Feykir - 21.03.2018, Blaðsíða 7

ekki síst þegar Vestari-Jökulsá
var þveruð á snjóbrúm. Enginn
vill lenda ofan í henni enda fóru
menn gætilega og komust heilir
á leiðarenda.
Skiptabakki er skáli Skaga-
fjarðardeildar Ferðaklúbbsins
4×4 og er staðsettur á Goðdala-
fjalli í Hofsafrétt á Eyvindar-
staðaheiði norðan Hofsjökuls.
Þar var búið að fíra upp í
eldavélinni og hita upp fyrir
gesti sem gæddu sér á heitu kaffi
og dásemdar kleinum. Skálinn
er afskaplega vinalegur og
sögur herma að margur hafi átt
dásemdar stundir þar í gegnum
tíðina.
Eftir kaffið héldu menn af
stað út eftir Goðdalafjallinu og
í áttina heimleiðis. Gekk allt vel
fyrir sig og komu allir bílar heilir
heim sem á annað borð lögðu
upp í ferðina þann daginn og
afskaplega góð ferð að baki.

Góður dagur að baki
Undirritaður fór ekki með í
túrinn daginn eftir en að sögn
Benedikts Rúnars Egilssonar,
formanns Skagafjarðardeildar
var farið upp Goðdalafjall og
vestur í Ströngukvíslarskála.
Tókst sú ferð, líkt og fyrri
daginn, mjög vel utan að einn
bíll bilaði og var dreginn til
byggða. Endaði dagurinn á mat
og gleði í Miðgarði.
Benedikt telur að um 40
jeppar hafi tekið þátt fyrri
daginn en heldur fleiri voru
þann seinni eða upp undir 70
bílar.
Undirritaður þakkar öllum
samfylgdina, og sérstaklega
ferðafélaganum á Prinsinum,
Unnari Egilssyni, sem keyrði
sinn eðaljeppa eins og sannur
fjallaferðalangur, af öryggi og
gleði.
Feðgarnir Bjarni Hörður og Halldór Bjarnason ásamt Unnari Egili og Stefáni Jóns.
Frá þessari vörðu eru um 100 km út á Sauðárkrók.
Veðrið lék við ferðalanga sem sleiktu sólina í Skiptabakka.
Gerður var stuttur stans í Ingólfsskála.
12/2018 7