Feykir - 02.05.2018, Síða 5

F ÍÞRÓTTAFRÉTTIR Fleiri íþróttafréttir á Feykir.is
Frábæru tímabili Tindastóls lauk í Vesturbænum
KR meistari
Tindastóll laut í lægra haldi
fyrir sterku liði KR í þriðja og
fjórða leik liðanna um
Íslandsmeistaratitilinn í
körfubolta og KR fagnaði því
3-1 sigri í einvíginu og sínum
fimmta titli á fimm árum
undir stjórn Finns Freys
Stefánssonar. Til hamingju
KR – magnaður árangur!
Tindastóll – KR 75-77
Þriðji leikur liðanna fór fram í
úttroðnu Síki og var stemningin
mögnuð. Stólarnir höfðu yfir-
höndina framan af leik en KR
var aldrei langt undan. Heima-
menn voru yfir, 45-41, í hálfleik
og leiddu fram undir miðjan
þriðja leikhluta en þá hleyptu
Vesturbæingar meiri hörku í
leik sinn og náðu upp sterkri
vörn sem Stólarnir náðu ekki
að leysa. Kristófer Acox kom
KR 12 stigum yfir þegar rúmar
sex mínútur voru eftir en þá
loksins náðu Tindastólsmenn
að skrúfa fyrir í vörninni og
loksins fóru skotin að detta.
Pétur jafnaði með ævintýra-
þristi þegar 26 sekúndur voru
eftir en Brynjar Þór átti loka-
skot leiksins þegar sekúnda var
eftir og vann leikinn, 75-77.
Pétur var bestur í liði Tinda-
stóls með 24 stig og 10 stoð-
sendingar. Hester var enn í
brasi með lappirnar á sér og
munaði um minna.
KR – Tindastóll 89-73
Stólarnir komust í 0-7 eftir rétt
rúma mínútu í DHL-höllinni í
fjórða leiknum sem leikinn var
sl. laugardagskvöld. KR tók
leikhlé og tóku leikinn yfir eftir
það. Staðan var 44-33 í hálfleik
en Tindastóll, með Arnar í
miklu stuði, minnkaði mun-
inn í þrjú stig í upphafi síðari
hálfleiks en eftir það tók lið KR
aftur völdin í leiknum og vann
öruggan sigur þrátt fyrir góða
baráttu Tindastóls, 89-73.
Arnar var stigahæstur í liði
Tindastóls með 27 stig en Pétur
var flottur með 14 stig, 10
fráköst og 9 stoðsendingar.
Pétur og Arnar áfram
Það var sannarlega skítt að tapa
þessari rimmu en lukkan var
ekki með Stólunum þegar kom
að meiðslum í þessum síðustu
leikjum. Það voru þó góðar
fréttir að leik loknum því bæði
Arnar Björns og Pétur Birgis
ætla að spila með Stólunum
næsta vetur og ekki var annað
að heyra á Israel Martin,
þjálfara Tindastóls, en að hann
væri þegar farinn að leggja
línurnar fyrir næsta tímabil.
Stuðningsmenn Tindastóls
eru stoltir af frammistöðu
strákanna í vetur og þakklátir
fyrir magnað tímabil og senni-
lega eru flestir farnir að telja
niður til fyrsta leiks í haust. /ÓAB
Sigurskotið í einvígi Tindastóls-KR. Brynjar Þór setur þarna ótrúlegt skot yfir Pétur á
síðustu sekúndu í þriðja leik liðanna í Síkinu og vann með því leikinn. Þær voru margar
góðar körfurnar í leikjunum fjórum en þetta var mikilvægast. MYND: HJALTI ÁRNA
ENDURMENNTUN BÍLSTJÓRA
VÖRU- OG HÓPBIFREIÐA
Réttindi til að aka bifreið í C1, C, D1, og D- flokki í atvinnuskyni.
Skráning stendur yfir á námskeið til endurmenntunar bílstjóra,
sem hefst fimmtudaginn 10. maí.

10. maí, fimmtudagur kl. 09:00. 4. lota - vöruflutningar.
19. maí, laugardagur kl. 09:00. 5. lota - farþegaflutningar.
Sem kunnugt er orðið skulu allir þeir sem hafa atvinnu af akstri vöru- eða hópbifreiða
hafa lokið endurmenntunarnámskeiði fyrir 10. september 2018.
Þátttakendur eru ekki bundnir af því að taka þessar 5 lotur, sem kveðið er á um,
í sérstakri röð og geta þar af leiðandi komið í 4. og 5. lotu,
sem fyrstu tvær loturnar af 5.
Upplýsingar ; Birgir Örn Hreinsson, ökukennari
S: 892 1790 eða bigh@simnet.is
Ökuskóli Norðurlands vestra Sauðárkróki í samstarfi við Ökuland ehf.
17/2018 5
Byggðastofnun – nýbygging
Sauðármýri 2, Sauðárkróki
ÚTBOÐ NR. 20728
Framkvæmdasýsla ríkisins, fyrir hönd Byggðastofnunar óskar eftir tilboðum í
verkið „Byggðastofnun – nýbygging“ , Sauðármýri 2, Sauðárkróki.
Um er að ræða jarðvinnu, uppsteypu og fullbúið hús og allan frágang að utan
og innan, ásamt lóð. Byggingin er 998 m² á tveimur hæðum og með kjallara
undir hluta hússins.
Helstu magntölur:
Gröftur á lausum og föstum jarðvegi, um 3.400 m³
Fyllingar undir og að mannvirki, um 3.400 m³
Almenn steypumót, um 3.500 m²
Bendistál í plötur og veggi, um 55.000 kg
Steinsteypa í veggi, plötur, bita og súlur, um 555 m³
Forsteyptar einingar, um 530 m²
Múrfrágangur, um 1.500 m²
Gifsveggir, um 300 m²
Parketlögn, um 418 m²
Kerfisloft niðurhengd, um 700 m²
Málun veggja og lofta, um 2.000 m²
Verkefnið hefur verið unnið samkvæmt aðferðarfræði upplýsingalíkana mannvirkja
(Building Information Modeling - BIM) og aðferðafræði vistvænnar hönnunar.
Stefnt er að því að byggingin verði vottuð sem vistvænt mannvirki samkvæmt
alþjóðlega vottunarkerfinu BREEAM.
Verkinu skal vera að fullu lokið 30. september 2019.
Útboðsgögn verða til sýnis og sölu á kr. 3.500 hjá Ríkiskaupum, Borgartúni 7C, 105
Reykjavík frá og með miðvikudeginum 2. maí 2018.
Tilboðin verða opnuð hjá Ríkiskaupum, þriðjudaginn 15. maí 2014 kl. 11:00
að viðstöddum þeim bjóðendum sem þess óska.