marka þessa skýru stefnu í hegðunar-
viðmiðum fyrir alla, iðkendur, þjálfara,
starfsmenn, stjórnarmenn, foreldra og
stuðningsmenn. Slíkt er mikilvægt til
að styrkja stöðu sambandsins og
aðildarfélaga sem forsvarsaðila íþrótta-
starfs í Skagafirði.
Fimmtudaginn 8. mars samþykkti
byggðarráð sveitarfélagsins Skaga-
fjarðar skilyrtan fjárstyrk til kynningar
á siðareglunum, stefnunum og við-
bragðsáætluninni auk útgjalda vegna
frekari fræðslu til iðkenda og alls
starfsfólks hvað varðar samskipti og
samvinnu. Ráðist verður í þessa
kynningu á næstu mánuðum til allra
iðkenda, foreldra, þjálfara, starfsfólks,
stjórnarfólks og stuðningamanna og
mun þetta því skila sér hér út í
samfélagið allt. Þetta verða ekki bara
orð á blaði.
Mikilvægi sterkrar íþróttamenning-
ar fyrir allt samfélagið er óumdeilt. Til
þess að slíkt verði að veruleika og
viðhaldist þurfa allir að leggja sig fram.
Þetta snýst fyrst og fremst um framtíð
barnanna okkar. Hver þeirra lífsgildi og
lífsgæði verða. Íþróttaiðkun hefur marg
sannað sig, ekki einugis tengt betri
heilsu, andlegri og líkamlegri, heldur
ekki síður til þroska góðra mannkosta
og virðingar fyrir öllum.
Nú á Ársþinginu var gerð gangskör í
að tryggja grunn þeirrar hugmynda-
fræði sem starfsemi íþróttafélaga
verður að byggja á til að markmið
hennar skili sér til iðkenda og þeir geti
stundað sínar íþróttir í öruggu um-
hverfi sem einblínir á styrkleika hvers
og eins, elur upp metnað og meðvitund
um ábyrgð hvers og eins á hegðun sinni
og gjörðum.
Með orðum forseta vors og vernd-
ara ungmennafélagshreyfingarinnar,
Guðna Th. Jóhannessonar, vil ég þakka
fyrir mig: „Andi UMFÍ er að einblína á
að bæta sjálfan sig og samfélagið um
leið.“
Um leið óska ég nýjum formanni
UMSS, Klöru Helgadóttur, velfarnaðar
í starfi.
Arnrún Halla Arnórsdóttir,
fráfarandi formaður UMSS
Rúnar Kristjánsson
Í Kolkuósi
Ég stend hér hljóður stundarkorn
í sterku hugarljósi,
sem leiðir til mín leiftur forn
um líf í Kolkuósi.

Í kringum þessar klappir hér
var kaupstefna til forna.
Og hugur minn hér myndir sér
um mannlífstímann horfna.
Menn segl við lok á sævarför
að siglutoppum hófu,
og hverjir öðrum sendu svör
í sjómannstali grófu.
Þeir fundu best á sjálfum sér
að sæl var hvíld frá Ægi,
að inn við hyl í ósnum hér
var öruggt skipalægi.
Og hér með elju unnið var
við uppskipun á vörum.
Og margur það frá borði bar
sem bætti úr landans kjörum.
Minn hugur nemur þys og þröng
í þessu hafnar vari.
Og viðskipti jafnt rétt sem röng
í reikningslegu fari.
Til ágóða menn sóttu um sæ
og sinntu kaupmennskunni.
En margur kom frá mörgum bæ
sem miður brögðin kunni.
Svo arðrán var hér oftast til
og ýmsir vitlaust mældu.
En ekki buðust betri skil
og bændur mörgu hældu.
Við misjöfn kjör býr mannlíf allt
og margur til er refur.
En sá á gengi verra en valt
sem verslun enga hefur.
Og þeir sem hingað sóttu um sæ
með sína vöru í lestum,
þeir færðu margt í bú og bæ
sem björg var svo til flestum.
Sú vara fullu verði greidd
úr vöntun sárri leysti.
Var heim með gleði á hestum reidd,
á hana fjöldinn treysti.
Svo áfram lifir staðreynd sterk
sem styðja vottar margir,
að gömul höfn, að gildi merk,
hér glæddi líf og bjargir.
Svo gott er það að gleyma ei
þeim gusti er fór um hugi,
er hingað sigldu af hafi fley
og hér var allt á flugi.
Hver tíð á sitt í sögu og gerð
og setur mark í vörðu.
Þar allt á sína yfirferð
og ævi hér á jörðu.
Og kaupstefna við Kolkuós
var kostur liðins tíma.
Nú annað líf til lands og sjós
þarf lýður við að glíma!
4 12/2018