Feykir - 19.09.2018, Blaðsíða 2
Ég sá um daginn að einhverjir Facebookvinir mínir höfðu
póstað hneykslun sinni á þáttarstjórnanda í Samfélaginu á
Rás eitt á RÚV, sem hafði farið á sláturhús og rætt við
einhverja innanhúss-menn þar.
Ég heyrði ekki við-talið sjálfur
en stjórnandinn, „kona á besta
aldri“, afsakaði sig í sama þætti
daginn eftir, sagði frá mistökum
sínum og þeim viðbrögðum
sem þau höfðu kallað fram hjá
fólki. Hafði hún séð umræðuna
á Facebook og fengið ófáar
sendingar til sín í rafrænu
formi.
Í þættinum viðurkenndi hún vankunnáttu sína gagnvart
slátrun almennt og ýmsu sem henni tengist. Þar sagðist hún
m.a. hafa uppgötvað það að fólk sem ynni við slátrun hefði
sérstök starfsheiti eins og fláningamenn, eða réttara
fláningsmenn (hún nefndi ekki hæklara, innanúrtökumenn
né matsmenn svo einhverjir aðrir séu nefndir). Þetta voru
ný fræði fyrir hana og einkar áhugaverð og þeir flá lömbin
en hamfletta ekki.
Við sem höfum unnið á sláturhúsi getum gert grín að
þessu og fundist viðkomandi algjör vitleysingur að vita þetta
ekki eða yfir höfuð ekki vita neitt um slátrun þar sem flestir
Íslendingar hafa einhvern tímann á sinni lífsleið komið
nærri þeirri vinnu, annað hvort á sláturhúsum eða í
heimaslátrun í sveitinni.
En stöldrum nú aðeins við.
Þeir eru kannski ekki margir áratugirnir síðan bændur
og búalið flykktust í bæinn til að taka þátt í sláturtíðinni og
viðhéldu kunnáttu sinni í fræðunum. Unga fólkið sem ekki
fór í framhaldsskóla fjölmennti líka í sláturhúsin og fékk
sinn skerf í menningunni. En þetta er liðin tíð.
Nú eru sláturhúsin mönnuð erlendum slátrurum en
örfáir Íslendingar sjást þar innan um. Þekkingin er hætt að
berast á milli kynslóða, nema kannski í undantekninga-
tilfellum í sveitinni, og hún á eftir að minnka enn meir, eftir
því sem sauðfjárbændum fækkar. Ég er ekki viss um að
margir unglingar í dag hafi verið viðstaddir slátrun og
kunna þar af leiðandi ekki einhver orð eða heiti henni
tengdri.
Ég man sjálfur eftir því þegar mér var sagt ungum að taka
hjartað úr gollurshúsinu. „Hvaða andskotans hús er það,“
hugsaði ég þá. Ég veit það núna af því að mér var sagt það.
Páll Friðriksson,
ritstjóri
LEIÐARI
Af hamflettingu lambaskrokka
Útgefandi: Nýprent ehf., Borgarflöt 1, Sauðárkróki
Póstfang Feykis: Borgarflöt 1, 550 Sauðárkrókur
Ritstjóri & ábyrgðarmaður:
Páll Friðriksson, palli@feykir.is & 861 9842
Blaðamenn:
Fríða Eyjólfsdóttir, frida@feykir.is & 867 9744,
Óli Arnar Brynjarsson, oli@feykir.is
Áskriftarverð: 530 kr. hvert tölublað með vsk.
Lausasöluverð: 650 kr. m.vsk.
Áskrift og dreifing: Nýprent ehf. Sími 455 7171.
Umbrot og prentun: Nýprent ehf.
Óháð fréttablað á Norðurlandi vestra - alltaf á miðvikudögum
Sjö skip og bátar lönduðu á Sauðárkróki í
síðustu viku og var samanlagður afli þeirra
rúmt 551 tonn.
Af þeim var Málmey SK 1 aflahæst með
tæp 184 tonn. Einn bátur landaði á Hofsósi
965 kílóum og á Skagaströnd landaði 21
bátur rúmum 234 tonnum, Kristinn SH 812
var þeirra aflahæstur með 52 tonn.
