Feykir - 29.08.2018, Page 10

Sigríður Bjarney Aadnegard
hefur búið á Blönduósi frá
barnsasldri og starfað þar
lengst af, fyrst sem
leikskólakennari en síðar sem
grunnskólakennari og
aðstoðarskólastjóri. Nú er
hún að hefja sitt áttunda ár
sem skólastjóri við
Húnavallaskóla.
Hún hefur alltaf verið
áhugasöm um lestur og segist
hafa lært að lesa með því að
fylgjast vel með þegar bróðir
hennar, tveimur árum eldri,
lærði þá list. Frá því að Sigríður
var fimm ára og las Gagn og
gaman spjaldanna á milli
hefur hún farið höndum um
allnokkrar bækur, bæði til
eigin ánægjuauka og einnig
segir hún að áhugasviðið í
námi hennar til kennslurétt-
inda hafi verið læsi og lestrar-
kennsla. „Áhugi á bóklestri
hefur þó sveiflast,“ segir
Sigríður, „það hafa verið tíma-
bil sem ég hef lítið lesið en
með aldrinum gef ég lestri og
bókagrúski meiri tíma.“
Sigríður á tvö barnabörn sem
búa erlendis. „Við notum
Skype mikið til samskipta sem
er dásamleg uppfinning fyrir
ömmur, ég kalla mig stundum
ömmu-Skype,“ segir Sigríður
sem les stundum fyrir barna-
börnin í gegnum Skype og hef-
ur bók Vilborgar Dagbjarts-
dóttur, Alli Nalli og tunglið,
verið afar vinsæl í þeim
sögustundum.
Hvaða bækur voru í uppáhaldi
hjá þér þegar þú varst barn?
-Ég átti allar Öddu bækurnar
og las þær oft. Kátu bækurnar
voru líka í uppáhaldi sem og
bækurnar um Siggu og
skessuna í fjallinu. Fyrsta stóra
bókin sem ég las gæti hafa
verið Kapítóla eða Pollýanna.
Hvers konar bækur lestu helst?
-Ég les helst skáldsögur bæði
íslenskar og erlendar, einnig
les ég fræðibækur sem tengjast
starfi mínu. Plöntuhandbókin
og fuglahandbókin eru alltaf
við hendina. Ég hef líka gaman
af að lesa ljóð en geri það
sjaldnar.
Hver er uppáhaldsbókin af
þeim sem þú hefur lesið
gegnum tíðina?-Tvær gamlar
konur eftir Velmu Wallis
kemur fyrst í huga minn,
yndisleg bók með góðan
boðskap. Himnaríki og helvíti
eftir Jón Kalman er gullmoli.
Karitas og Óreiða á striga eftir
Kristínu Marju Baldursdóttur
eru stórkostlegar ég gat ekki
lesið neitt í nokkrar vikur eftir
að ég las þær.
Hverjir eru þínir uppáhalds-
rithöfundar og hvers vegna?
-Einar Már Guðmundson og
Einar Kárason segja bara svo
vel og skemmtilega frá. Arto
Paasilinna er líka frábær
höfundur, það er mjög
hugmyndaríkur, fyndinn og
ýtir alltaf við manni.
Hvaða bók/bækur eru á
náttborðinu hjá þér þessa
dagana? -Hvít fiðrildi sem ég
fékk lánaða hjá tengdamömmu
minni, Mindset, skrifuð af
Carol Dweck sem er þróunar-
sálfræðingur, einnig er bókin
Gæfuspor - gildin í lífinu aldrei
langt frá mér, Gunnar
Hersveinn skrifar.
Ertu fastagestur á einhverju
bókasafni? -Ég hef verið
fastagestur á Héraðbókasafni
Húnvetninga en eftir að við
settum upp skiptibókahillu í
vinnunni næ ég mér oftast í
lesefni þar.
Áttu þér uppáhaldsbókabúð?
-Nei ekki neina uppáhalds en
get dvalið ansi lengi í bóka-
búðum.
Hvað áttu margar bækur í
bókahillunum heima hjá þér?
-Um 800 bækur, svo eigum við
annað eins í kössum.
Hvað kaupirðu eða eignast að
jafnaði margar nýjar bækur
yfir árið? -Kannski svona þrjár.
Eru ákveðnir höfundar/bækur
sem þú færð „alltaf“ í jólagjöf?
-Einar Már Guðmundsson.
Hefur þú heimsótt staði sem
tengjast bókum eða rithöf-
undum þegar þú ferðast um
landið eða erlendis? -Já ég hef
heimsótt og skoðað sögusvið
Önnu í Grænuhlíð. Einnig
skoðaði ég húsið þar sem
Anna Frank og fjölskylda
földu sig fyrir nasistum.