Heildarafli vikunnar á Norðurlandi vestra
var 786.648 kíló. /FE
Aflatölur 9. – 15. september 2018 á Norðurlandi vestra
Málmey með 184 tonn
SKIP/BÁTUR VEIÐARFÆRI KG SKIP/BÁTUR VEIÐARFÆRI KG
SKAGASTRÖND
Alda HU 112 Lína 23.522
Blíðfari HU 52 Handfæri 1.767
Blær HU 77 Landbeitt ína 1.209
Bogga í Vík HU 6 Handfæri 937
Daðey GK 777 Lína 25.187
Dísa HU 91 Handfæri 1.182
Dóra ST 225 Handfæri 815
Dúddi Gísla GK 48 Lína 13.130
Fengsæll HU 56 Handfæri 1.110
Garpur HU 58 Handfæri 774
Guðbjörg GK 666 Lína 42.780
Guðmundur á Hópi HU 203 Lína 18.334
Hafrún HU 12 Dragnót 3.933
Hulda GK 17 Lína 10.429
Kópur HU 118 Handfæri 928
Kristinn SH 812 Landbeitt lína 52.090
Magnús HU 23 Landbeitt lína 8.955
Óli á Stað GK 99 Lína 6.346
Rán GK 91 Landbeitt lína 7.350
Sævík GK 757 Lína 11.479
Sæunn HU 30 Handfæri 2.265
Alls á Skagaströnd 234.522
SAUÐÁRKRÓKUR
Drangey SK 2 Botnvarpa 168.300
Fjölnir GK 157 Lína 83.381
Hafey SK 10 Handfæri 1.325
Kristín GK 457 Lína 70.935
Málmey SK 1 Botnvarpa 183.666
Onni HU 36 Dragnót 18.355
Sigurborg SH 12 Rækjuvarpa 25.199
Alls á Sauðárkróki 551.161
HOFSÓS
Skotta SK 138 Handfæri 965
Alls á Hofsósi 965
Riða greinist í Skagafirði
Staðfest á bænum Vallanesi
Riðuveiki hefur verið staðfest
á bænum Vallanesi í Skagafirði.
Síðast greindist riða á þessu
svæði árið 2016 á bæjunum
Brautarholti og Stóru-Gröf
ytri. Matvælastofnun vinnur
nú að öflun upplýsinga og
undirbúningi aðgerða.
Á heimasíðu MAST kemur
fram að riðan hafi greinst í sýni
úr kind frá bænum þar sem nú
eru um 370 fjár. Sýnið var tekið
samkvæmt skimunaráætlun
Matvælastofnunar við slátrun í
sláturhúsi. Átta önnur slátur-
húsasýni frá búinu voru einnig
rannsökuð í sömu sendingu og
reyndust neikvæð. Ekki hafði
orðið vart neinna sjúkdómsein-
kenna eða óeðlilegra affalla.
Sýnin voru rannsökuð á
Tilraunastöð Háskóla Íslands að
Keldum. Mikill fjöldi sýna
verður tekinn við komandi
haustslátrun og rannsökuð með
tilliti til skimunar á riðu.
Búið er í Húna- og Skagahólfi
og í því hólfi hefur riðuveiki
komið upp á 20 búum á
undanförnum 20 árum en á
þessu búi greindist veikin síðast
árið 2007. Riðuveiki hefur
komið upp á mörgum bæjum
kringum Varmahlíð í gegnum
tíðina og um þekkt riðusvæði er
að ræða.
Héraðsdýralæknir vinnur nú
að öflun faraldsfræðilegra
upplýsinga og úttektar á búinu til
að meta umfang aðgerða við
förgun fjár, þrif og sótthreinsun.
Því næst fer málið í hefðbundið
ferli hvað varðar gerð samnings
um niðurskurð. /PF
Frjálsa kótelettufélagið
Fagnar fjögurra ára afmæli
Í Austur-Húnavatnssýslu starfar félagsskap-
urinn Frjálsa kótelettufélagið og mun það
fagna fjögurra ára afmæli þann 26. september
næstkomandi. Félagið hefur á þessum árum
verið mjög öflugt og hefur haldið um 20
kótelettukvöld í Eyvindarstofu á Blönduósi við
miklar vinsældir.
Húni.is segir frá því að til standi að halda eitt
slíkt laugardagskvöldið 29. september klukkan
19:30 og hafa margir skráð sig til þátttöku nú þegar.
Kóteletturnar sem bornar verða fram koma sem
áður frá SAH-Afurðum Blönduósi og segir í frétt
Húna.is að Björn Þór og félagar hjá B&S muni nota
sömu aðferðir og sambærilegt meðlæti og
húnvetnskar ömmur notuðu við undirbúning og
eldamennsku hér á árum áður. Veislustjóri á
kótelettukvöldi verður Vilhjálmur Egilsson, rektor
háskólans á Bifröst, fyrrverandi þingmaður Sjálf-
stæðisflokksins á Norðurlandi vestra. Fjöldasöng-
stjóri verður Þórhallur Barðason. /FE
Verndarsvæði í byggð
Íbúafundur á Hofsósi
Á mánudaginn var haldinn
íbúafundur í Höfðaborg á
Hofsósi um verndarsvæði í
byggð. Farið var yfir stöðu
verkefnisins og í framhaldi
óskað eftir hugmyndum,
umræðu og ábendingum
varðandi það.
Ekki var fjölmennt en
óskað hafði verið eftir því að
íbúar legðu sitt af mörkum til
að móta verkefnið svo svæðið
megi þróast í sátt við íbúa og
umhverfi.
Lög um verndarsvæði í
byggð voru sett árið 2015 og
byggist verkefnið á þeim.
Tilgangur laganna er að stuðla
að verndun einstakra bæjar-
hluta í kaupstöðum og bæjum
landsins með það að markmiði
að vernda menningarsögulegt
og listrænt gildi einstakra
bæjarhluta um ókomna tíð
ásamt því að bæta umhverfið
og auka aðdráttarafl hverfa og
bæjarhluta. /FE
2 35/2018