Ógleymanleg heimsókn og
átakanleg.
Ef þú ættir að gefa einhverjum
sem þér þykir vænt um bók,
hvaða bók yrði þá fyrir valinu?
Gæfuspor - gildin í lífinu eftir
Gunnar Hersvein.
Sigríður Bjarney. MYND ÚR EINKASAFNI
( BÓK-HALDIÐ ) frida@feykir.is
Les Alla Nalla og tunglið fyrir
barnabörnin gegnum Skype
Sigríður Bjarney Aadnegard á Blönduósi / skólastjóri í Húnavallaskóla
Bækurnar á náttborðinu. MYND ÚR EINKASAFNI
Þjálfaraskipti hjá Tindastól
Siggi Donna kemur í stað Gauja
Guðjón Örn Jóhannsson hefur
ákveðið að segja skilið við
þjálfun meistaraflokks karla og
hefur nú þegar hætt störfum.
Guðjón var samningslaus við
félagið og hefur því engar kvaðir
gegn því. Það skal tekið fram að
þetta er gert í samkomulagi milli
Guðjóns og stjórnar og er alfarið
hans ákvörðun. Bjarki Már Árna-
son mun áfram sinna þjálfun mfl.
kk. honum til aðstoðar verður
reynsluboltinn Sigurður Halldórsson – Siggi Donna. Stjórnin vill
þakka Guðjóni fyrir hans framlag og starf í þágu félagsins á
undanförnum árum og óskar honum alls hins besta. /FRÉTTATILKYNNING
Sigurður Halldórsson, Siggi Donna.
MYND:AF FACEBOOK.
2. deild karla : Vestri – Tindastóll 1-1
Stólarnir nældu í gott stig
Átjánda umferðin í 2. deild
karla í knattspyrnu var leikin sl.
laugardag og fengu Stólarnir
það strembna verkefni að
heimsækja Vestra á Ísafirði.
Þrátt fyrir að spila einum
færri megnið af leiknum
náðu Stólarnir í dýrmætt stig
í fallbaráttunni en lokatölur
voru 1-1 og liðið fór upp í 10.
sæti deildarinnar og því ekki
lengur í fallsæti.
Snemma leiks átti Konni
aukaspyrnu sem hafnaði í
stönginni eftir viðkomu í
vanarvegg Vestramanna. Fyrsta
mark leiksins kom á 14. mínútu
en þá fengu heimamenn á
Ísafirði víti eftir að Andrew Pew
átti hörkuskot eftir hornspyrnu
en Arnar Skúli var svo óheppinn
að verja með tilþrifum með
hendinni – sem hefði verið í lagi
væri hann markvörður. Dómar-
inn dæmdi víti og sýndi Arnari
Skúla rauða spjaldið þrátt fyrir
nokkrar mótbárur. Sergine
Modou Fall skoraði úr spyrn-
unni en Santiago var hársbreidd
frá því að verja.
Eftir rúmar 20. mínútur var
lukkan með Stólunum þegar
heimamenn skutu boltanum í
þverslá en þaðan fór boltinn í
Santiago markvörð en snúning-
urinn á boltanum var
Úrúgvæanum hliðhollur því
hann snérist af marklínunni og í
hendurnar á Santiago. Hann
dúndraði boltanum umsvifa-
laust út í sjó þar sem Hólmar
Skúla lá meiddur á vellinum.
Heimamenn voru frekar súrir
þar sem þetta var þriðji boltinn
sem fór í sjóinn þegar þarna var
komið í leiknum. Hugað var að
Hólmari utan vallar en leikurinn
fór í gang á ný og Stólarnir náðu
að koma boltanum á Konna sem
sendi fram hægri kantinn þar
sem Arnar Ólafs missti af
boltanum. Vestramenn sendu
þvert inn á miðjuna þar sem
Stefan Lamanna kom askvað-
andi og stal boltanum, lék inn á
vítateig Vestra og sendi laglega
fyrir markið þar sem Arnar var
mættur og potaði boltanum í
markið. Þetta gerðu Stólarnir á
meðan þeir voru níu á vellinum.
Leikmenn Vestra pressuðu í
síðari hálfleik en leikmenn
Tindastóls gáfu hvergi eftir og
fögnuðu að lokum sætu stigi á
erfiðum útivelli. Vel að verki
staðið, ekki síst í ljósi þess að
liðið var án Bjarka þjálfara og
varnartrölls sem tók út leikbann.
Næsti leikur Tindastóls
verður á Fáskrúðsfirði en þá
verða fimm leikmenn í
leikbanni. /ÓAB
Arnar Ólafsson jafnar fyrir Tindastól eftir sendingu Lamanna. SKJÁSKOT
10 32/2018